ആ​ല​പ്പു​ഴ: സു​ഭ​ദ്ര​യെ കൊ​ല​പ്പെ​ടു​ത്തി​യ​ത് മാ​ത്യു​വും ശ​ർ​മി​ള​യും ചേ​ർ​ന്ന്. കൊ​ല​പാ​ത​ക​ത്തി​ൽ മ​റ്റാ​ർ​ക്കും പ​ങ്കി​ല്ലെ​ന്നാ​യി​രു​ന്നു പ്രാ​ഥ​മി​ക ചോ​ദ്യം ചെ​യ്യ​ലി​ൽ വ്യ​ക്ത​മാ​യ​തെ​ങ്കി​ലും ഇ​ന്ന​ലെ വീ​ണ്ടും മ​റ്റൊ​രാ​ളെ കൂ​ടി പോ​ലീ​സ് അ​റ​സ്റ്റ് ചെ​യ്തു. പ്ര​തി മാ​ത്യു​വി​ന്‍റെ ബ​ന്ധു​വാ​യ റെയ്​നോ​ൾ​ഡി​ന് കൊ​ല​പാ​ത​ക​ത്തി​ൽ ബ​ന്ധ​മു​ണ്ടോ​യെ​ന്ന് പോ​ലീ​സ് സം​ശ​യി​ച്ച​തി​നു പി​ന്നാ​ലെ​യാ​ണ് ചോ​ദ്യം ചെ‍​യ്യ​ലി​നുശേ​ഷം അ​റ​സ്റ്റ് രേ​ഖ​പ്പെ​ടു​ത്തി​യ​ത്.

സു​ഭ​ദ്ര​യ്ക്ക് ന​ൽ​കി​യ ല​ഹ​രി മാ​ത്യു​വി​നും ശ​ർ​മി​ള​യ്ക്കും എ​ത്തി​ച്ചു ന​ൽ​കി​യ​ത് റെ​യ്നോ​ൾ​ഡ് ആ​ണെ​ന്നാ​ണ് പോ​ലീ​സ് പ​റ​യു​ന്ന​ത്. സു​ഭ​ദ്ര​യെ കൊ​ച്ചി​യി​ൽനി​ന്ന് കൂ​ട്ടി​ക്കൊ​ണ്ടു​വ​ന്ന​ത് കൊ​ല​പ്പെ​ടു​ത്ത​ണ​മെ​ന്ന ഉ​ദ്ദേ​ശ​ത്തോ​ടെ ത​ന്നെ​യാ​യി​രു​ന്നു​വെ​ന്നും ക്രൂ​ര​മാ​യ മ​ർ​ദന​ത്തി​നുശേ​ഷ​മാ​ണ് സു​ഭ​ദ്ര​യെ കൊ​ന്ന​തെ​ന്നും പ്ര​തി​ക​ൾ പോ​ലീ​സ് ചോ​ദ്യം ചെ​യ്യ​ലി​ൽ വ്യ​ക്ത​മാ​ക്കി. കേ​സി​ൽ പ്ര​തി​ക​ളു​ടെ അ​റ​സ്റ്റ് രേ​ഖ​പ്പെ​ടു​ത്തി. കാ​ട്ടൂ​ർ പ​ള്ളി​പ്പ​റ​ന്പിൽ മാ​ത്യൂ​സ്, ഭാ​ര്യ ശ​ർ​മി​ള എ​ന്നി​വ​രു​ടെ അ​റ​സ്റ്റാ​ണ് രേ​ഖ​പ്പെ​ടു​ത്തി​യ​ത്.

സു​ഭ​ദ്ര​യെ മ​ർ​ദി​ച്ചി​രു​ന്നു എ​ന്നാ​ണ് പ്ര​തി​ക​ളു​ടെ മൊ​ഴി. നെ​ഞ്ചി​ൽ ച​വി​ട്ടി, ക​ഴു​ത്തു ഞെ​രി​ച്ചും സു​ഭ​ദ്ര​യെ മ​ർ​ദിച്ച​താ​യി ഇ​വ​ർ പോ​ലീ​സി​നോ​ട് വ്യ​ക്ത​മാ​ക്കി. അ​റ​സ്റ്റ് രേ​ഖ​പ്പെ​ടു​ത്തി​യ പ്ര​തി​ക​ളെ ഇ​ന്ന് കോ​ട​തി​യി​ൽ ഹാ​ജ​രാ​ക്കും. സു​ഭ​ദ്ര​യു​ടെ ശ​രീ​ര​ത്തി​ലെ ര​ണ്ട്‌ ഭാ​ഗ​ത്തെ​യും വാ​രി​യെ​ല്ലു​ക​ൾ പൂ​ർ​ണ​മാ​യും ത​ക​ർ​ന്ന നി​ല​യി​ലാ​യി​രു​ന്നു​വെ​ന്നാ​ണ് നേ​ര​ത്തെ പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ നി​ന്ന് ല​ഭി​ച്ച വി​വ​രം. ക​ഴു​ത്ത്, കൈ ​എ​ന്നി​വ ഒ​ടി​ഞ്ഞ നി​ല​യി​ലാ​യി​രു​ന്നു​വെ​ന്നും പോ​സ്റ്റ്‌​മോ​ർ​ട്ട​ത്തി​ൽ പ​റ​യു​ന്നു.

ഷ​ര്‍​മി​ള കൊ​ച്ചി​യി​ലെ​ത്തി​യ കാ​ല​ത്ത് സു​ഭ​ദ്ര ന​ട​ത്തി​യി​രു​ന്ന ഹോ​സ്റ്റ​ലി​ലാ​യി​രു​ന്നു താ​മ​സം. അ​ങ്ങ​നെ​യാ​ണ് ഇ​വ​ർ സു​ഭ​ദ്ര​യു​മാ​യി അ​ടു​ത്ത​ത്. ബ​ന്ധം ശ​ക്ത​മാ​യ​പ്പോ​ള്‍ ഇ​ട​യ്ക്ക് കു​റ​ച്ചുനാ​ള്‍ സു​ഭ​ദ്ര​യു​ടെ വീ​ട്ടി​ലും താ​മ​സി​ച്ചു. ഇ​ട​യ്ക്കി​ടെ സു​ഭ​ദ്ര​യെ ശ​ര്‍​മി​ള ആ​ല​പ്പു​ഴ​യി​ലെ വീ​ട്ടി​ലേ​ക്കും കൊ​ണ്ടു​പോ​കാ​റു​ണ്ടാ​യി​രു​ന്നു. അ​വി​ടെ വ​ച്ചാ​ണ് ശ​ര്‍​മി​ള​യു​ടെ പ​ങ്കാ​ളി​യാ​യ കാ​ട്ടൂ​രു​കാ​ര​ന്‍ മാ​ത്യൂ​സ് എ​ന്ന നി​ധി​നെ സു​ഭ​ദ്ര പ​രി​ച​യ​പ്പെ​ടു​ന്ന​ത്. ഒ​റ്റ​യ്ക്ക് താ​മ​സി​ച്ചി​രു​ന്ന സു​ഭ​ദ്ര​യു​ടെ സ്വ​ര്‍​ണാ​ഭ​ര​ങ്ങ​ളും പ​ണ​വും സ്വ​ന്ത​മാ​ക്കാ​നു​ള്ള ല​ക്ഷ്യ​ത്തോ​ടെ​യാ​യി​രു​ന്നു കൊ​ല​പാ​ത​ക​മെ​ന്നാ​ണ് സൂ​ച​ന.