വൈദ്യുതി മുടങ്ങും
പട്ടണക്കാട്: സെക‌്ഷനിൽ, ചൂപ്രത്ത്, മാങ്ങന്യാ, ക്രിസ്തുരാജ്, തങ്കി പള്ളി എന്നീ ട്രാൻസ്‌ഫോമറുകളുടെ പരിധിയിൽ ഇന്നു രാവിലെ ഒമ്പതുമുതൽ വൈകുന്നേരം അഞ്ചു വരെ ഭാഗികമായി വൈദ്യുതി മുടങ്ങും.
അമ്പലപ്പുഴ: പുന്നപ്ര സെക്ഷൻ പരിധിയിൽ, മിൽമ, ഹിമാലയ, ന്യൂ പൈസൺ, വിപി പ്ലാസ്റ്റിക്, പാർക്ക്‌ പോളിമർ എന്നിവിടങ്ങളിൽ ഇന്നുരാവിലെ ഒമ്പതുമുതൽ ആറുവരെ വൈദ്യുതി മുടങ്ങും.
അമ്പലപ്പുഴ: സെക്ഷൻ പരിധിയിൽ കോലടിക്കാട്, കാരിക്കൽ, വൈപ്പുമുട്ട്, കട്ടക്കുഴി, കട്ടക്കുഴി ഈസ്റ്റ്‌, വെള്ളക്കട, ഇരട്ടക്കുളങ്ങര ടെംബിൾ, സുധീർ ഐസ് എന്നീ ട്രാൻസ്‌ഫോമറുകളിൽ ഇന്ന് രാവിലെ ഒമ്പതു മുതൽ അഞ്ചു വരെ വൈദ്യുതി മുടങ്ങും.
ഗതാഗത നിയന്ത്രണം
മങ്കൊമ്പ്: ടാറിംഗ് ജോലികൾ നടക്കുന്നതിനാൽ കിടങ്ങറ-കണ്ണാടി റോഡിൽ അമ്മനാപ്പള്ളി മുതൽ പഴേകാട് ജംഗ്ഷൻ വരെയുള്ള ഭാഗത്ത് ഇന്നു വാഹനഗതാഗതം നിയന്ത്രണവിധേയമാണെന്ന് അധികൃതർ അറിയിച്ചു.
പിഎം കിസാൻ രേഖകൾ ചേർക്കാം
മങ്കൊമ്പ്: പിഎം കിസാൻ ആനുകൂല്യം തുടർന്ന് ലഭിക്കുന്നതിനു ഇകെവൈസിയും എയിംസിൽ സ്ഥലവിവരങ്ങൾ ചേർക്കുന്നതിനും പോസ്റ്റ് ഓഫീസിന്‍റെ സേവനം (80 രൂപ പ്രകാരം) ഇന്നു പുളിങ്കുന്ന് കൃഷിഭവനിൽ ലഭ്യമാണെന്ന് കൃഷി ഓഫീസർ അറിയിച്ചു.
വരുമാനസര്‍ട്ടിഫിക്കറ്റ് ഹാജരാക്കണം
ചേർത്തല: നഗരസഭയിൽനിന്നു സാമൂഹ്യസുരക്ഷാ പെൻഷൻ വാങ്ങുന്ന ഗുണഭോക്താക്കളിൽ 2019 ഡിസംബർ 31ന് മുൻപ് മുതൽ പെൻഷൻ അനുവദിച്ചു തുടങ്ങിയ ഗുണഭോക്താക്കൾ മൂന്നു മാസത്തിനകം ഏറ്റവും പുതിയ വരുമാന സർട്ടിഫിക്കറ്റ് നഗരസഭ ഓഫീസിൽ ഹാജരാക്കണം. സമയ പരിധിക്കകം വരുമാന സർട്ടിഫിക്കറ്റ് ഹാജരാക്കാത്തവർക്ക് തുടർന്ന് പെൻഷൻ ലഭിക്കുന്നതല്ലെന്ന് സെക്രട്ടറി അറിയിച്ചു.
