ചങ്ങനാശേരി: ദൈവദാസന്‍ മാര്‍ മാത്യു കാവുകാട്ടിന്‍റെ 53-ാമത് ശ്രാദ്ധപ്പെരുന്നാളും മൂന്നാമത് കാവുകാട്ട് കണ്‍വന്‍ഷനും നാളെ മുതല്‍ എട്ടു വരെ തീയതികളില്‍ നടക്കും.
നാളെ വൈകുന്നേരം 4.30ന് വിശുദ്ധകുര്‍ബാനയും കണ്‍വന്‍ഷന്‍ പ്രസംഗവും നടക്കും. അതിരൂപത സഹായമെത്രാന്‍ മാര്‍ തോമസ് തറയില്‍ മുഖ്യകാര്‍മികത്വം വഹിക്കും. ഒന്നിന് വൈകുന്നേകം 4.30ന് അതിരൂപത ചാന്‍സിലര്‍ റവ.ഡോ. ഐസക്ക് ആലഞ്ചേരി വിശുദ്ധ കുര്ബാനയര്പ്പിക്കും. റവ.ഡോ. ജോസ് കൊച്ചുപറമ്പില്‍ പ്രഭാഷണം നടത്തും.
രണ്ടിന് രാവിലെ 5.15, 6.30, 8.30, 9.30, വൈകുന്നേരം 4.30 സമയങ്ങളില്‍ വിശുദ്ധ കുർബാന -ഫാ. മാത്യു കരിക്കണ്ടത്തില്‍ റവ.ഡോ. ജോസ് കൊച്ചുപറമ്പില്‍, ഫാ. വര്‍ഗീസ് വെട്ടുകുഴിയില്‍, ഫാ. ദേവസ്യാ പുളിക്കാശേരി, റവ.ഡോ. വര്‍ഗീസ് മറ്റത്തില്‍ എന്നിവര്‍ കാര്‍മികരായിരിക്കും.
മൂന്നു മുതല്‍ ഏഴുവരെ തീയതികളില്‍ വൈകുന്നേരം 4.30ന് വിശുദ്ധകുര്‍ബാന. ബിഷപ് മാര്‍ മാത്യു അറയ്ക്കല്‍, ബിഷപ് മാര്‍ തോമസ് തറയില്‍, ഫാ. ജോര്‍ജ് കൊച്ചുപറമ്പില്‍, റവ.ഡോ. ജോസ് കൊല്ലാറ, ഫാ. തോമസ് പ്ലാപ്പറമ്പില്‍ എന്നിവര്‍ കാര്‍മികരായിരിക്കും.
എട്ടിന് രാവിലെ 5.30ന് ഫാ. തോമസ് ചൂളപ്പറമ്പില്‍, 6.30ന് ആര്‍ച്ച്ബിഷപ് മാര്‍ ജോസഫ് പെരുന്തോട്ടം, 8.30ന് ബിഷപ് മാര്‍ ജോസഫ് പള്ളിക്കാപറമ്പില്‍, പത്തിന് റവ.ഡോ. ജോണ്‍ കുളത്തിങ്കല്‍, 11.30ന് ഫാ. മാത്യു ചൂരവടി എന്നിവര്‍ വിശുദ്ധ കുര്ബാനയര്പ്പിക്കും. 12.30ന് പൊതിച്ചോര് നേര്‍ച്ച. 3.30ന് മൈനര്‍ സെമിനാരിയിലെ വൈദികരും 4.30ന് ആര്‍ച്ച്ബിഷപ് മാര്‍ ജോര്‍ജ് കോച്ചേരിയും വിശുദ്ധകുര്‍ബാനയര്‍പ്പിക്കും.