കോട്ടയം: എംജി യൂണിവേഴ്‌സിറ്റിക്കു കീഴിലുള്ള കോളജുകളില്‍ ഇന്നലെ നടന്ന യൂണിയന്‍ തെരഞ്ഞെടുപ്പില്‍ എസ്എഫ്ഐയും കെഎസ്‌യുവും വിജയം അവകാശപ്പെട്ടു. നാല് ജില്ലകളിലായി തെരഞ്ഞെടുപ്പ് നടന്ന 130 കോളജുകളില്‍ 116 ഇടത്ത് വിജയിച്ചതായി എസ്എഫ്ഐ അവകാശപ്പെട്ടു.
കോട്ടയം ജില്ലയില്‍ തെരഞ്ഞെടുപ്പ് നടന്ന 38 കോളജുകളില്‍ 37 ഇടത്ത് എസ്എഫ്ഐ വിജയിച്ചതായി നേതൃത്വം അവകാശപ്പെട്ടു. ചങ്ങനാശേരി എസ്ബി കോളജ് കെഎസ്‌യുവില്‍നിന്ന് തിരിച്ചുപിടിച്ചു. വൈക്കം ശ്രീമഹാദേവ കോളജ്, സെന്‍റ് സേവ്യേഴ്‌സ് കൊതവറ, തലയോലപ്പറമ്പ് ഡിബി കോളജ്, വിശ്വഭാരതി കോളജ് ഞീഴൂര്‍, കീഴൂര്‍ ഡിബി കോളജ്, ഐഎച്ച്ആര്‍ഡി ഞീഴൂര്‍, ദേവമാത കോളജ് കുറവിലങ്ങാട്, സിഎസ്ഐ ലോ കോളജ് കാണക്കാരി, എസ്ടിഎഎസ് പുല്ലരിക്കുന്ന്, ഏറ്റുമാനൂരപ്പന്‍ കോളജ്, എസ്എംഇ കോളജ് ഗാന്ധിനഗര്‍, ഐസിജെ പുല്ലരിക്കുന്ന്, സെന്‍റ് തോമസ് പാലാ, സെന്‍റ് സ്റ്റീഫന്‍സ് ഉഴവൂര്‍, എസ്എന്‍പിസി പൂഞ്ഞാര്‍, എംഇഎസ് ഈരാറ്റുപേട്ട, സെന്‍റ് ജോര്‍ജ് അരുവിത്തുറ, ഹെന്റി ബേക്കര്‍ മേലുകാവ്, എംഇഎസ് എരുമേലി, ശ്രീശബരീശ് മുരിക്കുംവയല്‍, ഷെയര്‍ മൗണ്ട് എരുമേലി, ഐഎച്ച്ആര്‍ഡി കാഞ്ഞിരപ്പള്ളി, എസ്ഡി കോളജ് കാഞ്ഞിരപ്പള്ളി, എസ്‌വിആര്‍ എന്‍എസ്എസ് വാഴൂര്‍, പിജിഎം കോളേജ് കങ്ങഴ, എസ്എന്‍ ചാന്നാനിക്കാട്, ഐഎച്ച്ആര്‍ഡി പുതുപ്പള്ളി, കെജി പാമ്പാടി, സെന്‍റ് മേരീസ് മണര്‍കാട്, ഗവ. കോളജ് നാട്ടകം, സിഎംഎസ് കോളജ് കോട്ടയം, ബസേലിയസ് കോളജ് കോട്ടയം, എസ്എന്‍ കുമരകം, എന്‍എസ്എസ് കോളജ് ചങ്ങനാശേരി, എസ്ബി കോളേജ് ചങ്ങനാശേരി, പിആര്‍ഡിഎസ് കോളജ് ചങ്ങനാശേരി, അമാന്‍ കോളജ് ചങ്ങനാശേരി എന്നിവിടങ്ങളില്‍ ഭരണം നേടിയതായി എസ്എഫ്ഐ അവകാശപ്പെട്ടു.
ജില്ലയിലെ കോളജുകളില്‍ കെഎസ്‌യു മുന്നേറ്റം നടത്തിയതായി നേതാക്കള്‍ അവകാശപ്പെട്ടു. മാന്നാനം കെഇ കോളജില്‍ മുഴുവന്‍ സീറ്റിലും വിജയിച്ച് യൂണിയന്‍ നേടി. നാട്ടകം കോളജ്, കണക്കാരി ലോ കോളജ് ചെയര്‍പേഴ്‌സന്‍ സീറ്റില്‍ കെസ്‌യു വിജയിച്ചു. 40 കൊല്ലത്തിനു ശേഷമാണ് നാട്ടകത്ത് കെഎസ്‌യുവിന് ചെയര്‍മാന്‍ സ്ഥാനം ലഭിക്കുന്നത് സബി പീറ്റര്‍ ചെയര്‍മാന്‍. കങ്ങഴ പിജിഎം കോളജില്‍ നിസാര വോട്ടിനാണ് യൂണിയന്‍ ഭരണം നഷ്‌ടമായതെന്നും കെഎസ്‌യു നേതൃത്വം അറിയിച്ചു.