ADVERTISEMENT

ADVERTISEMENT

മാർ ക്രിസോസ്റ്റം അനുസ്മരണം ഇന്ന്

പത്തനംതിട്ട: കേരള കോൺഗ്രസ്‌ - എം സംസ്കാരവേദി സംസ്ഥാന കമ്മിറ്റിയുടെ ആഭിമുഖ്യത്തിൽ ഡോ.ഫിലിപ്പോസ് മാർ ക്രിസോസ്റ്റം വലിയ മെത്രാപ്പോലീത്ത അനുസ്മരണവും സംസ്കാരവേദി തയാറാക്കിയ 101 ഹാസ്യകഥകൾ ഉൾകൊള്ളുന്ന നർമവേദി പുസ്തകത്തിന്‍റെ പ്രകാശനവും ഇന്ന് ഉച്ചകഴിഞ്ഞ് മൂന്നിന് തിരുവനന്തപുരം പ്രസ്ക്ലബ് ഹാളിൽ നടക്കും.

മന്ത്രി റോഷി അഗസ്റ്റിൻ ഉദ്ഘാടനം ചെയ്യും. സംസ്കാരവേദി സംസ്ഥാന പ്രസിഡന്‍റെ ഡോ. വർഗീസ് പേരയിൽ അധ്യക്ഷത വഹിക്കും. ഗവ. ചീഫ് വിപ്പ് ഡോ. എൻ.ജയരാജ്‌ പുസ്തക പ്രകാശനവും പ്രമോദ് നാരായണൻ എംഎൽഎ പുസ്തക പരിചയവും നടത്തും.

കിൻഫ്രാ ചെയർമാൻ ബേബി ഉഴുത്തൂവാൽ പുസ്തകം ഏറ്റുവാങ്ങും. പ്രഫ.എ.ജി. ജോർജ് അനുസ്മരണം നടത്തും.

ADVERTISEMENT

പന്നിയെ ഭയന്നു നാട്ടിലിറങ്ങാനാകുന്നില്ല

റാന്നി: റാന്നി വനം റേഞ്ചിന്‍റെ പരിധിയിലെ ജനവാസ മേഖലകളിൽ കാട്ടുപന്നി ശല്യം വർധിച്ചു. കാർഷിക വിളകൾക്ക് നാശം വരുത്തുക മാത്രമല്ല, സമീപ പ്രദേശങ്ങളിലെ റോഡുകളിൽ ചാലു കീറി നശിപ്പിക്കുകയും റോഡിലൂടെയുള്ള യാത്രക്കാരെ ആക്രമിക്കുന്നതും പതിവായി. മധ്യവേനൽ അവധിക്കുശേഷം സ്കൂളുകൾ തുറക്കാൻ ദിവസങ്ങൾ മാത്രം അവശേഷിച്ചിരിക്കേ കാട്ടുപന്നിയുടെ വിളയാട്ടം രക്ഷിതാക്കളുടെ ഉറക്കം കെടുത്തുന്നു. സ്കൂൾ കുട്ടികളെ റോഡിലേക്ക് ഇറക്കാൻ തന്നെ ഭയമായി തുടങ്ങി. ചെത്തോങ്കര - അത്തിക്കയം റോഡിലെ കരികുളം മുതൽ കണ്ണംപള്ളി സ്കൂൾ ഭാഗം പട്ടാപ്പകലും കാട്ടുപന്നി വിളയാട്ടമാണ്. മന്ദമരുതി,നീരാട്ടുകാവ്, കക്കുടിമൺ പ്രദേശങ്ങളിലും പന്നിയെ ഭയന്ന് നാട്ടുകാർക്ക് ജീവിക്കാനാകാത്ത സാഹചര്യമാണ്. കണ്ണംപള്ളി സ്കൂൾ കോൺവന്‍റ്, സെന്‍റ് മേരീസ് പള്ളി റോഡിലും പരിസരങ്ങളിലും രാത്രിയിലും പുലർച്ചെയും കാട്ടുപന്നികൾ യഥേഷ്ടം വിഹരിക്കുന്നുണ്ട്. പള്ളിയിലേക്കും കോൺവന്‍റിലേക്കുമുള്ള കോൺക്രീറ്റ് റോഡിന്‍റെ ഇരുവശവും കാട്ടുപന്നികൾകുത്തി നശിപ്പിക്കുകയാണ്. കാടുകയറിയ പുരയിടങ്ങളാണ് കാട്ടുപന്നിയുടെ താവളം. പന്നിയെ ഭയന്നു കൃഷി ഉപേക്ഷിച്ചതോടെയാണ് പുരയിടങ്ങൾ കാടുകയറിയത്. ഭാഗത്ത് ആളനക്കമില്ലാത്തതും കാടുകളയാത്തതുമായ ചില പുരയിടങ്ങൾ കേന്ദ്രീകരിച്ചാണ് ഇവ വിഹരിക്കുന്നത്. പ്രദേശത്തെ മുഴുവൻ കർഷകരുടെയും വിളകൾക്ക് സ്ഥിരം നാശം വരുത്തുകയാണ പന്നികൾ. റാന്നി വനം റേഞ്ചിനു കീഴിലുള്ള കരികുളം ഫോറസ്റ്റ് സ്റ്റേഷനിലേക്ക് ഈ ഭാഗങ്ങളിൽ നിന്ന് അര കിലോമീറ്ററിലേറെ ദൂരമില്ല. കക്കുടുമൺ ജംഗ്ഷനു സമീപമുള്ള ഓഫീസിൽ മുഴുവൻ സമയവും ജീവനക്കാരുണ്ട്. എന്നാൽ നാട്ടുകാരുടെ പരാതികൾ ദിനംതോറും ഏറുകയാണെങ്കിലും വർധിച്ചുവരുന്ന പന്നിശല്യത്തിനെതിരേ യാതൊരു നടപടികളുമുണ്ടാവുന്നില്ല. ശല്യക്കാരായ പന്നികളെ വെടിവച്ചു കൊല്ലാൻ ഷൂട്ടർമാരെ നിയോഗിക്കാൻ പഞ്ചായത്ത് പ്രസിഡന്‍റിന് അധികാരം നൽകുന്ന നിയമമുണ്ടെങ്കിലും ഇവിടെ അതിന്‍റെയൊന്നും പ്രയോജനം ഉണ്ടാവുന്നില്ലെന്ന് പ്രദേശവാസികൾ പറഞ്ഞു.

സുവോളജി വിദ്യാർഥികൾക്ക് തുടർ പരിശീലനം

പത്തനംതിട്ട: ജില്ലയിലെ വിവിധ സ്കൂളിൽനിന്ന് പ്ലസ് വൺ പരീക്ഷയിൽ സുവോളജിക്ക് ഉന്നത വിജയം നേടുന്ന കുട്ടികൾക്ക് പ്രോത്സാഹനവും തുടർ പരിശീലനവും നൽകുന്നതിന് പദ്ധതി തയാറാക്കിയതായി ജില്ലാ ഹയർസെക്കൻഡറി സുവോളജി ടീച്ചർ അസോസിയേഷൻ. ജില്ലാ ഹയർസെക്കൻഡറി സുവോളജി ടീച്ചർ അസോസിയേഷൻ വാർഷിക സമ്മേളനത്തിലാണ് തീരുമാനമുണ്ടായത്. മുഖ്യരക്ഷാധികാരി കെ വൈ. സത്യജിത്ത് സമ്മേളനം ഉദ്ഘാടനം ചെയ്തു. അസോസിയേഷൻ പ്രസിഡന്‍റ് വിനു ധർമരാജൻ അധ്യക്ഷത വഹിച്ചു. യോഗത്തിൽ റിട്ടയർ ചെയ്യുന്ന അധ്യാപകരായ മത്തായി ചാക്കോ ( പ്രിൻസിപ്പൽ, സെന്‍റ് തോമസ് എച്ച്.എസ്.എസ്. കോഴഞ്ചേരി) വിജയലക്ഷ്മി ( എൻഎസ്എസ് എച്ച്എസ്എസ് തടിയൂർ) എന്നിവരെ ആദരിച്ചു. ജില്ലാ സെക്രട്ടറി രാജേഷ് കുമാർ ജി, ഡോ. സൂസി മാത്യു, ശാന്തി വർഗീസ്, ബി.പ്രിൻസ്, പി.കെ. ശ്യാമള, റ്റി. വിൽസൺ , കലാഭായ് എന്നിവർ പ്രസംഗിച്ചു.

കഞ്ചാവ് വില്പനയ്ക്കിടെ വയോധികൻ അറസ്റ്റിൽ

പത്തനംതിട്ട: വില്പനയ്ക്കായി കൈവശം സൂക്ഷിച്ച കഞ്ചാവുമായി വയോധികനെ ജില്ലാ പോലീസ് ഡാന്‍സാഫ് ടീമും റാന്നി പോലീസും ചേര്‍ന്ന് അറസ്റ്റ് ചെയ്തു. വെച്ചൂച്ചിറ ചെമ്പനോലി തകിടിയില്‍ മണിയപ്പനെയാണ് (68) കഴിഞ്ഞ രാത്രി റാന്നി മാമുക്കില്‍ നിന്നും പോലീസ് അറസ്റ്റ് ചെയ്യുന്നത്. ഡി ഹണ്ടിന്‍റെ ഭാഗമായുള്ള പ്രത്യേകപരിശോധനയിലാണ് ഇയാള്‍ പിടിയിലായത്. റാന്നി പോലീസ് ഇന്‍സ്പെക്ടര്‍ മനോജ് കുമാർ, എസ്ഐ റെജി തോമസ്, സിപിഒമാരായ കലേഷ് കുമാർ, ബിബി ബാനര്‍ജി സംഘത്തില്‍ ഉണ്ടായിരുന്നു.

സ്വകാര്യ ബസുകളുടെ മത്സരയോട്ടം : യാത്രയ്ക്കിടെ ഡ്രൈവറുടെ കഴുത്തിൽ കത്തിവച്ച സംഭവത്തിൽ മൂന്നു പേർ അറസ്റ്റിൽ

മല്ലപ്പള്ളി: സ്വകാര്യ ബസുകളുടെ മത്സരയോട്ടവുമായി ബന്ധപ്പെട്ട തർക്കങ്ങൾ മുറുകുന്നതിനിടെ കഴിഞ്ഞദിവസം യാത്രയ്ക്കിടെ മല്ലപ്പള്ളിയിൽ ഡ്രൈവറുടെ കഴുത്തില്‍ കത്തിവച്ച സംഭവത്തില്‍ മൂന്നു പേർ അറസ്റ്റില്‍. കോട്ടയം മാടപ്പള്ളി മാമ്മൂട് ഇടപ്പള്ളി വട്ടമാക്കല്‍ വി. കെ. ജയകുമാര്‍ (46), കല്ലൂപ്പാറ ചെങ്ങരൂര്‍ കടുവാക്കുഴി പുത്തന്‍പുരയ്ക്കല്‍ വീട്ടില്‍ വാടകയ്ക്ക് താമസിക്കുന്ന തമിഴ്നാട് സ്വദേശി പി. ഉദയരാജ് (29), ആനിക്കാട് നടുകെപ്പടി ആലക്കുളത്തില്‍ വീട്ടില്‍ ജോബിന്‍ രാജന്‍ (24) എന്നിവരാണ് അറസ്റ്റിലായത്. കേസിൽ ഒരാൾകൂടി അറസ്റ്റിലാകാനുണ്ട്. തിരുവല്ല - മല്ലപ്പള്ളി റൂട്ടില്‍ സര്‍വീസ് നടത്തുന്ന തിരുവമ്പാടി ബസിന്‍റെ ഡ്രൈവര്‍ കുറ്റപ്പുഴ സ്വദേശി വി.കെ. കലേഷി (35) നു നേേ രയാണ് കഴിഞ്ഞദിവസം മല്ലപ്പള്ളി കടുവാക്കുഴിയിൽ യാത്രയ്ക്കിടെ ആക്രമണമുണ്ടായത്. മല്ലപ്പള്ളിയിലേക്കുള്ള യാത്രയ്ക്കിടെ ഡ്രൈവർ സീറ്റിലായിരുന്ന കലേഷിനെ കൊലപ്പെടുത്തുമെന്ന് പറഞ്ഞ് കഴുത്തിനുനേരേ വടിവാള്‍ വീശുകയായിരുന്നു. ഒഴിഞ്ഞുമാറിയതിനാല്‍ കഴുത്തില്‍ കൊണ്ടില്ല. നാലംഗ സംഘം ബസിനുള്ളില്‍ ഭീകരാന്തരീക്ഷം സൃഷ്ടിച്ച് ഭീഷണി മുഴക്കുകയും ചെയ്തു. സംഭവസമയം സ്ത്രീകളും കുട്ടികളും അടക്കം ബസിൽ യാത്രക്കാരുണ്ടായിരുന്നു. തിരുവല്ല - മല്ലപ്പള്ളി റൂട്ടിലെ തിരുവന്പാടി എന്ന സ്വകാര്യ ബസിലാണ് അക്രമങ്ങൾ അരങ്ങേറിയത്. ഇതിന്‍റെ വീഡിയോ ദൃശ്യങ്ങൾ കൂടി പുറത്തായതോടെ പോലീസ് ഇടപെടുകയായിരുന്നു. കലേഷിന്‍റെ മൊഴി പ്രകാരം പോലീസ് കേസെടുത്തു. ഇതേ റൂട്ടിൽ സർവീസ് നടത്തുന്ന ജാനകി ബസുകാരുമായുള്ള തർക്കമാണ് ആക്രമണത്തിനു പ്രേരിപ്പിച്ചതെന്ന് പറയുന്നു. ജാനകി ബസിലെ ജീവനക്കാരനായ രമേശന്‍റെ സുഹൃത്തുക്കളാണ് പിടിയിലായവരെന്നു പോലീസ് പറഞ്ഞു. അറസ്റ്റിലായ ജയകുമാറിന്‍റെ ഉടമസ്ഥതയിലുള്ള വർക്ക് ഷോപ്പിനു മുന്നിലാണ് ആക്രമണം ഉണ്ടായത്. ബസിന്‍റെ പെയിന്‍റിംഗ് ജോലിയുടെ പണം ലഭിക്കാതിരുന്നതാണ് ആക്രമണത്തിനു കാരണമായതെന്നാണ് പിടിയിലായവരുടെ മൊഴി. ആയുധ നിയമത്തിലെ വിവിധ വകുപ്പുകൾ ചുമത്തിയാണ് പോലീസ് കേസെടുത്തിരിക്കുന്നത്. പോലീസ് ഇന്‍സ്‌പെക്ടര്‍ ജി. സുരേഷ് കുമാറിന്‍റെ നേതൃത്വത്തില്‍ എസ്ഐമാരായ എസ്. സതീഷ് ശേഖർ, പി. പി. മനോജ് കുമാര്‍ തുടങ്ങിയവരുടെ നേതൃത്വത്തിലാണ് അറസ്റ്റ് നടന്നത്. മത്സരയോട്ടം പതിവ് തിരുവല്ല - മല്ലപ്പള്ളി റൂട്ടിൽ സ്വകാര്യബസുകളുടെ മത്സരയോട്ടവും ഇതേച്ചൊല്ലിയുള്ള സംഘർഷങ്ങളും പതിവാണ്. മല്ലപ്പള്ളി ബസ് സ്റ്റാൻഡ് കേന്ദ്രീകരിച്ചാണ് പലപ്പോഴും സംഘർഷങ്ങൾ ഉണ്ടാകുന്നത്. കഴിഞ്ഞദിവസം ബസ് യാത്രയ്ക്കിടെ ഭീകരാന്തരീക്ഷം സൃഷ്ടിച്ചു നടത്തിയ ആക്രമണം യാത്രക്കാരെയും ഭയപ്പെടുത്തി. ഗുണ്ടാസംഘങ്ങളുടെ നേതൃത്വത്തിലാണ് പലപ്പോഴും സംഘർഷങ്ങൾ ഉണ്ടാകുന്നത്. സ്വകാര്യ ബസ് ജീവനക്കാർക്ക് ഇവരുമായുള്ള ബന്ധങ്ങൾ ഉപയോഗപ്പെടുത്തി ബസുകളുടെ സമയത്തെച്ചൊല്ലിയുള്ള തർക്കങ്ങൾ തെരുവിലേക്ക് വലിച്ചിഴയ്ക്കുകയാണ് പതിവ്. മല്ലപ്പള്ളിയിൽ നിന്നും കുന്നന്താനം, പായിപ്പാട് വഴിയുള്ള സ്വകാര്യ ബസുകളുടെ സമയക്രമീകരണമാണ് പലപ്പോഴും തർക്കങ്ങൾക്കിടയാക്കുന്നത്. പത്ത് മിനിട്ട് ഇടവേളകളിലാണ് പല ബസുകളും ഓടുന്നതെങ്കിലും യാത്രക്കാരെ കാത്ത് ചില ബസുകൾ വഴിയിൽ കിടക്കുന്നതോടെയാണ് സമയക്രമം പാളുന്നത്. ഇതിനിടെ ചില പുതിയ റൂട്ടുകളിൽ ബസുകളെത്തിയതും ഇടവേള കുറയാനിടയാക്കി. ഇതും തർക്കങ്ങൾ വർധിപ്പിച്ചിരിക്കുകയാണ്.

അടൂർ നഗരസഭയിൽ പ്രതിഷേധവുമായി എൻജിഒ അസോസിയേഷൻ

അടൂർ: മുനിസിപ്പാലിറ്റിയിൽ നടന്ന കൗൺസിൽ യോഗത്തിൽ മുഴുവൻ ജീവനക്കാരെയും എൽഡിഎഫ് കൗൺസിലർമാർ അധിക്ഷേപിച്ചെന്ന് പരാതി. ജീവനക്കാരെ കുറ്റപ്പെടുത്തി രാഷ്ട്രീയം കളിക്കുകയാണെന്ന ആരോപണവുമായി പ്രതിപക്ഷ സംഘടനകൾ രംഗത്തെത്തി. കൗൺസിലർമാർ മാപ്പു പറയണമെന്നും അല്ലാത്തപക്ഷം ശക്തമായ സമരപരിപാടികളുമായി മുന്നോട്ടുപോകുമെന്നും എൻജിഒ അസോസിയേഷൻ സംസ്ഥാന സെക്രട്ടേറിയറ്റ് അംഗം പി.എസ്. വിനോദ് കുമാർ പറഞ്ഞു. കേരള എൻജിഒ അസോസിയേഷൻ അടൂർ മുനിസിപ്പൽ ഓഫീസിനു മുമ്പിൽ നടത്തിയ പ്രതിഷേധ പരിപാടി വിനോദ് കുമാർ ഉദ്ഘാടനം ചെയ്തു. സംസ്ഥാന കമ്മിറ്റി അംഗം ബിജു ശാമുവേൽ അധ്യക്ഷത വഹിച്ചു. ജില്ലാ ഭാരവാഹികളായ എസ്.കെ. സുനിൽകുമാർ, ദർശൻ ഡി. കുമാർ, ആർ. പ്രസാദ്, സെക്രട്ടറി ബിജു വി,അൽ അമീൻ, സുമി തുടങ്ങിയവർ പ്രസംഗിച്ചു.

ലഹരിക്കെതിരേ കെസിസി ചിൽഡ്രൻസ് കമ്മീഷൻ

തിരുവല്ല : ലഹരി ഉപയോഗത്തിനെതിരേ യുവാക്കൾക്ക് കായികപരിശീലനം നൽകുന്നത് മറുമരുന്നായി ഉപയോഗിക്കാമെന്ന് മാത്യു ടി. തോമസ് എംഎൽഎ. കേരള കൗൺസിൽ ഓഫ് ചർച്ചസ് ചിൽഡ്രൻസ് കമ്മീഷന്‍റെ ആഭിമുഖ്യത്തിൽ നടത്തുന്ന ലഹരി ബോധവത്കരണ സെമിനാറുകളുടെ സംസ്ഥാനതല ഉദ്ഘാടനം ഓതറ കെ.ടി. ചാക്കോ സോക്കർ സ്കൂളിൽ നിർവഹിച്ചു പ്രസംഗിക്കുകയായിരുന്നു അദ്ദേഹം. കെസിസി ചിൽഡ്രൻസ് കമ്മീഷൻ ചെയർമാൻ സ്മിജു ജേക്കബ് മറ്റക്കാട്ട് അധ്യക്ഷത വഹിച്ചു. ജനറൽ സെക്രട്ടറി ഡോ. പ്രകാശ് പി. തോമസ് മുഖ്യസന്ദേശവും നൽകി. മുൻ ഇന്ത്യൻ ഫുട്ബോൾ താരം കെ. ടി. ചാക്കോ ലഹരിവിരുദ്ധ പ്രതിജ്ഞയ്ക്കു നേതൃത്വം നൽകി. ബ്ലോക്ക് പഞ്ചായത്ത് മെംബർ ജിനു തൂമ്പുംകുഴി, ക്നാനായ സമുദായ മാനേജിംഗ് കമ്മിറ്റിയംഗം തോമസുകുട്ടി തേവരുമുറിയിൽ, കെസിസി കേന്ദ്ര എക്സിക്യൂട്ടീവ് കമ്മിറ്റി അംഗങ്ങളായ റ്റിറ്റിൻ തേവരുമുറിയിൽ, ജോജി പി. തോമസ്, ലിനോജ് ചാക്കോ, സോക്കർ സ്കൂൾ മാനേജർ ലിജോ കുറിയിടം എന്നിവർ പ്രസംഗിച്ചു.

