പോ​രാ​ട്ട സ്മ​ര​ണ​ക​ളു​യ​ർ​ത്തി ഓ​ച്ചി​റ​ക്ക​ളി​ക്കു തു​ട​ക്കം
Sunday, June 16, 2024 2:54 AM IST
കാ​യം​കു​ളം: അ​ങ്ക​ച്ചു​വ​ടുവ​ച്ച് വാ​യ്ത്താ​രി മു​ഴ​ക്കി ആ​വേ​ശത്തിമി​ർ​പ്പി​ൽ പ​ട​യാ​ളി​ക​ൾ അ​ങ്കം​കു​റി​ച്ച​തോ​ടെ യു​ദ്ധസ്മ​ര​ണ​യി​ൽ ച​രി​ത്ര പ്ര​സി​ദ്ധ​മാ​യ ഓ​ച്ചി​റ​ക്ക​ളി​ക്ക് തു​ട​ക്ക​മാ​യി. ഓ​ച്ചി​റ പ​ര​ബ്ര​ഹ്മ സ​ന്നി​ധി​യി​ലെ എ​ട്ടു​ക​ണ്ട​ത്തെ പോ​ർ​ക്ക​ള​മാ​ക്കി വ​ടി​യും പ​രി​ച​യു​മാ​യി ആ​യോ​ധ​ന ക​ലാ​ഭ്യാ​സി​ക​ൾ പ്ര​തീ​കാ​ത്മ​ക​മാ​യി ഏ​റ്റു​മു​ട്ടി​യ​പ്പോ​ൾ ക​ളികാ​ണാ​നെ​ത്തി​യ ആ​യി​ര​ങ്ങ​ൾ ആ​വേ​ശ​ത്തോ​ടെ ആ​ർ​പ്പൂവി​ളി​ച്ചു.

ഓ​ച്ചി​റ​ക്ക​ളി ഇ​ന്നു സ​മാ​പി​ക്കും. ഓ​ണാ​ട്ടു​ക​ര​യു​ടെ ക​രു​ത്തും മെ​യ്‌വ​ഴ​ക്ക​വും ആ​യോ​ധ​ന​വൈ​ഭ​വ​വു​മെ​ല്ലാം വെ​ളി​വാ​ക്കി​യ ഓ​ച്ചി​റ​ക്ക​ളി കാ​ണാ​ൻ നൂ​റു​ക​ണ​ക്കി​ന് ജ​ന​ങ്ങ​ൾ പ​ട​നി​ല​ത്തേ​ക്ക് ഒ​ഴു​കി​യെ​ത്തി. ഓ​ണാ​ട്ടു​ക​ര പ്ര​ദേ​ശ​ത്തെ ക​രു​നാ​ഗ​പ്പ​ള്ളി, കാ​ർ​ത്തി​ക​പ്പ​ള്ളി, മാ​വേ​ലി​ക്ക​ര താ​ലൂ​ക്കു​ക​ളി​ൽ​പ്പെ​ട്ട 52 ക​ര​ക​ളി​ൽ​നി​ന്നു​ള്ള അ​ഞ്ഞൂ​റി​ല​ധി​കം ക​ളി​സം​ഘ​ങ്ങ​ൾ പ​ട​നി​ല​ത്ത് പ​ര​സ്പ​രം ഏ​റ്റു​മു​ട്ടി.

