ല​ക്കും ല​ഗാ​നു​മി​ല്ലാ​തെ സ്പീ​ഡ് ബോ​ട്ടു​ക​ൾ
Sunday, March 26, 2023 10:26 PM IST
ആ​ല​പ്പു​ഴ: സം​സ്ഥാ​ന ജ​ല​ഗ​താ​ഗ​ത വ​കു​പ്പി​ന്‍റെ ബോ​ട്ടി​നും ടൂ​റി​സ്റ്റു​ക​ളു​മാ​യി നാ​ടു​ചു​റ്റി​ക്കാ​ണാ​നി​റ​ങ്ങു​ന്ന സ്വ​കാ​ര്യ ബോ​ട്ടു​ക​ൾ​ക്കും പു​ര​വ​ഞ്ചി​ക​ൾ​ക്കും ഭീ​ഷ​ണി​യാ​യി സ്പീ​ഡ് ബോ​ട്ടു​ക​ളു​ടെ പ​ര​ക്കം പാ​ച്ചി​ൽ. കാ​യ​ലി​ൽ ആ​ങ്ക​ർ ചെ​യ്യു​ന്ന പു​ര​വ​ഞ്ചി​ക​ളി​ലെ വി​നോ​ദ​സ​ഞ്ചാ​രി​ക​ളെ ക​യ​റ്റി കാ​യ​ലി​ൽ​ക്കൂ​ടി സാ​ഹ​സ ഓ​ട്ടം ന​ട​ത്തി തി​രി​കെ എ​ത്തി​ക്കു​ന്ന പ​രി​പാ​ടി​യാ​ണ് സ്പീ​ഡ് ബോ​ട്ടു​ക​ളി​ലേ​റെ​യും ചെ​യ്യു​ന്ന​ത്. പു​ര​വ​ഞ്ചി​ക​ളു​ടെ​യും യാ​ത്രാ ബോ​ട്ടു​ക​ളു​ടെ​യും തി​ര​ക്കു​പി​ടി​ച്ച യാ​ത്ര​യു​ടെ ഇ​ട​യി​ൽ​കൂ​ടി നി​യ​ന്ത്ര​ണ​മി​ല്ലാ​തെ സാ​ഹ​സി​ക​യോ​ട്ടം ന​ട​ത്തു​ന്നു​വെ​ന്നാ​ണ് പ​രാ​തി.

രാ​ത്രി​യി​ൽ
കൂ​ട്ടി​യി​ടി

ക​ഴി​ഞ്ഞ ദി​വ​സം നി​റ​യെ യാ​ത്ര​ക്കാ​രു​മാ​യി ആ​ല​പ്പു​ഴ​യി​ൽ​നി​ന്നു കാ​വാ​ലം-​കൃ​ഷ്ണ​പു​ര​ത്തി​നു പോ​യ സം​സ്ഥാ​ന ജ​ല​ഗ​താ​ഗ​ത വ​കു​പ്പി​ന്‍റെ ബോ​ട്ടി​ന്‍റെ മു​ൻ​ഭാ​ഗം അ​തി​വേ​ഗ​ത്തി​ലെ​ത്തി​യ സ്പീ​ഡ് ബോ​ട്ട് ഇ​ടി​ച്ചു ത​ക​ർ​ത്തു. ഇ​ടി​യു​ടെ ആ​ഘാ​ത​ത്തി​ൽ യാ​ത്രാ​ബോ​ട്ടി​ന്‍റെ മു​ൻ​വ​ശ​ത്തെ മൂ​ന്നു പ​ല​ക ത​ക​ർ​ന്നു. ബോ​ട്ടി​ടി​ച്ചു ത​ക​ർ​ന്ന പ​ല​ക വാ​ട്ട​ർ ലെ​വ​ലി​നു മു​ക​ളി​ലാ​യി​രു​ന്ന​തി​നാ​ലാ​ണ് വെ​ള്ളം അ​ക​ത്തു ക​യ​റാ​തി​രു​ന്ന​ത്. ഇ​ടി​യു​ടെ ആ​ഘാ​ത​ത്തി​ൽ ബോ​ട്ട് ആ​ടി​യു​ല​ഞ്ഞെ​ങ്കി​ലും ജീ​വ​ന​ക്കാ​ർ ജെ​ട്ടി​യി​ൽ അ​ടു​പ്പി​ച്ചു യാ​ത്ര​ക്കാ​രെ ‌‌സു​ര​ക്ഷി​ത​രാ​യി ക​ര​യി​ൽ ഇ​റ​ക്കി.

