എം​സി റോ​ഡി​ല്‍ അ​റ്റ​കു​റ്റ​പ്പ​ണി; ഏ​ഴു വ​ര്‍​ഷ​ത്തെ ക​രാ​റാ​യി
Wednesday, December 7, 2022 9:50 PM IST
കു​റ​വി​ല​ങ്ങാ​ട്: കാ​ടു​ക​യ​റി​യും കു​ണ്ടും​കു​ഴി​യു​മാ​യി ഇ​നി എം​സി റോ​ഡി​നെ കാ​ണേ​ണ്ടി​വ​രി​ല്ല. ഒ​പി​ബി​ആ​ര്‍​സി (ഔ​ട്ട്പു​ട്ട് ബേ​സ്ഡ് റ​ണ്ണിം​ഗ് കോ​ണ്‍​ട്രാ​ക്‌​ട്) എ​ന്ന പേ​രി​ലു​ള്ള പ​ദ്ധ​തി​യി​ല്‍ ജി​ല്ല​യി​ലെ എം​സി റോ​ഡും ഇ​ടം നേ​ടി​യ​തോ​ടെ​യാ​ണ് എം​സി റോ​ഡി​നു ശാ​പ​മോ​ക്ഷ​മാ​യത്.

ജി​ല്ല​യി​ലെ മ​റ്റ് പ്ര​ധാ​ന റോ​ഡു​ക​ള​ട​ക്കം ഈ ​പ​ദ്ധ​തി​യി​ല്‍ ഉ​ള്‍​പ്പെ​ട്ടി​ട്ടു​ണ്ട്. ക​രാ​റി​ല്‍ ഉ​ള്‍​പ്പെ​ടു​ന്ന റോ​ഡി​ല്‍ ഏ​ഴു വ​ര്‍​ഷ​ത്തേ​ക്ക് അ​ടി​യ​ന്ത​ര പ​ണി​ക​ളെ​ല്ലാം ക​രാ​റു​കാ​ര്‍ ന​ട​പ്പി​ലാ​ക്കും. രാ​ജി മാ​ത്യു ആൻഡ് കന്പനിയാണ് ക​രാ​ർ ഏ​റ്റെ​ടു​ത്തി​രി​ക്കു​ന്ന​ത്.

മു​ന്പു പ്ര​ത്യേ​ക പ്രോ​ജ​ക്‌​ട് പാ​സാ​യി ഫ​ണ്ട് ല​ഭ്യ​മാ​ക്കി ന​ട​ത്തേ​ണ്ടി​യി​രു​ന്ന മെ​ല്ലെ​പ്പോ​ക്കു​ക​ളെ​ല്ലാം പു​തി​യ ക​രാ​റോ​ടെ ഇ​ല്ലാ​താ​കും. റോ​ഡി​ല്‍ കാ​ടു​വ​ള​രു​ന്ന​തും ചെ​റി​യ കു​ഴി​ക​ള്‍ രൂ​പ​പ്പെ​ടു​ന്ന​തും സീ​ബ്രാ ലൈ​നു​ക​ള​ട​ക്കം മാ​ഞ്ഞു​പോ​കു​ന്ന​തു​മൊ​ക്കെ ഈ ​ക​രാ​റു​കാ​ര​ന്‍ പ​രി​ഹ​രി​ക്കു​മെ​ന്ന​താ​ണു നേ​ട്ടം.

ഓ​ട​ക​ളു​ടെ സ്ലാ​ബ് ത​ക​രു​ന്ന​ത​ട​ക്ക​മു​ള്ള പ്ര​ശ്‌​ന​ങ്ങ​ള്‍​ക്കും പ​രി​ഹാ​ര​മാ​കും. എം​സി റോ​ഡി​നെ​ക്കൂ​ടാ​തെ പൊ​ന്‍​കു​ന്നം-​തൊ​ടു​പു​ഴ (വെ​ങ്ങാ​ലൂ​ര്‍), മൂ​ന്നാ​ര്‍-​വ​ട്ട​വ​ട തു​ട​ങ്ങി​യ റോ​ഡു​ക​ളും ഈ ​പ​ദ്ധ​തി​യി​ല്‍​പ്പെ​ടു​ന്നു. പൊ​തു​മ​രാ​മ​ത്ത് കോ​ട്ട​യം മെ​യി​ന്‍റ​ന​ന്‍​സ് സ​ബ്ഡി​വി​ഷ​നി​ല്‍ കോ​ട്ട​യം, എ​റ​ണാ​കു​ളം, ആ​ല​പ്പു​ഴ ജി​ല്ല​ക​ളി​ലാ​യി 107 കി​ലോ​മീ​റ്റ​ര്‍ റോ​ഡ് ഒ​പി​ബി​ആ​ര്‍​സി പദ്ധ​തി​യി​ല്‍ ഉ​ള്‍​പ്പെ​ടു​ത്തി​യി​ട്ടുണ്ട്.

എം​സി റോ​ഡി​ല്‍ കോ​ട്ട​യം ഐ​ഡ ജം​ഗ്ഷ​ന്‍ മു​ത​ല്‍ പു​തു​വേ​ലി വ​രെ​യു​ള്ള 38 കി​ലോ​മീ​റ്റ​ര്‍ എം​സി റോ​ഡ് സ​ബ്ഡി​വി​ഷ​ന്‍ പ​രി​ധി​യി​ല്‍ ഉ​ള്‍​പ്പെ​ടു​ന്നു. കെ​എ​സ്ടി​പി​യു​ടെ നേ​തൃ​ത്വ​ത്തി​ലാ​ണ് ഈ ​ക​രാ​ര്‍ ന​ട​പ്പി​ലാ​ക്കു​ന്ന​ത്.

‌പൊ​തു​മ​രാ​മ​ത്ത് മെ​യി​ന്‍റ​ന​ന്‍​സ് വി​ഭാ​ഗ​ത്തി​നാ​ണ് മേ​ല്‍​നോ​ട്ട ചു​മ​ത​ല. എം​സി റോ​ഡ് നാ​ളു​ക​ളാ​യി കാ​ടു​ക​യ​റി കി​ട​ന്നി​രു​ന്ന​തു നാ​ടി​ന് നാ​ണ​ക്കേ​ടാ​യി​രു​ന്നു​വെ​ന്ന​തി​നൊ​പ്പം കാ​ല്‍​ന​ട​യാ​ത്ര​ക്കാ​ര്‍​ക്ക് വ​ലി​യ ഭീ​ഷ​ണി​യു​മാ​യി​രു​ന്നു.

Copyright @ 2022 , Rashtra Deepika Ltd.