മെഡിക്കൽ മിഷൻ ആശുപത്രിയിൽ നഴ്സസ് ദിനം ആചരിച്ചു

തിരുവല്ല: മെഡിക്കൽ മിഷൻ ആശുപത്രിയിൽ ഇന്‍റർനാഷണൽ നഴ്സസ്ദിനം ആചരിച്ചു. ടിഎംഎം ഗ്രൂപ്പ് ചെയർമാൻ ജോർജ് കോശി സമ്മേളനം ഉദ്ഘാടനം ചെയ്തു. കറ്റാനം സെന്‍റ് തോമസ് നഴ്സിംഗ് കോളജ് പ്രിൻസിപ്പൽ നവോമി ക്ലെമന്‍റ് മുഖ്യപ്രഭാഷണം നടത്തി. ടിഎംഎം നഴ്സുമാരുടെ വാർത്താ പത്രിക വോയിസ് ഓഫ് ഏഞ്ചൽസ് ചടങ്ങിൽ പുറത്തിറക്കി. ടിഎംഎം ആശുപത്രിയിലെ ദീർഘകാല സേവനവും സമർപ്പണവും കണക്കിലെടുത്ത് സിസ്റ്റർ വിൻസി ജോണിനെ ചടങ്ങിൽ ആദരിച്ചു. സൗത്ത് ഇന്ത്യൻ ബാങ്ക് എജിഎം രമ്യാ കൃഷ്ണൻ, ടിഎംഎം മെഡിക്കൽ ഡയറക്ടർ കേണൽ ഡോ. ഡെന്നിസ് ഏബ്രഹാം, മെഡിക്കൽ സൂപ്രണ്ട് ഡോ. സാം ഏബ്രഹാം തുടങ്ങിയവർ പ്രസംഗിച്ചു. സിസ്റ്റർ നിമ്മിക്ക് ബെസ്റ്റ് നഴ്സ് അവാർഡും അഖിൽ ജി. നാഥിന് ബെസ്റ്റ് സൂപ്പർവൈസർ അവാർഡും നൽകി ചടങ്ങിൽ ആദരിച്ചു. ഏറ്റവും അധികം രോഗികളുടെ നല്ല പ്രതികരണം നേടി പേഷ്യന്‍റ് ഹീറോ ആയ സിസ്റ്റർ അക്സയെ ചടങ്ങിൽ അനുമോദിച്ചു. മികച്ച പ്രകടനം കാഴ്ചവച്ച നഴ്സുമാരായ നിസി നൈനാൻ, റിൻസി രാജു, അനു എം. ഏബ്രഹാം, എൽസമ്മ ചാക്കോ, ആർദ്ര പ്രദീപ് എന്നിവർക്കും അനുമോദനപത്രങ്ങൾ ചടങ്ങിൽ വിതരണം ചെയ്തു.

മൊബൈല്‍ എല്‍ഇഡി വോള്‍ കളക്ടര്‍ ഫ്‌ളാഗ് ഓഫ് ചെയ്തു

പത്തനംതിട്ട: എൽഡിഎഫ് സര്‍ക്കാരിന്‍റെ വികസനനേട്ടം ഇനി നഗരം ചുറ്റും. കഴിഞ്ഞ ഒമ്പത് വര്‍ഷത്തെ വികസനത്തിന്‍റെ നേര്‍ക്കാഴ്ചയുമായി സഞ്ചരിക്കുന്ന എല്‍ഇഡി വോളിന്‍റെ യാത്ര കളക്ടറേറ്റ് അങ്കണത്തില്‍ നിന്നും ആരംഭിച്ചു. ജില്ലാ കളക്ടര്‍ എസ്. പ്രേം കൃഷ്ണന്‍ ഫ്‌ളാഗ് ഓഫ് ചെയ്തു. എഡിഎം ബി. ജ്യോതി, ഡെപ്യൂട്ടി കളക്ടര്‍ ആര്‍. രാജലക്ഷ്മി, ജില്ലാ ഇന്‍ഫര്‍മേഷന്‍ ഓഫീസര്‍ സി. ടി. ജോണ്‍, കലക്ടറേറ്റ് ജീവനക്കാര്‍ തുടങ്ങിയവര്‍ പങ്കെടുത്തു. 16 മുതല്‍ 22 വരെ പത്തനംതിട്ട ഇടത്താവളത്തില്‍ നടക്കുന്ന എന്‍റെ കേരളം പ്രദര്‍ശന വിപണന കലാമേളയോടനുബന്ധിച്ചാണ് സഞ്ചരിക്കുന്ന എല്‍ഇഡി വോള്‍ ഒരുക്കിയത്. ആറന്മുള, അടൂര്‍, തിരുവല്ല, കോന്നി, റാന്നി നിയോജക മണ്ഡലങ്ങളിലെ പ്രധാന കേന്ദ്രങ്ങളിലൂടെയാണ് സഞ്ചാരം. സര്‍ക്കാരിന്‍റെ വികസനം എല്‍ഇഡി വോളില്‍ ചിത്രീകരിച്ചിട്ടുണ്ട്. തെരഞ്ഞെടുത്ത ഓരോ കേന്ദ്രത്തിലും കാഴ്ചയ്ക്ക് അവസരം ഒരുക്കും. ജില്ലയിലെ പ്രധാന വികസന നേട്ടവും കാണാനാകും. എന്‍റെ കേരളം പ്രദര്‍ശനത്തിലെ കലാ- സാംസ്‌കാരിക പരിപാടി, മെഗാ ഭക്ഷ്യമേള, കാര്‍ഷിക വിപണന പ്രദര്‍ശന മേള, കരിയര്‍ ഗൈഡന്‍സ്, സ്റ്റാര്‍്ട്ടപ്പ് മിഷന്‍ പ്രദര്‍ശനം തുടങ്ങിയവയെ കുറിച്ചുള്ള അറിയിപ്പുമുണ്ട്.

എന്‍റെ കേരളം പ്രദർശനമേള: പവലിയൻ ഒരുക്കുന്നത് കിഫ്ബി

പത്തനംതിട്ട: എൽഡിഎഫ് സര്‍ക്കാരിന്‍റെ നാലാം വാര്‍ഷികത്തോടനുബന്ധിച്ച് എന്‍റെ കേരളം പ്രദര്‍ശന വിപണന കലാമേളയുടെ ഒരുക്കം അവസാന ഘട്ടത്തില്‍. പത്തനംതിട്ട ശബരിമല ഇടത്താവളത്തില്‍ മേളയ്ക്കായി ഒരുങ്ങുന്നത് ജര്‍മന്‍ ഹാംഗറില്‍ നിര്‍മിച്ച 71,000 ചതുരശ്രയടി പവലിയന്‍. കിഫ്ബിക്കാണ് നിര്‍മാണ ചുമതല. 16 മുതല്‍ 22 വരെയാണ് മേള. രാവിലെ 10 മുതല്‍ രാത്രി ഒമ്പത് വരെ പ്രവേശനം സൗജന്യം. സര്‍ക്കാര്‍ വകുപ്പുകളുടെയും പൊതുമേഖലാ സ്വയംഭരണ സ്ഥാപനങ്ങളുടെയും ശീതീകരിച്ച 186 സ്റ്റാളുകളുണ്ട്. സംസ്ഥാനം കൈവരിച്ച നേട്ടം, ആധുനിക സാങ്കേതികവിദ്യയുടെ പരിചയപ്പെടുത്തല്‍, കാര്‍ഷിക പ്രദര്‍ശന വിപണന മേള, സാംസ്‌കാരിക- കലാ പരിപാടി, സെമിനാര്‍, കരിയര്‍ ഗൈഡന്‍സ്, സ്റ്റാര്‍ട്ടപ്പ് മിഷന്‍ തുടങ്ങിയവ സംഘടിപ്പിക്കും. 45000 ചതുരശ്രയടിയാണ് സ്റ്റാളുകള്‍ക്കുള്ളത്. ഓരോ സ്റ്റാളും 65 ചതുരശ്രഅടി വീതമുണ്ട്. രാജ്യത്തെ വൈവിധ്യമാര്‍ന്ന രുചി കൂട്ടുകളുമായി മെഗാ ഭക്ഷ്യമേളയാണ് പ്രധാന ആകര്‍ഷണം. കുടുംബശ്രീക്കാണ് ചുമതല. സാംസ്‌കാരിക- കലാപരിപാടിക്കായി 8000 ചതുരശ്രയടിയില്‍ വിശാലമായ സദസുണ്ട്. ഇതിനോടു ചേര്‍ന്നാണ് ഭക്ഷ്യമേള. ഒരേ സമയം 250 പേര്‍ക്ക് കലാപരിപാടി വീക്ഷിച്ച് ഭക്ഷണം കഴിക്കാന്‍ സൗകര്യമുണ്ട്. അഞ്ച് ജര്‍മന്‍ ഹാംഗറുകളിലാണ് പവലിയന്‍റെ നിര്‍മാണം. അലുമിനിയം ഫ്രെയിമില്‍ വെളുത്ത ടാര്‍പ്പോളിന്‍ വിരിച്ചിരിക്കുന്നു. മൂന്നെണ്ണം പൂര്‍ണമായും ശീതീകരിച്ചവയയാണ്. 660 ടണ്‍ എസിയിലാണ് പ്രവര്‍ത്തനം. പോലിസ് ഡോഗ് ഷോ, കൃഷി- അനുബന്ധ ഉപകരണങ്ങളുടെ പ്രദര്‍ശനം എന്നിവയ്ക്കായി തുറസായ സ്ഥലമുണ്ട്. കൃഷി ഉപകരണങ്ങളും കാര്‍ഷിക വിളകളും ഇവിടെ പ്രദര്‍ശിപ്പിക്കും. സാംസ്‌കാരിക- കലാ പരിപാടികളും ഭക്ഷ്യമേളയും പ്രത്യേക പവലിയനില്‍ ക്രമീകരിച്ചിട്ടുണ്ട്. 750 ഓളം കേസരകള്‍ സദസില്‍ ഇടാനാകും. പവലിയനുള്ളില്‍ പ്ലൈവുഡ് ഉപയോഗിച്ചാണ് പ്ലാറ്റ്‌ഫോം. ഇതിനു മുകളില്‍ കാര്‍പ്പെറ്റ് വിരിച്ചിട്ടുണ്ട്. ഭിന്നശേഷിക്കാര്‍ക്കുള്‍പ്പെടെ സ്റ്റാളുകള്‍ക്കിടയില്‍ സുഗമമായ സഞ്ചരിക്കാനാകും. 1500 ചതുരശ്രയടിയിലുള്ള ശീതീകരിച്ച മിനി സിനിമാ തിയേറ്ററും ഒരുക്കിയിട്ടുണ്ട്. സ്ത്രീകള്‍ക്കും പുരുഷന്‍മാര്‍ക്കുമായി 25 ബയോ ടോയ്‌ലറ്ുകളുണ്ട്. മാലിന്യ നിര്‍മാര്‍ജനം ശുചിത്വ മിഷന്‍ നിര്‍വഹിക്കും. ആരോഗ്യവകുപ്പിന്‍റെ നേതൃത്വത്തില്‍ മുഴുവന്‍ സമയവും മെഡിക്കല്‍ സംഘമുണ്ടാകും.

നഗരമധ്യത്തിൽ വീണ്ടും പൈപ്പ് നന്നാക്കൽ കുഴിയെടുപ്പ്

പത്തനംതിട്ട: നഗരമധ്യത്തിൽ പൈപ്പ് പൊട്ടലിന്‍റെ പേരിൽ വീണ്ടും കുഴിയെടുപ്പ്. കെഎസ്ആർടിസി ജംഗ്ഷനിലാണ് ഇന്നലെ മുതൽ കുഴിയെടുപ്പ് തുടങ്ങിയത്. ജെസിബി ഉപയോഗിച്ചുള്ള കുഴിയെടുപ്പ് യാത്രക്കാരെയും വ്യാപാര സ്ഥാപനങ്ങളെയും ബാധിച്ചു. നഗരത്തിൽ പഴയ പൈപ്പുകൾ ഒരുവർഷം മുന്പ് മാറ്റിയിട്ടിരുന്നതാണ്. ഇതിനു പിന്നാലെയാണ് ഇപ്പോൾ തുടർച്ചയായ പൈപ്പ് പൊട്ടലുകൾ ഉണ്ടാകുന്നത്. കെഎസ്ആർടിസി - മൈലപ്ര റോഡിൽ ഇടത്താവളത്തിനു സമീപം പൈപ്പ് സ്ഥിരമായി പൊട്ടുന്നതോടെ റോഡിൽ ഗതാഗതം തടസപ്പെടുകയാണ്. ഇതിനു പിന്നാലെയാണ് കെഎസ്ആർടിസി ജംഗ്ഷനിൽ ഇന്നലെ പണികളാരംഭിച്ചത്.

പുളിക്കീഴ് ബിവറേജസ് ഗോഡൗണിൽ വൻ അഗ്നിബാധ, കെട്ടിടങ്ങൾ കത്തി‍യമർന്നു

തിരുവല്ല : പുളിക്കീഴ് ബിവറേജസ് ഗോഡൗണിൽ വൻ അഗ്നിബാധ. ഇന്നലെ രാത്രി എട്ടോടെയായിരുന്നു സംഭവം. ഔട്ട്‌ലൈറ്റിന്‍റെ കെട്ടിടവും ഗോഡൗണും പൂർണമായും കത്തി നശിച്ചു. ആർക്കും പരിക്കില്ല. ഗോഡൗണിന്‍റെ പിൻവശത്ത് വെൽഡിംഗ് ജോലികൾ ഇന്നലെ ഉച്ചകഴിഞ്ഞ് ഉണ്ടായിരുന്നു. ഇതിൽനിന്നും തീ പടർന്നതാകാമെന്നാണ് പ്രാഥമിക നിഗമനം. തിരുവല്ല, ചങ്ങനാശേരി ,തകഴി എന്നീ യൂണിറ്റുകളിൽ നിന്നും എത്തിയ അഗ്നിശമനസേന തീ നിയന്ത്രണ വിധേയമാക്കി. ഗോഡൗണിന്‍റെ മേൽക്കുര അലൂമിനിയം ഷീറ്റ് ഉപയോഗിച്ച് നിർമിച്ചിട്ടുള്ളതിനാലാണ് തീ പെട്ടെന്ന് വ്യാപിച്ചത്. മേൽക്കൂര പൂർണമായും കത്തി നശിച്ചു. മദ്യം നിറച്ച കുപ്പികൾ പൊട്ടിത്തെറിച്ചതും തീ പടരാൻ കാരണമായി. ലക്ഷക്കണക്കിന് രൂപയുടെ നാശനഷ്ടമാണ് സംഭവിച്ചിരിക്കുന്നത്.

റോഡിലെ മലിനജലം വീടുകളിലേക്ക് കയറുന്നത് തടയണമെന്ന് മനുഷ്യാവകാശ കമ്മീഷൻ

പത്തനംതിട്ട : പുനലൂർ - മൂവാറ്റുപുഴ സംസ്ഥാന പാതയിൽ ‌പ്ലാച്ചേരിക്കും മുക്കപ്പുഴയ്ക്കുമിടയിൽ നിർമാണത്തിലെ അശാസ്ത്രീയത കാരണം മലിനജലം വീടുകളിലേക്ക് ഒഴുകിയെത്തുകയാണെന്ന പരാതി അടിയന്തരമായി പരിഹരിക്കണമെന്ന് മനുഷ്യാവകാശ കമ്മീഷൻ ചെയർപേഴ്സൺ ജസ്റ്റീസ് അലക്സാണ്ടർ തോമസ്. ഇക്കാര്യത്തിൽ സ്വീകരിച്ച നടപടികൾ സംബന്ധിച്ച് പൊൻകുന്നം കെഎസ്ടിപി എക്സിക്യൂട്ടീവ് എൻജിനിയർ ആറാഴ്ചയ്ക്കകം റിപ്പോർട്ട് സമർപ്പിക്കണമെന്നും ഉത്തരവിൽ പറഞ്ഞു. കരാറുകാർ തമ്മിലുള്ള തർക്കമാണ് ഓടയുടെ നിർമാണം വൈകാൻ കാരണമെന്ന് പരാതിക്കാർ കമ്മീഷനെ അറിയിച്ചു. ഇത് പരാതിക്കാരെ ബാധിക്കുന്ന പ്രശ്നമല്ലെന്ന് ഉത്തരവിൽ പറഞ്ഞു. പണി പൂർത്തിയാക്കാനുള്ള ബാധ്യത കെഎസ്ടിപിക്കുണ്ടെന്നും കമ്മീഷൻ അഭിപ്രായപ്പെട്ടു. മഴവെള്ളവും മാലിന്യവും പരാതിക്കാരുടെ വീടുകളിലേക്ക് എത്താതിരിക്കാനുള്ള പരിഹാരമാർഗങ്ങൾ കണ്ടെത്തി പരിഹരിക്കണമെന്നും ജസ്റ്റീസ് അലക്സാണ്ടർ തോമസ് ആവശ്യപ്പെട്ടു. റാന്നി മക്കപ്പുഴ സ്വദേശി ഫിലിപ്പ് പി. തോമസിന്‍റെ നേതൃത്വത്തിൽ സമർപ്പിച്ച പരാതിയിലാണ് നടപടി.

‘കളിക്കളം ആകട്ടെ ലഹരി’; ക്രിക്കറ്റ് മത്സരം നടത്തി

ഓമല്ലൂർ: കേരള കോൺഗ്രസ് - എം ജില്ലാ കമ്മിറ്റിയുടെ നേതൃത്വത്തിൽ രാസലഹരിക്കെതിരേ നടത്തുന്ന ‘കളിക്കളം ആകട്ടെ ലഹരി’കായിക മത്സരങ്ങളുടെ ഭാഗമായ, ക്രിക്കറ്റ് മത്സരം ആറന്മുള നിയോജകമണ്ഡലത്തിൽ ഓമല്ലൂർ എൻടിഎൽ സ്പോർട്സ് ഗ്രൗണ്ടിൽ നടത്തി. പ്രമോദ് നാരായൺ എംഎൽഎ ഉദ്ഘാടനം ചെയ്തു. ജില്ലാ പ്രസിഡന്‍റ് സജി അലക്സ് മുഖ്യപ്രഭാഷണം നടത്തി. നിയോജകമണ്ഡലം മണ്ഡലം പ്രസിഡന്റ് കുര്യൻ മടക്കൽ അധ്യക്ഷത വഹിച്ചു. എക്സൈസ് ഇൻസ്പെക്ടർ കെ. എം. ശിഹാബുദ്ദീൻ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. ജില്ലാ ജനറൽ സെക്രട്ടറി ഏബ്രഹാം വാഴയിൽ, സോമൻ താമരച്ചാലിൽ, എം. സി. ജയകുമാർ, ഹാൻലി ജോൺ, ടിബു പുരക്കൽ, ഏബ്രഹാം കുരുവിള, ലിനു വി. ഡേവിഡ്, ആനി സ്ലീബ , ബിൻസി നെൽസൽ തുടങ്ങിയവർ പ്രസംഗിച്ചു.

