പൂച്ചാക്കൽ: തൈക്കാട്ടുശേരി ബ്ലോക്ക് പഞ്ചായത്തിന്‍റെ കേരളോത്സവത്തിന്‍റെ ഉദ്ഘാടനത്തോടനുബന്ധിച്ച് സംഘടിപ്പിച്ച സാംസ്കാരിക റാലി വ്യത്യസ്തത കൊണ്ട് ശ്രദ്ധേയമായി. പരിപാടിയിൽ പങ്കെടുക്കാനെത്തിയ ഹരിതകർമസേനയുടെ പ്ലാസ്റ്റിക് ശേഖരണ തൊഴിലാളി പാട്ട് പാടി ഉദ്ഘാടനം ചെയ്താണ് ഉദ്ഘാടനം വ്യത്യാസതവരുത്തിയത്.
അധ്യക്ഷനായ ബ്ലോക്ക് പഞ്ചായത്ത് പ്രസിഡന്‍റ് പി.എം. പ്രമോദ് അദ്ധ്യക്ഷപ്രസംഗം നിർത്തി ഉദ്ഘാടനത്തിനായി പെരുമ്പളം പഞ്ചായത്തിലെ ഹരിത കർമ്മസേന സെക്രട്ടറി ഗിരിജയെ ക്ഷണിച്ചപ്പോഴാണ് ഒപ്പം ഉണ്ടായിരുന്നവർ പ്പോലും വ്യത്യസ്ത നിറഞ്ഞ ഉദ്ഘാടനം അറിഞ്ഞത്. ബ്ലോക്ക് പഞ്ചായത്ത് അതിർത്തിൽ ആദ്യ പ്ലാസ്റ്റിക് രഹിത പഞ്ചായത്തായി മാറിയതിനുള്ള അംഗീകാരംകൂടിയാണ് അപ്രതീക്ഷ ഉദ്ഘാടനം.
ഭിന്നശേഷി കലോത്സവത്തിലും ഭിന്നശേഷി കലാകാരനെകൊണ്ട് ഉദ്ഘാടനം ചെയ്യിച്ചതും ശ്രദ്ധേയമായിരുന്നു. മൂന്ന് ദിവസങ്ങളിലായി നടക്കുന്ന ബ്ലോക്ക് തല കലാ-കായികമേള നടക്കുന്നത്.
ദശലക്ഷാര്‍ച്ചന:
ഭദ്രദീപ പ്രകാശനം നടത്തി
ചേർത്തല: വേളോർവട്ടം മഹാദേവക്ഷേത്രത്തിൽ ദശലക്ഷാർനയോടനുബന്ധിച്ചുള്ള ഭദ്രദീപ പ്രകാശനം ടിഎംഎംസി മാനേജിംഗ് ഡയറക്ടർ വി.വി. പവിത്രൻ നിർവഹിച്ചു. ക്ഷേത്രത്തിൽ പുതിയതായി നിർമിച്ച ജന്മനക്ഷത്രക്കാവ് ദേവസ്വം പ്രസിഡന്‍റ് പി.ചന്ദ്രമോഹൻ സമർപ്പിച്ചു.
കമ്മിറ്റി ചെയർമാൻ എൻ.രാമദാസ്, സി.കെ സുരേഷ് ബാബു, ജി.കെ അജിത്ത്, സി.പി. കർത്ത, വി.എസ്. സുരേഷ്, എ.പി. റജി, ധിരൻ ബേബി, ഗോവിന്ദ കമ്മത്ത്, ശിവമോഹൻ, സോഹൻലാൽ, മധു, വേണുഗോപാൽ, ജയകൃഷ്ണൻ, സുധീഷ്, മധു, പ്രദീപ് എന്നിവർ പങ്കെടുത്തു.