പത്തനംതിട്ട: ക്രിസ്തുവിന്റെ ജറൂസലെം പ്രവേശനത്തിന്റെ സ്മരണയിൽ ഇന്നു നടക്കുന്ന ഓശാന ശുശ്രൂഷകളോടെ ക്രൈസ്തവ ദേവാലയങ്ങളിൽ വിശുദ്ധവാര തിരുക്കർമങ്ങൾക്കു തുടക്ക മാകും.
കുരുത്തോല വെഞ്ചരിപ്പ്, പ്രദക്ഷിണം, വിശുദ്ധ കുർബാന എന്നിവയാണ് ഇന്നത്തെ പ്രധാന ശുശ്രൂഷകൾ. അടുത്ത ഒരാഴ്ച പീഡാസഹന സ്മരണയിൽ പ്രത്യേകം ശുശ്രൂഷകളും ധ്യാനവുമാണ് ക്രമീകരിച്ചിരിക്കുന്നത്. ഒന്പതിനു നടക്കുന്ന ഉത്ഥാനതിരുനാൾ ശുശ്രൂഷകളോടെയാണ് സമാപനം.
തിരുവല്ല: മാർത്തോമ്മ സഭാധ്യക്ഷൻ ഡോ. തിയഡോഷ്യസ് മാർത്തോമ്മ മെത്രാപ്പോലീത്ത ഓശാന ശുശ്രൂഷകൾക്ക് ആലപ്പുഴ സെന്റ് ജോർജ് മാർത്തോമ്മ പള്ളിയിൽ കാർമികത്വം വഹിക്കും.
സെന്റ് തോമസ് ഇവാൻജലിക്കൽ ചർച്ച് ഓഫ് ഇന്ത്യ പ്രിസൈഡിംഗ് ബിഷപ് ഡോ. തോമസ് ഏബ്രഹാം ഓശാന ശുശ്രൂഷക്ക് തിരുവനന്തപുരം പാറക്കോണം ഇടവക പള്ളിയിലും, പെസഹാ ശുശ്രൂഷക്ക് പൂന സെന്റ് തോമസിലും, ദുഃഖവെള്ളി ശുശ്രൂഷക്ക് ലോണാവാലയിലും, ഈസ്റ്റർ ശുശ്രൂഷക്ക് മുംബൈ കലീനയിലും കാർമികത്വം വഹിക്കും.
ഇവാൻജലിക്കൽ ചർച്ച് പ്രതിനിധി സഭാധ്യക്ഷൻ ബിഷപ് ഡോ. ഏബ്രഹാം ചാക്കോ ഓശാന ശുശ്രൂഷക്ക് ഇംഗ്ലണ്ടിൽ ഡാർട്ട്ഫോർഡിലും, ദുഃഖവെള്ളി ശുശ്രൂഷകൾക്ക് ഷെഫീൽഡിലും, ഈസ്റ്റർ ശുശ്രൂഷകൾക്ക് മാഞ്ചെസ്റ്ററിലും കാർമികത്വം വഹിക്കും.
പ്രക്കാനം: തോട്ടുപുറം സെന്റ് മേരീസ് ഓർത്തഡോക്സ് പള്ളിയിലെ ഹാശ ആഴ്ച ശുശ്രൂഷകൾക്ക് വികാരി ഫാ. തോമസ് കെ. ചാക്കോ നേതൃത്വം നൽകും. ഇന്നു രാവിലെ 6.45ന് ഓശാന ശുശ്രൂഷകൾ ആരംഭിക്കും.
പത്തനംതിട്ട മേരിമാതാ
ഫൊറോന പള്ളിയിൽ
പത്തനംതിട്ട: മേരിമാത ഫൊറോന ദേവാലയത്തിൽ വിശുദ്ധവാര തിരുക്കർമങ്ങൾക്ക് ഇന്നു തുടക്കമാകും. ഇന്നു രാവിലെ ഏഴിന് കുരുത്തോല വെഞ്ചരിപ്പ്, വിശുദ്ധ കുർബാന.