ആറന്മുള ടൂറിസം സർക്യൂട്ട് പദ്ധതി നിശ്ചലമായി

പത്തനംതിട്ട: ഉൾനാടൻ ടൂറിസം പദ്ധതിയിൽ ഉൾപ്പെടുത്തി വിഭാവനം ചെയ്ത ആറന്മുള ടൂറിസം സർക്യൂട്ട് പദ്ധതി വെളിച്ചം കണ്ടില്ല. 2021 മുതൽ ആറന്മുള വികസന സമിതിയുടെ പരിശ്രമഫലമായാണ് സർക്കാർ തലത്തിൽ പദ്ധതി ശ്രദ്ധേയമായത്. സമിതി പ്രവർത്തകർ ഇതിനായി ഡിടിപിസി അടക്കമുള്ള സർക്കാർ ഏജൻസികളിൽ നടത്തിയ നിരന്തര സമ്മർദത്തെത്തുടർന്നാണ് രൂപരേഖ തയാറായത്. സർക്കാരിലേക്ക് പദ്ധതി സമർപ്പിച്ച് ട്രാവൻകൂർ പബ്ളിക് കനാൽസ് ആന്‍ഡ് പബ്ലിക് ഫെറീസ് ആക്റ്റ് 1920- ലെ ആറാം വകുപ്പിൽ ഉൾപ്പെടുത്തി പദ്ധതിക്ക് അംഗീകാരവും ലഭിച്ചു. പക്ഷേ തുടർ നടപടികൾ ഒന്നും ഉണ്ടായില്ല. ചെങ്ങന്നൂരിൽനിന്നും പന്പാനദിയിലൂടെ ബോട്ടിൽ ആറന്മുളയിലേക്കുള്ള എട്ടു കിലോമീറ്റർ യാത്രയാണ് പദ്ധതിയിലെ ആദ്യ ഘട്ടം. നദിയുടെ ഇരു കരകളിലുമുള്ള ഗ്രാമക്കാഴ്ചകൾ ആസ്വദിച്ച് ബോട്ട് ആറന്മുള മാലേത്ത് കടവിലുള്ള ജെട്ടിയിൽ എത്തുന്നു. തുടർന്ന് ബോട്ടിൽ ആറന്മുള നെട്ടായത്തിലൂടെയുള്ള യാത്രയിൽ സത്രക്കടവ്, പള്ളിയോടപ്പുരകൾ, പള്ളിയോടങ്ങൾ എന്നിവ സന്ദർശിച്ച് ക്ഷേത്രക്കടവിൽ അടുക്കും. ക്ഷേത്ര ദർശനം കഴിഞ്ഞ് ബോട്ട് വീണ്ടും കിഴക്കോട്ട്. നിക്ഷേപമാലി മാരാമൺ കൺവൻഷൻ മണൽപ്പരപ്പിലൂടെ തിരികെ ആറന്മുള മാലേത്ത് കടവിലെ ജെട്ടിയിലെത്തും. ബോട്ടിൽ തന്നെ ലഘു ഭക്ഷണ വിതരണം. പിന്നീട് കര മാർഗമുള്ള ഗ്രാമ ദർശനം. വാസ്തുവിദ്യാ ഗുരുകുലം, ആറന്മുള കണ്ണാടി നിർമാണം, വില്പന ശാലകൾ എന്നിവ സന്ദർശിച്ച് നാൽക്കാലിക്കലിൽ നിർമിച്ചിട്ടുള്ള പാർക്കിൽ വിശ്രമം. ഉച്ചയ്ക്ക് 64 കൂട്ടം വിഭവങ്ങൾ അടങ്ങിയ ആറന്മുള സദ്യ കഴിച്ച ശേഷം കയാക്കിംഗ് തുഴച്ചിൽ പരിശീലനം. വൈകുന്നേരത്തോടെ ബോട്ടിൽ മടക്കയാത്ര ഇതായിരുന്നു പദ്ധതി. പന്പാനദിയിലെ മണൽപ്പുറ്റുകൾ തടസം ബോട്ടുകൾക്ക് ഇപ്പോഴത്തെ അവസ്ഥയിൽ പമ്പാനദിയിലൂടെ സഞ്ചരിക്കാൻ കഴിയാത്ത അവസ്ഥയാണുള്ളത്. കഴിഞ്ഞ 50 വർഷമായി തുടർന്നു വരുന്ന മണൽ ഖനനം മൂലം നദിയുടെ അടിത്തട്ട് താഴ്ന്നതിനാൽ വേനൽക്കാലത്ത് പമ്പയിൽ ജലനിരപ്പ് നന്നേ കുറവാകും. ചില സ്ഥലങ്ങളിൽ അടിത്തട്ട് ജലപരപ്പിനു മീതെ തെളിഞ്ഞു നിൽക്കുകയാണ്. ചെങ്ങന്നൂർ - ആറന്മുള ജലപാതയ്ക്ക് എട്ട് കിലോമീറ്റർ മാത്രമാണ് ദൂരം. ഇതിനിടയിൽ പലഭാഗങ്ങളിലും തുടർച്ചയായി രൂപപ്പെടുന്ന മണൽപ്പുറ്റ് ബോട്ട് യാത്രയ്ക്കു തടസമാകും. പരിഹാരമാർഗങ്ങളും നിർദേശിച്ചു പന്പയുടെ അടിത്തട്ട് താഴ്ന്ന ഭാഗങ്ങളിൽ ജലനിരപ്പിനു താഴെ 50 - 100 മീറ്റർ വ്യത്യാസത്തിൽ ഒരടി ഉയരത്തിൽ ചാക്കിൽ മണൽ നിറച്ച് തടയണ നിർമിച്ച് ജല നിരപ്പ് ഉയർത്തുക. തടയണ ജല നിരപ്പിനു താഴെയായതിനാൽ വള്ളങ്ങൾക്കോ ബോട്ടുകൾക്കോ സഞ്ചരിക്കാൻ ഇവ തടസമാകുന്നില്ല. വർഷകാലത്ത് ഒഴുകിയെത്തുന്ന മണൽ ഈ തടയണകളിൽ അടിഞ്ഞ് അടിത്തട്ട് ഉയരാനും ഇതു ഉപകരിക്കും. പമ്പാ പരിരക്ഷണ സമിതി അടക്കമുള്ള സംഘടനകൾ ഈ നിർദ്ദേശം പലകുറി മുന്നോട്ടുവച്ചിട്ടും അധികൃതർ ഇതേവരെ പരിഗണിച്ചിട്ടില്ല. ബോട്ടിന് സഞ്ചരിക്കാൻ കഴിയും വിധം പ്രത്യേക ചാൽ വെട്ടി ഉണ്ടാക്കുക എന്നത് അശാസ്ത്രീയവും ചെലവേറിയതുമായ കാര്യമാണ്. ഏറെ പ്രായോഗികമായ പദ്ധതിയാണ് തടയണ ഉപയോഗിച്ച് ജലനിരപ്പ് ഉയർത്തുക എന്നത്. ഇപ്പോഴത്തെ അവസ്ഥയിൽ ജൂലൈ മുതൽ നവംബർ വരെ മാത്രമേ ബോട്ടു യാത്ര സാധ്യമാവുകയുള്ളു. ചില അവസരങ്ങളിൽ ബോട്ടു യാത്രയ്ക്ക് വെള്ളപ്പൊക്കവും തടസമാകാം. ഓണക്കാലത്തു പോലും നദിയിലെ ജലനിരപ്പ് നന്നേ കുറയാറുണ്ട്.

കളിക്കളം ആകട്ടെ ലഹരി; കായിക മത്സരങ്ങൾക്ക് തുടക്കമിട്ട് കേരള കോൺ -എം

തിരുവല്ല: മയക്കു മരുന്നിന്‍റെ ദൂഷ്യത്തിൽ നിന്ന് തലമുറകളെ രക്ഷിക്കേണ്ടത് ഓരോരുത്തരുടെയും കടമയാണെന്ന് കേരള കോൺഗ്രസ് - എം ചെയർമാൻ ജോസ് കെ. മാണി എംപി. കേരള കോൺഗ്രസ് - എം പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ ലഹരിക്കെതിരെ, കളിക്കളം ആകട്ടെ ലഹരി എന്ന മുദ്രാവാക്യവുമായി വിവിധ കേന്ദ്രങ്ങളിൽ നടത്തുന്ന വിവിധ കായിക മത്സരങ്ങളുടെ ജില്ലാതല ഉദ്ഘാടനം തിരുവല്ലയിൽ നിർവഹിച്ച് പ്രസംഗിക്കുകയായിരുന്നു അദ്ദേഹം. നിയോജകമണ്ഡലം പ്രസിഡന്‍റ് സാം കുളപ്പള്ളി അധ്യക്ഷത വഹിച്ചു. ജില്ലാ പ്രസിഡൻ‌റ് സജി അലക്സ് മുഖ്യപ്രഭാഷണം നടത്തി. എക്സൈസ് വകുപ്പ് സർക്കിൾ ഇൻസ്പെക്ടർ രാധാകൃഷ്ണൻ നായർ പ്രതിജ്ഞ ചൊല്ലിക്കൊടുത്തു. ചെറിയാൻ പോളച്ചിറക്കൽ, ഏബ്രഹാം വാഴയിൽ, ജില്ലാ പഞ്ചായത്ത്‌ പ്രസിഡന്‍റ് ജോർജ് ഏബ്രഹാം, എലിസബത്ത് മാമ്മൻ മത്തായി, ജേക്കബ് മാമ്മൻ വട്ടശേരിൽ, സോമൻ താമരച്ചാലിൽ, റിന്റോ തോപ്പിൽ, രാജീവ്‌ വഞ്ചിപ്പാലം, ജോയ് ആറ്റുമാലിൽ, തോമസ് വർഗീസ്, പോൾ മാത്യു, മനോജ്‌ മഠത്തുമ്മൂട്ടിൽ, ജോജി തോമസ്, ശർമിള സുനിൽ, ജയിംസ് ഇളമത, റജി കുരുവിള, മാത്യു നൈനാൻ, ധന്യ അന്ന മാമ്മൻ എന്നിവർ പ്രസംഗിച്ചു.

കർഷകരെ സർക്കാർ വഞ്ചിച്ചു: സതീഷ് കൊച്ചുപറന്പിൽ

പത്തനംതിട്ട: കാര്‍ഷികവൃത്തി തൊഴിലായി സ്വീകരിച്ച് അതിലൂടെ കര്‍ഷകര്‍ക്ക് ജീവിക്കാന്‍ കഴിയാത്ത സാഹചര്യമാണ് കേരളത്തിൽ നിലവിലുള്ളതെന്ന് ഡിസിസി പ്രസിഡന്‍റ് പ്രഫ. സതീഷ് കൊച്ചുപറമ്പിൽ. കര്‍ഷക കോണ്‍ഗ്രസ് ജില്ലാ കമ്മിറ്റിയുടെ ആഭിമുഖ്യത്തില്‍ നടത്തിയ ജില്ലാ കണ്‍വന്‍ഷന്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വന്യമൃഗ ആക്രമണം മൂലം നിരവധിയാളുകൾ ക്രൂരമായി മരണപ്പെടുന്നു. സര്‍ക്കാര്‍ എന്ത് നടപടി കൈക്കൊണ്ടൊന്നും ഉത്തരം പറയണമെന്നും സതീഷ് കൊച്ചുപറന്പിൽ ആവശ്യപ്പെട്ടു. ജില്ലാ പ്രസിഡന്‍റ് റ്റി.എച്ച്. സിറാജുദ്ദീന്‍ അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി ജോസ് മുത്തനാട്ട് മുഖ്യപ്രഭാഷണം നടത്തി. കര്‍ഷക ക്ഷേമനിധി ബോര്‍ഡ് ഡയറക്ടറായി നിയമിതനായ സംസ്ഥാന വൈസ് പ്രസിഡന്‍റ് സുരേഷ് കോശിയെ യോഗത്തില്‍ ആദരിച്ചു. സംസ്ഥാന ഭാരവാഹികളായ ബാബുജി ഈശോ, സതീഷ് പഴകുളം, എം.കെ. പുരുഷോത്തമൻ, സജു മാത്യു, കെ.വി. രാജന്‍, തോമസ് മാത്യു, സലിം പെരുനാട്, മലയാലപ്പുഴ വിശ്വംഭരൻ, അഷറഫ് അപ്പാക്കുട്ടി, ഷിബു വള്ളിക്കോട്, കെ.എൻ. രാജന്‍, അബ്ദുല്‍കലാം ആസാദ്, റഹിംകുട്ടി, ജോസ് കലഞ്ഞൂർ, മണ്ണില്‍ രാഘവന്‍, നജീര്‍ പന്തളം, ശിവപ്രസാദ്, ഗോപകുമാർ, വല്ലാറ്റൂര്‍ വാസുദേവന്‍, ഷൂജ, ജോസ് ഇല്ലിരിക്കൽ, വേണുകുമാരന്‍ നായര്‍, തോമസ് കോവൂർ, ജി. സന്തോഷ് കുമാര്‍, മാത്യു എബ്രഹാം എന്നിവര്‍ പ്രസംഗിച്ചു.

കൊലപാതകക്കേസിലെ പ്രതി യുവതിയെ അപമാനിച്ച കേസിലും അറസ്റ്റില്‍

തിരുവല്ല: യുവതിയെ അപമാനിച്ച കേസില്‍ കൊലപാതകം ഉള്‍പ്പെടെ നിരവധി ക്രിമിനല്‍ കുറ്റകൃത്യങ്ങളില്‍പെട്ടയാളെ പോലീസ് അറസ്റ്റ് ചെയ്തു. കടപ്ര മാന്നാര്‍ കോട്ടയ്ക്കമാലി കോളനിയില്‍ വാലുപറമ്പില്‍ താഴ്ചയില്‍ വീട്ടില്‍ മാര്‍ട്ടിനാണ് (51) പുളിക്കീഴ് പോലീസിന്‍റെ പിടിയിലായത്. കടപ്ര മാന്നാര്‍ പരുമല സ്വദേശിനിയായ 29 കാരിയെ വീട്ടില്‍ അതിക്രമിച്ചു കയറി അപമാനിക്കുകയായിരുന്നു. കൊലപാതകം, വധശ്രമം, ദേഹോപദ്രവം ഏല്പിക്കല്‍ തുടങ്ങി പുളിക്കീഴ് പോലീസ് രജിസ്റ്റര്‍ ചെയ്ത നിരവധി കുറ്റകൃത്യങ്ങളില്‍ പ്രതിയാണ് മാര്‍ട്ടിന്‍. മജീദ് എന്നു വിളിക്കുന്ന മുഹമ്മദ് റാവുത്തര്‍ (60 )എന്നയാളെ മര്‍ദ്ദിച്ച് കൊലപ്പെടുത്തിയതിന് 2023 ല്‍ ഇയാള്‍ക്കെതിരേ കേസ് എടുത്തിരുന്നു. പുളിക്കീഴ് സ്റ്റേഷനിലെ റൗഡി ഹിസ്റ്ററി ഷീറ്റില്‍പെട്ടയാളാണ് പ്രതി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്ത് മാവേലിക്കര സബ് ജയിലിലാക്കി. പോലീസ് ഇന്‍സ്പെക്ടര്‍ കെ. അജിത് കുമാര്‍, എസ്ഐമാരായ കെ. സുരേന്ദ്രന്‍, എസ്. സതീഷ് കുമാര്‍, സിപിഒമാരായ ശ്രീജ ഗോപിനാഥ്, സുദീപ്, അലോഖ്, അഖില്‍ എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.

ലോറിയും കാറും കൂട്ടിയിടിച്ചു

റാന്നി: മന്ദമരുതി ആശുപത്രി ജംഗ്ഷനു സമീപം ലോറിയും കാറും തമ്മിൽ കൂട്ടിയിടിച്ച് അപകടം. ഇന്നലെ ഉച്ചയ്ക്ക് 1 .30 ഓടെയാണ് അപകടം നടന്നത് . കാറിൽ ഉണ്ടായിരുന്നവർ നെടുമ്പാശേരി എയർപോർട്ടിൽ പോയ ശേഷം തിരികെ വരികയായിരുന്നു. കാറിന്‍റെ മുൻവശം പൂർണമായി തകർന്നു. യാത്രക്കാരെ പരിക്കുകളോടെകോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു .

ട്രെയിൻ യാത്രയ്ക്കിടെ യുവാവിനെ കാണാതായി

റാന്നി: ട്രെയിനിൽ സുഹൃത്തുക്കൾക്കൊപ്പം യാത്ര ചെയ്യുന്നതിനിടെ വെച്ചൂച്ചിറ സ്വദേശിയെ കാണാതായി. വെച്ചൂച്ചിറ കുമ്പിത്തോട് വേഴക്കാട്ട് വിശ്വനാഥന്‍റെ മകന്‍ വിനീതിനെയാണ് (32) കഴിഞ്ഞ ഏഴിന് പുലർച്ചെ 3.30നുശേഷം കോഴിക്കോടിനും കുറ്റിപ്പുറത്തിനും മധ്യേ ട്രെയിനിൽ നിന്നു കാണാതായത്. മംഗലാപുരത്ത് അലുമിനിയം ഫാബ്രിക്കേഷന്‍ ജോലി കഴിഞ്ഞു വിനീത് ഉൾപ്പടെ അഞ്ച് പേർ നാട്ടിലേക്കു ട്രെയിനിൽ വരുമ്പോഴാണ് സംഭവം. ട്രെയിന്‍ കോഴിക്കോട് സ്റ്റേഷന്‍ വിട്ടതിനു പിന്നാലെ ശുചിമുറിയില്‍ പോകുന്നതിനായി വിനീത് പോയതാണെന്നും പിന്നെ തിരികെ വന്നില്ലന്നുമാണ് ഒപ്പമുണ്ടായിരുന്ന സുഹൃത്തുക്കൾ പോലീസിനെ അറിയിച്ചത്. അഞ്ച് മിനിറ്റ് കഴിഞ്ഞ് സുഹൃത്തുക്കൾ വിനീതിനെ തിരക്കി ചെന്നെങ്കിലും കണ്ടെത്താനായില്ല. ഒരാൾ വാതിലിലൂടെ പുറത്തേക്കു വീണതായി യാത്രക്കാരിൽ ഒരാൾ സംശയം പ്രകടിപ്പിച്ചതിനേ തുടര്‍ന്ന് സുഹൃത്തുക്കള്‍ കുറ്റിപ്പുറം സ്റ്റേഷനില്‍ ഇറങ്ങി പരിശോധന നടത്തി. നാട്ടുകാരുടെ സംഘവും പരിശോധന നടത്തിയെങ്കിലും വിനീതിനെ കണ്ടെത്താനായില്ല. വീണതായി സംശയം തോന്നിയ സ്ഥലത്ത് 300 മീറ്ററിനു മധ്യേ നദിയിൽ രണ്ട് പാലം ഉള്ളതായി പോലീസ് പറയുന്നു. ബന്ധുക്കള്‍ നൽകിയ പരാതിയേ തുടർന്ന് വെച്ചൂച്ചിറ പോലീസ് കേസെടുത്ത് വിശദമായ അന്വേഷണത്തിനു റെയിൽവേ പോലീസിനു കൈമാറി.

പോലീസ് ഉദ്യോഗസ്ഥർക്കു നേരേ കൈയേറ്റം നടത്തിയയാള്‍ അറസ്റ്റിൽ

പന്തളം: പോലീസ് ഉദ്യോഗസ്ഥരെ കൈയേറ്റം ചെയ്ത കേസിൽ ഒരാൾ അറസ്റ്റിൽ. പന്തളം മുടിയൂര്‍ക്കോണം പുന്നത്താറ്റ് വിനോദ് ഭവനത്തില്‍ വിനോദാണ് (41) അറസ്റ്റിലായത്. കഴിഞ്ഞ രാത്രി മുടിയൂര്‍ക്കോണം ധര്‍മശാസ്താ ക്ഷേത്രത്തിലെ ഉത്സവത്തോടനുബന്ധിച്ച് നാടന്‍പാട്ട് പരിപാടി നടക്കുമ്പോള്‍ പ്രശ്‌നമുണ്ടാക്കിയത് ചോദ്യം ചെയ്തപ്പോഴാണ് ഡ്യൂട്ടിയിലുണ്ടായിരുന്ന എസ്ഐ മനോജിന്‍റെ നേതൃത്വത്തിലുള്ള സംഘത്തിനു നേരെ കൈയേറ്റ ശ്രമമുണ്ടായത്. എസ് ഐയുടെ നേതൃത്വത്തിൽ, എഎസ്ഐ രാജു, സിപിഒമാരായ അന്‍സാജു, അരുണ്‍ എന്നിവരടങ്ങിയ സംഘമാണ് ഇയാളെ കീഴ്‌പ്പെടുത്തി കസ്റ്റഡിയിലെടുത്തത്. പോലീസ് ഇന്‍സ്പെക്ടര്‍ ടി. ഡി പ്രജീഷിന്‍റെ നിര്‍ദേശപ്രകാരം കേസെടുത്ത് അറസ്റ്റ് രേഖപ്പെടുത്തി.

അതിജീവിതയ്ക്കു കൈത്താങ്ങായി ശിശുസംരക്ഷണ സമിതി, അഭിഭാഷകനെതിരേ വീട്ടമ്മയുടെ മൊഴി

പത്തനംതിട്ട : അഭിഭാഷകന്‍റെ ക്രൂര പീഡനത്തിനിരയായ അതിജീവിതയ്ക്ക് കൈത്താങ്ങായി ജില്ലാ ശിശു സംരക്ഷണ സമിതി. അഭിഭാഷകനെ ഇപ്പോഴും പിടികൂടാനായിട്ടില്ല. പത്തനംതിട്ട ജില്ലക്കാരിയായ പെൺകുട്ടി പ്ലസ്ടുവിനു ശേഷം ഫോറൻസിക് സയൻസ് കോഴ്സിൽ പ്രവേശനത്തിനൊരുങ്ങുകയാണ്. പഠിക്കാനുള്ള അതിജീവിതയുടെ ആഗ്രഹത്തിന് എല്ലാ പിന്തുണയും നൽകണമെന്ന് കോടതി നിർദേശിച്ചിരുന്നു. ഇതനുസരിച്ച് പ്രവേശനത്തിനുള്ള ഫീസ് സർക്കാരിൽ നിന്ന് ശിശു സംരക്ഷണ സമിതി ലഭ്യമാക്കി. കുട്ടിയുടെ ബന്ധുവായ സ്ത്രീയാണ് അഭിഭാഷകനുമായി ബന്ധമുണ്ടാക്കിയത്. ഇതേത്തുടർന്ന് ഇയാൾ ക്രൂര പീഡനത്തിനു വിധേയമാക്കുകയായിരുന്നു. ജില്ലാ ശിശുക്ഷേമ സമിതിയാണ് കേസിൽ നിയമ സഹായങ്ങളും മാനസിക പിന്തുണയും നൽകിയത്. അറസ്റ്റ് ഒഴിവാക്കാൻ അഭിഭാഷകൻ സുപ്രീം കോടതിയിൽ ഹർജി നൽകിയിട്ടുണ്ട്. ഇതിനിടെ അഭിഭാഷകൻ 2010ൽ എറണാകുളം തമ്മനത്തെ ഒരു വീട്ടിൽ വച്ച് തന്നെയും പീഡിപ്പിച്ചിരുന്നതായി പെൺകുട്ടിയുടെ മാതാവ് ഇന്നലെ പത്തനംതിട്ട വനിതാ പോലീസ് സ്റ്റേഷനിൽ മൊഴി നൽകി. ഇതേത്തുടർന്ന് ഇയാൾക്കെതിരേ പുതിയ കേസ് രജിസ്റ്റർ ചെയ്തു. ഭർത്താവുമായുള്ള കേസിന്‍റെ ആവശ്യത്തിനാണ് ബന്ധുവായ സ്ത്രീ മുഖേന അഭിഭാഷകനെ കണ്ടതെന്ന് മൊഴിയിൽ പറയുന്നു. പുറത്തു പറഞ്ഞാൽ കേസിൽ കുടുക്കുമെന്ന് അഭിഭാഷകൻ ഭീഷണിപ്പെടുത്തി. പീഡനദൃശ്യങ്ങൾ പുറത്തുവിടാതിരിക്കണമെങ്കിൽ 12 ലക്ഷം രൂപ നൽകണമെന്ന് അഭിഭാഷകൻ ആവശ്യപ്പെട്ടു. സ്വർണാഭരണങ്ങൾ അഭിഭാഷകൻ കൈക്കലാക്കിയതായും വീട്ടമ്മയുടെ മൊഴിയിലുണ്ട്.