ഈ ​ബോ​ട്ടി​ൽ യാ​ത്ര​ക്കാ​രു​മാ​യി യാ​ത്ര തു​ട​രാ​നാ​വാ​ത്തി​നെ​തു​ട​ർ​ന്ന മ​റ്റൊ​രു ബോ​ട്ട് വ​രു​ത്തി​യാ​ണ് യാ​ത്ര​ക്കാ​രെ ക​യ​റ്റി​വി​ട്ട​ത്. ക​ഴി​ഞ്ഞ ദി​വ​സം രാ​ത്രി 7.25ന് ​വേ​മ്പ​നാ​ട്ടു കാ​യ​ലി​ൽ നെ​ഹ്റു​ട്രോ​ഫി ബോ​ട്ടു​ജെ​ട്ടി​ക്കു സ​മീ​പ​മാ​യി​രു​ന്നു അ​പ​ക​ടം.

സ​മ​യം
തെ​റ്റി​യോ​ട്ടം

യാ​ത്രാ ബോ​ട്ടി​ൽ സ്പീ​ഡ് ബോ​ട്ട് ഇ​ടി​ക്കു​ന്ന​ത് ആ​ദ്യ സം​ഭ​വ​മാ​ണ്. യാ​ത്രാ ബോ​ട്ടു​ക​ൾ, ഹൗ​സ് ബോ​ട്ടു​ക​ൾ, നാ​ട്ടു​കാ​ർ എ​ന്നി​വ​രു​ടെ സു​ര​ക്ഷ ക​ണ​ക്കി​ലെ​ടു​ത്തു വൈ​കു​ന്നേ​രം ആ​റി​നു ശേ​ഷം സ്പീ​ഡ് ബോ​ട്ടു​ക​ൾ യാ​ത്ര ന​ട​ത്ത​രു​തെ​ന്നു ക​ള​ക്ട​റു​ടെ ഉ​ത്ത​ര​വു​ണ്ടാ​യി​ക്കെ​യാ​ണ് സ്പീ​ഡ് ബോ​ട്ട് രാ​ത്രി ഏ​ഴ​ര​യ്ക്ക് അ​പ​ക​ട​മു​ണ്ടാ​ക്കി​യ​ത്. സ്പീ​ഡ് ബോ​ട്ട് ഉ​ട​മ​യ്ക്കെ​തി​രേ ജ​ല ഗ​താ​ഗ​ത വ​കു​പ്പ് ട്രാ​ഫി​ക് സൂ​പ്ര​ണ്ട് നോ​ർ​ത്ത് പോ​ലീ​സി​ൽ പ​രാ​തി ന​ൽ​കി.

പോ​ലീ​സ് സ്ഥ​ല​ത്തെ​ത്തി ഡ്രൈ​വ​റെ ക​സ്റ്റ​ഡി​യി​ലെ​ടു​ത്തു. വൈ​ദ്യ​പ​രി​ശോ​ധ​ന​യ്ക്കു വി​ധേ​യ​നാ​ക്കി. ജെ​ട്ടി​യി​ൽ​നി​ന്നു യാ​ത്ര​ക്കാ​രെ ക​യ​റ്റി നെ​ഹ്റു​ട്രോ​ഫി ജെ​ട്ടി​യി​ലേ​ക്ക് ബോ​ട്ട് അ​ടു​പ്പി​ക്കാ​ൻ ഓ​ടി​ത്തു​ട​ങ്ങി​യ​പ്പോ​ഴാ​ണ് സ്പീ​ഡ് ബോ​ട്ട് ഇ​ടി​ച്ച​ത്. ബോ​ട്ടി​ന് 1.5 ല​ക്ഷ​ത്തി​ലേ​റെ രൂ​പ​യു​ടെ നാ​ശ​മു​ണ്ടാ​യി. ഇ​തു സ്പീ​ഡ് ബോ​ട്ട് ഉ​ട​മ​യി​ൽ​നി​ന്ന് ഈ​ടാ​ക്കും.