പെസഹവ്യാഴാഴ്ച വൈകുന്നേരം ആറിന് കാൽകഴുകൽ ശുശ്രൂഷയേ തുടർന്ന് വിശുദ്ധ കുർബാന, തുടർന്ന് ആരാധന. ദുഃഖവെള്ളിയാഴ്ച രാവിലെ ഏഴിന് സംയുക്ത കുരിന്റെ വഴി സെന്റ് പീറ്റേഴ്സ് കത്തീഡ്രലിലേക്കു നടക്കും. തുടർന്ന് ദേവാലയത്തിൽ തിരുക്കർമങ്ങൾ ആരംഭിക്കും. എട്ടിനു രാവിലെ 6.30ന് മാമ്മോദീസ വ്രത നവീകരണം, വിശുദ്ധ കുർബാന. ഒന്പതിനു പുലർച്ചെ മൂന്നിന് ഉയിർപ്പ് തിരുക്കർമങ്ങൾ, വിശുദ്ധ കുർബാന. രാവിലെ 6.30ന് കുർബാന എന്നിവ ഉണ്ടാകും. വികാരി ഫാ. ജേക്കബ് പുറ്റാനിക്കൽ മുഖ്യകാർമികത്വം വഹിക്കും.
പത്തനംതിട്ട സെന്റ് പീറ്റേഴ്സ് കത്തീഡ്രലിൽ
പത്തനംതിട്ട: സെന്റ് പീറ്റേഴ്സ് കത്തീഡ്രലിൽ ഇന്നു രാവിലെ 7.30ന് ഓശാന തിരുക്കർമങ്ങൾ ആരംഭിക്കും. പ്രഭാത പ്രാർഥന, വിശുദ്ധ കുർബാന, പ്രദക്ഷിണം, കുരുത്തോല വെഞ്ചരിപ്പ് എന്നിവയോടെയാണ് ശുശ്രൂഷകൾ. വികാരി ഫാ. ഏബ്രഹാം മണ്ണിൽ കാർമികനാകും.
സെന്റ് ജോൺ ഓഫ് ദി
ക്രോസ് പള്ളിയിൽ
അടൂർ: സെന്റ് ജോൺ ഓഫ് ദി ക്രോസ് കത്തോലിക്കാ പള്ളി യിൽ വിശുദ്ധവാരത്തിരുക്കർമങ്ങൾ ഇന്ന് ആരംഭിക്കും. രാവിലെ പത്തിന് ഹോളിക്രോസ് ആശുപത്രി ചാപ്പലിൽനിന്നു കുരുത്തോല പ്രദക്ഷിണം ആരംഭിക്കും. തുടർന്ന് ഓശാന ശുശ്രൂഷയും കുർബാനയും.
പെസഹവ്യാഴം വൈകുന്നേരം ആറിന് തിരുവത്താഴ ദിവ്യപൂജ, പാദക്ഷാളനകർമം, ദിവ്യകാരുണ്യ ആരാധന. ദു:ഖവെള്ളി രാവിലെ ഏഴിനു സംയുക്ത കുരിശിന്റെ വഴി മാർ സ്ലീവ കത്തോലിക്കാ ദേവാലയത്തിൽനിന്ന് ആരംഭിച്ച് തിരുഹൃദയ കത്തോലിക്കപ്പള്ളിയിൽ സമാപിക്കും. തുടർന്ന് സെന്റ് ജോൺ ദേവാലയത്തിൽ ആരാധന.
എട്ടിനു രാത്രി ഒന്പതിന് ഉത്ഥാന തിരുനാൾ ശുശ്രൂഷകൾ ആരംഭിക്കും. രാവിലെ ഏഴിന് ഹോളിക്രോസ് ചാപ്പലിലും ദിവ്യബലി ഉണ്ടാകും.
കണ്ണങ്കോട് ഓർത്തഡോക്സ് പള്ളിയിൽ
അടൂർ: കണ്ണംകോട് സെന്റ് തോമസ് ഓർത്തഡോക്സ് കത്തീഡ്രലിൽ ഓശാനയോടനുബന്ധിച്ച് ഇന്നു രാവിലെ 6.30ന് പ്രഭാത നമസ്കാരം തുടർന്നു വിശുദ്ധ കുർബാന, കുരുത്തോല പ്രദക്ഷിണം. വൈകുന്നേരം സന്ധ്യാപ്രാർഥന എന്നിവ നടക്കും.