ര​ണ്ടു നൂ​റ്റാ​ണ്ടുമു​മ്പ് കാ​യം​കു​ളം, വേ​ണാ​ട് രാ​ജാ​ക്ക​ന്മാ​ർ ത​മ്മി​ൽ ന​ട​ന്ന യു​ദ്ധ സ്മ​ര​ണ​യാ​ണ് ഓ​ച്ചി​റ​ക്ക​ളി​യു​ടെ ഐ​തീ​ഹ്യ​മെ​ന്ന് പ​റ​യ​പ്പെ​ടു​ന്നു. ഇ​ന്ന​ലെ രാ​വി​ലെ 7ന് ​ക്ഷേ​ത്ര​ഭ​ര​ണ​സ​മി​തി പ്ര​സി​ഡ​ന്‍റ് ജി. ​സ​ത്യ​ൻ പ​താ​ക ഉ​യ​ർ​ത്തി. രാ​വി​ലെ 11.30ന് ​കെ.സി. ​വേ​ണു​ഗോ​പാ​ൽ എംപി ഉ​ദ്‌​ഘാ​ട​നം ചെയ്തു. എം​എ​ൽ​എ​മാ​രാ​യ യു. ​പ്ര​തി​ഭ, സി.ആ​ർ. മ​ഹേ​ഷ് മു​തി​ർ​ന്ന ഹൈ​ക്കോ​ട​തി അ​ഭി​ഭാ​ഷ​ക​ൻ കെ. ​ജാ​ജു ബാ​ബു എ​ന്നി​വ​ർ മു​ഖ്യാ​തി​ഥി​ക​ളാ​യി. തു​ട​ർ​ന്ന് ഋ​ഷ​ഭ​വീ​ര​ന്മാ​രു​ടെ അ​ക​മ്പ​ടി​യോ​ടു​കൂ​ടി ക്ഷേ​ത്ര​ഭ​ര​ണ​സ​മി​തി ഭാ​ര​വാ​ഹി​ക​ൾ, സ്ഥാ​നി​ക​ൾ, കാ​രാ​യ്മ വി​ഭാ​ഗ​ക്കാ​ർ, ക​ള​രി സം​ഘ​ങ്ങ​ൾ എ​ന്നി​വ​ർ താ​ള​മേ​ള​ങ്ങ​ളു​ടെ അ​ക​മ്പ​ടി​യോ​ടെ എ​ട്ടു​ക​ണ്ടം ചു​റ്റി ഘോ​ഷ​യാ​ത്ര ആ​രം​ഭി​ച്ചു.

ക​ണ്ട​ല്ലൂ​ർ ഉ​ണ്ണി​കൃ​ഷ്ണ​ന്‍റെ നേ​തൃ​ത്വ​ത്തി​ൽ 50 ക​ലാ​കാ​ര​ന്മാ​ർ അ​ണി​നി​ര​ന്ന പ​ഞ്ചാ​രി​മേ​ള​വും അ​ര​ങ്ങേ​റി. ഓ​ച്ചി​റ​ക്ക​ളി​യെ വ​ർ​ണാ​ഭ​മാ​ക്കി നൂ​റോ​ളം പേ​ര​ട​ങ്ങു​ന്ന കൊ​ല്ലം, കേ​ര​ള​പു​രം പ്ര​താ​പ​ൻ ഗു​രു​ക്ക​ൾ, ത​ഴ​വ മ​ണ​പ്പ​ള്ളി, പി.സി. സു​നി​ൽ ഗു​രു​ക്ക​ൾ എ​ന്നീ ക​ള​രി​പ്പ​യ​റ്റ് സം​ഘ​ങ്ങ​ളു​ടെ നേ​തൃ​ത്വ​ത്തി​ൽ ക​ള​രി​പ​യ​റ്റ് പ്ര​ദ​ർ​ശ​ന​വും ന​ട​ന്നു. ക​ളി​സം​ഘ​ങ്ങ​ൾ​ക്ക് എ,​ ബി, സി ​വി​ഭാ​ഗ​ങ്ങ​ളാ​യി തി​രി​ച്ച് ഗ്രാ​ന്‍റുക​ൾ വി​ത​ര​ണം ചെ​യ്യു​മെ​ന്ന് ക്ഷേ​ത്ര ഭ​ര​ണസ​മി​തി അ​റി​യി​ച്ചു. ഓ​ച്ചി​റ​ക​ളി​യു​ടെ ഭാ​ഗ​മാ​യി മൂ​ന്നു ദി​വ​സം നീ​ണ്ടുനി​ൽ​ക്കു​ന്ന കാ​ർ​ഷി​ക പ്ര​ദ​ർ​ശ​ന​വും ആ​രം​ഭി​ച്ചു.

Copyright @ 2022 , Rashtra Deepika Ltd.