ക​ല്ലേ​പാ​ല​ത്തി​ൽ കാ​ലൊ​ന്നു തെ​റ്റി​യാ​ൽ...
Friday, September 30, 2022 10:32 PM IST
മു​ണ്ട​ക്ക​യം: മു​ണ്ട​ക്ക​യം ക​ല്ലേ​പാ​ല​ത്തി​ലൂ​ടെ​യു​ള്ള കാ​ൽ​ന​ട​യാ​ത്ര അ​പ​ക​ട​ഭീ​തി​യി​ൽ. കൊ​ട്ടാ​ര​ക്ക​ര-​ഡി​ണ്ടി​ഗ​ൽ ദേ​ശീ​യ​പാ​ത​യി​ൽ കോ​ട്ട​യം, ഇ​ടു​ക്കി ജി​ല്ല​ക​ളെ ബ​ന്ധി​പ്പി​ക്കു​ന്ന പാ​ല​മാ​ണ് ക​ല്ലേ​പാ​ലം.

ദേ​ശീ​യ​പാ​ത​യാ​യ​തി​നാ​ൽ നൂ​റു​ക​ണ​ക്കി​നു വാ​ഹ​ന​ങ്ങ​ളാ​ണ് ഓ​രോ ദി​വ​സ​വും ഈ ​പാ​ല​ത്തി​ലൂ​ടെ ക​ട​ന്നുപോ​കു​ന്ന​ത്. എ​ന്നാ​ൽ, വ​ർ​ഷ​ങ്ങ​ൾ​ക്കു മു​മ്പ് പ​ണി​ക​ഴി​പ്പി​ച്ച പാ​ല​ത്തി​നു വീ​തി കു​റ​വാ​യ​താ​ണ് ഇ​പ്പോ​ൾ ഭീ​ഷ​ണി​യാ​യി മാ​റു​ന്ന​ത്. പാ​ല​ത്തി​നു സ​മാ​ന്ത​ര​പാ​ത വേ​ണ​മെ​ന്ന ആ​വ​ശ്യ​മാ​ണ് ശ​ക്ത​മാ​യി​രി​ക്കു​ന്ന​ത്.

മു​ട്ടി​യു​രു​മ്മി വാ​ഹ​ന​ങ്ങ​ൾ

ര​ണ്ടു ബ​സു​ക​ൾ ഒ​രേ​സ​മ​യം പാ​ല​ത്തി​ലൂ​ടെ ക​ട​ന്നു​പോ​കു​ന്പോ​ൾ കാ​ൽ​ന​ട​യാ​ത്രി​ക​ർ​ക്കു നി​ൽ​ക്കാ​ൻ​പോ​ലും സ്ഥ​ല​മി​ല്ലാ​ത്ത അ​വ​സ്ഥ​യാ​ണ്. സ​മീ​പ​ത്തെ ര​ണ്ടു സ്കൂ​ളി​ൽ​നി​ന്നാ​യി ആ​യി​ര​ത്തോ​ളം വി​ദ്യാ​ർ​ഥി​ക​ളാ​ണ് രാ​വി​ലെ​യും വൈ​കു​ന്നേ​ര​ങ്ങ​ളി​ലും പാ​ല​ത്തി​ലൂ​ടെ ക​ട​ന്നു​പോ​കു​ന്ന​ത്. ഇ​തു​കൂ​ടാ​തെ നി​ര​വ​ധി നാ​ട്ടു​കാ​രും ഇ​തു​വ​ഴി കാ​ൽ​ന​ട​യാ​യി സ​ഞ്ച​രി​ക്കു​ന്നു.