കാഞ്ഞിരപ്പള്ളി രൂപതാദിനം: ജൂബിലിദീപം അണക്കരയിൽ

കാഞ്ഞിരപ്പള്ളി: നാല്പത്തിയെട്ടാമത് രൂപതാദിന വേദിയായ അണക്കര സെന്‍റ് തോമസ് ഫൊറോന പള്ളിയിൽ ജൂബിലിദീപം സ്വീകരിച്ചു. നാല്പത്തിയേഴാമത് രൂപതാദിന വേദിയായിരുന്ന എരുമേലി ഫൊറോനയിൽ നിന്ന് ഈ വർഷത്തെ രൂപതാദിന ആതിഥേയരായ അണക്കര ഫൊറോന ഏറ്റുവാങ്ങിയ ജൂബിലിദീപം ഫൊറോനയിലെ 11 ഇടവകകളിലും പ്രാർഥനാദിനങ്ങൾ പൂർത്തിയാക്കിയാണ് അണക്കര ഫൊറോന പള്ളിയിൽ എത്തിച്ചേർന്നത്. രൂപതാദിനത്തോടനുബന്ധിച്ച് നാളെ വിശുദ്ധ കുർബാനയ്ക്ക് ശേഷം രൂപതയിലെ എല്ലാ പള്ളികളിലും രൂപതാദിന പതാക ഉയർത്തുകയും ദൈവജനം ഒന്നുചേർന്ന് ജൂബിലി ആന്തം ആലപിക്കുകയും ചെയ്യും. 12ന് നടത്തപ്പെടുന്ന രൂപതാദിനത്തിനൊരുക്കമായ അണക്കര ഫൊറോന നേതൃസംഗമം നാളെ അണക്കര ഫൊറോന പള്ളിയിൽ നടക്കും. രൂപത വികാരി ജനറാൾ ഫാ. ബോബി അലക്സ് മണ്ണംപ്ലാക്കലിന്‍റെ കാർമികത്വത്തിൽ രാവിലെ ഒന്പതിന് വിശുദ്ധ കുർബാന അർപ്പിക്കും. അണക്കര ഫൊറോനയിലെ ഇടവകകളിൽ നിന്നുള്ള പാരിഷ് കൗൺസിൽ അംഗങ്ങൾ, കുടുംബകൂട്ടായ്മ ലീഡേഴ്സ്, വിശ്വാസജീവിത പരിശീലകർ, സംഘടനാ ഭാരവാഹികൾ എന്നിവർ പങ്കെടുക്കുന്ന സമ്മേളനം ഫാ. ജിസൺ പോൾ വേങ്ങശേരി നയിക്കും.

ഉണങ്ങിയ വൃക്ഷശിഖരങ്ങൾ അപകടഭീഷണി ഉയർത്തുന്നു

അടൂർ: സെൻട്രലിലെ ഗാന്ധി മൈതാനത്ത് നിൽക്കുന്ന തണൽ മരത്തിന്‍റെ ഉണങ്ങിയ മരക്കൊമ്പ് അപകട ഭീഷണി ഉയർത്തുന്നു. റോഡിലേക്ക് നിൽക്കുന്ന ഉണങ്ങിയ മരക്കൊമ്പ് ഏതു നിമിഷവും നിലംപൊത്താവുന്ന അവസ്ഥയിലാണ്. ധാരാളം വാഹനങ്ങൾ കടന്നുപോകുന്ന റോഡിൽ ശിഖരങ്ങൾ വലിയ അപകട ഭീഷണിയാണ് ഉയർത്തുന്നത്. കാറ്റും മഴയും ഉള്ള സമയത്ത് മരക്കൊമ്പൊടിഞ്ഞ് ഇരുചക്രo ഉൾപ്പെടെ ഓടിക്കൊണ്ടിരിക്കുന്ന വാഹനങ്ങൾക്ക് മുകളിൽ വീണാൽ ആളപായം ഉണ്ടാകാനുള്ള സാധ്യത വളരെ കൂടുതലാണ്. ഉണങ്ങിയ മരക്കൊമ്പ് മുറിക്കുവാൻ ജില്ല ദുരന്തനിവാരണ വിഭാഗം ഇടപെട്ട് നടപടി സ്വീകരിക്കണമെന്ന് നാട്ടുകാരും വ്യാപാരികളും ആവശ്യപ്പെട്ടു.

മഹാകവി വെണ്ണിക്കുളം സ്മാരക പുരസ്കാരം സമ്മാനിച്ചു

വെണ്ണിക്കുളം: മലയാള നാടിന് മഹാകവി വെണ്ണിക്കുളം നൽകിയ സംഭാവനകൾ ഏറെ വലുതെന്ന് ഗവൺമെൻറ് ചീഫ് വിപ്പ് ഡോ. എൻ. ജയരാജ്. പ്രവാസി സംസ്കൃതി അസോസിയേഷന്‍റെ മഹാകവി വെണ്ണിക്കുളം ഗോപാലക്കുറുപ്പ് സ്മാരക പുരസ്കാരം ലെഫ്റ്റനന്‍റ് കേണൽ ഡോ. സോണിയ ചെറിയാനു സമ്മാനിച്ചു പ്രസംഗിക്കുകയായിരുന്നു അദ്ദേഹം. വെണ്ണിക്കുളത്തിന്‍റെ കവിതകൾ എന്നും ശ്രദ്ധേയമായിരുന്നു. കേരളം അറിഞ്ഞ മഹാകവികളിൽ പണ്ഡിതനും അറിയപ്പെട്ട സാഹിത്യകാരനും ആയിരുന്നു അദ്ദേഹമെന്നും ഡോ.എൻ. ജയരാജ് അഭിപ്രായപ്പെട്ടു. സോണിയ ചെറിയാന്‍റെ സ്നോ ലോട്ടസ് എന്ന നോവലിനാണ് പുരസ്കാരം ലഭിച്ചത്. സാംസ്കാരിക സമ്മേളനത്തിൽ ജില്ലാ പഞ്ചായത്തംഗം ജിജി മാത്യു, പുറമറ്റം പഞ്ചായത്ത് പ്രസിഡന്‍റ് ജൂലി കെ. വർഗീസ്, ഡോ. ജോസ് പാറക്കടവിൽ, ഡോ. സജി ചാക്കോ, പ്രവാസി സംസ്കൃതി അസോസിയേഷന്‍റെ സെക്രട്ടറി ബിജു ജേക്കബ് കൈതാരം, സ്കൂൾ പ്രിൻസിപ്പൽ ഡോ. ജേക്കബ് ഏബ്രഹാം, സ്കൂൾ പ്രധാന അധ്യാപിക രജനി ജോയ് സാമുവേൽ പ്രക്കാനം, മിനി ഈപ്പൻ, ഷാജി പഴൂർ, വിജു സ്കറിയ എന്നിവർ പ്രസംഗിച്ചു. ചടങ്ങിൽ മഹാകവി വെണ്ണിക്കുളത്തിന്‍റെ തെരഞ്ഞെടുത്ത കവിതകളുടെ അവതരണവും ഉണ്ടായിരുന്നു.

മാർ അത്തനേഷ്യസ് യോഹാന്‍ സ്മൃതി 2025 സമാപിച്ചു

തിരുവല്ല: ബിലീവേഴ്‌സ് ഈസ്‌റ്റേണ്‍ ചര്‍ച്ച് പ്രഥമ അധ്യക്ഷന്‍ മാർ അത്തനേഷ്യസ് യോഹാന്‍റെ ഒന്നാം ചരമവാര്‍ഷികത്തോടനുബന്ധിച്ച് നടന്നു വന്ന സ്മൃതി 2025 സമാപിച്ചു. ഇന്നലെ നടന്ന കാരുണ്യ സ്മൃതി മന്ത്രി വി.എൻ. വാസവന്‍ ഉദ്ഘാടനം ചെയ്തു. ബിലീവേഴ്‌സ് ഈസ്‌റ്റേണ്‍ ചര്‍ച്ച് പരമാധ്യക്ഷന്‍ ഡോ. സാമുവല്‍ മാർ തെയോഫിലസ് അധ്യക്ഷത വഹിച്ചു. ഡോ. തിയഡോഷ്യസ് മാര്‍ത്തോമ്മ മെത്രാപ്പോലീത്ത മുഖ്യപ്രഭാഷണം നടത്തി. മാര്‍ അത്തനേഷ്യസ് സ്മൃതി സ്‌കോളര്‍ഷിപ്പ് പദ്ധതി മലങ്കര ക്‌നാനായ ആര്‍ച്ച് ബിഷപ് കുര്യാക്കോസ് മാർ സേവേറിയോസ് ഉദ്ഘാടനം ചെയ്തു. വിധവാ ശക്തീകരണ പദ്ധതി യാക്കോബായ സഭ സുന്നഹദോസ് സെക്രട്ടറി തോമസ് മാര്‍ തിമോത്തിയോസ് ഉദ്ഘാടനം ചെയ്തു. ആന്‍റോ ആന്‍റണി എംപി, ജോബ് മൈക്കിള്‍ എംഎല്‍എ, സിപിഎം ജില്ലാ സെക്രട്ടറി രാജു ഏബ്രഹാം, പാളയം ഇമാം ഡോ. വി.പി. സുഹൈബ് മൗലവി, സാല്‍വേഷന്‍ ആര്‍മി ടെറിട്ടോറിയല്‍ കമാന്‍ഡര്‍ കേണല്‍ പി. ജോണ്‍ വില്യംസ്, സെന്‍റ് തോമസ് ഇവാന്‍ജലിക്കല്‍ ചര്‍ച്ച് ഓഫ് ഇന്ത്യ പ്രിസൈഡിങ് ബിഷപ് . ഡോ. ജോര്‍ജ് ഈപ്പൻ, സിഎസ്ഐ സഭ കൊല്ലം-കൊട്ടാരക്കര ബിഷപ്പ് ഉമ്മന്‍ ജോര്‍ജ്, ബിലീവേഴ്‌സ് ഈസ്‌റ്റേണ്‍ ചര്‍ച്ച് തിരുവനന്തപുരം ഭദ്രാസന അധ്യക്ഷന്‍ മാത്യൂസ് മാര്‍ സില്‍വാനിയോസ്, സഭ പിആര്‍ഒ ഫാ. സിജോ പന്തപ്പള്ളിൽ, ഫാ. ഡോ. ഡാനിയല്‍ ജോണ്‍സണ്‍ എന്നിവര്‍ പ്രസംഗിച്ചു.

ഇടിമണ്ണിക്കൽ ഗോൾഡ് ആൻഡ് ഡയമണ്ട് ഇനി ചെങ്ങന്നൂരിലും

ചെങ്ങന്നൂർ: പതിറ്റാണ്ടുകളായി പരിശുദ്ധിയുടെ തിളക്കവും മാറ്റേറുന്ന വിശ്വാസവും ചേർന്ന ഇടിമണ്ണിക്കൽ ഗോൾഡ് ആൻഡ് ഡയമണ്ടിന്‍റെ ഏറ്റവും പുതിയ ഷോറൂം ചെങ്ങന്നൂരിൽ തുറക്കുന്നു. 12ന് രാവിലെ 10.30ന് സജി ചെറിയാൻ എംഎൽഎ ഷോറൂമിന്‍റെ ഉദ്ഘാടനം നിർവഹിക്കും. ചലച്ചിത്ര താരം മംമ്ത മോഹൻദാസ് മുഖ്യാതിഥിയായി പങ്കെടുക്കും. കൂടാതെ സാമൂഹിക സാംസ്കാരിക രംഗത്തെ പ്രമുഖർ ചടങ്ങിൽ സന്നിഹിതരാകുമെന്നും ഉദ്ഘാടന വേളയിലേക്ക് ചെങ്ങന്നൂരിനെ സ്വാഗതം ചെയ്ത് കൊണ്ട് മാനേജിംഗ് ഡയറക്ടർ ഷാജി തോമസ് അറിയിച്ചു. ഉദ്ഘാടനത്തോട് അനുബന്ധിച്ച് മികച്ച ഓഫറുകളാണ് ഇടിമണ്ണിക്കൽ ഗോൾഡ് ആൻഡ് ഡയമണ്ട് ഒരുക്കിയിരിക്കുന്നത്. നറുക്കെടുപ്പിലൂടെ അഞ്ച് പേർക്ക് അരപവൻ വീതം സ്വർണനാണയം സമ്മാനമായി നൽകും. കൂടാതെ ഉദ്ഘാടനത്തിന് ശേഷമുള്ള ആദ്യത്തെ ആറ് ദിവസം ആറ് ഡയമണ്ട് റിംഗുകളും നറുക്കെടുപ്പിലൂടെ സമ്മാനമായി നേടാം. ഒപ്പം 45 ദിവസം നീണ്ടുനിൽക്കുന്ന മികച്ച ഓഫറുകളും സ്വന്തമാക്കാം. സ്വർണം, ഡയമണ്ട്, ലൈറ്റ് വെയ്റ്റ്, വെഡിംഗ് ആഭരണങ്ങളുടെ ഏറ്റവും മികച്ച ശേഖരമാണ് പുതിയ ഷോറൂമിൽ ഒരുക്കിയിട്ടുള്ളത്. പുത്തൻ ഡിസൈനുകളും മികച്ച കളക്‌ഷനും സ്വന്തമാക്കാൻ പുതിയ ഷോറൂമിലേക്ക് ഏവരെയും സ്വാഗതം ചെയ്യുന്നു.

ലെയോ പതിനാലാമന്‍ മാര്‍പാപ്പയ്ക്ക് ആശംസകൾ നേർന്ന് മാർത്തോമ്മ സഭ

തിരുവല്ല: ആഗോള കത്തോലിക്കാ സഭയുടെ പരമാധ്യക്ഷനായി തെരഞ്ഞെടുക്കപ്പെട്ട ലെയോ പതിനാലാമന്‍ മാര്‍പാപ്പയുടെ പ്രഥമ സന്ദേശം ലോകത്തിന് പ്രതീക്ഷ പകരുന്നതാണെന്ന് മാർത്തോമ്മ സഭാധ്യക്ഷൻ ഡോ.തിയഡോഷ്യസ് മാർത്തോമ്മ മെത്രാപ്പോലീത്ത. സമാധാനം നമ്മോടു കൂടെ എന്നു പറഞ്ഞ് ആരംഭിച്ച സന്ദേശം ഈ കാലഘട്ടത്തിന് ഏറെ അനുയോജ്യവും ലോകം കേള്‍പ്പാന്‍ കാതോര്‍ത്ത വാക്കുകളുമാണ്. രാജ്യാന്തര യുദ്ധവും ആഭ്യന്തര സംഘര്‍ഷങ്ങളും ഭീകരാക്രമണങ്ങളും കൊണ്ട് അസ്വസ്ഥമായ ലോകക്രമത്തില്‍ സമാധാനത്തിന് മറ്റെന്തിനേക്കാളും പ്രാധാന്യമുണ്ട്. പാവങ്ങളുടെ മെത്രാനെന്നു വിളിപ്പേരും, ദരിദ്രര്‍ക്കായുള്ള സഭ എന്ന ദര്‍ശനവും പുതിയ മാര്‍പാപ്പയിലൂടെ സഭയില്‍ വലിയ മാറ്റങ്ങള്‍ക്ക് വഴിയൊരുക്കുമെന്ന പ്രതീക്ഷയാണ് ലോകത്തിന് പകരുന്നത്. ആത്മീയ ആചാര്യനെന്ന നിലയിലും രാഷ്ട്രത്തലവനെന്ന നിലയിലും മനുഷ്യത്വപരവും നീതിപൂര്‍വവുമായ തീരുമാനങ്ങളിലൂടെ മൂല്യങ്ങളെ കൈവിടാതെ, വിശ്വാസത്തിന്‍റെ പാതയില്‍ സഭയെ നയിക്കുവാനും സമൂഹത്തിന് തിരുത്തല്‍ ശക്തിയാകുവാനും പുതിയ മാര്‍പാപ്പയ്ക്ക് ഇടയാകട്ടെയെന്ന് ഡോ,തിയഡോഷ്യസ് മാർത്തോമ്മ മെത്രാപ്പോലീത്ത ആശംസിച്ചു. കാലതാമസം കൂടാതെ പുതിയ മാര്‍പാപ്പയെ തെരഞ്ഞെടുത്തതില്‍ കത്തോലിക്കാ സഭാ കര്‍ദ്ദിനാള്‍ സംഘത്തെ അദ്ദേഹം അഭിനന്ദിച്ചു.

കോഴഞ്ചേരി പ്രസംഗത്തിന്‍റെ നവതി സ്മൃതി ആഘോഷം നാളെ

കോഴഞ്ചേരി: സി. കേശവന്‍റെ കോഴഞ്ചേരി പ്രസംഗത്തിന്‍റെ നവതി സ്മൃതി ആഘോഷം നാളെ വൈകുന്നേരം നാലിന് എസ്എന്‍ഡിപി കോഴഞ്ചേരി യൂണിയന്‍റെ ആഭിമുഖ്യത്തില്‍ നടക്കും. എസ്എന്‍ഡിപി യൂണിയന്‍ ഓഡിറ്റോറിയത്തില്‍ നടക്കുന്ന സമ്മേളനം മന്ത്രി സജി ചെറിയാന്‍ ഉദ്ഘാടനം ചെയ്യും. മന്ത്രി വീണാ ജോര്‍ജ് അധ്യക്ഷത വഹിക്കും. മുന്‍ എംഎല്‍എ. രാജു ഏബ്രഹാം, ജില്ലാ പഞ്ചായത്ത് പ്രസിഡന്‍റ് ജോർജ് ഏബ്രഹാം, ഗ്രാമപഞ്ചായത്ത് പ്രസിഡന്‍റ് സാലി ഫിലിപ്പ്, എസ്എന്‍ഡിപി യോഗം അസിസ്റ്റന്‍റ് സെക്രട്ടറി പി. എസ്. വിജയൻ, കോഴഞ്ചേരി യൂണിയന്‍ പ്രസിഡന്‍റ് കെ. എന്‍. മോഹന്‍ ബാബു, ത്രിതല ജനപ്രതിനിധികളായ സാറ തോമസ്, ബിജിലി പി. ഈശോ, വത്സല വാസു, ഡിസിസി പ്രസിഡന്‍റ് സതീഷ് കൊച്ചുപറമ്പില്‍, സിപിഐ ജില്ലാ എക്‌സിക്യൂട്ടീവ് മെംബര്‍ ആർ. ശരത്ചന്ദ്രകുമാര്‍, ബിജെപി ദേശീയ നിർവാഹക സമിതിയംഗം വിക്ടര്‍ ടി. തോമസ്, എസ്എന്‍ഡിപി യോഗം കോഴഞ്ചേരി യൂണിയന്‍ വൈസ് പ്രസിഡന്‍റ് വിജയന്‍ കാക്കനാടന്‍, ഡയറക്ടര്‍ ബോര്‍ഡ് മെംബര്‍ രാഗേഷ്, സ്വാഗത സംഘം ചെയര്‍മാന്‍ ടി.പി. സ്റ്റാലിന്‍ എന്നിവര്‍ പ്രസംഗിക്കും. ഒരു വര്‍ഷം നീണ്ടുനില്‍ക്കുന്ന ആഘോഷ പരിപാടികളില്‍ കലാ സാഹിത്യ സാംസ്‌കാരിക നവോഥാന രംഗത്തെ പ്രതിഭകളെ അനുസ്മരിക്കൽ, വിവിധ സെമിനാറുകള്‍ എന്നിവ നടക്കും.

ബൈക്ക് മോഷ്ടിച്ച് രണ്ടംഗ സംഘത്തെ പോലീസ് പിടികൂടി

കോട്ടയം : റെയില്‍വേ സ്റ്റേഷനില്‍ നിന്നും ബൈക്ക് മോഷ്ടിച്ചു രണ്ടംഗ സംഘത്തെ കോട്ടയം വെസ്റ്റ് പോലീസ് പിടികൂടി. പത്തനംതിട്ട കൂരംപാല സൗത്ത് തെങ്ങുംവിള അഭിജിത്ത് (21), പത്തനംതിട്ട കൂരംപാല പണ്ടാരത്തില്‍ തെക്കേപുര ജിഷ്ണു വിജയന്‍ (19) എന്നിവരെയാണ് പിടികൂടിയത്. കഴിഞ്ഞ അഞ്ചിനാണ് റെയില്‍വേ സ്‌റ്റേഷനില്‍ നിന്നും വെള്ളൂര്‍ സ്വദേശിയുടെ ഹീറോ ഹോണ്ടാ ബൈക്ക് മോഷണം പോയത്. കോട്ടയം ഈസ്റ്റ് പോലീസ് കേസ് രജിസ്റ്റര്‍ ചെയ്ത് നടത്തിയ അന്വേഷണത്തില്‍ പ്രതികളെ കണ്ടെത്തുകയായിരുന്നു. കോടതിയില്‍ ഹാജരാക്കിയ ഇരുവരെയും റിമാൻഡ് ചെയ്തു.

