മാഞ്ഞൂർ റെയിൽവേ മേൽപാലം: നിർമാണം വൈകുന്നതിൽ പ്രതിഷേധിച്ചു കോണ്‍ഗ്രസ് ധർണ : Deepika.com Nattu Visesham

KOTTAYAM

മാഞ്ഞൂർ റെയിൽവേ മേൽപാലം: നിർമാണം വൈകുന്നതിൽ പ്രതിഷേധിച്ചു കോണ്‍ഗ്രസ് ധർണ

Friday, September 17, 2021 11:31 PM IST

കുറുപ്പന്തറ: മാഞ്ഞൂർ റെയിൽവേ മേൽപാലം നിർമാണം വൈകുന്നതിൽ പ്രതിഷേധിച്ചു കോണ്‍ഗ്രസിന്‍റെ നേതൃത്വത്തിൽ ധർണ നടത്തി. ഇവിടെയുണ്ടായിരുന്ന പഴയ റെയിൽവേ മേൽപ്പാലം പൊളിച്ചിട്ട് മൂന്നര വർഷത്തോളമായി. തുടർന്ന് ആരംഭിച്ച പുതിയ പാലം നിർമാണം ഇത്രയം കാലമായിട്ടും പൂർത്തിയാകാതെ വന്നതോടെ ജനങ്ങളും ദുരിതത്തിലാണ്. പാലത്തിന്‍റെയും അപ്രോച്ച് റോഡിന്‍റെയും നിർമാണം അടിയന്തരമായി പൂർത്തിയാക്കണമെന്ന് സമരക്കാർ ആവശ്യപ്പെട്ടു. കോണ്‍ഗ്രസ് മാഞ്ഞൂർ മണ്ഡലം കമ്മിറ്റിയുടെ നേതൃത്വത്തിൽ മേൽപാലത്തിലാണ് പ്രതിഷേധ ധർണ നടത്തിയത്.
നിർമാണം പൂർത്തിയാക്കാതെ കിടക്കുന്ന മേൽപാലത്തിൽ കാടുകയറി ഇഴജന്തുക്കളുടെ വിഹാര കേന്ദ്രമായി മാറിയെന്നും ആക്ഷേപമുണ്ട്.
നിർമാണ പ്രവർത്തനങ്ങൾ ഉടൻ പൂർത്തിയാക്കി പാലം ജനങ്ങൾക്കായി തുറന്ന് കൊടുക്കണമെന്നും ഇക്കാര്യത്തിൽ അമാന്തമുണ്ടായാൽ ശക്തമായ സമരപരിപാടികൾ നടത്തുമെന്നും സമരക്കാർ പറഞ്ഞു.
കോണ്‍ഗ്രസ് മണ്ഡലം പ്രസിഡന്‍റ് ലൂക്കോസ് മാക്കീൽ അധ്യക്ഷത വഹിച്ച പ്രതിഷേധ ധർണ ഡിസിസി ജനറൽ സെക്രട്ടറി സുനു ജോർജ് ഉദ്ഘാടനം ചെയ്തു. വി.ആർ. ശിവദാസ് വാരപടവിൽ, മാനുവൽ വർഗീസ്, വിനോദ് കുമാർ പുതിയാപറന്പിൽ, ബിനോ സഖറിയാസ്, ടോമി കാറുകുളം, ചാക്കോ മത്തായി, ജെയിനി തോമസ്, സുജാ ലുക്കോസ്, ജിസ് ജോസഫ് കൊല്ലംപറന്പിൽ തുടങ്ങിയവർ നേതൃത്വം നൽകി