പ​ത്ത​നം​തി​ട്ട: മ​ല​യോ​ര കു​ടി​യേ​റ്റ ക​ർ​ഷ​ക​ഗ്രാ​മ​മാ​യ ത​ണ്ണി​ത്തോ​ടി​ന്‍റെ ആ​ത്മീ​യ ആ​ചാ​ര്യ​നാ​യി​രു​ന്ന പ​ണി​ക്ക​ത്ത​റ​യി​ൽ ഫാ. പി.​എ. ശ​മു​വേ​ലി​ന്‍റെ അ​നു​സ്മ​ര​ണം കെ​സി​സി സോ​ണി​ന്‍റെ നേ​തൃ​ത്വ​ത്തി​ൽ 24നു ​ന​ട​ക്കും.

1964ൽ ​ത​ണ്ണി​ത്തോ​ട്ടി​ൽ ഓ​ർ​ത്ത​ഡോ​ക്സ് സ​ഭ​യു​ടെ വൈ​ദി​ക​നായാണു വ​ന്ന​തെ​ങ്കി​ലും അ​ത് മ​ല​യോ​ര മേ​ഖ​ല​യാ​യ ത​ണ്ണി​ത്തോ​ടി​ന്‍റെ സ​ർ​വതോമുഖ​മാ​യ വി​ക​സ​ന​ത്തി​നു വ​ഴി​തെ​ളി​ക്കു​ന്ന​താ​യി മാ​റു​ക​യാ​ണു​ണ്ടാ​യ​തെ​ന്ന് കെ​സി​സി ഭാ​ര​വാ​ഹി​ക​ൾ പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു.

പ​ത്ത​നം​തി​ട്ട ക​തോ​ലി​ക്കേ​റ്റ് കോ​ള​ജി​ലെ സു​റി​യാ​നി അ​ധ്യാ​പ​ക​നാ​യി​രു​ന്ന അ​ദ്ദേ​ഹം വി​ദ്യാ​ഭ്യാ​സ​പ​ര​മാ​യും സാ​മൂ​ഹി​ക​മാ​യും ഏ​റെ പി​ന്നാക്കംനി​ന്ന ത​ണ്ണി​ത്തോ​ടി​ന്‍റെ സ​മ​ഗ്ര​പു​രോ​ഗ​തി​ക്കാ​യി 1985 ൽ ​പു​ല്ലു​മേ​ഞ്ഞ ആ​ശ്ര​മം സ്ഥാ​പി​ച്ച് സ്ഥി​ര താ​മ​സ​മാ​ക്കി.

1970 ൽ ​സെ​ന്‍റ് ആ​ന്‍റ​ണീ​സ് ആ​ർ​ട്സ് കോ​ള​ജും ഫാ.​പി.​എ. ശ​മു​വേ​ൽ ഐ​ടി​സി​യും ത​ണ്ണി​ത്തോ​ട്ടി​ൽ സ്ഥാ​പി​ച്ചു.

ഫാ. ​പി.​എ. ശ​മു​വേ​ൽ അ​ന്ത​രി​ച്ച് കാ​ൽ​നൂ​റ്റാ​ണ്ട് പി​ന്നി​ടു​ന്ന​തി​നോ​ട​നു​ബ​ന്ധി​ച്ച് കേ​ര​ള കൗ​ൺ​സി​ൽ ഓ​ഫ് ച​ർ​ച്ച​സ് ത​ണ്ണി​ത്തോ​ട് സോ​ണിന്‍റെയും ത​ണ്ണി​ത്തോ​ട് പ​ഞ്ചാ​യ​ത്തി​ലെ ക്രൈ​സ്‌​ത​വ ദേ​വാ​ല​യ​ങ്ങ​ളു​ടെ​യും ആ​ഭി​മു​ഖ്യ​ത്തി​ലുള്ള അ​നു​സ്മ​ര​ണം 24ന് ​ഉ​ച്ച​ക​ഴി​ഞ്ഞ് 2.30ന് ​ത​ണ്ണി​ത്തോ​ട് സെ​ന്‍റ് ആ​ന്‍റ​ണീ​സ് ഓ​ഡി​റ്റോ​റി​യ​ത്തി​ൽ ന​ട​ക്കും.

മ​ന്ത്രി വീ​ണാ ജോ​ർ​ജ് സ​മ്മേ​ള​നം ഉ​ദ്ഘാ​ട​നം ചെ​യ്യും . മെ​ത്രാ​പ്പോ​ലീ​ത്താ​മാ​രാ​യ കു​ര്യാ​ക്കോ​സ് മാ​ർ ക്ലീ​മി​സ്, കെ​സി​സി​പ്ര​സി​ഡ​ന്‍റ് അ​ല​ക്‌​സി​യോ​സ് മാ​ർ യൗ​സേ​ബി​യോ​സ്, സാ​മു​വ​ൽ മാ​ർ ഐ​റേ​നി​യോ​സ്, ഡോ. ​ഏ​ബ്ര​ഹാം മാ​ർ സെ​റാ​ഫിം, വി​കാ​രി ജ​ന​റാ​ൾ റ​വ.​ ജോ​ർ​ജ് മാ​ത്യു, അ​ടൂ​ർ പ്ര​കാ​ശ് എം​പി, കെ.​യു. ജ​നീ​ഷ് കു​മാ​ർ എം​എ​ൽ​എ, കെ​സി​സി ജ​ന​റ​ൽ സെ​ക്ര​ട്ട​റി ഡോ. ​പ്ര​കാ​ശ് പി. ​തോ​മ​സ് തു​ട​ങ്ങി​യ​വ​ർ പ്ര​സം​ഗി​ക്കും.

കെ​സി​സി ത​ണ്ണി​ത്തോ​ട് സോ​ൺ ഭാ​ര​വാ​ഹി​ക​ളാ​യ റ​വ. ഡെ​യി​ൻ​സ് പി. ​സാ​മു​വ​ൽ, ഫാ. ​ഒ.​എം. ശ​മു​വേ​ൽ, അ​നീ​ഷ് തോ​മ​സ്, എ​ൽ.​എം. മ​ത്താ​യി എ​ന്നി​വ​ർ പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.