ലഹരി വിരുദ്ധ ബോധവത്കരണ ക്ലാസ്

കോഴഞ്ചേരി: പൂവത്തൂർ 571-ാം നമ്പർ എൻഎസ്എസ് കരയോഗത്തിന്‍റെ ആഭിമുഖ്യത്തിൽ ഇന്ന് ഗവ. എൽപി സ്കൂളിൽ ലഹരിവിരുദ്ധ ക്ലാസ് നടക്കും. രാവിലെ ഒന്പതിന് കരയോഗം പ്രസിഡന്‍റ് പി. പ്രസന്നകുമാറിന്‍റെ അധ്യക്ഷതയിൽ കൂടുന്ന യോഗത്തിൽ എൻഎസ്എസ് ഡയറക്ടർ ബോർഡ് അംഗം ആർ. മോഹൻ കുമാർ ഉദ്ഘാടനം ചെയ്യും. റിട്ട. എക്സൈസ് പ്രിവന്‍റീവ് ഓഫീസർ എം.കെ. ശ്രീകുമാർ, കല്ലിശേരി കെ.എം. ചെറിയാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ കൺസൾട്ടന്‍റ് സൈക്യാട്രിസ്റ്റ് ഡോ. റൂബൻ ജോൺ എന്നിവർ ക്ലാസുകൾ നയിക്കും. കരയോഗം ട്രഷറാർ പി.കെ. മുരളീധരൻപിള്ള ലഹരി വിരുദ്ധ പ്രതിജ്ഞ ചൊല്ലിക്കൊടുക്കും.

ലഹരിക്കൂട്ട്, മരണക്കൂട്ട്: സെമിനാർ ഇന്ന്

പത്തനംതിട്ട: കേരള സീനിയർ ലീഡേഴ്സ് ഫോറത്തിന്‍റെയും അടൂർ വിവേകാനന്ദ ഗ്രന്ഥശാലയുടെയും സംയുക്താഭിമുഖ്യത്തിൽ ഇന്ന് ഉച്ചകഴിഞ്ഞ് 3.30 ന് ലഹരിക്കൂട്ട്, മരണക്കൂട്ട് സെമിനാർ സംഘടിപ്പിക്കും. സംസ്ഥാന ലൈബ്രറി കൌൺസിൽ വൈസ് പ്രസിഡന്‍റ് എ.പി. ജയൻ സെമിനാർ ഉദ്ഘാടനം ചെയ്യും. പള്ളിക്കൽ പഞ്ചായത്ത് പ്രസിഡന്‍റ് സുശീല കുഞ്ഞമ്മ കുറുപ്പ് അധ്യക്ഷത വഹിക്കും. എക്സൈസ് സർക്കിൾ ഇൻസ്പെക്ടർ ബി. അൻഷാദ്, സീനിയർ ലീഡേഴ്സ് ഫോറം പ്രസിഡന്‍റ് ബി. രാജീവ് എന്നിവർ വിഷയം അവതരിപ്പിക്കും. അടൂർ ലൈഫ് ലൈൻ ആശുപത്രി ചെയർമാൻ ഡോ. എസ്. പാപ്പച്ചൻ മുഖ്യ പ്രസംഗം നടത്തും. ദുരന്തനിവാരണ അഥോറിറ്റി മുൻഡയറക്ടർ ഡോ. കേശവ മോഹൻ, സീനിയർ ലീഡേഴ്സ് ഫോറം ജനറൽ സെക്രട്ടറി ഡോ. ജോർജ് ചാക്കച്ചേരി, വിവേകാനന്ദ ഗ്രന്ഥശാലാ സെക്രട്ടറി ടി. മുരുകേഷ്, പറക്കോട് ബ്ലോക്ക്പഞ്ചായത്ത് മെംബർ എ.പി. സന്തോഷ്, പള്ളിക്കൽഗ്രാമപഞ്ചായത്ത് മെംബർ എസ്. സുജിത്, സീനിയർ ലീഡേഴ്സ്ഫോറം ട്രഷറാർ കവിയൂർ ബാബു, രാജേന്ദ്രൻ ഉണ്ണിത്താൻ എന്നിവർ പ്രസംഗിക്കും.

എസ്എസ്എല്‍സി: ജില്ലയില്‍ 99.48 വിജയശതമാനം

പത്തനംതിട്ട: ജില്ലയില്‍ എസ്എസ്എല്‍സി പരീക്ഷയ്ക്ക് 99.48 വിജയശതമാനം. പരീക്ഷ എഴുതിയ 9923 വിദ്യാര്‍ഥികളില്‍ 9871 പേര്‍ ഉപരിപഠനത്തിന് അര്‍ഹത നേടി. 5113 ആണ്‍കുട്ടികളും 4810 പെണ്‍കുട്ടികളുമാണ് പരീക്ഷ എഴുതിയത്. 5081 ആണ്‍കുട്ടികളും 4790 പെണ്‍കുട്ടികളും ഉപരിപഠനത്തിന് അര്‍ഹരായി. വിജയശതമാനത്തിൽ ജില്ല ഒന്പതാമതാണ്. 2024ൽ എട്ടാം സ്ഥാനത്തായിരുന്നു. കഴിഞ്ഞതവണ 99.7 ശതമാനം വിജയം ജില്ലയ്ക്കുണ്ടായി. 2023ൽ 99.81 ശതമാനമായിരുന്നു വിജയം. ഒന്പതാം സ്ഥാനമാണ് സംസ്ഥാനത്തു പത്തനംതിട്ടയ്ക്കുണ്ടായിരുന്നത്. 2020 വരെ പത്തനംതിട്ട ജില്ല വിജയശതമാനത്തിൽ പലപ്പോഴായി ഒന്നാംസ്ഥാനത്ത് എത്തിയിട്ടുണ്ട്. 2019ലും 2020ലും തുടർച്ചയായി ഒന്നാംസ്ഥാനം പത്തനംതിട്ടയ്ക്കുണ്ടായിരുന്നു. തിരുവല്ല വിദ്യാഭ്യാസ ജില്ല ഇക്കുറി 99.41 ശതമാനം വിജയം നേടിയപ്പോൾ പത്തനംതിട്ടയ്ക്ക് 99.51 ശതമാനം വിജയമാണുള്ളത്. തിരുവല്ലയിൽ 3583 കുട്ടികൾ പരീക്ഷ എഴുതിയതിൽ3562 പേർ ഉപരിപഠന യോഗ്യത നേടി.1860 ആൺകുട്ടികളും 1702 പെൺകുട്ടികളുമാണ് വിജയിച്ചത്. തിരുവല്ലയിൽ 14 ആൺകുട്ടികളും ഏഴ് പെൺകുട്ടികളുമാണ് പരാജയപ്പെട്ടത്. പത്തനംതിട്ടയിൽ 6340 കുട്ടികൾ പരീക്ഷ എഴുതിയതിൽ 6309 പേർ ഉപരിപഠന യോഗ്യത നേടി. ഇതിൽ3221 ആൺകുട്ടികളും 3088 പെൺകുട്ടികളും ഉൾപ്പെടുന്നു. പത്തനംതിട്ടയിൽ 18 ആൺകുട്ടികളും 13 പെൺകുട്ടികളും പരാജയപ്പെട്ടു. 1462 എ പ്ലസുകാർ 506 ആണ്‍കുട്ടികളും 956 പെണ്‍കുട്ടികളും ഉള്‍പ്പടെ 1462 പേര്‍ക്ക് എല്ലാ വിഷയത്തിനും എപ്ലസ് ലഭിച്ചു. ഇവരിൽ 506 ആൺകുട്ടികളും 956 പെൺകുട്ടികളുമാണുള്ളത്. തിരുവല്ല വിദ്യാഭ്യാസ ജില്ലയിൽ 133 ആൺകുട്ടികൾക്കും 258 പെൺകുട്ടികൾക്കുമാണ് എല്ലാ വിഷയങ്ങൾക്കും എ പ്ലസുള്ളത്. പത്തനംതിട്ട വിദ്യാഭ്യാസ ജില്ലയിൽ 373 ആൺകുട്ടികൾക്കും 698 പെൺകുട്ടികൾക്കും എ പ്ലസ് ലഭിച്ചു. കഴിഞ്ഞവർഷത്തെ അപേക്ഷിച്ച് എ പ്ലസുകാരുടെ എണ്ണം കുറഞ്ഞു. 2024ൽ 1716 കുട്ടികൾ‌ക്ക് എല്ലാ വിഷയത്തിനും എ പ്ലസുണ്ടായിരുന്നു. 591 ആൺകുട്ടികൾക്കും 1125 പെൺകുട്ടികൾക്കും കഴിഞ്ഞവർഷം എല്ലാ വിഷയങ്ങൾക്കും എ പ്ലസ് ലഭിച്ചു. 100 ശതമാനം വിജയം പരീക്ഷയെഴുതിയ എല്ലാ കുട്ടികളെയും വിജയിപ്പിച്ച് നൂറുശതമാനം വിജയം നേടി സർക്കാർ സ്കൂളുകൾ ഇക്കുറി കൂടുതലായി തിളങ്ങി. 177 കുട്ടികൾ പരീക്ഷ എഴുതിയതിൽ എല്ലാവരെയും വിജയിപ്പിച്ച കോന്നി ഗവൺമെന്‍റ് എച്ച്എസ്എസാണ് സർക്കാർ വിദ്യാലയങ്ങളിൽ മുന്നിട്ടു നിന്നത്. എയ്ഡഡ്വിദ്യാലയങ്ങളിൽ മൈലപ്ര എസ്എച്ച് എച്ച്എസ്എസിൽ പരീക്ഷ എഴുതിയവരിൽ 262 പേരും വിജയിച്ചു. വെണ്ണിക്കുളം എസ്ബി എച്ച്എസ്എസിൽ 254 പേരും വിജയിച്ചു. 171 പേരെ വിജയിപ്പിച്ച അടൂർ ഹോളി ഏഞ്ചൽസ് സ്കൂളാണ് ഈ വിഭാഗത്തിൽ മുന്നിലെത്തിയത്. നൂറ് ശതമാനം വിജയം നേടിയ സ്കൂളുകൾ, വിജയികളായവരുടെ എണ്ണം ഗവൺമെന്‍റ് സ്കൂളുകൾ ഗവ. എച്ച്എസ്എസ്, തോട്ടക്കോണം - 51, ഗവ. എച്ച്എസ്എസ്, പുറമറ്റം - 3, കെഎൻഎം ജിഎച്ച്എസ്എസ്, കവിയൂർ - 7, ജിഎച്ച്എസ്, കല്ലൂപ്പാറ - 16, ജിഎച്ച്എസ്എസ് കോയിപ്രം - 8, ജിഎച്ച്എസ്എസ്, കീഴ്‌വായ്പൂര് - 6, കെഎസ്ജിഎച്ച്എസ്, കടപ്ര - 4, ജിഎച്ച്എസ്, പെരിങ്ങര - 5, ജിഎച്ച്എസ്, നെടുന്പ്രം - 17, ഗവ. മോഡൽ ജിഎച്ച്എസ്, തിരുവല്ല - 11, എംആർഎസ്എൽബിവിഎച്ച്എസ്, വായ്പൂര് - 5, ജിഎച്ച്എസ്എസ്, എഴുമറ്റൂർ - 24, ജിഎച്ച്എസ്എസ് അയിരൂർ - 15, ജിഎച്ച്എസ്, അഴിയിടത്തുചിറ - 10, ജിഎച്ച്എസ്എസ്, കുറ്റൂർ - 5, ജിബിഎച്ച്എസ്എസ് അടൂർ - 40, ജിഎച്ച്എസ്എസ് അടൂർ - 23, ജിഎച്ച്എസ്എസ്, വടശേരിക്കര - 28, ജിഎച്ച്എസ്എസ് എലിമുള്ളുംപ്ലാക്കൽ - 12, ജിഎച്ച്എസ്എസ് തുന്പമൺ നോർത്ത് - 30, ജിഎച്ച്എസ്എസ് കടമ്മനിട്ട -15, ജിഎച്ച്എസ്എസ്, കൈപ്പട്ടൂർ - 8, ജിഎച്ച്എസ്എസ് കൂടൽ - 51, ജിഎച്ച്എസ്എസ് ഇലന്തൂർ - 5, ജിഎച്ച്എസ്എസ്, കോന്നി - 177, ജിവിഎച്ച്എസ്എസ്, ആറന്മുള - 29, ജിഎച്ച്എസ്എസ്, കട്ടച്ചിറ - 5, ജിഎച്ച്എസ്എസ്, പത്തനംതിട്ട - 15, ‌ജിഎച്ച്എസ്എസ്, കടുമീൻചിറ - 13, ജിഎച്ച്എസ്, കീക്കൊഴൂർ - 7, ജിഎച്ച്എസ്എസ്, വെച്ചൂച്ചിറ കോളനി - 24, ജിഎച്ച്എസ്എസ്, നെടുമൺ - 6, ജിഎച്ച്എസ്എസ്, തേക്കുതോട് - 19, ജിഎച്ച്എസ്, കൊക്കാത്തോട് - 5, ജിഎച്ച്എസ് കിഴക്കുപുറം - 26, ടിഎംജിഎച്ച്എസ്എസ്, പെരിങ്ങനാട് - 67, ജിഎച്ച്എസ് മാരൂർ - 31, ജിഎച്ച്എസ്, നാരങ്ങാനം - 15, ജിഎച്ച്എസ്എസ്, കിസുമം - 14, പഞ്ചായത്ത് എച്ച്എസ്, കുളനട - 81, മോഡൽ റസിഡൻഷൽ സ്കൂൾ വടശേരിക്കര - 22. എയ്ഡഡ് സ്കൂളുകൾ ടികെഎംആർഎച്ച്എസ്എസ്, വല്ലന - 5, എംടിഎച്ച്എസ് അയിരൂർ - 34, എസ്എൻഡിപി എച്ച്എസ്എസ്, കാഞ്ഞീറ്റുകര - 12, സെന്‍റ് മേരീസ് എച്ച്എസ്, ആനിക്കാട് -15, സെന്‍റ് തെരേസാസ് ബിസിഎച്ച്എസ്എസ്, ചെങ്ങരൂർ - 144, സെന്‍റ് തോമസ് എച്ച്എസ്എസ്, ഇരുവെള്ളിപ്ര - 174, ഡിവിഎൻഎസ്എസ് എച്ച്എസ്, ഓതറ - 4, എഎംഎം എച്ച്എസ്എസ്, ഓതറ - 40, എൻഎംഎച്ച്എസ്എസ്, കരിയംപ്ലാവ് - 9, എൻഎസ്എസ് എച്ച്എസ്എസ്, കവിയൂർ - 55, സെന്‍റ് ജോർജ് എച്ച്എസ്, കോട്ടാങ്ങൽ - 89, എൻഎസ്എസ് എച്ച്എസ്എസ്, കുന്നന്താനം - 77, എംടിഎച്ച്എസ്, കുറിയന്നൂർ - 43, സിഎംഎസ് എച്ച്എസ്എസ്, മുണ്ടിയപ്പള്ളി - 56, സിഎംഎസ് എച്ച്എസ്എസ്, മല്ലപ്പള്ളി - 138, എംഎംഎ എച്ച്എസ്, മാരാമൺ - 7, സെന്‍റ് മേരീസ് എച്ച്എസ്, നിരണം - 70, സെന്‍റ് മേരീസ് ജിഎച്ച്എസ്, കുന്നന്താനം - 28, സിഎംഎസ് എച്ച്എസ്, പുന്നവേലി - 75, എസ് വിഎച്ച്എസ്, പുല്ലാട് - 92, എംജിഡിഎച്ച്എസ്എസ്, പുതുശേരി - 62, പിഎംവി എച്ച്എസ്, പെരിങ്ങര - 18, ഡിബിഎച്ച്എസ്എസ് തിരുവല്ല - 144, എസ് സിഎച്ച്എസ്എസ്, തിരുവല്ല - 143, സിഎംഎസ് എച്ച്എസ്, തിരുവല്ല - 24, ബാലികാമഠം എച്ച്എസ്എസ്, തിരുവല്ല - 82, എൻഎസ്എസ് എച്ച്എസ്, മുത്തൂർ - 9, എൻഎസ്എസ് എച്ച്എസ് വായ്പൂര് - 48, എസ്ബിഎച്ച്എസ്എസ്, വെണ്ണിക്കുളം - 254, സെന്‍റ് മേരീസ് എച്ച്എസ്എസ്, വലിയകുന്നം - 25, എൻഎസ്എസ് എച്ച്എസ്, ചാലാപ്പള്ളി - 34, എസ്എൻഡിപി എച്ച്എസ് ചാത്തങ്കേരി - 9, ഡിബിഎച്ച്എസ്എസ്, പരുമല - 36, സെന്‍റ് തോമസ് വിഎച്ച്എസ്എസ്, പന്നിവിഴ - 67, സെന്‍റ് മേരീസ് എംഎംഎച്ച്എസ്എസ്, അടൂർ - 107, എൻഎസ്എസ്എച്ച്എസ് അടൂർ- 23, എൻഎസ്എസ്എച്ച്എസ് ചൂരക്കോട് - 90, സെന്‍റ് ജോർജ് വിഎച്ച്എസ് അട്ടച്ചാക്കൽ - 36, സെന്‍റ് ബനഡിക്ട് എച്ച്എസ്, തണ്ണിത്തോട് - 98, എസ്എൻഡിപിഎച്ച്എസ്, മുട്ടത്തുകോണം - 73, ഗുരുകുലം എച്ച്എസ് ഇടക്കുളം - 49, എസ് എൻവി എച്ച്എസ്എസ് അങ്ങാടിക്കൽ സൗത്ത് - 62, സിഎഎംഎച്ച്എസ് കുറുന്പകര - 18, എസ്എൻഡിപി എച്ച്എസ്എസ്, കാരംവേലി - 61, എസ്എൻഡിപി എച്ച്എസ്എസ്, ഇടപ്പരിയാരം - 35, എൻഎസ്എസ് എച്ച്എസ് കാട്ടൂർ-4, കെആർപിഎം എച്ച്എസ്എസ്, സീതത്തോട് - 105, റിപ്പബ്ലിക്കൻ വിഎച്ച്എസ്എസ്, കോന്നി - 195, സെന്‍റ് ജോർജ് എച്ച്എസ് , കിഴവള്ളൂർ - 33, അമൃത വിഎച്ച്എസ്എസ് കോന്നി - 51, സെന്‍റ് ജോർജ് എച്ച്എസ്, ഊട്ടുപാറ - 22, പിഎസ് വിപിഎം എച്ച്എസ്എസ് കോന്നി - 99, സെന്‍റ് തോമസ് എച്ച്എസ്എസ് കോഴഞ്ചേരി - 75, സെന്‍റ് മേരീസ് ജിഎച്ച്എസ്, കോഴഞ്ചേരി -94, സിഎംഎസ്എച്ച്എസ്, കുറുന്പകര - 85, എച്ച്എസ് മണിയാർ - 28, സിഎംഎസ് എച്ച്എസ്എസ്, കുഴിക്കാല - 40, എസ് എവിഎച്ച്എസ്, ആങ്ങമൂഴി - 25, എംപിവിഎച്ച്എസ്എസ്, കുന്പഴ - 6, എസ്എച്ച് എസ്എസ്എസ്, മൈലപ്ര - 262, എച്ച്എസ് കൊടുമൺ - 59, കാതോലിക്കേറ്റ് എച്ച്എസ്എസ്, പത്തനംതിട്ട -131, ജെഎംപി എച്ച്എസ്, മലയാലപ്പുഴ - 16, നേതാജി എച്ച്എസ്എസ്, പ്രമാടം - 239, ഹെസ്കൂൾ പെരുനാട് - 64, സെന്‍റ് ജോസഫ് എച്ച്എസ്, നാറാണംമൂഴി - 20, എബനേസർ എച്ച്എസ്എസ് ഈട്ടിച്ചുവട് - 29, എംഎസ്എച്ച്എസ്എസ്, റാന്നി - 152, സെന്‍റ് തോമസ് എച്ച്എസ് റാന്നി - 14, പിസിഎച്ച്എസ്, പുല്ലൂപ്രം - 24, എൻഎസ്എസ് എച്ച്എസ് മക്കപ്പുഴ - 3, എൻഎസ്എസ്എച്ച്എസ്, വി. കോട്ടയം - 17, എസ്എൻഡിപി എച്ച്എസ്എസ്, വെൺകുറിഞ്ഞി - 81, മാർത്തോമ്മ എച്ച്എസ്, മേക്കൊഴൂർ - 42, ഇളമണ്ണൂർ എച്ച്എസ് - 48, സെന്‍റ് ജോർജ് എച്ച്എസ്, ചായലോട് - 8, അമൃത ജിഎച്ച്എസ്, പറക്കോട് - 69, എൻഎസ്എസ് ബിഎച്ച്എസ്എസ്, പന്തളം - 110, എൻഎസ്എസ് ജിഎച്ച്എസ്എസ്, പന്തളം - 156, എൻഎസ്എസ് എച്ച്എസ്എസ്, തട്ടയിൽ - 69, എൻഎസ്എസ് എച്ച്എസ്എസ് പെരുന്പുളിക്കൽ - 29, എംജിഎച്ച്എസ് തുന്പമൺ - 129, എസ് വിഎച്ച്എസ്, പൊങ്ങലടി - 30, സെന്‍റ് പോൾ‌സ് എച്ച്എസ് നരിയാപുരം - 39, സെന്‍റ് തോമസ് എച്ച്എസ്എസ്, കടന്പനാട് - 69, പിയുഎസ്പിഎംഎച്ച്എസ് പള്ളിക്കൽ - 63, എബിഎച്ച്എസ്, ഓമല്ലൂർ - 132 അൺ എയ്ഡഡ് സ്കൂളുകൾ ബ്രദറൺ ഇഎംഎച്ച്എസ്, കുന്പനാട് - 12, ഹോളി ഏഞ്ചൽസ് ഇഎം എച്ച്എസ്എസ്, അടൂർ - 171, മൗണ്ട് ബഥനി ഇഎംഎച്ച്എസ്എസ്, മൈലപ്ര - 52, സെന്‍റ് മേരീസ് ബഥനി എച്ച്എസ്, പെരുനാട് - 21, സെന്‍റ് തോമസ് എച്ച്എസ്, പന്തളം - 45, ലിറ്റിൽ ഏഞ്ചൽസ് ഇഎംഎച്ച്എസ്, ചിറ്റാർ - 40.

