ആ​ല​പ്പു​ഴ: പെ​രു​മ്പ​ളം ദ്വീ​പി​ലെ ത​ല​മു​റ​ക​ളു​ടെ സ്വ​പ്നം യാ​ഥാ​ര്‍​ഥ്യ​മാ​ക്കി പാ​ലം പൂ​ര്‍​ത്തീ​ക​ര​ണ​ത്തി​ന​രി​കെ. അ​ന്തി​മ​ഘ​ട്ട പ്ര​വൃ​ത്തി​ക​ള്‍ പൂ​ര്‍​ത്തി​യാ​ക്കി ഏ​പ്രി​ലോ​ടെ പാ​ലം തു​റ​ന്നുകൊ​ടു​ക്കാ​നു​ള്ള ഒ​രു​ക്ക​ങ്ങ​ള്‍ അ​തി​വേ​ഗം പു​രോ​ഗ​മി​ക്കു​ക​യാ​ണ്. കാ​യ​ലി​നു കു​റു​കെ നി​ര്‍​മി​ക്കു​ന്ന സം​സ്ഥാ​ന​ത്തെ ഏ​റ്റ​വും നീ​ള​മേ​റി​യ പാ​ല​മാ​യ പെ​രു​മ്പ​ളം പാ​ലം ഗ​താ​ഗ​ത​സ​ജ്ജ​മാ​കു​ന്ന​തോ​ടെ നാ​ലു​വ​ശ​വും വേ​മ്പ​നാ​ട് കാ​യ​ലി​നാ​ല്‍ ചു​റ്റ​പ്പെ​ട്ട ദ്വീ​പ് നി​വാ​സി​ക​ളു​ടെ​യും മ​റ്റാ​വ​ശ്യ​ങ്ങ​ള്‍​ക്കാ​യി ഇ​വി​ടെ എ​ത്തു​ന്ന​വ​രു​ടെ​യും വ​ര്‍​ഷ​ങ്ങ​ളാ​യു​ള്ള യാ​ത്രാ​ദു​രി​ത​ത്തി​നാ​ണ് പ​രി​ഹാ​ര​മാ​കു​ന്ന​ത്.
ര​ണ്ടു കി​ലോ​മീ​റ്റ​ര്‍ വീ​തി​യും അ​ഞ്ചു കി​ലോ​മീ​റ്റ​ര്‍ നീ​ള​വും ആ​റ് ച​തു​ര​ശ്ര കി​ലോ​മീ​റ്റ​ര്‍ വി​സ്തൃ​തി​യു​മു​ള്ള ദ്വീ​പി​ലെ ജ​ന​സം​ഖ്യ 12,000 ആ​ണ്. മൂവായിരത്തി​ല്‍ താ​ഴെ വീ​ടു​ക​ള്‍ മാ​ത്ര​മു​ള്ള ദ്വീ​പി​ലേ​ക്ക് കി​ഫ്ബി മു​ഖേ​ന 100 കോ​ടി രൂ​പ ചെ​ല​വ​ഴി​ച്ചാ​ണ് പാ​ലം നി​ര്‍​മി​ക്കു​ന്ന​ത്.

പാ​ലം നി​ര്‍​മാ​ണ​ത്തി​നുവേ​ണ്ടി​വ​രു​ന്ന ഭീ​മ​മാ​യ തു​ക​യേ​ക്കാ​ള്‍ ദ്വീ​പ് ജ​ന​ത മ​റു​ക​ര​യി​ലെ​ത്താ​ന്‍ വ​ര്‍​ഷ​ങ്ങ​ളാ​യി അ​നു​ഭ​വി​ക്കു​ന്ന ക​ഷ്ട​പ്പാ​ടു​ക​ള്‍​ക്ക് മു​ന്‍​തൂ​ക്കം ന​ല്‍​കി സം​സ്ഥാ​ന​സ​ര്‍​ക്കാ​ര്‍ ക​രു​ത​ലോ​ടെ​യു​ള്ള സ​മീ​പ​നം സ്വീ​ക​രി​ക്കു​ക​യും 2019ല്‍ ​മു​ഖ്യ​മ​ന്ത്രി നേ​രി​ട്ടെ​ത്തി പാ​ല​ത്തി​ന്‍റെ നി​ര്‍​മാ​ണോ​ദ്ഘാ​ട​നം നി​ര്‍​വ​ഹി​ക്കു​ക​യു​മാ​യി​രു​ന്നു.

മു​ന്‍ പൊ​തു​മ​രാ​മ​ത്ത് വ​കു​പ്പ് മ​ന്ത്രി ജി. ​സു​ധാ​ക​ര​നു​ം മു​ന്‍ എം​പി എ.എം. ആ​രി​ഫുമാണ് പാ​ല​ത്തി​നാ​യി വ​ലി​യ ഇ​ട​പെ​ട​ലു​ക​ള്‍ ന​ട​ത്തി​യ​ത്. ഊ​രാ​ളു​ങ്ക​ല്‍ ലേ​ബ​ര്‍ കോ​ണ്‍​ട്രാ​ക്ട് സൊ​സൈ​റ്റി​യു​ടെ നേ​തൃ​ത്വ​ത്തി​ല്‍ ആ​രം​ഭി​ച്ച നി​ര്‍​മാണ​ത്തി​ന്‍റെ 85 ശ​ത​മാ​ന​വും പൂ​ര്‍​ത്തി​യാ​യി​ക്ക​ഴി​ഞ്ഞു. ക​ര​യി​ലെ ര​ണ്ടു തൂ​ണു​ക​ള്‍ അ​ട​ക്കം 34 തൂ​ണു​ക​ളി​ലാ​ണ് പാ​ലം നി​ല​യു​റ​പ്പി​ക്കു​ന്ന​ത്. 1157 മീ​റ്റ​ര്‍ നീ​ള​വും 11 മീ​റ്റ​ര്‍ വീ​തി​യു​മു​ള്ള പാ​ല​ത്തി​ല്‍ ര​ണ്ടു​വ​രി ഗ​താ​ഗ​ത​ത്തി​ന് യോ​ഗ്യ​മാ​യ 7.5 മീ​റ്റ​ര്‍ വീ​തി​യു​ള്ള പാ​ത​യും ഇ​രു​വ​ശ​ങ്ങ​ളി​ലും 1.5 മീ​റ്റ​ര്‍ വീ​ത​മു​ള്ള ന​ട​പ്പാ​ത​യു​മു​ണ്ട്.

