ചങ്ങനാശേരി: അതിരൂപത കത്തോലിക്ക കോണ്ഗ്രസിന്റെ നേതൃത്വത്തില് നടന്ന മയക്കുമരുന്ന് വിപത്തിനെതിരേയുള്ള മാനവ മോചന സന്ദേശയാത്രയ്ക്ക് പെരുന്ന ബസ്സ്റ്റാന്ഡില് സ്വീകരണം നല്കി. അതിരൂപത ഡയറക്ടര് ഫാ. ജോസഫ് ചാമക്കാല ഉദ്ഘാടനം നിര്വഹിച്ചു. ചങ്ങനാശേരി ഫൊറോന പ്രസിഡന്റ് സൈബി അക്കര അധ്യക്ഷത വഹിച്ചു.
കത്തീഡ്രല് വികാരി റവ.ഡോ. ജോസ് കൊച്ചുപറമ്പില് മുഖ്യപ്രഭാഷണം നിര്വഹിച്ചു. അതിരൂപത പ്രസിഡന്റ് അഡ്വ. പി.പി. ജോസഫ്, അതിരൂപത ജനറല് സെക്രട്ടറി ബിജു സെബാസ്റ്റ്യന്, ട്രഷറര് ബാബു വള്ളപ്പുര, നൈനാന് തോമസ് മുളപ്പാന്മഠം, മിനി ജയിംസ്, വര്ഗീസ് ആന്റണി, ലിസി പവ്വന്ചിറ, എബിന് ആയിരപ്പറ, തോമാച്ചന് വടുതല, ജോസ് ജോണ് വെങ്ങാന്തറ, തോമസുകുട്ടി മണക്കുന്നേല്, കെ.എസ്. ആന്റണി, ടോമിച്ചന് അയ്യരുകുളങ്ങര, ടോം കായിത്തറ, സിബി മുക്കാടന്, ഔസേപ്പച്ചന് ചെറുകാട് എന്നിവര് പ്രസംഗിച്ചു.