സൗന്ദര്യവത്കരിച്ച രാമഞ്ചിറ റൗണ്ട് എബൗട്ട് നാടിനു സമർപ്പിച്ചു

തിരുവല്ല: നഗരത്തിന്‍റെ പ്രവേശന കവാടമായ രാമഞ്ചിറ ബൈപാസ് ജംഗ്ഷനിൽ തിരുവല്ല മെഡിക്കൽ മിഷൻ ആശുപത്രിയുടെ നേതൃത്വത്തിൽ പണിതീർത്ത ഉദ്യാനം മാത്യു ടി . തോമസ് എംഎൽഎ നാടിനു സമർപ്പിച്ചു.

തിരുവല്ല നഗരം മനോഹരമാക്കുന്നതിന്‍റെ മുന്നോടിയാണ് അതിന്‍റെ പ്രവേശനകവാടങ്ങൾ മനോഹരമാക്കുന്നതെന്ന് അദ്ദേഹം പറഞ്ഞു. മനോഹരമാക്കപ്പെട്ട പ്രദേശങ്ങൾ സാമൂഹികവിരുദ്ധരുടെ കടന്നുകയറ്റത്തിൽനിന്നു സംരക്ഷിക്കാനും പരിപാലിക്കുവാനും പോലീസും നഗരസഭയും മുൻകൈയെടുക്കണമെന്നും എംഎൽഎ അഭ്യർഥിച്ചു.

സമ്മേളനത്തിൽ ടിഎംഎം ഗ്രൂപ്പ് ചെയർമാൻ ജോർജ് കോശി മൈലപ്ര അധ്യക്ഷത വഹിച്ചു. തിരുവല്ല നഗരസഭാ ചെയർപേഴ്സൺ അനു ജോർജ്, തിരുവല്ല ഡിവൈഎസ്പി എസ്. ആഷാദ്, പിഡബ്ല്യുഡി അസിസ്റ്റന്‍റ് എക്സിക്യൂട്ടീവ് എൻജിനിയർ പി.കെ. ശുഭ,

ടിഎംഎം സെക്രട്ടറി ബെന്നി ഫിലിപ്പ്, ട്രഷറാർ എബി ജോർജ്, അഡ്മിനിസ്ട്രേറ്റർ ജോർജ് മാത്യു, നഗരസഭാ കൗൺസിലർ മാത്യൂസ് ചാലക്കുഴി തുടങ്ങിയവർ പ്രസംഗിച്ചു.