പാലാ: വിവിധ കാരണങ്ങളുടെ പേരില് ഞായറാഴ്ചകളില് സ്കൂള് വിദ്യാര്ഥികള്ക്കും ഉദ്യോഗസ്ഥര്ക്കും പ്രവൃത്തി ദിനമാക്കി നിശ്ചയിക്കുന്ന സംഭവങ്ങള് പതിവായിരിക്കുന്നത് പ്രതിഷേധാര്ഹമാണെന്നു കത്തോലിക്ക കോണ്ഗ്രസ്.
ക്രൈസ്തവര് വളരെ പ്രാധാന്യം കല്പ്പിക്കുകയും പ്രത്യേകമായി ആചരിക്കുകയും ചെയ്യുന്ന ദിവസമാണ് ഞായറാഴ്ച. അന്നേദിവസം ഔദ്യോഗിക പരിപാടികള് ഒഴിവാക്കിയിരുന്ന മുന്കാലങ്ങളിലേതില്നിന്നു വ്യത്യസ്തമായി ഞായറാഴ്ചകളില് നിര്ബന്ധിത പരിപാടികള് നടപ്പാക്കുന്ന രീതിയില് കത്തോലിക്ക കോണ്ഗ്രസ് ആശങ്ക രേഖപ്പെടുത്തി.
രൂപത പ്രസിഡന്റ് ഇമ്മാനുവേല് നിധീരി അധ്യക്ഷത വഹിച്ച യോഗത്തില് റവ.ഡോ. ജോര്ജ് വര്ഗീസ് ഞാറക്കുന്നേല്, രാജീവ് കൊച്ചുപറമ്പില്, ജോസ് വട്ടുകുളം, സാജു അലക്സ്, എം.എം. ജേക്കബ്, ജോണ്സണ് മാത്യു, ആന്സമ്മ സാബു, സി.എം. ജോര്ജ്, സാബു പൂണ്ടിക്കുളം, ജോയി കണിപറമ്പില്, പയസ് കവളമാക്കല്, ജോണ്സണ് ചെറുവള്ളി, സണ്ണി മാന്തറ, ബേബി ആലുങ്കല്, ഫ്രാന്സിസ് കരിമ്പാനി, ജോസ് ജോസഫ് മലയില്, സിന്ധു ജയ്ബു തുടങ്ങിയവര് പ്രസംഗിച്ചു.