ഭാരതീയ നാഗരിക നിയമസംഹിതയിലും മാറ്റങ്ങൾ വേണ്ടിവരും: ആസിഫലി

പത്തനംതിട്ട: പുതുതായി നിലവിൽ വന്ന ഭാരതീയ നാഗരിക നിയമ സംഹിതയിൽ തിരുത്തൽ വരുത്തേണ്ട പല നിയമ വ്യവസ്ഥകളും ഉണ്ടെന്ന് മുൻ ഡയക്ടർ ജനറൽ ഓഫ് പ്രോസിക്യൂഷൻ ടി. ആസഫലി. ഇന്ത്യൻ ലോയേഴ്‌സ് കോൺഗ്രസ്‌ സംഘടിപ്പിച്ച പുതിയ ക്രിമിൽനൽ നിയമം സംബന്ധിച്ച സെമിനാർ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ക്രിമിനൽ കേസിൽ പെടുന്നവരെ കയ്യാമം വയ്ക്കാൻ പോലീസിന് അമിതാധികാരം നൽകുന്ന പുതിയ നാഗരിക് സുരക്ഷാസൻ ഹിതയിൽ വ്യവസ്ഥ ഭരണഘടന ഉറപ്പു നൽകുന്ന അന്തസോടു കൂടി ജീവിക്കുവാനുള്ള വ്യക്തിയുടെ മൗലികാവകാശത്തിന്‍റെ ലംഘനമാണ്. ആയതു നിയമപരമായും ഭരണഘടനാപരമായും നിലനില്കുന്നതല്ലെന്ന് ആസിഫലി ചൂണ്ടിക്കാട്ടി. കൊലപാതകക്കുറ്റമുൾപ്പെടെയുള്ള ഏതൊരു കുറ്റവും ചുമത്തപ്പെട്ട പിടികിട്ടാ പ്രതിയായി പ്രഖ്യാപിക്കപ്പെട്ടവരുടെ കുറ്റവിചാരണ പ്രതിയുടെ അസാന്നിധ്യത്തിൽ നടത്തി ശിക്ഷ വിധിക്കുന്ന പുതിയ ബിഎൻഎസ്എസിലെ വ്യവസ്ഥ ഭരണഘടന ഉറപ്പു നല്കുന്ന നീതിയുക്ത കുറ്റവിചാരണയെന്ന ഭരണഘടനാവകാശത്തിന്‍റെയും ലംഘനമാണ്. വാഹനമോടിച്ച് ജീവഹാനി ഉണ്ടാക്കി നിർത്താതെ വാഹനമോടിക്കുന്നവർക്ക് 10 വർഷംതടവ് വ്യവസ്ഥ ചെയ്യുന്ന ന്യായ സൻ ഹിതയിലെ വകുപ്പ്106(2) നടപ്പിലാക്കാതെ മരവിപ്പിച്ച കേന്ദ്ര സർക്കാർ നടപടി കാപട്യമാണന്നും ആയത് പുനഃപരിശോധിച്ച് ഉടൻ നടപ്പിലാക്കണമെന്നും ആസഫലി ആവശ്യപ്പെട്ടു മാത്യൂസ് ഏബ്രഹാം അധ്യക്ഷത വഹിച്ചു. കെപിസിസി ജനറൽ സെക്രട്ടറി പഴകുളം മധു, അഭിഭാഷകരായ ഏബ്രഹാം മാത്യു പനച്ചമൂട്ടിൽ, കെ. ജയവർമ, വേണു മുളക്കുഴ, ലാലു ജോൺ, വെട്ടൂർ ജ്യോതിപ്രസാദ്, എ. സുരേഷ്‌കുമാർ, സുനിൽ എസ്. ലാൽ,അനിൽ തോമസ് ജോമോൻകോശി, ജ്യോതിരാജ്, ശശി ഫിലിപ്പ്, ഏബ്രഹാം മാത്യു, അലക്സാണ്ടർ കൊയ്‌ക്കപറമ്പിൽ, പി. ഉണ്ണികൃഷ്ണൻ, ജോർജ് വറുഗീസ്, സൈമൺ ഏബ്രഹാം, ശ്യാം ടി. മാത്യു, സാബു തോമസ്, റോഷൻ നായർ എന്നിവർ പ്രസംഗിച്ചു.

സഹകരണ സ്ഥാപനങ്ങൾ വിശ്വാസ്യത നഷ്ടമാക്കി: ഡിസിസി പ്രസിഡന്‍റ്

പത്തനംതിട്ട: കേരളത്തിലെ സഹകരണ പ്രസ്ഥാനങ്ങൾ വിശ്വാസ്യതയും സല്‍പേരും നഷ്ടപ്പെടുത്തിയതായി ഡിസിസി പ്രസിഡന്‍റ് പ്രഫ. സതീഷ് കൊച്ചുപറമ്പിൽ. കേരള കോ-ഓപ്പറേറ്റീവ് എംപ്ലോയീസ് ഫ്രണ്ട് 37-ാമത് പത്തനംതിട്ട ജില്ലാ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഒരു കാലത്ത് നമ്മുടെ നാട്ടിലെ സാധാരണക്കാരന്‍റെ അഭയമായിരുന്ന സംഘങ്ങള്‍ സിപിഎമ്മിന്‍റെ കുല്‍സിത ശ്രമങ്ങളുടെ ഭാഗമായി പ്രതിസന്ധികളെ നേരിടുന്നതായി അദ്ദേഹം ആരോപിച്ചു. നഷ്ടപ്പെട്ട സല്‍പേര് തിരികെ പിടിക്കുവാന്‍ ജീവനക്കാരും സഹകാരികളും രംഗത്തിറങ്ങണമെന്നും സതീഷ് കൊച്ചുപറന്പിൽ ആവശ്യപ്പെട്ടു. ജില്ലാ പ്രസിഡന്‍റ് ആക്കിനാട്ട് രാജീവ് അധ്യക്ഷത വഹിച്ചു. ഡിസിസി വൈസ് പ്രസിഡന്‍റുമാരായ എ. സുരേഷ് കുമാര്‍, അനില്‍ തോമസ്, ഡിസിസി ജനറല്‍ സെക്രട്ടറിമാരായ ജി. രഘുനാഥ്, ബിജിലി ജോസഫ്, യൂണിയന്‍ സംസ്ഥാന ഭാരവാഹികളായ റെജി പി. സാം, ബി. പ്രേം കുമാർ, എസ്. അര്‍ച്ചന, ഉഷ ഗോപിനാഥ്, ഓമനക്കുട്ടന്‍ കൊല്ലം, അഖില്‍ ഓമനകുട്ടന്‍, എം.പി. രാജു, സുധീഷ് റ്റി. നായർ, അനില്‍ സാമുവേല്‍, ബി. അനില്‍കുമാര്‍, പി.എസ്. സുമേഷ്, സതീഷ് തോമസ്, മനു സാമുവല്‍ എന്നിവര്‍ പ്രസംഗിച്ചു. പുതിയ ജില്ലാ പ്രസിഡന്‍റായായി ബിജു തുമ്പമണ്ണിനെയും ജനറല്‍ സെക്രട്ടറിയായി അഖില്‍ ഓമനക്കുട്ടനെയും തെരഞ്ഞെടുത്തു.

ഭക്തിസാന്ദ്രം; ചന്ദനപ്പള്ളി ചെമ്പെടുപ്പിന് ജനസാഗരം

ചന്ദനപ്പള്ളി: ഭക്തിയുടെയും ആവേശത്തിന്‍റെയും അലകളുയർത്തി വിശ്വാസ സാഗരത്തെ സാക്ഷിയാക്കി ചന്ദനപ്പള്ളി സെന്‍റ് ജോർജ് ഓർത്തഡോക്സ് വലിയപള്ളിയിലെ ചെമ്പെടുപ്പ് സമാപിച്ചു. തിരുശേഷിപ്പ് കബറിടത്തിൽ പ്രാർഥനകൾ അർപ്പിക്കുന്നതിനും ചെമ്പിൽ അരി സമർപ്പിക്കുന്നതിനുമായി ആയിരക്കണക്കിനു വിശ്വാസികൾ ഒഴുകിയെത്തിയത് ചന്ദനപ്പള്ളിയെ ഭക്തിസാന്ദ്രമാക്കി. രാവിലെ അങ്ങാടിക്കൽ മേക്കാട്ട് കുടുംബ കാരണവർ ആദ്യം ചെമ്പിൽ അരി ഇട്ടു. തുടർന്നു വിശ്വാസികളും നേർച്ച സമർപ്പിച്ചു. പാതി വേവിച്ച ചോറ് തയ്യാറാക്കാൻ ചെമ്പിൽ ആദ്യ കുടം വെള്ളം ട്രസ്റ്റി വർഗീസ് കെ. ജയിംസ് , സെക്രട്ടറി ഷാജി തോമസ് എന്നിവർ പകർന്നു. വികാരി ഫാ. സുനിൽ ഏബ്രഹാമും സഹവികാരി ഫാ. ജോബിൻ യോഹന്നാനും അടുപ്പിൽ വിറകിടീൽ നടത്തി അഗ്നി ജ്വലിപ്പിച്ചു. മൂന്നിന്മേൽ കുർബാനയ്ക്ക് ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്കാ ബാവ മുഖ്യകാർമികത്വം വഹിച്ചു. കുര്യാക്കോസ് മാർ ക്ലീമിസ് വലിയ മെത്രാപ്പോലിത്ത, ഡോ. യൂഹാനോൻ മാർ ദിമത്രയോസ്, ഡോ. ഏബ്രഹാം മാർ സെറാഫിം എന്നിവർ സഹകാർമികത്വം വഹിച്ചു. തുടർന്നു നടന്ന തീർഥാടക സംഗമം കാതോലിക്കാ ബാവ ഉദ്ഘാടനം ചെയ്തു. ഡോ. ഏബ്രഹാം മാർ സെറാഫിം അധ്യക്ഷത വഹിച്ചു. ജീവ കാരുണ്യ പ്രവർത്തനങ്ങളുടെ ഉദ്ഘാടനം ഡെപ്യൂട്ടി സ്പീക്കർ ചിറ്റയം ഗോപകുമാർ നിർവഹിച്ചു. ചലച്ചിത്ര സംവിധായകൻ ബ്ലസിക്ക് ഓർഡർ ഓഫ് സെന്‍റ് ജോർജ് നൽകി ആദരിച്ചു.‌ വൈകുന്നേരം ദേവാലയത്തിൽ നിന്നും ചന്ദനപ്പള്ളി ജംഗ്ഷനിലേക്ക് പകൽ റാസ നടന്നു. പൊൻ വെള്ളികുരിശുകളും മുത്തുക്കുടകളും വാദ്യമേളങ്ങളും റാസക്ക് നിറപ്പകിട്ടേകി. ചന്ദനപ്പള്ളി ജംഗ്ഷനിൽ മന്ത്രി പി. പ്രസാദ് മുഖ്യസന്ദേശം നൽകി. അനിൽ പി. വർഗീസ്, ഡോ. ജോർജ് വർഗീസ് കൊപ്പാറ, ജസ്റ്റസ് നാടാവള്ളിൽ, ജേക്കബ് ജോർജ് കുറ്റിയിൽ, റോയി വർഗീസ്, ആരോൺ ജി. പ്രീത്, സെബിൻ ബാബു എന്നിവർ നേതൃത്വം നൽകി. തുടർന്നായി രുന്നു പ്രസിദ്ധമായ ചെന്പെടുപ്പ്. കുര്യൻ വർഗീസ് കോർ എപ്പിസ്കോപ്പ, ഫാ. ഇടിക്കുള്ള ഡാനിയേൽ, ഫാ. ജേക്കബ് ബേബി, ഫാ. ജേക്കബ് ഡാനിയേൽ, ഫാ. ഷൈജു ചെറിയാൻ, ഫാ. എബിൻ സജി, ഫാ. റിനിൽ പീറ്റർ എന്നിവർ ആശീർവദിച്ചു. 11 ന് കൊടിയിറക്കോടെ പെരുന്നാൾ ചടങ്ങുകൾ സമാപിക്കും.

കലഞ്ഞൂരിലെ വിവിധ വികസന പദ്ധതികളുടെ ഉദ്ഘാടനം ഇന്ന്

പത്തനംതിട്ട: കലഞ്ഞൂർ ഗ്രാമപഞ്ചായത്തിലെ വിവിധ വികസന പ്രവർത്തനങ്ങളുടെ ഉദ്ഘാടനം ഇന്നു നടക്കും. കലഞ്ഞൂർ സ്കൂൾ മൈതാനിയിൽ വൈകുന്നേരം നാലിനു ചേരുന്ന യോഗത്തിൽ മന്ത്രി കെ. എൻ. ബാലഗോപാൽ പദ്ധതികളടെ ഉദ്ഘാടനം നിർവഹിക്കും. വിവിധ മേഖലകളിലായി പൂർത്തീകരിച്ചിട്ടുള്ളതും തുടക്കം കുറിക്കുന്നതുമായ നിരവധി പദ്ധതികളുടെ ഉദ്ഘാടനവും നിർമാണോദ്ഘാടനവുമാണ് ധനമന്ത്രി നിർവഹിക്കുന്നതെന്ന് ഗ്രാമപഞ്ചായത്ത് പ്രസിഡന്‍റ് ടി.വി. പുഷ്പവല്ലി പത്രസമ്മേളനത്തിൽ പറഞ്ഞു. മൂന്ന് കോടി രൂപ അനുവദിച്ച് കലഞ്ഞൂർ മാർക്കറ്റിൽ നിർമിക്കുന്ന ഷോപ്പിംഗ് കോംപ്ലക്സ്, 4.84 കോടി രൂപ ചെലവിൽ ഉന്നത നിലവാരത്തിൽ നിർമിക്കുന്ന ഉദയ ജംഗ്ഷൻ മലനട റോഡ്, രണ്ടു കോടി രൂപ അനുവദിച്ച കലഞ്ഞൂർ സ്കൂൾ ഹയർ സെക്കൻഡറി ബ്ലോക്ക്, 50 ലക്ഷം രൂപ അനുവദിച്ചു നിർമിക്കുന്ന കലഞ്ഞൂർ സ്കൂൾ ആധുനിക സയൻസ് ലാബ്, 20 ലക്ഷം രൂപ അനുവദിച്ച് കലഞ്ഞൂർ ഗവ.എൽപിഎസിന് ക്ലാസ് മുറികൾ, എംഎൽഎ ഫണ്ടിൽ നിന്നും 45 ലക്ഷം രൂപ അനുവദിച്ച് പുനലൂർ - മൂവാറ്റുപുഴ റോഡിന് കുറുകെ നിർമിക്കുന്ന കലഞ്ഞൂർ സ്കൂൾ കാൽനട മേൽപ്പാലം, എംഎൽഎ ഫണ്ടിൽ നിന്നും 25 ലക്ഷം രൂപ അനുവദിച്ച കലഞ്ഞൂർ സ്കൂൾ ബസ് കൈമാറ്റം, 25 ലക്ഷം രൂപ അനുവദിച്ചു നിർമിക്കുന്ന മൂഴി - അമ്പോലിൽ - പുതുവൽ റോഡ്, 30 ലക്ഷം രൂപ അനുവദിച്ചു നിർമിക്കുന്ന കൊല്ലൻമുക്ക് - പറയൻകോട് - മാമ്മൂട് റോഡ്, 5.25 ലക്ഷം രൂപ അനുവദിച്ചു നർമിക്കുന്ന ഇലവന്താനംപടി- അർത്ഥനാൽ പടി റോഡ് എന്നിവയുടെ നിർമാണോദ്ഘാടനവും 40 ലക്ഷം രൂപ ചെലവഴിച്ചു നിർമാണം പൂർത്തീകരിച്ച കീച്ചേരി പാലത്തിന്‍റെ ഉദ്ഘാടനവുമാണ് പ്രധാന പരിപാടികൾ. യോഗത്തിൽ കെ. യു. ജനീഷ് കുമാർ എംഎൽഎ അധ്യക്ഷത വഹിക്കും. ആന്‍റോ ആന്‍റണി എംപി മുഖ്യാതിഥിയായിരിക്കും. ജില്ലാ പഞ്ചായത്ത് പ്രസിഡന്‍റ് ജോർജ് ഏബ്രഹാം, കളക്ടർ എസ്. പ്രേംകൃഷ്ണൻ, മുൻ എംഎൽഎ രാജു ഏബ്രഹാം, പറക്കോട് ബ്ലോക്ക് പഞ്ചായത്ത് പ്രസിഡന്‍റ് എം.പി. മണിയമ്മ തുടങ്ങിയവർ മുഖ്യപ്രഭാഷണം നടത്തും. കലഞ്ഞൂർ വില്ലേജിലെ വികസന പദ്ധതികളുടെ ഉദ്ഘാടനം മാത്രമാണ് ഇന്ന് നടക്കുകയെന്ന് പ്രസിഡന്‍റ് പറഞ്ഞു. കൂടൽ വില്ലേജ് പരിധിയിലെ വിവിധ പദ്ധതികളുടെ ഉദ്ഘാടനം പിന്നാലെ നടക്കും. വൈകുന്നേരം ആറു മുതൽ പാലാ ഫോർ യു ഇവന്‍റ് നേതൃത്വത്തിലുള്ള ഗാനമേളയും ഉണ്ടാകും. സംഘാടക സമിതി ജനറൽ കൺവീനർ എസ്. രാജേഷും പത്രസമ്മേളനത്തിൽ പങ്കെടുത്തു.

വൃക്കരോഗികൾക്ക് സഹായവുമായി വൈഎംസിഎയുടെ ഡയാലിസിസ് പദ്ധതി

പത്തനംതിട്ട: ഇന്ത്യൻ വൈഎംസിഎ വൃക്ക രോഗികൾക്ക് സഹായവുമായി സഹായതാ ഡയാലിസിസ് യോജന പദ്ധതി നടപ്പാക്കുന്നു. ഭാരതത്തിലൂടനീളമുള്ള യൂണിറ്റ് വൈഎംസിഎകളിലൂടെയാണ് പദ്ധതി നടപ്പാക്കുന്നത്. ഒരു ലക്ഷം സൗജന്യ ഡയാലിസിസ് ലക്ഷ്യമിട്ടുകൊണ്ടുള്ള പദ്ധതി കേരളത്തിലും നടപ്പിൽ വരുത്തുകയാണെന്ന് ദേശീയ ട്രഷറാർ റെജി ജോർജ് പത്രസമ്മേളനത്തിൽ പറഞ്ഞു. സാമ്പത്തികമായി ബുദ്ധിമുട്ടനുഭവിക്കുന്ന രോഗികളെ യൂണിറ്റ് വൈഎംസിഎ കണ്ടെത്തുകയും ഇങ്ങനെയുള്ള രോഗികൾ ക്ക് സൗജന്യ ഡയാലിസിസ് നൽകുവാൻ ദേശീയ കൗൺസിൽ കേരള റീജിയൻ കമ്മിറ്റിയുടെ സഹകരണത്തോടെ പദ്ധതി തയാറാക്കുകയുമാണ് ചെയ്തിരിക്കുന്നത്. കേരള റീജിയൻ ഡയാലിസിസ് സഹായ ബോർഡ് നേതൃത്വം നൽകും. ഡയാലിസിസ് സഹായത യോജന പദ്ധതിക്കായി 50 ലക്ഷം രൂപയാണ് ഇന്ത്യൻ വൈഎംസിഎ ബജറ്റിൽ വകയിരുത്തിയിരിക്കുന്നത്. പ്രാദേശികമായി യൂണിറ്റ് വൈഎംസിഎ കളിലൂടെ സമാഹരിക്കുന്ന 50 ലക്ഷം രൂപയും ചേർത്ത്‌ ഒരു കോടി രൂപയാണ് പദ്ധതിത്തുക. തെരഞ്ഞെടുക്കപ്പെട്ട ആശുപത്രികളുമായി വൈഎംസിഎ കരാറിൽ ഏർപ്പെട്ടുകൊണ്ടാണ് പദ്ധതി നടപ്പാക്കുന്നത്. പദ്ധതിയുടെ സംസ്ഥാനതല ഉദ്ഘാടനം അടൂർ വൈഎംസിഎയിൽ 11 ന് ഉച്ചകഴിഞ്ഞ് 2.30നു നടക്കും. വൈഎംസിഎ കേരളാ റീജിയൺ ചെയർമാൻ പ്രഫ. അലക്സ് തോമസ് അധ്യക്ഷത വഹിക്കും. ദേശീയ പ്രസിഡന്‍റ് വിൻസെന്‍റ്ജോർജ് പദ്ധതിയുടെ ഉദ്ഘാടനം നിർവഹിക്കും. ഡെപ്യൂട്ടി സ്പീക്കർ ചിറ്റയം ഗോപകുമാർ സമ്മേളനം ഉദ്ഘാടനം ചെയ്യും. ദേശീയ ട്രഷറാർ റെജി ജോർജ്, ദേശീയ ജനറൽ സെക്രട്ടറി എൻ. വി എൽദോ, പദ്ധതിയുടെ ദേശീയ ചെയർമാൻ സാജു ചാക്കോ, വൈ എംസി എ കേരളാ റീജിയൻ വൈസ് ചെയർമാൻമാരായ ജയൻ മാത്യു, കുര്യൻ തൂമ്പുങ്കൽ, സംസ്ഥാന ട്രഷറർ അനിൽ ജോർജ്, കേരള റീജിയൻ ഡയാലിസിസ് സഹായത ബോർഡ്‌ ചെയർമാൻ റ്റി ബിനുരാജ്, മൗണ്ട് സിയോൺ ഗ്രൂപ്പ് ചെയർമാൻ ഡോ.ഏബ്രഹാം കലമണ്ണിൽ, റീജിയണൽ സെക്രട്ടറി ഡേവിഡ് സാമുവൽ, പ്രോജക്റ്റ് കോഓർഡിനേറ്റർ സാംസൺ മാത്യു എന്നിവർ പ്രസംഗിക്കും. റീജിയൻ വൈസ് ചെയർമാൻമാരായ ജയൻ മാത്യു, കുര്യൻ തൂമ്പുങ്കൽ, റീജിയൻ അസോസിയേറ്റ് സെക്രട്ടറി സാംസൺ മാത്യു, തോമസ് മാത്യു എന്നിവരും പത്രസമ്മേളനത്തിൽ പങ്കെടുത്തു.

