മാർ കല്ലറങ്ങാട്ടിന് ഐക്യദാർഢ്യവുമായി ഡിഎഫ്സി കടുത്തുരുത്തി ഫൊറോനാ സമിതി : Deepika.com Nattu Visesham

KOTTAYAM

മാർ കല്ലറങ്ങാട്ടിന് ഐക്യദാർഢ്യവുമായി ഡിഎഫ്സി കടുത്തുരുത്തി ഫൊറോനാ സമിതി

Sunday, September 19, 2021 11:51 PM IST

കടുത്തുരുത്തി: ലവ് ജിഹാദ്, നർക്കോട്ടിക്ക് ജിഹാദ് വിഷയങ്ങളിൽ മാർ ജോസഫ് കല്ലറങ്ങാട്ടിന് ഐക്യദാർഢ്യവുമായി ഡിഎഫ്സി കടുത്തുരുത്തി ഫൊറോനാ സമിതി. നാക്കോർട്ടിക് ജിഹാദ്, ലവ് ജിഹാദ്, മതഭീകര വാദം എന്നിവ സമൂഹത്തിൽ നിലനിൽക്കുന്നതാണ്. ഇവ സമാധാനാന്തരീക്ഷം തകർക്കുന്ന തലത്തിലേക്ക് എത്തുന്ന സാഹചര്യത്തിൽ ഇതിനെതിരേ ജാഗ്രത പുലർത്തണമെന്ന് ആഹ്വാനം ചെയ്തു മാർ ജോസഫ് കല്ലറങ്ങാട്ട് നടത്തിയ പ്രസംഗത്തെ വളച്ചൊടിച്ച് അദ്ദേഹത്തെ അപകീർത്തിപ്പെടുത്താൻ നടത്തുന്ന ശ്രമങ്ങളെ ഡിഎഫ്സി കടുത്തുരുത്തി ഫൊറോനാ അപലപിച്ചു. യോഗം ബിഷപ്പിന് ഐക്യദാർഢ്യം പ്രഖ്യാപിച്ചു.
തന്‍റെ ശുശ്രുഷയ്ക്കു ഭരമേൽപ്പിക്കപ്പെട്ടിരിക്കുന്ന അജഗണങ്ങളുടെ മേൽ കരുതലുണ്ടായിരിക്കുകയും ജാഗ്രത പുലർത്താൻ നിർദേശം നൽകുകയും ചെയ്യുന്നത് അദ്ദേഹത്തിന്‍റെ കടമയാണെന്ന കാര്യം മനസിലാക്കുകയും ഇക്കാര്യത്തിൽ എല്ലാ സമുദായങ്ങളുടെയും പിന്തുണ ബിഷപ്പിനു നൽകുകയുമാണ് വേണ്ടതെന്നും യോഗം അഭിപ്രായപ്പെട്ടു. പ്രസിഡന്‍റ് ഏബ്രഹാം വടകരകാലയുടെ അധ്യക്ഷതയിൽ ചേർന്ന യോഗത്തിൽ ഫൊറോനാ ഡയറക്ടർ ഫാ. സെബാസ്റ്റ്യൻ ചാമക്കാലായിൽ മുഖ്യ പ്രഭാഷണം നടത്തി. ചാക്കപ്പൻ തയ്യിൽ, ജെറി ജോസഫ് പനയ്ക്കൽ, മനോജ് ജോസഫ് കടവന്‍റെ കാലായിൽ എന്നിവർ പങ്കെടുത്തു.