ന​ഷ്ട​പ്പെ​ട്ട​ത് 943 ക്വി​ന്‍റ​ൽ

പ​ത്ത​നം​തി​ട്ട: കോ​ന്നി​യി​ലെ സി​വി​ൽ സ​പ്ലൈ​സ് ഗോ​ഡൗ​ണി​ൽ​നി​ന്ന് 943 ക്വി​ന്‍റ​ൽ അ​രി ക​ട​ത്തി​ക്കൊ​ണ്ടു​പോ​യ സം​ഭ​വ​ത്തി​ൽ തു​ട​ർ​ന​ട​പ​ടി​ക​ൾ നി​ല​ച്ചു. 800 ക്വി​ന്‍റ​ൽ മോ​ഷ​ണം പോ​യെ​ന്നാ​യി​രു​ന്നു ക​ഴി​ഞ്ഞ​മാ​സം പു​റ​ത്തു​വ​ന്ന വി​വ​രം. എ​ന്നാ​ൽ പി​ന്നീ​ടു ന​ട​ന്ന പ​രി​ശോ​ധ​ന​യി​ൽ കൂ​ടു​ത​ൽ അ​ള​വി​ൽ അ​രി ക​ട​ത്തി​യ​താ​യി ക​ണ്ടെ​ത്തി​യി​ട്ടു​ണ്ട്. 943 അ​രി ന​ഷ്ട​പ്പെ​ട്ടു​വെ​ന്നാ​ണ് വ​കു​പ്പു​ത​ല അ​ന്വേ​ഷ​ണ റി​പ്പോ​ർ​ട്ട്.

ഗോ​ഡൗ​ണി​ൽ ക്ര​മ​ര​ഹി​ത​മാ​യി അ​രി​ച്ചാ​ക്കു​ക​ൾ അ​ടു​ക്കി​യാ​ണ് ത​ട്ടി​പ്പ് മ​റ​യ്ക്കാ​ൻ ശ്ര​മി​ച്ച​ത്. അ​രി​ച്ചാ​ക്കി​ന്‍റെ അ​ട്ടി​ക​ൾ ത​മ്മി​ൽ നാ​ല​ടി അ​ക​ലം വേ​ണ​മെ​ന്നാ​ണ് ച​ട്ടം. ഇ​തു​പാ​ലി​ക്കാ​തെ ചാ​ക്കു​ക​ൾ കൂ​ട്ടി​യി​ട്ട് അ​ടു​ക്കി​യ​തി​നാ​ൽ ക​ട​ത്തി​യ അ​രി എ​ത്ര​മാ​ത്ര​മെ​ന്ന് വ്യ​ക്ത​മാ​യി​രു​ന്നി​ല്ല. ക​ട​ത്തി​യ​തി​ൽ ഏ​റെ​യും കേ​ന്ദ്ര​സ​ർ​ക്കാ​ർ അ​നു​വ​ദി​ക്കു​ന്ന പ​ച്ച​രി​യാ​ണ്. ക​ഴി​ഞ്ഞ മാ​സ​ങ്ങ​ളി​ൽ റേ​ഷ​ൻ ക​ട​ക​ളി​ൽ പ​ച്ച​രി ക്ഷാ​മം ഉ​ണ്ടാ​യ​പ്പോ​ഴും അ​രി ന​ഷ്ട​പ്പെ​ട്ട വി​വ​രം സി​വി​ൽ സ​പ്ലൈ​സ് വ​കു​പ്പ് ശ്ര​ദ്ധി​ച്ചി​രു​ന്നി​ല്ല.

