കുറവിലങ്ങാട്: ജീവിതത്തില് ഫുള് എ പ്ലസ് നേടുന്നതിന് നല്ല ചിന്തയും നല്ല സമ്പര്ക്കവും ജീവിതശൈലിയാക്കണമെന്ന് മോന്സ് ജോസഫ് എംഎല്എ പറഞ്ഞു. പഞ്ചായത്ത് സംഘടിപ്പിച്ച മെറിറ്റ് ദിനാഘോഷം- 2022 ഉദ്ഘാടനം ചെയ്യുകയായിരുന്നു എംഎല്എ. ജീവിതത്തിലുടനീളം ഉത്തരവാദിത്വബോധവും സൂക്ഷ്മതയും നിലനിര്ത്തണമെന്നും എംഎല്എ പറഞ്ഞു.
പഞ്ചായത്ത് പ്രസിഡന്റ് മിനി മത്തായി അധ്യക്ഷത വഹിച്ചു. ബ്ലോക്ക് പഞ്ചായത്ത് സ്റ്റാന്ഡിംഗ് കമ്മിറ്റി ചെയര്പേഴ്സണ് കൊച്ചുറാണി സെബാസ്റ്റ്യന്, പഞ്ചായത്ത് വൈസ് പ്രസിഡന്റ് അല്ഫോന്സ ജോസഫ്, സ്റ്റാൻഡിംഗ് കമ്മിറ്റി ചെയര്മാന്മാരായ സന്ധ്യ സജികുമാര്, എം.എന് രമേശന്, ടെസി സജീവ്, പഞ്ചായത്ത് അംഗങ്ങളായ വിനു കുര്യന്, ഡാര്ളി ജോജി, ഇ.കെ കമലാസനന്, ജോയിസ് അലക്സ്, ലതിക സാജു, രമാ രാജു, ബിജു ജോസഫ്, ബേബി തൊണ്ടാംകുഴി, എം.എം ജോസഫ് , സെന്റ് മേരീസ് ഹയര്സെക്കൻഡറി സ്കൂള് പ്രിന്സിപ്പല് ബോബി സെബാസ്റ്റ്യന്, പഞ്ചായത്ത് സെക്രട്ടറി ഇന്-ചാര്ജ് കെ.ആര്. സാവിത്രി എന്നിവര് പ്രസംഗിച്ചു.