വൈകാരിക പ്രകടനങ്ങള്ക്ക് മികച്ചത് മാതൃഭാഷ: ജില്ലാ കളക്ടര്
1396695
Friday, March 1, 2024 11:19 PM IST
ആലപ്പുഴ: ആശയ പ്രകാശനത്തിനും വൈകാരിക പ്രകടനങ്ങള്ക്കും ഏറ്റവും മികച്ചത് മാതൃഭാഷയെന്ന് ജില്ലാ കളക്ടര് ജോണ് വി. സാമുവല്. സര്ക്കാരിന്റെ ആഭിമുഖ്യത്തില് ഭരണഭാഷാ വാരാഘോഷത്തിന്റെ ഭാഗമായി സംഘടിപ്പിച്ച വിവിധ മത്സരങ്ങളിലെ വിജയികള്ക്കുള്ള സമ്മാനവിതരണം നിര്വഹിക്കുകയായിരുന്നു അദ്ദേഹം.
ഇന്ഫര്മേഷന് പബ്ലിക്ക് റിലേഷന്സ് വകുപ്പ് ജില്ലാതലത്തില് സര്ക്കാര്, എയ്ഡഡ് ഹൈസ്കൂള് വിദ്യാര്ഥികള്ക്കായി സംഘടിപ്പിച്ച കേരളീയം ഉപന്യാസരചന മത്സരവിജയികള്ക്കുള്ള ഷെവലിയര് വി.സി. ആന്റണി മാസ്റ്റര് മെമ്മോറിയല് കാഷ് പ്രൈസ്, മെമന്റെ, സര്ട്ടിഫിക്കറ്റ് എന്നിവ ചടങ്ങില് വിതരണം ചെയ്തു.
ഡെപ്യൂട്ടി കളക്ടര് (എല്എ) മുഹമ്മദ് ഷാഫി അധ്യക്ഷത വഹിച്ചു. ഐപിആര്ഡി മേഖല ഡെപ്യൂട്ടി ഡയറക്ടര് ചന്ദ്രഹാസന് വടുതല, ലിയോ തേര്ട്ടീന്ത് ഹയര് സെക്കന്ഡറി സ്കൂള് മാനേജര് ഫാ. ഫ്രാന്സിസ് കൊടിയനാട്, ഷെവലിയര് വി.സി. ആന്റണി സെന്റര് പ്രതിനിധി ജോസ് ആന്റണി തുടങ്ങിയവര് പങ്കെടുത്തു.