ചിറ്റാറിലെ വിവിധ പദ്ധതികളുടെ ഉദ്ഘാടനം ഇന്ന്

ജില്ലാ സ്പെഷാലിറ്റി ആശുപത്രിയുടെ നിർമാണവും ഉദ്ഘാടനം ചെയ്യും ചിറ്റാർ: ഗ്രാമ‌പഞ്ചായത്ത് പരിധിയിൽ സംസ്ഥാന സർക്കാർ സഹായത്തോടെ ഏറ്റെടുത്തിട്ടുള്ള വിവിധ പദ്ധതികളുടെ ഉദ്ഘാടനം ഇന്ന് നടക്കും.ചിറ്റാറിലെ നിർദിഷ്ട അമ്മയുടെ കുഞ്ഞും ജില്ലാ സ്പെഷാലിറ്റി ആശുപത്രിയുടെ നിർമാണോദ്ഘാടനവും ഇതോടൊപ്പമുണ്ടാകും. നിർദിഷ്ട സ്പെഷാലിറ്റി ആശുപത്രി പരിസരത്തു വൈകുന്നേരം ആറിനു നടക്കുന്ന യോഗത്തിൽ മന്ത്രിമാരായ കെ.എൻ. ബാലഗോപാൽ, കെ. രാജൻ, വീണാ ജോർജ്, ഒ.ആർ. കേളു, ജി.ആർ. അനിൽ തുടങ്ങിയവർ പങ്കെടുക്കും. കെ. യു. ജനീഷ് കുമാര്‍ എംഎല്‍എ അധ്യക്ഷത വഹിക്കും. ചിറ്റാര്‍ സാമൂഹികാരോഗ്യ കേന്ദ്ര ഉദ്ഘാടനവും ആധുനിക ഐസിയു ആംബുലന്‍സ് സമർപ്പണവും നീലിപിലാവ് - ചിറ്റാര്‍ റോഡ് നിര്‍മാണോദ്ഘാടനം, മണക്കയം - ചിറ്റാര്‍ ബസ്‌സ്റ്റാൻഡ് റോഡ് നിര്‍മാണോദ്ഘാടനം, കാരിക്കയം ചതുരക്കള്ളിപ്പാറ കുടിവെള്ള പദ്ധതി, പാമ്പിനി പട്ടികവര്‍ഗ ഉന്നതി, കോതയാട്ടു പാറ പട്ടികജാതി ഉന്നതി നവീകരണം, സ്വകാര്യ വ്യവസായ പാര്‍ക്ക് ഉദ്ഘാടനം, ചിറ്റാര്‍ സര്‍ക്കാര്‍ ഹയർ സെക്കൻഡറി സ്‌കൂള്‍ ഓഡിറ്റോറിയം, ആധുനിക ലാബ്, സ്‌കൂള്‍ ബസ്, ചിറ്റാര്‍ സര്‍ക്കാര്‍ എല്‍ പി സ്‌കൂള്‍ കെട്ടിട നിര്‍മാണം, ഡിജിറ്റല്‍ സര്‍വേ നടപടികളുടെ ഉദ്ഘാടനം, വയ്യാറ്റുപുഴ - പുലയന്‍പാറ റോഡ്, വാലേല്‍പ്പടി - കൊടുമുടി - പടയണിപ്പാറ റോഡ്, വിവിധ ഗ്രാമീണറോഡുകളുടെ നിര്‍മാണോദ്ഘാടനം, കാട്ടാനയെ തടയാന്‍ സോളാര്‍ വേലി എന്നിവയാണ് പദ്ധതികൾ. ആന്‍റോ ആന്‍റണി എംപി, ജില്ലാ പഞ്ചായത്ത് പ്രസിഡന്‍റ് ജോര്‍ജ് ഏബ്രഹാം, ജില്ലാ കളക്ടര്‍ എസ് പ്രേം കൃഷ്ണന്‍ തുടങ്ങിയവർ പങ്കെടുക്കും.

കുട്ടവഞ്ചി സവാരി കേന്ദ്രത്തിൽ ജീവനക്കാരെ പിരിച്ചുവിട്ടു സമരം പ്രഖ്യാപിച്ച് തൊഴിലാളികൾ

കോന്നി: ‌ അടവി കുട്ടവഞ്ചി സവാരി കേന്ദ്രത്തിലെ തൊഴിലാളികളെ മുന്നറിയിപ്പില്ലാതെ പിരിച്ചു വിട്ടു. പ്രതിഷേധിച്ച് കുട്ടവഞ്ചി സവാരി കേന്ദ്രത്തിലെ തൊഴിലാളികൾ അനിശ്ചിതകാല സമരം തുടങ്ങി. 60 വയസ് കഴിഞ്ഞവരെ പിരിച്ചുവിടുന്നതായുള്ള അറിയിപ്പ് ബുധനാഴ്ച വൈകുന്നേരമാണ് തൊഴിലാളികൾക്ക് ലഭിക്കുന്നത്. മുന്നറിയിപ്പ് ഇല്ലാതെയും യാതൊരു ആനുകൂല്യങ്ങൾ നൽകാതെയും തൊഴിലാളികളെ പിരിച്ചുവിടുന്നതിനെതിരേ സംയുക്ത തൊഴിലാളി യൂണിയൻ നേതൃത്വത്തിൽ ഇന്നലെ മുതൽ അടവിയിൽ സമരവും തുടങ്ങി. ഇക്കോ ടൂറിസം കേന്ദ്രമായ അടവിയിൽ കുട്ടവഞ്ചി തുഴച്ചിൽക്കാർ ഉൾപ്പെടെ 40 ഓളം പേരാണ് ജോലി ചെയ്യുന്നത്. ഇവരിൽ പലരും കുട്ടവഞ്ചി സവാരിയുടെ ആരംഭകാലം മുതുള്ളവരാണ്. കുട്ടവഞ്ചി സവാരിയുമായി മുൻപരിചയമുള്ളവരും പരിശീലനം സിദ്ധിച്ചവരുമാണ്. തൊഴിലാളികൾ സമരം പ്രഖ്യാപിച്ചതോടെ അടവിയിലെത്തിയ സഞ്ചാരികളും നിരശരായി. നിരവധി വിനോദ സഞ്ചാരികൾ ഇന്നലെ വാഹനങ്ങളിൽ അടവിയിൽ എത്തിയിരുന്നു. ഇവർക്ക് കുട്ടവഞ്ചി സവാരി ആസ്വദിക്കാനായില്ല. അടവി ഇക്കോ ടൂറിസം കേന്ദ്രത്തെ തകർക്കാനാണ് ഉദ്യോഗസ്ഥർ ശ്രമിക്കുന്നതെന്ന് തൊഴിലാളികൾ ആരോപിച്ചു. വിവിധ യൂണിയൻ പ്രതിനിധികളായ പ്രവീൺ പ്രസാദ്, ബിജു മാത്യു, മോഹനൻ, സന്തോഷ് , മുരളി എന്നിവർ പ്രസംഗിച്ചു.

നാലു വയസുകാരന്‍റെ ദാരുണാന്ത്യം: ഇക്കോ ടൂറിസം ജീവനക്കാരെ തിരികെയെടുത്തു

തിരികെയെടുക്കാൻ രാഷ്ട്രീയ സമ്മർദം പത്തനംതിട്ട: കോന്നി ആനത്താവളത്തിലെ ഇക്കോ ടൂറിസം കേന്ദ്രത്തിൽ സന്ദർശകനായെത്തിയ നാലു വയസുകാരൻ കോൺക്രീറ്റ് തൂണ് പിഴുതുവീണ് മരിക്കാനിടയായ സംഭവത്തിൽ സസ്പെൻഷനിലായ അഞ്ച് വനംവകുപ്പ് ജീവനക്കാരെയും തിരികെയെടുത്തു. ഇവരെ സർവീസിൽ തിരികെ എടുക്കാനുള്ള ഉത്തരവ് കഴിഞ്ഞദിവസം അഡീഷണൽ പ്രിൻസിപ്പൽ ചീഫ് ഫോറസ്റ്റ് ഓഫീസറിൽ നിന്നുണ്ടായി. ഡെപ്യൂട്ടി റേഞ്ച് ഓഫീസർ (ഗ്രേഡ്) ആർ. അനിൽ കുമാർ, ബീറ്റ് ഫോറസ്റ്റ് ഓഫീസർമാരായ എം.എസ്. സലിം, ആർ. സതീഷ്, ബി. സജിനി, സുമയ്യ ഷാജി എന്നിവരെയാണ് തിരികെയെടുത്ത് ഉത്തരവായത്. കഴിഞ്ഞ ഏപ്രിൽ 18നാണ് ഇക്കോ ടൂറിസം സെന്‍ററിൽ സന്ദർശകനായെത്തിയ കടന്പനാട് സ്വദേശി അഭിരാം (നാല്) മരിച്ചത്. ആനത്താവളം പരിസരത്തെ കോൺക്രീറ്റ് തൂണിൽ പിടിച്ച് കളിക്കുന്പോൾ ഇത് പിഴുത് കുട്ടിയുടെ ദേഹത്തേക്ക് വീഴുകയായിരുന്നു. കാലപ്പഴക്കമുള്ള തൂണ് പെയിന്‍റടിച്ച് വച്ചിരിക്കുകയായിരുന്നുവെന്ന് പ്രാഥമികാന്വേഷണത്തിൽ കണ്ടെത്തി. ഡെപ്യൂട്ടി റേഞ്ച് ഓഫീസറുൾപ്പെടെയുള്ളവരെ സസ്പെൻഡ് ചെയ്യുകയും റേഞ്ച് ഓഫീസറെ സ്ഥലംമാറ്റുകയും ചെയ്തിരുന്നു. നടപടിയിൽ വനപാലകരുടെ സംഘടന അന്നുതന്നെ പ്രതിഷേധവുമായി രംഗത്തെത്തി. നടപടി പിൻവലിക്കണമെന്നാവശ്യപ്പെട്ട് വനംമന്ത്രിക്കു പരാതിയും ലഭിച്ചു. രാഷ്ട്രീയ സമ്മർദവും ഏറിയതോടെയാണ് രണ്ടാഴ്ചയ്ക്കുള്ളിൽ തന്നെ നടപടി പിൻവലിച്ചത്. ഇക്കോ ടൂറിസം കേന്ദ്രം പരിസരത്തെ സുരക്ഷാ വീഴ്ച പ്രകടമായ സംഭവത്തിൽ ഉദ്യോഗസ്ഥരെ സംരക്ഷിക്കുന്ന സമീപനമാണ് വനംവകുപ്പ് ഉന്നതരും സ്വീകരിച്ചത്. അപകടത്തിനുശേഷം ഇവരാരും തന്നെ ആനത്താവളം സന്ദർശിച്ചില്ല. പിന്നീട് സ്ഥലം എംഎൽഎ വിളിച്ചുചേർത്ത യോഗത്തിൽ പങ്കെടുക്കാനാണ് ഉന്നത ഉദ്യോഗസ്ഥരെത്തിയത്. അച്ചടക്ക നടപടി തുടരുമെന്ന് ആനത്താവളത്തിലെ അപകടത്തേ തുടർന്ന് സസ്പെൻ‌ഷനിലായവരെ തിരിച്ചെടുത്തെങ്കിലും ഇവർക്കെതിരേയുള്ള അച്ചടക്ക നടപടി അവസാനിപ്പിച്ചിട്ടില്ലെന്നാണ് വനംവകുപ്പിന്‍റെ വിശദീകരണം. ഇക്കോ ഡവലപ്മെന്‍റ് ആൻഡ് ട്രൈബൽ വെൽഫെയർ അഡീഷണൽ പ്രിൻസിപ്പൽ ചീഫ് ഫോറസ്റ്റ് കൺസർവേറ്ററുടേതാണ് നിർദേശം. കുട്ടിയുടെ മരണത്തേ തുടർന്ന് അടച്ചിട്ട ആനത്താവളം കഴിഞ്ഞ ഒന്നു മുതൽ തുറന്നു പ്രവർത്തിച്ചു തുടങ്ങിയെങ്കിലും ജീവനക്കാരുടെ കുറവ് ദൈനംദിന പ്രവർത്തനങ്ങളെ ബാധിക്കുന്നതായും റിപ്പോർട്ടുണ്ട്. സസ്പെൻഷനിലായവരെ തിരിച്ചെുക്കാൻ ഇതും ഒരു കാരണമായി ചൂണ്ടിക്കാണിക്കപ്പെടുന്നു. വർധിച്ചുവരുന്ന വന്യജീവി സംഘർഷം നേരിടുന്നതിലും വനപാലകരുടെ കുറവുണ്ട്. സസ്പെൻഷനെതിരേ ജീവനക്കാരുടെ സംഘടന രംഗത്തുവരികയും പ്രത്യക്ഷ സമരപരിപാടികളിലേക്ക് അവർ കടക്കുകയും ചെയ്താൽ വകുപ്പിന്‍റെ ദൈനംദിന പ്രവർത്തനത്തെയും ബാധിച്ചേക്കാമെന്ന ആശങ്കയും ഉയർന്നിരുന്നു.

ബ്ലോക്ക് ലെവല്‍ ബാങ്കേഴ്‌സ് കമ്മിറ്റി

പത്തനംതിട്ട: ലീഡ് ബാങ്ക് ബ്ലോക്ക് ലെവല്‍ ബാങ്കേഴ്‌സ് കമ്മിറ്റി യോഗങ്ങൾ ഇന്ന് ആരംഭിക്കും. ബ്ലോക്ക്, തീയതി, സമയം, വേദി എന്നീ ക്രമത്തിൽ: പറക്കോട് - ഇന്ന് ഉച്ചകഴിഞ്ഞ് മൂന്നിന് അടൂര്‍ എസ്ബിഐ മെയിന്‍ ബ്രിഡ്ജ് പരിസരം, പന്തളം- ഇന്നു രാവിലെ 11ന് വയപ്പര്‍ ഭവന്‍, കുളനട. പുളിക്കീഴ്- 12ന് ഉച്ചകഴിഞ്ഞ് മൂന്നിന്, പുളിക്കീഴ് ബ്ലോക്ക് ഓഫീസ്, മല്ലപ്പള്ളി - 12നു രാവിലെ 11ന്, റോട്ടറി ക്ലബ്, മല്ലപ്പള്ളി, കോയിപ്രം - 13ന് ഉച്ചയ്ക്ക് മൂന്നിന്, ബ്ലോക്ക് കമ്യൂണിറ്റി ഹാൾ, പുല്ലാട്, ഇലന്തൂർ- 15നു രാവിലെ 11ന്, വയപ്പാര്‍ ഭവന്‍, കോഴഞ്ചേരി, റാന്നി - 13നു രാവിലെ 11നും കോന്നിയില്‍ 15ന് ഉച്ചകഴിഞ്ഞ് മൂന്നിനും യോഗങ്ങൾ ചേരും.

ഐക്യദാർഢ്യം പ്രഖ്യാപിച്ചു

ആറന്മുള: ജമ്മു കാശ്മീരില്‍ പാകിസ്ഥാന്‍ നടത്തിയ ഭീകര ആക്രമണത്തിന് തിരിച്ചടി നല്‍കിയ ഇന്ത്യന്‍ സൈനികര്‍ക്ക് കേരള കോണ്‍ഗ്രസ് - ബി ഐക്യദാര്‍ഢ്യം അര്‍പ്പിച്ചു. ആറന്മുള വീരജവാന്‍ സ്മാരകത്തിന് മുമ്പില്‍ ചേര്‍ന്ന യോഗം ജില്ലാ പ്രസിഡന്‍റ് മനോജ് മാധവശേരില്‍ ഉദ്ഘാടനം ചെയ്തു. പി.സി. സ്‌കറിയ അധ്യക്ഷത വഹിച്ച യോഗത്തില്‍ സത്യന്‍ കണ്ണങ്കര, മുരളീധരന്‍ നായര്‍ കല്ലൂപ്പാറ, ശ്രീകുമാര്‍ ആലക്കാട്ടില്‍, സുരേഷ് ബാബു ആറന്മുള, രാജഭാസ് മണിയാറ്റ്, സുലോചനന്‍ കിടങ്ങിൽ, സാംകുട്ടി പാലക്കാമണ്ണില്‍ തുടങ്ങിയവർ പ്രസംഗിച്ചു.

റെഡ്ക്രോസ്ദിനം ആചരിച്ചു

പത്തനംതിട്ട: അന്തർദേശീയ റെഡ് ക്രോസ് ദിനം പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ അടൂരിൽ വിപുലമായ പരിപാടികളോടെ ആചരിച്ചു. പൊതുസമ്മേളനം സംസ്ഥാന കമ്മിറ്റി അംഗം സുനിൽ മാത്യു വള്ളക്കാലിൽ ഉദ്ഘാടനം ചെയ്തു. ചെയർപേഴ്സൺ വത്സമ്മ സുകുമാരൻ അധ്യക്ഷത വഹിച്ചു. കേന്ദ്രസർക്കാരിന്‍റെ ക്ഷയരോഗ നിർമാർജന പദ്ധതിയുടെ ഭാഗമായി രോഗികൾക്ക് റെഡ് ക്രോസ് സൊസൈറ്റി നൽകുന്ന പോഷകാഹാര കിറ്റുകൾ നോഡൽ ഓഫീസർ ഡോ. നിരൺ ബാബു ഏറ്റുവാങ്ങി. വിവിധ സ്കൂളുകളിൽ നിന്നുള്ള ജെആർസി കേഡറ്റുകൾ , ജില്ലയിലെ ഹോം നേഴ്സുമാർ , റെഡ്ക്രോസ് അംഗങ്ങൾ എന്നിവരെ പങ്കെടുപ്പിച്ച് പ്രഥമ ശുശ്രൂഷ, മോക്ഡ്രിൽ സംബന്ധിച്ച ക്ലാസ് നടന്നു. ഡോ. റോജി പി. ഉമ്മൻ ക്ലാസ് നയിച്ചു. റെഡ് ക്രോസ് സൊസൈറ്റി ജില്ലയിൽ നടത്തുന്ന പദ്ധതികളെ സംബന്ധിച്ചു ജില്ലാ സെക്രട്ടറി പി. കെ. ജോസഫ് വിശദീകരിച്ചു. സമ്മേളനത്തിൽ ട്രഷറർ വർഗീസ് മാത്യു, താലൂക്ക് കോഓർഡിനേറ്റർമാരായ ഏഴംകുളം അജു, എസ്. വി. പ്രസന്നകുമാർ, സണ്ണി മാത്യു, ജെആർസി കൺവീനർ പീ. ശ്രീജ, വർഗീസ് പി. മാത്യു , മുരളീധരൻ ആചാരി, ഗോപകുമാർ തുടങ്ങിയവർ പ്രസംഗിച്ചു.

