വാ​ട്ട​ർ അ​ഥോ​റി​റ്റി​യു​ടെ മെ​ല്ലെ​പ്പോ​ക്കി​ൽ വലഞ്ഞ് ജ​നം
Monday, December 5, 2022 11:59 PM IST
അ​തി​ര​മ്പു​ഴ: ജ​ൽ​ജീ​വ​ൻ പ​ദ്ധ​തി​യു​ടെ ഭാ​ഗ​മാ​യു​ള്ള പൈ​പ്പ് ലൈ​ൻ സ്ഥാ​പി​ക്ക​ൽ അ​ന​ന്ത​മാ​യി നീ​ളു​ന്ന​ത് ജ​ന​ത്തെ വ​ല​യ്ക്കു​ന്നു. ഒ​രു വ​ർ​ഷ​ത്തി​ലേ​റെ​യാ​യി തു​ട​രു​ന്ന പൈ​പ്പ് ലൈ​ൻ സ്ഥാ​പി​ക്ക​ൽ എ​ന്ന് പൂ​ർ​ത്തി​യാ​ക്കാ​നാ​കു​മെ​ന്ന് വാ​ട്ട​ർ അ​ഥോ​റി​റ്റി​ക്കു പോ​ലും അ​റി​യാ​ൻ വ​യ്യാ​ത്ത സ്ഥി​തി​യി​ലാ​ണ്.
സ​മ​യ​ബ​ന്ധി​ത​മാ​യി
ചെ​യ്യു​ന്നി​ല്ല
ചി​ല വാ​ർ​ഡു​ക​ളി​ൽ ഒ​രു വ​ർ​ഷം മു​മ്പ് പൂ​ർ​ത്തി​യാ​ക്കി​യ പൈ​പ്പ് ലൈ​ൻ സ്ഥാ​പി​ക്ക​ൽ ഇ​നി​യും തു​ട​ങ്ങാ​ത്ത വാ​ർ​ഡു​ക​ളു​മു​ണ്ട്. ഡി​സം​ബ​ർ 31നു ​മു​മ്പ് ജോ​ലി​ക​ൾ പൂ​ർ​ത്തി​യാ​ക്കേ​ണ്ട​താ​ണെ​ന്നാ​ണ് അ​റി​യു​ന്ന​ത്. ഇ​പ്പോ​ഴ​ത്തെ നി​ല​യി​ൽ 22 വാ​ർ​ഡു​ക​ളി​ലും ജോ​ലി​ക​ൾ പൂ​ർ​ത്തി​യാ​ക്കാ​നു​ള്ള സാ​ധ്യ​ത കു​റ​വാ​ണ്.
ക​രാ​റു​കാ​ർ തോ​ന്നുംപ​ടി;
ഉ​ദ്യോ​ഗ​സ്ഥ​രും തഥൈവ
പ​ഞ്ചാ​യ​ത്ത് മെം​ബ​ർ​മാ​ർ ഉ​ൾ​പ്പെ​ടെ​യു​ള്ള​വ​രു​ടെ പ​രാ​തി​യാ​ണി​ത്. ഉ​ദ്യോ​ഗ​സ്ഥ​ർ കൃ​ത്യ​മാ​യി ജോ​ലി​ക​ൾ നി​രീ​ക്ഷി​ക്കു​ന്നി​ല്ല. പ​ണി തു​ട​ങ്ങു​ന്ന​തി​ന് തൊ​ട്ടു​മു​മ്പ് വി​ളി​ച്ചു പ​റ​യു​മ്പോ​ഴാ​യി​രി​ക്കും വാ​ർ​ഡ് മെം​ബ​ർ പോ​ലും വി​വ​ര​മ​റി​യു​ന്ന​ത്.
മൂടാതെ കു​ഴി​ക​ൾ
പ​ഞ്ചാ​യ​ത്ത് റോ​ഡു​ക​ൾ കു​ഴി​ച്ച് പൈ​പ്പ് സ്ഥാ​പി​ച്ച ശേ​ഷം കു​ഴി​ക​ൾ യ​ഥാ​വി​ധി മൂ​ടു​ന്നി​ല്ല. കു​ഴി​ക​ൾ മ​ണ്ണി​ട്ട് മൂ​ടു​ക മാ​ത്ര​മാ​ണ് ചെ​യ്തി​രി​ക്കു​ന്ന​ത്.
മ​ഴ പെ​യ്ത​തോ​ടെ മ​ണ്ണ് ഒ​ലി​ച്ചു​പോ​കു​ക​യും വീ​ണ്ടും കു​ഴി​ക​ൾ രൂ​പ​പ്പെ​ടു​ക​യും ചെ​യ്തു. വാ​ഹ​ന​ങ്ങ​ൾ താ​ഴാ​ത്ത ഒ​റ്റ റോ​ഡ് പോ​ലും അ​തി​ര​മ്പു​ഴ പ​ഞ്ചാ​യ​ത്തി​ൽ ഇ​ല്ലാ​ത്ത അ​വ​സ്ഥ​യാ​ണി​പ്പോ​ൾ.
ടാ​ർ ചെ​യ്യാ​ൻ ഫ​ണ്ടി​ല്ല
പൈ​പ്പ് സ്ഥാ​പി​ക്കാ​ൻ കു​ഴി​ച്ച റോ​ഡു​ക​ൾ ടാ​ർ ചെ​യ്ത് പൂ​ർ​വ സ്ഥി​തി​യി​ലാ​ക്കാ​നു​ള്ള സാ​ധ്യ​ത​യി​ല്ല.
കു​ഴി​ച്ച റോ​ഡ് വാ​ട്ട​ർ അ​ഥോ​റി​റ്റി കോ​ൺ​ക്രീ​റ്റ് ചെ​യ്ത് അ​ട​യ്ക്കു​ക​യേ ഉ​ള്ളു​വെ​ന്ന് മ​ന്ത്രി അ​റി​യി​ച്ച​താ​യി പ​ഞ്ചാ​യ​ത്ത് അ​ധി​കൃ​ത​ർ പ​റ​യു​ന്നു.
ഇ​ത്ര​യും റോ​ഡു​ക​ൾ ഒ​രേ സ​മ​യം ടാ​ർ ചെ​യ്യാ​നു​ള്ള ഫ​ണ്ട് പ​ഞ്ചാ​യ​ത്തി​നി​ല്ല. ഫ​ല​ത്തി​ൽ 22 വാ​ർ​ഡു​ക​ളി​ലെ​യും റോ​ഡ് പൊ​ളി​ഞ്ഞ നി​ല​യി​ൽ വ​ർ​ഷ​ങ്ങ​ളോ​ളം തു​ട​ർ​ന്നേ​ക്കാം.

Copyright @ 2022 , Rashtra Deepika Ltd.