വിദ്യാഭ്യാസ യോഗ്യതാ സർട്ടിഫിക്കറ്റുകളുടെ കോപ്പി പ്രധാനമന്ത്രിക്ക് അയച്ച് പ്രതിഷേധം : Deepika.com Nattu Visesham

KOTTAYAM

വിദ്യാഭ്യാസ യോഗ്യതാ സർട്ടിഫിക്കറ്റുകളുടെ കോപ്പി പ്രധാനമന്ത്രിക്ക് അയച്ച് പ്രതിഷേധം

Friday, September 17, 2021 11:58 PM IST

കോട്ടയം: പ്രധാനമന്ത്രി നരേന്ദ്രമോദിയുടെ ജന്മദിനത്തിൽ, വിദ്യാഭ്യാസ യോഗ്യതാ സർട്ടിഫിക്കറ്റുകളുടെ കോപ്പി പ്രധാനമന്ത്രിക്ക് തപാലിൽ അയച്ച് യൂത്ത് കോണ്‍ഗ്രസ് പ്രതിഷേധം.
യൂത്ത് കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തിൽ ഹെഡ് പോസ്റ്റ് ഓഫീസിന് മുന്നിലാണ് വേറിട്ട പ്രതിഷേധ പരിപാടി സംഘടിപ്പിച്ചത്. ജില്ലാ കമ്മിറ്റിയുടെ നേതൃത്വത്തിൽ യുവാക്കൾ സർട്ടിഫിക്കറ്റിന്‍റെ കോപ്പി നരേന്ദ്ര മോദിക്ക് അയച്ചു പ്രതിഷേധിച്ചു. യുവാക്കൾക്ക് തൊഴിൽ നൽകാൻ തയ്യാറാകാത്ത കേന്ദ്ര സർക്കാരിന്‍റെ നിലപാടിൽ പ്രതിഷേധിച്ച് യൂത്ത് കോണ്‍ഗ്രസ് അഖിലേന്ത്യാ കമ്മിറ്റിയുടെ ആഹ്വാനപ്രകാരമാണ് പ്രതിഷേധം സംഘടിപ്പിച്ചത്.
യൂത്ത് കോണ്‍ഗ്രസ് ജില്ലാ പ്രസിഡന്‍റ് ചിന്‍റു കുര്യൻ ജോയ് അധ്യക്ഷത വഹിച്ചു. ഡിസിസി പ്രസിഡന്‍റ് നാട്ടകം സുരേഷ് ഉദ്ഘാടനം ചെയ്തു. യൂത്ത് കോണ്‍ഗ്രസ് സംസ്ഥാന സെക്രട്ടറി ടോം കോര അഞ്ചേരി, സുബിൻ മാത്യു, റിജു ഏബ്രഹാം, ജെനിൽ ഫിലിപ്പ്, റോബി ഊടുപുഴയിൽ, ഷാൻ ടി. ജോണ്‍, തോമസ്കുട്ടി മുക്കാല, അനീഷാ തങ്കപ്പൻ, അജീഷ് വടവാതൂർ, രാഹുൽ മറിയപ്പള്ളി, അരുണ്‍ ശശി, ജയിംസ് തോമസ് എന്നിവർ പ്രസംഗിച്ചു.