ആലപ്പുഴ: റോട്ടറി ക്ലബ്‌ ഓഫ്‌ ആലപ്പി കാരുണ്യദീപം അന്തേവാസികൾക്ക് ഹൗസ്ബോട്ട് ഉല്ലാസയാത്രയും കലാപരിപാടികളും നടത്തി. സസ്‌നേഹം എന്ന പേരിൽ 80 ആളുകളുടെ ഉല്ലാസയാത്ര രാവിലെ 11.30 മുതൽ വൈകുന്നേരം വരെ നടന്നു. വിനോദ കലാപരിപാടികളുടെ ഉദ്ഘാടനം മുനിസിപ്പൽ ചെയർപേഴ്സൺ സൗമ്യ രാജ് നിർവഹിച്ചു. ജോസ് ആറാത്തുംപള്ളി അധ്യക്ഷനായി.
ഡിസ്ട്രിക്ട് സെക്രട്ടറി ജനറൽ വിജയലക്ഷ്മി നായർ സ്വാഗതം പറഞ്ഞു. ഗോപിനാഥൻ നായർ, സസ്‌നേഹം ചെയർമാൻ കെ. ചെറിയാൻ, ആർ. വിനീത, ബീന രമേശ്, കുമാരസ്വാമി പിള്ളൈ, ലെഫ്റ്റനന്‍റ് ഗവർണർ ജോർജ് തോമസ്, കെ.ജി. ഗിരീശൻ, ആന്‍റണി മലയിൽ, മാത്യു ജോസഫ് എന്നിവർ പ്രസംഗിച്ചു.
ശിലാസ്ഥാപനം നടത്തി
ചേർത്തല: ബിഷപ് മൂർ വിദ്യാപീഠം സ്കൂളിൽ പുതുതായി നിർമിക്കുന്ന കെട്ടിടത്തിന്‍റെ ശിലാസ്ഥാപനം സിഎസ്ഐ മധ്യകേരള മഹാ ഇടവക ബിഷപ് ഡോ. മലയിൽ സാബു കോശി ചെറിയാൻ നിർവഹിച്ചു. സെൽഫ് ഫിനാൻസിംഗ് സ്കൂൾ മാനേജർ പ്രഫ. ജോസഫ് തോമസ്, ജേക്കബ് ഫിലിപ്പ്, ഫിലിപ്പ് എം. വർഗീസ്, ഫാ. ജിബിൻ തമ്പി, പിടിഎ പ്രസിഡന്‍റ് രാജേഷ്, സ്കൂൾ മാനേജർ ഫാ. തോമസ് കെ. പ്രസാദ്, പ്രിൻസിപ്പൽ പ്രിനു ചെറിയാൻ, അക്കാഡമി ഡയറക്ടർ ആശാ കുറുപ്പ് എന്നിവർ പ്രസംഗിച്ചു.