എംബിഎ സ്പോട്ട് അഡ്മിഷൻ
ചേർത്തല: സംസ്ഥാന സഹകരണ യൂണിയന്‍റെ തിരുവനന്തപുരത്തെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്‍റിൽ എംബിഎ ബാച്ചിലേക്കുള്ള സ്പോട്ട് അഡ്മിഷൻ ഒന്നിന് നടത്തും. പ്രോവിഡൻസ് ജംഗ്ഷന് കിഴക്ക് വശമുള്ള കോ-ഓപ്പറേറ്റിവ് ട്രെയിനിംഗ് കോളജിൽ ശനിയാഴ്ച രാവിലെ 10 മുതൽ 12.30 വരെ നടത്തും.
സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്കും ഫിഷറീസ് സ്കോളർഷിപ്പിന് അർഹതയുള്ള വിദ്യാർത്ഥികൾക്കും പ്രത്യേക സീറ്റ് സംവരണമുണ്ട്. 50% മാർക്കിൽ കുറയാതെയുളള ബിരുദമാണ് അടിസ്ഥാന യോഗ്യത, അവസാന വർഷ ബിരുദ വിദ്യാർഥികൾക്കും ഇതേവരെ അപേക്ഷാഫോം സമർപ്പിച്ചിട്ടില്ലാത്തവർക്കും പങ്കെടുക്കാം. കൂടുതൽ വിവരങ്ങൾക്ക് 944683 5303/8547618290 എന്നീ നമ്പരുകളിലോ, www.klkma.ac.in എന്ന വെബ്സൈറ്റിലും ലഭ്യമാണ്.
അധ്യാപക ഒഴിവ്
തലവടി: ഗവ. മോഡൽ യുപി സ് കൂളിൽ പാർട്ട് ടൈം ജൂണിയർ ഹിന്ദി ലാംഗ്വേജ് ടീച്ചറിന്‍റെ ഒഴിവിൽ ദിവസ വേതനാടിസ്ഥാനത്തിൽ അധ്യാപകരെ നിയമിക്കുന്നു. നാളെ രണ്ടിന് അനുബന്ധ രേഖകളുമായി അഭിമുഖത്തിന് എത്തിച്ചേരണം.
ന്യു ഇന്ത്യാ ലിറ്ററസി പ്രോഗ്രാം
ആലപ്പുഴ: ന്യു ഇന്ത്യ ലിറ്ററസി പ്രോഗ്രാമിന്റെ ഭാഗമായി നഗരസഭ, പഞ്ചായത്ത് സെക്രട്ടറിമാര്‍ക്കു പരിശീലനം നല്‍കി. പിഎഫ്എംഎസ് സംസ്ഥാന ഡയറക്ടറേറ്റിലെ ചീഫ് അക്കൗണ്ട്സ് ഓഫിസര്‍ എ. രാജേഷ്, ഓപ്പറേറ്റിംഗ് അസിസ്റ്റന്‍റുമാരായ എം.എന്‍. റോയ്, ജിതിന്‍ എന്നിവര്‍ പരിശീലനത്തിനു നേതൃത്വം നല്‍കി. പദ്ധതിയുടെ ഭാഗമായി ആദ്യഘട്ടത്തില്‍ 5000 പേരെ സാക്ഷരരാക്കുകയാണ് ലക്ഷ്യം.
ക്ഷയരോഗികളെ സഹായിക്കാന്‍ താത്പര്യമുള്ളവര്‍ ബന്ധപ്പെടുക
ആലപ്പുഴ: ജില്ലയിലെ ക്ഷയരോഗികളെ സാമ്പത്തികമായോ ഭക്ഷണവും മറ്റ് അവശ്യവസ്തുക്കളും എത്തിച്ചു നല്‍കിയോ കുറഞ്ഞത് ആറു മാസക്കാലയളവില്‍ സഹായിക്കാന്‍ താത്പര്യമുള്ളവര്‍ ജില്ലാ ടിബി കേന്ദ്രവുമായി ബന്ധപ്പെടുക. ഫോണ്‍: 0477 2252861. ഇ-മെയില്‍: dtoalpy@ gmail.com