സ്കൂ​ൾ അ​ധി​കൃ​ത​ർ വി​ദ്യാ​ർ​ഥി​ക​ളോ​ട് പാ​ല​ത്തി​ലൂ​ടെ സ​ഞ്ച​രി​ക്കു​ന്ന​ത് വ​ള​രെ സൂ​ക്ഷി​ച്ചു വേ​ണ​മെ​ന്ന് ഓ​ർ​മി​പ്പി​ക്കു​ന്നു​ണ്ട്. പ​ല​പ്പോ​ഴും കൂ​ട്ട​മാ​യി പാ​ല​ത്തി​ലൂ​ടെ പോ​കു​ന്ന വി​ദ്യാ​ർ​ഥി​ക​ളെ മു​ട്ടി​യു​രു​മ്മി​യാ​ണ് വാ​ഹ​ന​ങ്ങ​ൾ ക​ട​ന്നു​പോ​കു​ന്ന​ത്. വ​ലി​യ അ​പ​ക​ട​സാ​ധ്യ​ത​യാ​ണ് ഇ​വി​ടെ നി​ല​നി​ൽ​ക്കു​ന്ന​ത്.

സ​മാ​ന്ത​ര​ നടപ്പാ​ത

ക​ല്ലേ​പാ​ല​ത്തി​ൽ സ​മാ​ന്ത​ര ന​ട​പ്പാ​ത നി​ർ​മി​ക്ക​ണ​മെ​ന്ന ആ​വ​ശ്യ​ത്തി​നു വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. ര​ണ്ടു ജി​ല്ല​ക​ളെ ബ​ന്ധി​പ്പി​ക്കു​ന്ന പാ​ല​മാ​യ​തി​നാ​ൽ ര​ണ്ടു നി​യോ​ജ​ക മ​ണ്ഡ​ല​ങ്ങ​ളാ​ണ് ഇ​രു​ക​ര​യി​ലു​മു​ള്ള​ത്.

ജ​ന​പ്ര​തി​നി​ധി​ക​ളി​ൽ പ​ല​രും പ​ല​ത​വ​ണ സ​മാ​ന്ത​ര ന​ട​പ്പാ​ത നി​ർ​മി​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്ന് പ്ര​ഖ്യാ​പ​ന​ങ്ങ​ൾ ന​ട​ത്തി​യെ​ങ്കി​ലും മു​ന്നോ​ട്ടു​പോ​യി​ട്ടി​ല്ല. കൂ​ടാ​തെ പാ​ല​ത്തി​ൽ സ്ഥാ​പി​ച്ചി​രി​ക്കു​ന്ന ജ​ല​വി​ത​ര​ണ വ​കു​പ്പി​ന്‍റെ​യും ടെ​ലി​ക​മ്യൂ​ണി​ക്കേ​ഷ​ൻ വ​കു​പ്പി​ന്‍റെ​യും പൈ​പ്പു​ക​ളും അ​പ​ക​ട​സാ​ധ്യ കൂ​ട്ടു​ക​യാ​ണ്.

പ​ല​പ്പോ​ഴും വി​ദ്യാ​ർ​ഥി​ക​ൾ ഇ​തി​ൽ മു​ക​ളി​ലൂ​ടെ ക​യ​റി ന​ട​ക്കു​ന്ന​തും റോ​ഡി​ലേ​ക്കു തെ​ന്നി​വീ​ഴു​ന്ന​തും കാ​ണാം. പാ​ല​ത്തി​ന്‍റെ തു​ട​ക്ക​ത്തി​ൽ കു​ടി​വെ​ള്ള പ​ദ്ധ​തി​യു​ടെ പൈ​പ്പ് ലൈ​നു​ക​ൾ പൊ​ട്ടി വെ​ള്ളം റോ​ഡി​ൽ കെ​ട്ടി​ക്കി​ട​ക്കു​ന്ന​തു​മൂ​ലം കാ​ൽ​ന​ട​യാ​ത്രി​ക​രു​ടെ ദേ​ഹ​ത്തു തെ​റി​ക്കു​ന്ന​തും പ​തി​വാ​ണ്. ക​ല്ലേ​പാ​ല​ത്തി​നു സ​മാ​ന്ത​ര​മാ​യി ഒ​രു വ​ശ​ത്തു​കൂ​ടി ന​ട​പ്പാ​ത നി​ർ​മി​ച്ചാ​ൽ പ്ര​ശ്ന​ങ്ങ​ൾ​ക്കു പ​രി​ഹാ​ര​മാ​കും.

Copyright @ 2022 , Rashtra Deepika Ltd.