റേ​ഷ​ൻ ക​ട​ക​ളി​ൽ മു​ൻ​ഗ​ണ​നാ വി​ഭാ​ഗ​ങ്ങ​ൾ​ക്ക് സൗ​ജ​ന്യ​മാ​യും മ​റ്റു കാ​ർ​ഡു​കാ​ർ​ക്ക് കി​ലോ​യ്ക്ക് 13 രൂ​പ​യ്ക്കും ല​ഭി​ക്കു​ന്ന പ​ച്ച​രി പൊ​തു​വി​പ​ണി​യി​ൽ കി​ലാ​ഗ്രാ​മി​ന് 46 രൂ​പ​വ​രെ ഈ​ടാ​ക്കി​യാ​ണ് ന​ൽ​കു​ന്ന​ത്.

ക​ട​ത്തി​യ​ത് സ്വ​കാ​ര്യ ലോ​ബി​ക്കു​വേ​ണ്ടി

കോ​ന്നി​യി​ലെ അ​രി ക​ട​ത്തി​യ​ത് ച​ങ്ങ​നാ​ശേ​രി​യി​ലേ​ക്കാ​ണെ​ന്ന് ക​ണ്ടെ​ത്തി​യി​രു​ന്നു. സ്വ​കാ​ര്യ അ​രി​ക്ക​ച്ച​വ​ട​ക്കാ​രു​ടെ ഗോ​ഡൗ​ണു​ക​ളി​ലേ​ക്ക് ക​ട​ത്തി​യ അ​രി എ​ത്തി​യ​താ​യി വി​വ​രം ല​ഭി​ച്ചി​ട്ടും സി​വി​ൽ സ​പ്ലൈ​സ് വ​കു​പ്പ് അ​ന്വേ​ഷ​ണം നി​ല​ച്ച​ത് ദു​രൂ​ഹ​മാ​ണ്.

വ​കു​പ്പു​ത​ല അ​ന്വേ​ഷ​ത്തി​ൽ ഗോ​ഡൗ​ണി​ന്‍റെ ചു​മ​ത​ല​യു​ണ്ടാ​യി​രു​ന്ന ഒ​രാ​ളെ സ​സ്പെ​ൻ​ഡ് ചെ​യ്തും ര​ണ്ടു​പേ​രെ സ്ഥ​ലം മാ​റ്റി​യും ന​ട​പ​ടി അ​വ​സാ​നി​പ്പി​ക്കു​ക​യാ​യി​രു​ന്നു. പ​ക​രം ചു​മ​ത​ല​യേ​ൽ​ക്കേ​ണ്ട​വ​ർ അ​വ​ധി​യി​ൽ പോ​യി.

ചി​കി​ത്സ​യ്ക്കെ​ന്ന് പ​റ​ഞ്ഞാ​ണ് ര​ണ്ടു​പേ​ർ അ​വ​ധി​യെ​ടു​ത്ത​ത്. ചു​മ​ത​ല​യേ​റ്റ ഒ​രാ​ൾ ഗോ​ഡൗ​ണി​ലെ അ​രി​ച്ചാ​ക്കു​ക​ളു​ടെ അ​ട്ടി​ക​ൾ പ​രി​ശോ​ധി​ച്ച​പ്പോ​ഴാ​ണ് കൂ​ടു​ത​ൽ അ​രി മോ​ഷ​ണം ക​ണ്ടെ​ത്തി​യ​ത്.

പോ​ലീ​സി​ൽ പ​രാ​തി​യി​ല്ല

ഗോ​ഡൗ​ണി​ൽ നി​ന്ന് 943 ക്വി​ന്‍റ​ൽ അ​രി ന​ഷ്ട​പ്പെ​ട്ടി​ട്ടും പോ​ലീ​സി​ൽ പ​രാ​തി ന​ൽ​കാ​ൻ വ​കു​പ്പ് ത​യാ​റാ​യി​ല്ലെ​ന്ന​തും ശ്ര​ദ്ധേ​യ​മാ​ണ്. വ​കു​പ്പു​ത​ല അ​ന്വേ​ഷ​ണം ക​ഴി​യ​ട്ടെ​യെ​ന്ന നി​ല​പാ​ടാ​ണ് ഉ​ദ്യോ​ഗ​സ്ഥ​ർ സ്വീ​ക​രി​ച്ച​ത്.