കേരള കോണ്‍ഗ്രസ് -എം ചെയർമാൻ കോണ്‍ടാക്ട് പ്രോഗാമിനു തുടക്കം : Deepika.com Nattu Visesham

KOTTAYAM

കേരള കോണ്‍ഗ്രസ് -എം ചെയർമാൻ കോണ്‍ടാക്ട് പ്രോഗാമിനു തുടക്കം

Friday, September 17, 2021 10:32 PM IST

കോട്ടയം: കേരള കോണ്‍ഗ്രസ് -എം ചെയർമാൻ ജോസ് കെ. മാണി വാർഡ് പ്രസിഡന്‍റുമാരെ നേരിൽ കാണുന്ന ചെയർമാൻ കോണ്‍ടാക്ട് പ്രോഗ്രാമിന്‍റെ ഒന്നാംഘട്ടം എരുമേലിയിൽ ആരംഭിച്ചു. പാർട്ടി പ്രവർത്തനത്തിന്‍റെയും സെമി കേഡർ പാർട്ടി ലക്ഷ്യത്തോടെ ജില്ലയിലെ നിയോജക മണ്ഡലങ്ങളിൽ നടത്തിയ ശില്പശാലകളുടെ വിലയിരുത്തലുകൾക്കും, തുടർപ്രവർത്തനങ്ങൾ ചർച്ചചെയ്യുന്നതിനുമായിട്ടാണ് ചെയർമാൻ കോണ്‍ടാക്ട് പ്രോഗ്രാം നടത്തുന്നത്. ജില്ലാ പ്രസിഡന്‍റ് സണ്ണി തെക്കേടത്തിന്‍റെ നേതൃത്വത്തിൽ മണ്ഡലം സന്ദർശന പരിപാടി ഒന്നാംഘട്ടം എരുമേലിയിൽ ആരംഭിച്ചു.
30നു മുന്പ് മണ്ഡലം സന്ദർശന പരിപാടികൾ പൂർത്തീകരിക്കുമെന്നും തുടർന്ന് ഒക്‌ടോബർ ആദ്യവാരം കൂടുന്ന ജില്ലാ സ്റ്റിയറിംഗ് കമ്മിറ്റിയിൽ പരിപാടികൾക്ക് അന്തിമ രൂപം നൽകുമെന്നും ജില്ലാ ജനറൽ സെക്രട്ടറി ജോസഫ് ചാമക്കാല അറിയിച്ചു.

റാങ്ക് പട്ടിക
റദ്ദായി

കോട്ടയം: ജില്ലയിൽ വിവിധ വകുപ്പുകളിൽ ലോവർ ഡിവിഷൻ ക്ലർക്ക് (കാറ്റഗറി നന്പർ 414/2016) തസ്തികയുടെ 2018 ഏപ്രിൽ രണ്ടിന് പ്രസിദ്ധീകരിച്ച റാങ്ക് പട്ടിക റദ്ദായി.
മൂന്നു വർഷ കാലാവധിയും ദീർഘിപ്പിച്ച കാലാവധിയും കഴിഞ്ഞമാസം അഞ്ചിനു പൂർത്തിയായ സാഹചര്യത്തിലാണു പട്ടിക റദ്ദായിട്ടുള്ളതെന്ന് പിഎസ് സി ജില്ലാ ഓഫീസർ പി. ശൈലജകുമാരി അറിയിച്ചു.