പെസഹാ വ്യാഴം പുലർച്ചെ രണ്ടിന് ശുശ്രൂഷ ആരംഭിക്കും. ദുഃഖവെള്ളി ശുശ്രൂഷകൾ രാവിലെ എട്ടിന് ആരംഭിക്കും. ഡോ. തോമസ് ജോസഫ് വചനശുശ്രൂഷ നിർവഹിക്കും. ഈസ്റ്റർ ശുശ്രൂഷ ഒന്പതിനു പുലർച്ചെ രണ്ടിന് ആരംഭിക്കും. വികാരി ഫാ. ജോൺ തോമസ് സന്ദേശം നൽകും.
ആറാട്ടുപുഴ
സെന്റ് മേരീസ് പള്ളിയില്
കോഴഞ്ചേരി: ആറാട്ടുപുഴ സെന്റ് മേരീസ് ഓര്ത്തഡോക്സ് പള്ളിയില് വിശുദ്ധവാരത്തോടനുബന്ധിച്ച് ഇന്നു രാവിലെ 6.30ന് പ്രഭാത പ്രാര്ഥന, വിശുദ്ധ കുര്ബാന, ഓശാന ശുശ്രൂഷകള്. തുടര്ന്നുള്ള ദിവസങ്ങളില് ഉച്ചയ്ക്ക് 12ന് ഉച്ചനമസ്കാരം വൈകുന്നേരം ആറിന് സന്ധ്യാനമസ്കാരം.
ആറിനു പുലര്ച്ചെ 2.30ന് പെസഹാ ശുശ്രൂഷ, ഉച്ചകഴിഞ്ഞു 2.30ന് കാല്കഴുകല് ശുശ്രൂഷ. ദുഃഖവെള്ളി ശുശ്രൂഷ രാവിലെ എട്ടിനാരംഭിക്കും, ശനി രാവിലെ കുര്ബാന, സെമിത്തേരിയില് പൊതുധൂപാര്പ്പണം, ഒമ്പതിനു പുലര്ച്ചെ 2.30ന് ഉയിര്പ്പിന്റെ ശുശ്രൂഷ. ശുശ്രൂഷകള്ക്ക് ചെന്നൈ ഭദ്രാസനാധിപന് ഗീവര്ഗീസ് മാര് പീലക്സിനോസ് മെത്രാപ്പോലീത്ത നേതൃത്വം നല്കും.
വഞ്ചിത്ര മാർ ബസ്ഹാനനീയ പള്ളിയിൽ
കോഴഞ്ചേരി: വഞ്ചിത്ര മാര് ബസ്ഹാനനീയ ഓര്ത്തഡോക്സ് ഇടവകയിലെ ഹാശആഴ്ച ശുശ്രൂഷകളോടനുബന്ധിച്ച് ഇന്നു രാവിലെ 6.45ന് പ്രഭാത പ്രാർഥന, തുടർന്ന് വിശുദ്ധ കുർബാന, ഓശാന ശുശ്രൂഷ. വൈകുന്നേരം 6.30ന് സന്ധ്യാപ്രാർഥന, ധ്യാനം. പ്രഫ. ജോൺ കുര്യൻ പ്രസംഗിക്കും.
തുടർന്നുള്ള ദിവസങ്ങളിലും സന്ധ്യാപ്രാർഥന ഉണ്ടാകും. ആറിനു പുലർച്ചെ രണ്ടിന് പെസഹാശുശ്രൂഷയും ദുഃഖവെള്ളി ശുശ്രൂഷകളും രാവിലെ ഏഴിനും നടക്കും.
ദുഃഖശനിയാഴ്ച രാവിലെ 8.30ന് പ്രഭാത പ്രാർഥന, വിശുദ്ധ കുർബാന. ഒന്പതിന് പുലർച്ചെ രണ്ടിന് ഉയിർപ്പ് ശുശ്രൂഷ ആരംഭിക്കും. വികാരി ഫാ. ഡോ. തോംസണ് റോബി നേതൃത്വം നല്കും.