ദേ​ശീ​യ ജ​ല​പാ​ത ക​ട​ന്നു​പോ​കു​ന്ന ഭാ​ഗ​മാ​യ​തി​നാ​ല്‍ ബാ​ര്‍​ജ്, വ​ലി​യ യാ​ന​ങ്ങ​ള്‍ എ​ന്നി​വ ത​ട​സ​മി​ല്ലാ​തെ ക​ട​ന്നു​പോ​കു​ന്ന​തി​ന് ന​ടു​വി​ല്‍ ബോ​സ്ട്രിം​ഗ് ആ​ര്‍​ച്ച് മാ​തൃ​ക​യി​ലാ​ണ് പാ​ലം നി​ര്‍​മിച്ചി​രി​ക്കു​ന്ന​ത്.

പാ​ല​ത്തി​ന്‍റെ സ്ട്ര​ക്ച​ര്‍ ജോ​ലി​ക​ളെ​ല്ലാം പൂ​ര്‍​ത്തി​യാ​ക്കി വ​ടു​ത​ല​ജെ​ട്ടി ഭാ​ഗ​ത്തെ സ​മീ​പ​ന റോ​ഡി​നു​ള്ള നി​ര്‍​മാ​ണ​പ്ര​വ​ര്‍​ത്ത​ന​ങ്ങ​ളാ​ണ് നി​ല​വി​ല്‍ ന​ട​ക്കു​ന്ന​ത്. ഉ​ട​ന്‍​ത​ന്നെ പെ​രു​മ്പ​ളം ഭാ​ഗ​ത്തെ സ​മീ​പ​ന​ റോ​ഡി​ന്‍റെ നി​ര്‍​മാ​ണ പ്ര​വൃ​ത്തി​ക​ളും ആ​രം​ഭി​ക്കും.

വ​ടു​ത​ല ഭാ​ഗ​ത്തും പെ​രു​മ്പ​ളം ഭാ​ഗ​ത്തും 300 മീ​റ​ര്‍ നീ​ള​ത്തി​ലാ​ണ് സ​മീ​പ​ന റോ​ഡു​ക​ള്‍ നി​ര്‍​മി​ക്കു​ന്ന​ത്. ചേ​ര്‍​ത്ത​ല- അ​രൂ​ക്കു​റ്റി റോ​ഡി​ല്‍നി​ന്നും പെ​രു​മ്പ​ളം ദ്വീ​പ് വ​ഴി വൈ​ക്കം-​പൂ​ത്തോ​ട്ട- തൃ​പ്പൂ​ണി​ത്തു​റ സം​സ്ഥാ​ന പാ​ത​യെ ബ​ന്ധി​പ്പി​ക്കു​ന്ന​തി​ന്‍റെ ആ​ദ്യ​ഘ​ട്ട​മെ​ന്ന നി​ല​യി​ലാ​ണ് പെ​രു​മ്പ​ളം പാ​ലം വി​ഭാ​വ​നം ചെ​യ്തി​രി​ക്കു​ന്ന​ത്.

പാ​ല​ത്തി​ന്‍റെ നി​ര്‍​മാ​ണപു​രോ​ഗ​തി ദ​ലീ​മ ജോ​ജോ എം​എ​ല്‍​എ​യു​ടെ നേ​തൃ​ത്വ​ത്തി​ല്‍ ഇന്നലെ സ്ഥ​ലം സ​ന്ദ​ര്‍​ശി​ച്ച് വി​ല​യി​രു​ത്തി. പാ​ലം പൂ​ര്‍​ത്തീ​ക​രി​ക്കു​ന്ന​തോ​ടെ ദ്വീ​പി​ല്‍നി​ന്ന് ഹ്ര​സ്വ, ദീ​ര്‍​ഘ​ദൂ​ര ബ​സ് സ​ര്‍​വീ​സു​ക​ള്‍ ആ​രം​ഭി​ക്കു​ന്ന​തി​ന് ന​ട​പ​ടി സ്വീ​ക​രി​ച്ച​താ​യി എം​എ​ല്‍​എ പ​റ​ഞ്ഞു. പെ​രു​മ്പ​ളം പ​ഞ്ചാ​യ​ത്ത് പ്ര​സി​ഡ​ന്‍റ് അ​ഡ്വ. വി. ​വി. ആ​ശ, ജി​ല്ലാ പ​ഞ്ചാ​യ​ത്തം​ഗം ബി​നി​ത പ്ര​മോ​ദ്, ഊ​രാ​ളു​ങ്ക​ല്‍ ലേ​ബ​ര്‍ കോ​ണ്‍​ട്രാ​ക്ട് സൊ​സൈ​റ്റി പ്ര​തി​നി​ധി​ക​ള്‍ എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു.