ഒ​ടി​ഞ്ഞ കാ​ലി​ൽ ഇ​ര​ട്ടിവേ​ഗം; ജ​യിം​സ് ന​ട​ന്നു​നേ​ടി വീ​ണ്ടും സ്വ​ർ​ണമെ​ഡ​ൽ
Monday, December 5, 2022 10:26 PM IST
എ​രു​മേ​ലി: കി​ണ​റ്റി​ൽ വീ​ണ് കാ​ലൊ​ടി​ഞ്ഞ കൂ​ലി​പ്പ​ണി​ക്കാ​ര​നാ​യ ജ​യിം​സ് ന​ട​ന്നു​നേ​ടി​യ സ​മ്മാ​ന​ങ്ങ​ൾ​ക്ക്‌ തി​ള​ക്കം കൂ​ട്ടു​ക​യാ​ണ് ക​ഴി​ഞ്ഞ ദി​വ​സം ഒ​ന്നാം സ​മ്മാ​ന​മാ​യി കി​ട്ടി​യ സ്വ​ർ​ണ​മെ​ഡ​ൽ. എ​രു​മേ​ലി ച​ര​ള ക​ണ്ണ​ങ്ക​ര കോ​ള​നി സ്വ​ദേ​ശി​യാ​ണ് പ​ടി​പ്പ​റ​മ്പി​ൽ ജ​യിം​സ്. ഇ​ക്ക​ഴി​ഞ്ഞ നാ​ലി​ന് തി​രു​വ​ന​ന്ത​പു​ര​ത്ത് സെ​ൻ​ട്ര​ൽ സ്റ്റേ​ഡി​യ​ത്തി​ൽ ന​ട​ന്ന സം​സ്ഥാ​ന വെ​റ്റ​റ​ൻ​സ് അ​ത്‌ലറ്റി​ക് മീ​റ്റി​ൽ അ​ഞ്ച് കി​ലോ​മീ​റ്റ​ർ ന​ട​ത്ത​മ​ത്സ​ര​ത്തി​ലാ​ണ് ജ​യിം​സ് സ്വ​ർ​ണം സ്വ​ന്ത​മാ​ക്കി​യ​ത്.
വ​ർ​ഷ​ങ്ങ​ൾ​ക്ക്‌ മു​മ്പ് വീ​ട്ടി​ൽ കി​ണ​ർ വൃ​ത്തി​യാ​ക്കാ​ൻ ഇ​റ​ങ്ങി​യ​പ്പോ​ൾ പി​ടി​വി​ട്ട് കി​ണ​റ്റി​ൽ വീ​ണ് ജ​യിം​സി​ന്‍റെ കാ​ൽ ഒ​ടി​യു​ക​യാ​യി​രു​ന്നു. ടാ​പ്പിം​ഗ് തൊ​ഴി​ലാ​ളി​യാ​യ ജ​യിം​സ് ഇ​തോ​ടെ പ​ണി​ക്കു പോ​കാ​ൻ ക​ഴി​യാ​തെ മാ​സ​ങ്ങ​ളോ​ളം കി​ട​പ്പി​ലാ​യി. ചി​കി​ത്സ​ക​ൾ​ക്ക് ശേ​ഷം പ​തി​യെ ഊ​ന്നു​വ​ടി​യു​ടെ സ​ഹാ​യ​ത്തോ​ടെ ന​ട​ക്കാ​ൻ തു​ട​ങ്ങി.
കു​ടും​ബം പോ​റ്റാ​ൻ വീ​ണ്ടും കൂ​ലി​പ്പ​ണി​ക്കി​റ​ങ്ങി​യ ജ​യിം​സി​ന് കാ​ലി​ന്‍റെ സ്വാ​ധീ​ന​ക്കു​റ​വ് ഏ​റെ സ​ങ്ക​ട​ക​ര​മാ​യി​രു​ന്നു. എ​ന്നാ​ൽ പ​ഴ​യ​തു​പോ​ലെ ന​ട​ക്ക​ണ​മെ​ന്ന വാ​ശി​യി​ൽ ദി​വ​സ​വും ടാ​പ്പിം​ഗ് ജോ​ലി​ക്കാ​യി പ്ര​യാ​സ​ങ്ങ​ൾ സ​ഹി​ച്ച് കി​ലോ​മീ​റ്റ​റു​ക​ൾ ന​ട​ന്ന​തോ​ടെ കാ​ലി​ന് പ​ഴ​യ ബ​ലം വ​ന്നു​തു​ട​ങ്ങു​ക​യാ​യി​രു​ന്നു. അ​പ്പോ​ഴേ​ക്കും ജ​യിം​സി​ന്‍റെ ന​ട​ത്ത​ത്തി​ന് വേ​ഗം കൂ​ടി​ക്കൊ​ണ്ടി​രു​ന്നു. ഇ​തു ശ്ര​ദ്ധി​ച്ച നാ​ട്ടു​കാ​ർ ന​ട​ത്തമ​ത്സ​ര​ത്തി​നു പൊ​യ്ക്കൂ​ടേ എ​ന്ന് ചോ​ദി​ച്ചു​തു​ട​ങ്ങി​യ​തോ​ടെ ജ​യിം​സ് മ​ത്സ​ര​രം​ഗ​ത്ത് എ​ത്തു​ക​യാ​യി​രു​ന്നു.
അ​ന്നു​മു​ത​ൽ ഇ​ങ്ങോ​ട്ട് ല​ഭി​ച്ച​താ​ക​ട്ടെ 70 ൽ ​അ​ധി​കം വി​ജ​യ​ങ്ങ​ളും അ​വ​യ്ക്കു​ള്ള സ​മ്മാ​ന​ങ്ങ​ളും സ​ർ​ട്ടി​ഫി​ക്ക​റ്റു​ക​ളും. ദേ​ശീ​യ ത​ല​ത്തി​ൽ​വ​രെ മെ​ഡ​ലു​ക​ൾ നേ​ടി. അ​ച്ഛ​ന്‍റെ പ​രി​ശീ​ല​നം ക​ണ്ട് മ​ക​ൻ ജെസ് ജ​യിം​സും ന​ട​ത്ത​ത്തി​ൽ വേ​ഗ​ത നേ​ടി സ്കൂ​ൾ​ത​ലം മു​ത​ൽ യൂ​ണി​വേ​ഴ്‌​സി​റ്റി​ത​ല​ത്തി​ൽ വ​രെ വി​ജ​യ​ങ്ങ​ൾ നേടി.
ടാ​പ്പിം​ഗ് ക​ഴി​ഞ്ഞാ​ൽ കൃ​ഷി​യാ​ണ് ജ​യിം​സി​ന്‍റെ ഉ​പ​ജീ​വ​ന മാ​ർ​ഗം. നാ​ട​ൻ ക​പ്പ കൃ​ഷി ചെ​യ്ത് വി​ള​വു​ക​ളു​മാ​യി വീ​ടി​ന് അ​ടു​ത്ത് റോ​ഡ​രി​കി​ൽ വി​ൽ​ക്കും. കൃ​ഷി​യും ന​ട​ത്ത​വും മി​ക​ച്ച​താ​ക്കി​യ ജ​യിം​സി​നെ എ​രു​മേ​ലി സ​ർ​വീ​സ് സ​ഹ​ക​ര​ണ ബാ​ങ്ക് അ​ധി​കൃ​ത​ർ ബ​ഹു​മ​തി ന​ൽ​കി ആ​ദ​രി​ച്ചി​രു​ന്നു. എ​രു​മേ​ലി ഗ്രാ​മ​പ​ഞ്ചാ​യ​ത്ത്‌ ഭ​ര​ണ​സ​മി​തി​യും വ്യാ​പാ​രി സം​ഘ​ട​ന​യും ബ​ഹു​മ​തി ന​ൽ​കി​യി​രുന്നു.

Copyright @ 2022 , Rashtra Deepika Ltd.