തീക്കോയി: ഗ്രാമപഞ്ചായത്ത് പരിധിയില് കഴിഞ്ഞ അധ്യയന വര്ഷം എസ്എസ്എല്സി, സിബി എസ്ഇ, ഐസിഎസ്സി, പ്ലസ് ടു, പബ്ലിക് പരീക്ഷകളില് എല്ലാ വിഷയങ്ങള്ക്കും എ പ്ലസ് നേടിയ വിദ്യാര്ഥികളെയും ഡിഗ്രി പരീക്ഷകളിലെ റാങ്ക് ജേതാക്കളെയും നൂറു ശതമാനം വിജയം കൈവരിച്ച സ്കൂളുകളെയും അനുമോദിക്കുന്നതിനായി പ്രതിഭാ സംഗമം നടത്തി.
ഗ്രാമപഞ്ചായത്തില് 101 വിദ്യാര്ഥികളാണ് ഉന്നത വിജയം നേടിയത്. ഗ്രാമപഞ്ചായത്ത് പ്രസിഡന്റ് കെ. സി. ജെയിംസിന്റെ അധ്യക്ഷതയില് പഞ്ചായത്ത് ഹാളില് നടന്ന സംഗമം ആന്റോ ആന്റണി എംപി ഉദ്ഘാടനം ചെയ്തു. ജില്ലപഞ്ചായത്ത് മെംബര്മാരായ ഷോണ് ജോര്ജ്, പി.ആര്. അനുപമ, ബ്ലോക്ക് പഞ്ചായത്ത് മെംബര്മാരായ ഓമന ചന്ദ്രന്, കെ.കെ. കുഞ്ഞുമോന്, സെന്റ് മേരീസ് എച്ച്എസ്എസ് പ്രിന്സിപ്പൽ ബാബു തോമസ്, ഹെഡ്മാസ്റ്റര് ജോണിക്കുട്ടി എബ്രഹാം, വെള്ളികുളം സെന്റ് ആന്റണീസ് ഹൈസ്കൂള് ഹെഡ്മാസ്റ്റര് ജോ സെബാസ്റ്റ്യന്, തീക്കോയി ഗവണ്മെന്റ് ടെക്നിക്കല് ഹൈസ്കൂള് സൂപ്രണ്ട് ജയപ്രസാദ് പി., ഗ്രാമപഞ്ചായത്ത് വൈസ് പ്രസിഡന്റ് കവിത രാജു, സ്റ്റാന്ഡിംഗ് കമ്മിറ്റി ചെയര്മാന്മാരായ ബിനോയി ജോസഫ്, മോഹനന് കുട്ടപ്പന്, ജയറാണി തോമസുകുട്ടി മെംബര്മാരായ സിറില് റോയി, സിബി രഘുനാഥന്, മാളു ബി. മുരുകന്, രതീഷ് പി.എസ്., മാജി തോമസ്, ദീപ സജി, അമ്മിണി തോമസ്, നജീമ പരിക്കൊച്ച്, സെക്രട്ടറി കെ. സാബുമോന്, കുടുംബശ്രീ ചെയര്പേഴ്സണ് റീത്താമ്മ എബ്രഹാം തുടങ്ങിയവര് പ്രസംഗിച്ചു.
ഉന്നത വിജയം നേടിയ സ്കൂളുകള്ക്കും 101 കുട്ടികള്ക്കും ഗ്രാമപഞ്ചായത്തിന്റെ മൊമെന്റോയും സര്ട്ടിഫിക്കറ്റും നല്കി. ഗ്രാമപഞ്ചായത്ത് കാര്യാലയത്തിലും ആയുര്വേദ ആശുപത്രിയിലും സ്ഥാപിച്ച ഓഫ് ഗ്രിഡ് സോളാര് പവര് പ്ലാന്റുകളുടെ ഉദ്ഘാടനവും യോഗത്തില് ആന്റോ ആന്റണി എംപി നിര്വഹിച്ചു.