ആ​ശ്ര​യം ബോ​ട്ട്
സ​ർ​വീ​സ്

എ​സി റോ​ഡി​ൽ നി​ർ​മാ​ണം ന​ട​ക്കു​ന്ന​തി​നാ​ൽ കൂ​ടു​ത​ൽ ആ​ളു​ക​ളും ഇ​പ്പോ​ൾ ജ​ല​ഗ​താ​ഗ​ത​വ​കു​പ്പി​ന്‍റെ ബോ​ട്ട് സ​ർ​വീ​സി​നെ​യാ​ണ് ആ​ശ്ര​യി​ക്കു​ന്ന​ത്. ഈ ​ഘ​ട്ട​ത്തി​ലാ​ണ് യാ​ത്ര​ക്കാ​രെ ബു​ദ്ധി​മു​ട്ടി​ലാ​ക്കു​ന്ന അ​പ​ക​ടം. അ​പ​ക​ട​ത്തി​ൽ​പ്പെ​ട്ട ബോ​ട്ട് പ​ണി​തീ​ർ​ത്തു പു​റ​ത്തി​റ​ങ്ങു​ന്ന​തു​വ​രെ പ​ക​രം സം​വി​ധാ​നം ഏ​ർ​പ്പെ​ടു​ത്തി​യി​ട്ടു​ണ്ട്. പ​ല ബോ​ട്ടു​ക​ളും യ​ന്ത്ര​ത്ത​ക​രാ​ർ ഉ​ൾ​പ്പെ​ടെ​യു​ള്ള കാ​ര്യ​ങ്ങ​ളാ​ൽ പ​ണി​പ്പു​ര​യി​ൽ കി​ട​ക്കു​ന്പോ​ഴാ​ണ് സു​ഗ​മ​മാ​യി യാ​ത്ര ന​ട​ത്തി​ക്കൊ​ണ്ടി​രു​ന്ന ബോ​ട്ട് അ​പ​ക​ട​ത്തി​ൽ​പ്പെ​ട്ട​ത്.

ഭീ​ഷ​ണി​യാ​യി
അ​പ​ക​ട​പ്പാ​ച്ചി​ൽ

ലൈ​സ​ൻ​സ് എ​ടു​ത്ത​തും ഇ​ല്ലാ​ത്ത​തു​മാ​യ നൂ​റി​ലേ​റെ സ്പീ​ഡ് ബോ​ട്ടു​ക​ൾ വേ​മ്പ​നാ​ട്ട് കാ​യ​ലി​ലും പു​ന്ന​മ​ട​ക്കാ​യ​ലി​ലും പാ​യു​ന്നു​ണ്ട്. പ​ല​തും യാ​തൊ​രു മാ​ന​ദ​ണ്ഡ​വും പാ​ലി​ക്കാ​തെ അ​പ​ക​ട​ക​ര​മാ​യ രീ​തി​യി​ലാ​ണ് പാ​ച്ചി​ൽ ന​ട​ത്തു​ന്ന​ത്. ഹൗ​സ് ബോ​ട്ടു​ക​ളു​ടെ​യും യാ​ത്രാ ബോ​ട്ടു​ക​ളു​ടെ​യും മ​ധ്യേ കൂ​ടി സാ​ഹ​സ​ഓ​ട്ടം ന​ട​ത്തു​ന്ന​തു നി​രോ​ധി​ക്ക​ണ​മെ​ന്ന് ഒ​ട്ടേ​റെ​ത്ത​വ​ണ ആ​വ​ശ്യ​പ്പെ​ട്ടി​ട്ടും ന​ട​പ​ടി സ്വീ​ക​രി​ച്ചി​ല്ലെ​ന്നും ജ​ല​ഗ​താ​ഗ​ത വ​കു​പ്പ് ജീ​വ​ന​ക്കാ​ർ പ​റ​ഞ്ഞു. ഹൗ​സ് ബോ​ട്ടു​ക​ൾ​ക്കു മു​ന്നി​ൽ യാ​ത്ര​ക്കാ​രെ ആ​ക​ർ​ഷി​ക്കാ​ൻ കാ​യ​ൽ​പ്പ​ര​പ്പി​ൽ വ​ലി​യ വേ​ഗ​ത്തി​ൽ ബോ​ട്ട് ഓ​ടി​ച്ച് അ​ഭ്യാ​സം കാ​ണി​ക്കു​ന്ന​ത് ഇ​വ​രു​ടെ സ്ഥി​രം പ​രി​പാ​ടി​യാ​ണ്.

Copyright @ 2022 , Rashtra Deepika Ltd.