ജ​പ്തിഭീ​ഷ​ണി: ആ​ത്മ​ഹ​ത്യ​ക്ക് ശ്ര​മി​ച്ച വീ​ട്ട​മ്മ മ​രി​ച്ചു
Tuesday, November 29, 2022 10:54 PM IST
അ​മ്പ​ല​പ്പു​ഴ: സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ന്‍റെ ജ​പ്തി ഭീ​ഷ​ണി​യെത്തുട​ർ​ന്ന് ആ​ത്മ​ഹ​ത്യ​ക്ക് ശ്ര​മി​ച്ച വീ​ട്ട​മ്മ മ​രി​ച്ചു. പു​റ​ക്കാ​ട് പ​ഞ്ചാ​യ​ത്ത് 18-ാം വാ​ർ​ഡ് തെ​ക്കേ​യ​റ്റ​ത് വീ​ട്ടി​ൽ വസു​മ​തി(70)​യാ​ണ് മ​രി​ച്ച​ത്. 2016 ൽ ​ഒ​രു സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ത്തി​ന്‍റെ ആ​ല​പ്പു​ഴ ശാ​ഖ​യി​ൽനി​ന്ന് 2.5 ല​ക്ഷം രൂ​പ​യാ​ണ് വീ​ട് നി​ർ​മാ​ണ​ത്തി​ന് ഇ​വ​ർ വാ​യ്പ​യെ​ടു​ത്തത്. പി​ന്നീ​ട് പ​ല​പ്പോ​ഴാ​യി 1.3 ല​ക്ഷം രൂ​പ തി​രി​കെ​യ​ട​ച്ചു.
മു​ത​ലും പ​ലി​ശ​യും ചേ​ർ​ത്ത് ഇ​നി​യും അഞ്ചുല​ക്ഷം രൂ​പ കൂ​ടി ഉ​ട​ൻ അ​ട​യ്ക്ക​ണ​മെ​ന്ന് കാ​ട്ടി സ്ഥാ​പ​ന​ത്തി​ന്‍റെ ജീ​വ​ന​ക്കാ​ർ ആ​ഴ്ച​ക്ക​ൾ​ക്കു മു​മ്പ് വീ​ട്ടി​ലെ​ത്തി. തു​ട​ർ​ന്ന് വ​സു​മ​തി മാ​ന​സി​ക​മാ​യി ഏ​റെ വി​ഷ​മ​ത്തി​ലാ​യി​രു​ന്ന​താ​യി ബ​ന്ധു​ക്ക​ൾ പ​റ​ഞ്ഞു. ഏ​താ​നും ദി​വ​സ​ങ്ങ​ൾ​ക്കു മു​മ്പ് വീ​ണ്ടും ഇ​വ​രു​ടെ വീ​ട്ടി​ലെ​ത്തി​യ പ​ണ​മി​ട​പാ​ട് സ്ഥാ​പ​ന​ത്തി​ലെ ജീ​വ​ന​ക്കാ​ർ, ഉ​ട​ൻ പ​ണം അ​ട​ച്ചി​ല്ലെങ്കി​ൽ വ​സു​മ​തി​യു​ടെ പേ​രി​ലു​ള്ള ര​ണ്ടേ​കാ​ൽ സെ​ന്‍റ് സ്ഥ​ല​വും മ​ക​ന്‍റെ​യും മ​രു​മ​ക​ളു​ടെ​യും പേ​രി​ലു​ള്ള മൂ​ന്നു സെ​ന്‍റും ഉൾ​പ്പെടെ അ​ഞ്ചേ​കാ​ൽ സെ​ന്‍റ് സ്ഥ​ല​വും വീ​ടും ജ​പ്തി ചെ​യ്യു​മെ​ന്ന ഭീ​ഷ​ണി മു​ഴ​ക്കി.
പി​ന്നീ​ട് പ​ല​പ്പോ​ഴാ​യി ആ​റുത​വ​ണ ബാ​ങ്ക് ജീ​വ​ന​ക്കാ​ർ വീ​ട്ടി​ലെ​ത്തി​യ​താ​യി ഇ​വ​ർ പ​റ​ഞ്ഞു. ജീ​വ​ന​ക്കാ​ർ മ​ട​ങ്ങി​യ​തി​നു പി​ന്നാ​ലെ ദേ​ഹ​ത്ത് മ​ണ്ണെ​ണ്ണ​യൊ​ഴി​ച്ച് തീ ​കൊ​ളു​ത്തി​യ വ​സു​മ​തി​യെ ദേ​ഹ​മാ​സ​ക​ലം പൊ​ള്ള​ലേ​റ്റ് വ​ണ്ടാ​നം മെ​ഡി​ക്ക​ൽ കോളജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പി​ന്നീ​ട് ആ​ശു​പ​ത്രി വി​ട്ട് വീ​ട്ടി​ലെ​ത്തി​യ ഇ​വ​ർ വെ​ള്ളി​യാ​ഴ്ച​യാ​ണ് മ​രി​ച്ച​ത്. സം​ഭ​വ​ത്തി​ൽ മു​ഖ്യ​മ​ന്ത്രി ഉ​ൾപ്പെടെ​യു​ള്ളവ​ർ​ക്കു പ​രാ​തി ന​ൽ​കു​മെ​ന്ന് ബ​ന്ധു​ക്ക​ൾ പ​റ​ഞ്ഞു.

Copyright @ 2022 , Rashtra Deepika Ltd.