ആലപ്പുഴ: വിഴിഞ്ഞത്ത് നടന്ന പോലീസ് അതിക്രമങ്ങളെ അപലപിച്ച് ആലപ്പുഴ രൂപത കെഎൽസിഎ, കെസിവൈഎം എന്നീ സംഘടനകളുടെ സംയുക്താഭിമുഖ്യത്തിൽ കോൺവന്റ് സ്ക്വയറിൽ പ്രതിഷേധ സംഗമം നടത്തി. കരിമണൽ ഖനന സമരസമിതി ഏകോപനസമിതി വൈസ് ചെയർമാൻ ബി. ഭദ്രൻ ഉദ്ഘാടനം ചെയ്തു. പി.ജി. ജോൺ ബ്രിട്ടോ, ഫാ. ജോൺസൺ പുത്തൻവീട്ടിൽ, ഫാ. സാംസൺ ആഞ്ഞിലിപ്പറമ്പിൽ, ഫാ. തോമസ് മാണിയാപൊഴിയിൽ, ഫാ. സേവ്യർ കുടിയാംശേരിൽ, സാബു വി. തോമസ്, ഉമ്മച്ചൻ ചക്കുപുരയ്ക്കൽ, വർഗീസ് മപ്പിൽശേരിൽ, സൈറസ്.എസ്, ബിജു ജയിംസ്, ബാബു അത്തിപ്പൊഴിയിൽ, ഫാ. ജോസ് ലാഡ്, ജാക്സൺ പോളയിൽ എന്നിവർ പ്രസംഗിച്ചു.
കിരാത നടപടികൾ അവസാനിപ്പിക്കുക
ആലപ്പുഴ: ജനാധിപത്യരീതിയിൽ വിഴിഞ്ഞത്ത് സമരം നടത്തുന്ന മത്സ്യത്തൊഴിലാളികളെയും നേതൃത്വം നൽകുന്ന വൈദികരെയും മൃഗീയമായി മർദിച്ച നടപടികൾക്കെതിരേ കേരള മൈനോറിറ്റി ഡെവലപ്മെന്റ് സൊസൈറ്റി പ്രതിഷേധം അറിയിച്ചു. ഭരണഘടന നൽകുന്ന എല്ലാ സംരക്ഷണവും ഏതു പൗരനും നൽകാൻ ഭരിക്കുന്ന സർക്കാരിന് ഉത്തരവാദിത്വമുണ്ട്. അത് ലഭിക്കാതെ വരുമ്പോഴാണ് ജനങ്ങൾ സമര രംഗത്തിറങ്ങുന്നത്. അതിനെ ചർച്ചയിലൂടെ പരിഹരിച്ച് അവരുടെ അവകാശങ്ങൾ സംരക്ഷിച്ചു കൊടുക്കണമെന്ന് മൈനോറിറ്റി സൊസൈറ്റി ആവശ്യപ്പെട്ടു. സംസ്ഥാന പ്രസിഡന്റ് ക്ലീറ്റസ് കളത്തിൽ, ബാബു അത്തിപ്പൊഴിയിൽ, ഉമ്മച്ചൻ ചക്കുപുരയ്ക്കൽ എന്നിവർ പ്രസംഗിച്ചു.