അപകടത്തിൽ മരിച്ചയാളെ പ്രതിയാക്കിയ കുറ്റപത്രം കോടതി തള്ളി : വാഹനാപകട നഷ്ടപരിഹാര കേസിൽ വിധിയായത് 3.68 കോടി

പത്തനംതിട്ട: കെഎസ്ആർടിസി സൂപ്പർ ഫാസ്റ്റ് ബസ് ദന്പതികൾ സഞ്ചരിച്ച കാറിലിടിച്ചുണ്ടായ അപകടത്തിൽ ഭർത്താവ് മരിക്കുകയും ഭാര്യയ്ക്കു ഗുരുതരമായി പരിക്കേൽക്കുകയും ചെയ്ത സംഭവത്തിൽ 3.68 കോടി രൂപ നഷ്ടപരിഹാരം അനുവദിച്ച് ഹൈക്കോടതി ഉത്തരവ്. നേരത്തേ വാഹനാപകട നഷ്ടപരിഹാര ട്രിബ്യൂണൽ പുറപ്പെടുവിച്ച വിധി അംഗീകരിച്ച ഹൈക്കോടതി പോലീസ് തയാറാക്കിയ കുറ്റപത്രം തള്ളിക്കളയുകയും ചെയ്തു. 2016 മാർച്ച് 27നു രാവിലെ 9.20നു എംസി റോഡിൽ പന്തളം ചിത്ര ആശുപത്രിക്കു സമീപം കെഎസ്ആർടിസിയുടെ നെടുമങ്ങാട് - പാലക്കാട് സൂപ്പർഫാസ്റ്റ് ബസ് കാറിൽ ഇടിച്ചുണ്ടായ അപകടത്തിൽ ചെങ്ങന്നൂർ പെണ്ണുക്കര മണ്ണിൽ പ്രദീപ് (41) മരിക്കുകയും ഭാര്യ സോണി പ്രദീപിന് (34) ഗുരുതരമായി പരിക്കേൽക്കുകയും ചെയ്തിരുന്നു. എതിർദിശയിൽ വന്ന കാറിൽ അമിതവേഗത്തിലെത്തിയ കെഎസ്ആർടിസി ബസ് ഇടിച്ചാണ് അപകടമുണ്ടായത്. അപകടത്തേ തുടർന്ന് പന്തളം പോലീസ് തയാറാക്കിയ എഫ്ഐആറിൽ കെഎസ്ആർടിസി ഡ്രൈവറെ ഒന്നാം പ്രതിയും മരിച്ച പ്രദീപിനെ രണ്ടാംപ്രതിയുമാക്കിയാണ് കേസെടുത്തത്. വാഹനം ഇടിച്ചു മരിച്ചാൽ ചേർക്കേണ്ട വകുപ്പുകൾ ഒഴിവാക്കുകയും ചെയ്തു. ബസിലെ യാത്രക്കാരിലൊരാളും നെടുമങ്ങാട് സ്റ്റേഷൻ മാനേജരും വിചാരണ വേളയിൽ നൽകിയ മൊഴികൾ നിർണായകമായ വഴിത്തിരിവായി മാറുകയും ബസിന്‍റെ അമിത വേഗവും ഡ്രൈവറുടെ അശ്രദ്ധയുമാണ് അപകടകാരണമെന്ന നിഗമനത്തിലേക്ക് കോടതി എത്തുകയും ചെയ്തു. മരിച്ച പ്രദീപിനെ കുറ്റക്കാരനാക്കിയാണ് കെഎസ്ആർടിസിയും ഇൻഷ്വറൻസ് കന്പനിയും വാദം നടത്തിയത്. എന്നാൽ പോലീസ് സമർപ്പിച്ച കുറ്റപത്രം തള്ളിയ കോടതി കെഎസ്ആർടിസിയും ഇൻഷ്വറൻസ് കന്പനിയും നഷ്ടപരിഹാരം നൽകണമെന്നു വിധിക്കുകയായിരുന്നു. ട്രിബ്യൂണൽ അനുവദിച്ച നഷ്ടപരിഹാരത്തുക വർധിപ്പിക്കാനായി ഹൈക്കോടതിയെ പ്രദീപിന്‍റെ കുടുംബം സമീപിച്ചപ്പോൾ തന്നെ ഇൻഷ്വറൻസ് കന്പനി വിധിക്കെതിരേ അപ്പീലും നൽകി. ഇരുവിഭാഗത്തിന്‍റെയും വാദങ്ങൾ കേട്ട ഹൈക്കോടതി അധിക തുക നഷ്ടപരിഹാരമായി നൽകാൻ ഉത്തരവിടുകയായിരുന്നു. വിചാരണക്കോടതി ഭാര്യ സോണിക്കുണ്ടായ പരിക്കുമായി ബന്ധപ്പെട്ട് അനുവദിച്ച നഷ്ടപരിഹാരം അപര്യാപ്തമാണെന്നും ഹൈക്കോടതി കണ്ടെത്തി. അപകടത്തിൽ ഗുരുതരമായി പരിക്കേൽക്കുകയും ജീവിതകാലം മുഴുവൻ രണ്ട് ശുശ്രൂഷകരുടെ ആവശ്യം ഇവർക്കുണ്ടാകുകയും ചെയ്തിരിക്കുന്ന സാഹചര്യത്തിൽ ട്രിബ്യൂണൽ അനുവദിച്ച തുക അപര്യാപ്തമാണെന്ന നിഗമനത്തിൽ ശുശ്രൂഷകൾക്കായി അനുവദിച്ച തുക ഉൾപ്പെടെ 74.50 ലക്ഷം രൂപ അനുവദിച്ചു. ഇരു കോടതികളും കൂടി അനുവദിച്ച നഷ്ടപരിഹാരം പ്രദീപ് മരിച്ച കേസിൽ 1,21,81,665 രൂപയും ഭാര്യ സോണി പ്രദീപിനുണ്ടായ പരിക്കുമായി ബന്ധപ്പെട്ട് 2,36,92,307 രൂപയും കെട്ടിവയ്ക്കാനാണ് ഇൻഷ്വറൻസ് കന്പനിക്കു നൽകിയിരിക്കുന്ന ഉത്തരവ്. ഹർജിക്കാർക്കുവേണ്ടി അഭിഭാഷകരായ മാത്യു ജോർജ്, എ.എൻ. സന്തോഷ് എന്നിവർ ഹാജരായി.

തുന്നിക്കെട്ടിയ മുറിവിൽ ഉറുമ്പ്; റിപ്പോർട്ട് തേടി ആരോഗ്യ വകുപ്പ് ഡയറക്ടർ

പത്തനംതിട്ട: റാന്നി താലൂക്ക് ആശുപത്രിയിൽ രോഗിയുടെ മുറിവിനുള്ളിൽ ഉറുമ്പിനെ കണ്ടെത്തിയെന്ന പരാതിയിൽ ആരോഗ്യ വകുപ്പ് ഡയറക്ടർ റിപ്പോർട്ട് തേടി. സംഭവത്തിൽ അന്വേഷണം നടത്തി റിപ്പോർട്ട് സമർപ്പിക്കുവാൻ പത്തനംതിട്ട ജില്ലാ മെഡിക്കൽ ഓഫീസറെ ചുമതലപ്പെടുത്തി. റാന്നി ബ്ലോക്ക്പടി സ്വദേശി സുനിൽ ഏബ്രഹാമിന്‍റെ മുറിവിലാണ് ഉറുന്പിനെ കണ്ടത്. കഴിഞ്ഞ മാർച്ച് അവസാനമായിരുന്നു സംഭവം. രക്തസമ്മർദ്ദം കുറഞ്ഞതിനേ തുടർന്ന് വീണു നെറ്റിയിൽ പരിക്കേറ്റാണ് സുനിൽ മാർച്ച് 31നു രാത്രി ഏഴോടെ താലൂക്ക് ആശുപത്രിയിലെത്തിയത് . മുറിവിൽ അഞ്ച് തുന്നലുകൾ ഇട്ട ശേഷം സിടി സ്കാനെടുക്കുവാൻ റാന്നി താലൂക്ക് ആശുപത്രിയിൽ നിന്ന് രോഗിയെ പത്തനംതിട്ട ജനറൽ ആശുപത്രിയിലേക്ക് അയച്ചിരുന്നു. യാത്രയ്ക്കിടെ തുന്നലിട്ട ഭാഗത്ത് അസഹനീയമായ വേദന അനുഭവപ്പെട്ടു. തുടർന്ന് സ്കാനിംഗിൽ ഉറുമ്പുകളെ കണ്ടെത്തി. ജനറൽ ആശുപത്രിയിലെ ഡോക്ടർമാർ തുന്നൽ ഇളക്കി ഉറുമ്പുകളെ നീക്കിയ ശേഷം വീണ്ടും മുറിവ് തുന്നിക്കെട്ടുകയായിരുന്നു. റാന്നി താലൂക്ക് ആശുപത്രി അധികൃതർ സംഭവം നിഷേധിച്ചതോടെ വിഷയം വിവാദമായി. ഇതേ തുടർന്ന് ഹൈക്കോടതി അഭിഭാഷകനും പൊതു പ്രവർത്തകനുമായ കുളത്തൂർ ജയ്‌സിംഗ് വിഷയത്തിൽ ഇടപെട്ട് റാന്നി താലൂക്ക് ആശുപത്രി അധികൃതർക്ക് എതിരേ ആരോഗ്യ വകുപ്പ് ഡയറക്ടർക്ക് പരാതി നൽകിയിരുന്നു. ഇതിൽ അന്വേഷണം നടത്തി റിപ്പോർട്ട് സമർപ്പിക്കുവാനാണ് ആരോഗ്യ വകുപ്പ് ഡയറക്ടർ നിർദ്ദേശിച്ചിരിക്കുന്നത്.

ഇരുന്പുതോട്ടി വൈദ്യുത ലൈനിൽ തട്ടി ഷോക്കേറ്റ് യുവാവ് മരിച്ചു

റാന്നി: ഇരുമ്പു തോട്ടി ഉപയോഗിച്ച് മാങ്ങ പറിക്കുന്നതിനിടയിൽ 11 കെവി വൈദ്യുത ലൈനിൽ നിന്നു ഷോക്കേറ്റ് യുവാവു മരിച്ചു. വെച്ചൂച്ചിറ മണ്ണടി ശാല പാറയ്ക്കൽ മോഹനന്‍റെ മകൻ അഭിജിത്താണ് (28) മരിച്ചത്. ബുധനാഴ്ച രാത്രി പത്തോടെയാണ് സംഭവം. മണ്ണടിശാലയിലെ കടമുറിയുടെ മുകളിൽ കയറി മാങ്ങ പറിക്കുന്നതിനിടയിൽ തോട്ടി വഴുതി സമീപത്തുകൂടി പോകുന്ന 11 കെവി ലൈനിലേക്ക് വീഴുകയായിരുന്നു. നാട്ടുകാർ ഉടനെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിച്ചു സംസ്കാരം ഇന്ന് 12 ന് വീട്ടുവളപ്പിൽ. മാതാവ്: ലീലാമ്മ. സഹോദരങ്ങൾ: അജിത്, അനുജിത്ത്.

സർപ്പക്കാവ് നശിപ്പിച്ചതായി പരാതി

പത്തനംതിട്ട: പെരുനാട് കുറുങ്ങാലില്‍ ശ്രീ മഹാദേവ, ഭഗവതി, ശാസ്താ ക്ഷേത്രത്തിന്‍റെ ഭാഗമായ രണ്ട് ഏക്കര്‍ വരുന്ന സര്‍പ്പക്കാവ് കൈയേറി തീയിട്ടു നശിപ്പിച്ചതായി ക്ഷേത്ര ഭാരവാഹികള്‍ പത്രസമ്മേളനത്തില്‍ പറഞ്ഞു. എവിടി കമ്പനി മാനേജറുടെ കാവ് നശിപ്പിച്ചതെന്നും ഇവർ ആരോപിച്ചു. ഇത് സംബന്ധിച്ച് പരാതി നല്‍കിയിട്ടും കേസെടുക്കാന്‍ പോലീസ് തയാറായിട്ടില്ലെന്ന് ക്ഷേത്ര ഭരണസമിതി പ്രസിഡന്‍റ് ശശീന്ദ്രന്‍, രക്ഷാധികാരി എന്‍.ശശി, ഖജാന്‍ജി വിദ്യാധരന്‍ എന്നിവര്‍ പറഞ്ഞു.

വധശ്രമക്കേസ്: നഗരസഭാ ചെയർമാനെ പ്രതിയാക്കി എഫ്ഐആർ; പോലീസിനെതിരേ സിപിഎം

പത്തനംതിട്ട: മുന്‍ ബ്രാഞ്ച് സെക്രട്ടറിയെ വെട്ടിയ കേസില്‍ പത്തനംതിട്ട നഗരസഭാ ചെയര്‍മാനടക്കം ഏഴു പേരെ പ്രതികളാക്കി കേസെടുത്ത പോലീസ് നടപടിയിൽ കടുത്ത അമർഷവുമായി സിപിഎം. കഴിഞ്ഞയിടെ സിപിഎം വിട്ടു സിപിഐയില്‍ ചേര്‍ന്ന കൊടുന്തറ സ്വദേശി റോബിന്‍ വിളവിനാലിനാണ് കഴിഞ്ഞദിവസം രാത്രി വെട്ടേറ്റത്. വീടിനടുത്ത കടയുടെ സമീപത്ത് നില്‍ക്കുകയായിരുന്ന റോബിനെ മങ്കിക്യാപ് ധരിച്ച് ഹിറോ ഹോണ്ട പാഷന്‍ ബൈക്കില്‍ വന്ന മൂന്നംഗ സംഘമാണ് ആക്രമിച്ചെന്നാണ് പരാതി. തൊട്ടടുത്ത് ബൈക്ക് വന്നു നിന്നപ്പോള്‍ പന്തികേട് തോന്നിയ റോബിന്‍ ഓടിരക്ഷപ്പെടാന്‍ ശ്രമിച്ചുവെന്നും പിന്തുടര്‍ന്നെത്തിയ സംഘം തലയ്ക്കടിച്ച് വീഴ്ത്തിയ ശേഷം വെട്ടുകയായിരുന്നുവെന്നുമാണ് ആക്ഷേപം. ഒഴിഞ്ഞു മാറിയപ്പോള്‍ ആ വെട്ട് താടിക്കാണ് കൊണ്ടത്. നഗരസഭ ചെയര്‍മാന്‍ സക്കീര്‍ഹുസൈനെതിരേ പോസ്റ്റ് ഇടുമല്ലേടാ എന്നായിരുന്നു അക്രമികള്‍ ചോദിച്ചതെന്ന് റോബിന്‍ പറയുന്നു. റോബിന്‍റെ മൊഴിപ്രകാരം നഗരസഭ ചെയര്‍മാന്‍ സക്കീര്‍ഹുസൈൻ, കൗണ്‍സിലര്‍ ആര്‍. സാബു, സിപിഎം പ്രാദേശിക നേതാക്കളായ നവീന്‍ വിജയൻ, അജിന്‍, കണ്ടാലറിയാവുന്ന മൂന്നു പേര്‍ എന്നിവരെ പ്രതികളാക്കിയാണ് പത്തനംതിട്ട പോലീസ് എഫ്‌ഐആര്‍ രജിസ്റ്റര്‍ ചെയ്തത്. ചെയര്‍മാനും കൗണ്‍സിലര്‍മാരും ആക്രമണത്തില്‍ നേരിട്ട് ബന്ധപ്പെട്ടില്ലെങ്കിലും ഗൂഢാലോചനയില്‍ പങ്കാളികളാണെന്നാണ് റോബിന്‍റെ ആരോപണം. നരഹത്യാശ്രമം അടക്കമുള്ള വകുപ്പുകള്‍ ചുമത്തിയിട്ടുണ്ട്. റോബിന്‍ ജനറല്‍ ആശുപത്രിയില്‍ ചികിത്സയിലാണ്. കഴിഞ്ഞയിടെ മന്ത്രി വീണാ ജോര്‍ജിനെതിരേ എസ്ഡിപിഐ നേതൃത്വത്തില്‍പത്തനംതിട്ടയില്‍ സമരം നടന്നിരുന്നു. ഇതിനു പിന്നില്‍ നഗരസഭ ചെയര്‍മാന്‍ സക്കീര്‍ ഹുസൈനാണെന്ന് റോബിന്‍ ഫേസ്ബുക്ക് പോസ്റ്റിട്ടിരുന്നു. ഇതിന്‍റെ വിരോധമാണ് ആക്രമണത്തിന് കാരണമെന്ന് റോബിന്‍ പറഞ്ഞു. എന്നാൽ തനിക്കെതിരേയുള്ള കേസ് എന്തടിസ്ഥാനത്തിലാണെന്നും മനസിലാകുന്നില്ലെന്ന് സക്കീർ ഹുസൈൻ പറഞ്ഞു. പ്രാഥമികാന്വേഷണം പോലും നടത്താതെ ഒരാൾക്കെതിരേ എഫ്ഐആറിടുന്ന പോലീസ് നടപടി നീതിന്യായ വ്യവസ്ഥയോടുള്ള വെല്ലുവിളിയാണ്. പൊതുപ്രവർത്തകരെ മനഃപൂർവം ആക്ഷേപിക്കാനുള്ള ഗൂഢലക്ഷ്യമാണ് ഇതിനു പിന്നിലെന്നും അദ്ദേഹംപറഞ്ഞു. പോലീസ് നടപടിയിൽ സിപിഎം നേതാക്കളും കടുത്ത അതൃപ്തിയിലാണ്.

ഡിസിസി ഓഫീസിൽ പാന്പിൻ കുഞ്ഞുങ്ങൾ

പത്തനംതിട്ട: ഡിസിസി ഓഫീസിന്‍റെ താഴത്തെ നിലയിലെ ഹാളിൽ പെരുന്പാന്പിന്‍റെ കുഞ്ഞുങ്ങളെ കണ്ടെത്തി. ഇന്നലെ ഉച്ചകഴിഞ്ഞ് കർഷക കോൺഗ്രസ് യോഗം നടക്കുന്നതിനിടെയാണ് പാന്പിൻ കുഞ്ഞുങ്ങളെ കണ്ടത്. യോഗം കഴിഞ്ഞ ഉടൻ വനപാലകരെ വിളിച്ചുവരുത്തി ഇവയെ പിടികൂടുകയായിരുന്നു. ഇരുന്പുവലകൾക്കുള്ളിലൂടെ അകത്തുകടന്ന പാന്പുകൾ മുകൾ ഭാഗത്തായി തങ്ങുകയായിരുന്നു. കോന്നിയിൽ നിന്നും എത്തിയ വനപാലക സംഘം ഇവയെ പിടികൂടി. ഒരാഴ്ച മുന്പാണ് ഡിസിസി ഓഫീസ് നവീകരിച്ച് ഉദ്ഘാടനം ചെയ്തത്. ഓഫീസും പ്രധാന കോൺഫറൻസ് ഹാളും നവീകരിച്ച് ഉദ്ഘാടനം ചെയ്തപ്പോഴും താഴത്തെ നിലയിലെ ഹാൾ ശ്രദ്ധിച്ചിരുന്നില്ല. ഇതിനു പിന്നിലായി കാട് വളർന്നു നിൽക്കുകയാണ്. കുഞ്ഞുങ്ങളെ കണ്ട സാഹചര്യത്തിൽ പെരുന്പാനപ് സമീപ പ്രദേശത്തു കാണുമെന്ന നിഗമനത്തിലാണ് വനപാലകർ.

വയോധികയുടെ മാല മുറിച്ചെടുത്ത കേസില്‍ മുഖ്യപ്രതി പിടിയില്‍

കോഴഞ്ചേരി: വയോധികയുടെ കഴുത്തിലെ മാല കട്ടര്‍ ഉപയോഗിച്ച് മുറിച്ചെടുക്കുകയും, തടയാന്‍ ശ്രമിച്ചപ്പോള്‍ വസ്ത്രം വലിച്ചുകീറി അപമാനിക്കുകയും ചെയ്ത കേസില്‍ മുഖ്യപ്രതി അറസ്റ്റിൽ. കൊല്ലം പട്ടാഴി കന്നിമേല്‍ പന്തപ്ലാവ് ചിത്രാലയം വീട്ടില്‍ എസ്. ശരതാണ് (33) കോയിപ്രം പോലീസിന്‍റെ പിടിയിലായത്. ജില്ല പോലീസ് സൈബര്‍ സെല്ലിന്‍റെ സഹായത്തോടെ കുളക്കട തുരുത്തിയമ്പലത്തിലെ ബന്ധുവീട്ടില്‍ നിന്നുമാണ് ശരത്തിനെ പിടികൂടിയത്. പ്രതിയില്‍ നിന്നും 1,70,000 രൂപ വിലവരുന്ന മാല കണ്ടെടുത്തു. സംഭവത്തില്‍ ഉള്‍പ്പെട്ട രണ്ടാം പ്രതി പട്ടാഴി പന്തപ്ലാവ് ശംഭു ഭവനത്തില്‍ ആദര്‍ശ് രവീന്ദ്രൻ(26) നെ നേരത്തെ അറസ്റ്റ് ചെയ്തിരുന്നു. ഇടപ്പാവൂര്‍ ക്ഷേത്രത്തിന് സമീപമുള്ള ഇടവഴിയില്‍ കൂടി നടന്ന് പോയ ഇടപ്പാവൂര്‍ സ്വദേശിനിയായ 63 കാരിയുടെ സ്വര്‍ണമാലയാണ് സ്‌കൂട്ടറിലെത്തിയ മോഷ്ടാക്കള്‍ കവര്‍ന്നെടുത്തത്. സ്ഥലത്തെ ഒരു വീട് അന്വേഷിക്കാനെന്ന വ്യാജേന ഇവരെ സമീപിച്ച പ്രതികളില്‍ സ്‌കൂട്ടറിനു പിന്നില്‍ ഇരുന്നു യാത്ര ചെയ്ത ശരതാണ് ആക്രമിച്ചത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. കോയിപ്രം ഇന്‍സ്പെക്ടര്‍ ജി. സുരേഷ് കുമാറിന്‍റെ നേതൃത്വത്തില്‍ എസ്ഐ ഷൈജു, എസ് സിപിഒമാരായ നെബു, ഷെബാന, സിപിഒമാരായ അനന്തു സാബു, വിഷ്ണു, അരുണ്‍കുമാര്‍, അക്ഷയ് എന്നിവരാണ് പോലീസ് സംഘത്തില്‍ ഉണ്ടായിരുന്നത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]