ചെ​ന്നി​ത്ത​ല-ബു​ധ​നൂ​ർ പാ​ലം യാ​ഥാ​ർ​ഥ്യ​മാ​കു​ന്നു
Thursday, February 2, 2023 10:37 PM IST
മാ​ന്നാ​ർ: ചെ​ന്നി​ത്ത​ല -ബു​ധ​നൂ​ർ പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന മ​ഠ​ത്തി​ൽ​ക​ട​വ് (നെ​ൽ​പ്പു​ര​ക്ക​ട​വ്) പാ​ലം യാ​ഥാ​ർ​ഥ്യ​മാ​കു​ന്നു. പാ​ല​ത്തി​ന്‍റെ അ​വ​സാ​നഘ​ട്ട നി​ർ​മാ​ണ​ത്തി​ലേ​ക്ക് ക​ട​ന്ന​തോ​ടെ ഒ​രു ജ​ന​ത​യു​ടെ കാ​ത്തി​രി​പ്പി​നു വി​രാ​മ​മാ​കു​ന്നു. ര​ണ്ടു നാ​ടി​ന്‍റെ ദീ​ർ​ഘ​കാ​ല​മാ​യു​ള്ള ആ​വ​ശ്യ​ങ്ങ​ളി​ലൊ​ന്നാ​യി​രു​ന്നു മ​ഠ​ത്തി​ൽ​ക്ക​ട​വ് പാ​ലം.

ഇ​ത് യ​ഥാ​ർ​ഥ്യ​മാ​കു​ന്ന​തി​ന്‍റെ സ​ന്തോ​ഷ​ത്തി​ലാ​ണ് ജ​ന​ങ്ങ​ൾ. സ​ജി ചെ​റി​യാ​ൻ എം​എ​ൽ​എ​യു​ടെ നി​ർ​ദേ​ശ​ത്തി​ൽ സം​സ്ഥാ​ന സ​ർ​ക്കാ​രി​ന്‍റെ ​ബ​ജ​റ്റ് ഫ​ണ്ടി​ൽ നി​ന്നും 11 കോ​ടി 80 ല​ക്ഷം രൂപ ഉ​പ​യോ​ഗി​ച്ചാ​ണ് പാ​ല​ത്തി​ന്‍റെ നി​ർ​മാ​ണം. 2019 ജൂ​ലൈ​യി​ൽ മു​ൻ മ​ന്ത്രി ജി. ​സു​ധാ​ക​ര​നാ​ണ് പാ​ല​ത്തി​ന്‍റെ നി​ർ​മാ​ണ പ്ര​വ​ർ​ത്ത​ന​ത്തി​നു ക​ല്ലി​ട്ട​ത്.

  78 മീ​റ്റ​ർ നീ​ള​വും 9.7 മീ​റ്റ​ർ വീ​തി​യു​മു​ള്ള പാ​ല​ത്തി​നു മൂ​ന്ന് സ്പാ​നു​ക​ളാ​ണു​ള്ള​ത്. അ​ച്ച​ൻ​കോ​വി​ലാ​റി​ന്‍റെ ഇ​രു​ക​ര​ക​ളെ​യും ബ​ന്ധി​പ്പി​ക്കു​ന്ന ആം​ബു​ല​ൻ​സ് പാ​ല​മാ​ണ് ഉ​ണ്ടാ​യി​രു​ന്ന​ത്. പാ​ല​ത്തി​ന്‍റെ അ​ടി​യി​ലൂ​ടെ​യു​ള്ള പ​ള്ളി​യോ​ട​ത്തി​ന്‍റെ യാ​ത്ര ഏ​റെ ദു​ർ​ഘ​ട​മാ​യി​രു​ന്നു.

പ​ള്ളി​യോ​ട​ത്തി​ന്‍റെ അ​മ​രം ആം​ബു​ല​ൻ​സ് പാ​ല​ത്തി​ൽ ത​ട്ടി പ​ല​പ്പോ​ഴും പ​ള്ളി​യോ​ട​ത്തി​ന് കേ​ടു​പാ​ടു​ക​ൾ സം​ഭ​വി​ക്കു​ക പ​തി​വാ​യി​രു​ന്നു.

കാ​ടു​ക​യ​റി​യ പ്ര​ദേ​ശം നീ​ണ്ട പ​രി​ശ്ര​മ​ത്തി​ലൂ​ടെ വൃ​ത്തി​യാ​ക്കി​യ ശേ​ഷ​മാ​ണ് പു​തി​യ പാ​ലം നി​ർ​മി​ച്ച​ത്. മാ​ർ​ച്ച​വ​സാ​ന​ത്തോ​ടെ പാ​ല​ത്തി​ന്‍റെ പ​ണി​ക​ൾ പൂ​ർ​ത്തീ​ക​രി​ക്കാ​ൻ ക​ഴി​യു​മെ​ന്ന് പൊ​തു​മ​രാ​മ​ത്തു വി​ഭാ​ഗം അ​ധി​കൃ​ത​ർ പ​റ​ഞ്ഞു.

Copyright @ 2022 , Rashtra Deepika Ltd.