പാലാ: കോവിഡ് പ്രതിസന്ധി കണക്കിലെടുത്ത് ഒരുലക്ഷം രൂപ വരെയുള്ള വായ്പകള് എഴുതിത്തള്ളാന് സര്ക്കാരുകള് അടിയന്തര നടപടി സ്വീകരിക്കണമെന്ന് മാണി സി. കാപ്പന് എംഎല്എ ആവശ്യപ്പെട്ടു. കേന്ദ്ര സംസ്ഥാന സര്ക്കാരുകളുടെ ജനദ്രോഹ നയങ്ങള്ക്കെതിരേ യുഡിഎഫ് പാലാ നിയോജക മണ്ഡലം കമ്മിറ്റി സിവില് സ്റ്റേഷന് പടിക്കല് നടത്തിയ ധര്ണ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
കേന്ദ്രസംസ്ഥാന സര്ക്കാരുകള് ജനജീവിതം ദുസഹമാക്കിയെന്ന് എംഎല്എ കുറ്റപ്പെടുത്തി. പെട്രോള്, ഡീസല്, പാചകവാതക വില വര്ധനവ് എല്ലാ മേഖലകളെയും തകര്ത്തു. കേന്ദ്ര സര്ക്കാരിന്റെ നയങ്ങള് തന്നെയാണ് സംസ്ഥാന സര്ക്കാരും പിന്തുടരുന്നതെന്നും മാണി സി കാപ്പന് പറഞ്ഞു. യു ഡി എഫ് ജില്ലാ ചെയര്മാന് സജി മഞ്ഞക്കടമ്പില് മുഖ്യ പ്രഭാഷണം നടത്തി.
കോണ്ഗ്രസ് പാലാ ബ്ലോക്ക് പ്രസിഡന്റ് പ്രഫ.സതീശ് ചൊള്ളാനി അധ്യക്ഷത വഹിച്ചു. എ.കെ ചന്ദ്രമോഹന്, ബിജു പുന്നത്താനം, ജോര്ജ് പുളിങ്കാട്, റോയി മാത്യു എലിപ്പുലിക്കാട്ട്, ജോഷി പുതുമന, സി.ടി. രാജന്, ആര്. പ്രേംജി, തോമസ് ഉഴുന്നാലില്, ആര്. സജീവ്, സന്തോഷ് കാവുകാട്ട്, ബിന്ദു സെബാസ്റ്റ്യന്, ക്ലീറ്റസ് ഇഞ്ചിപ്പറമ്പില്, പ്രസാദ് ഉരുളികുന്നം തുടങ്ങിയവര് പ്രസംഗിച്ചു.
കുറവിലങ്ങാട്: പെട്രോളിയം - ഡീസൽ വിലവർധനവ് മൂലം കഷ്ടപ്പെടുന്ന ജനങ്ങൾക്ക് സബ്സിഡി നൽകി സഹായിക്കാൻ തയാറാകാത്ത കേന്ദ്ര - സംസ്ഥാന സർക്കാരുകളുടെ ജനദ്രോഹ നടപടിയിൽ പ്രതിഷേധിച്ച് കടുത്തുരുത്തി നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ യുഡിഎഫ് ധർണ നടത്തി. മോൻസ് ജോസഫ് എംഎൽഎ ധർണ ഉദ്ഘാടനം ചെയ്തു.
പെട്രോളിയം ഉത്പ്പന്നങ്ങൾക്ക് അന്യായമായി ഏർപ്പെടുത്തിയിരിക്കുന്ന വിലവർധനവ് പകുതിയായി കുറയ്ക്കാൻ പെട്രോളിയം ഉത്പ്പന്നങ്ങളെ ജിഎസ്ടിയുടെ പരിധിയിൽ കൊണ്ടുവരാൻ തയാറാകാത്ത കേന്ദ്ര-സംസ്ഥാന സർക്കാരുകളുടെ നിലപാട് ജനങ്ങളോടുള്ള വെല്ലുവിളിയാണെന്ന് മോൻസ് ജോസഫ് എംഎൽഎ കുറ്റപ്പെടുത്തി.
യുഡിഎഫ് നിയോജകമണ്ഡലം ചെയർമാൻ ബേബി തൊണ്ടാംകുഴി അധ്യക്ഷത വഹിച്ചു. മാഞ്ഞൂർ മോഹൻ കുമാർ, സുനു ജോർജ്, തോമസ് കണ്ണന്തറ, എം.എൻ. ദിവാകരൻ നായർ, സ്റ്റീഫൻ പാറാവേലി, കെ.പി. ജോസഫ്, വി.കെ. സുരേന്ദ്രൻ, പി.പി. ബെന്നി, യു.പി. ചാക്കപ്പൻ, അപ്പാഞ്ചിറ പൊന്നപ്പൻ, സി.കെ. ശശി, സി.എം. ജോർജ്, ആയാംകുടി വാസുദേവൻ, പ്രമോദ് കടന്തേരി തുടങ്ങിയവർ പ്രസംഗിച്ചു.