എഴുമറ്റൂരില് വീണ്ടും കാട്ടുപന്നിവേട്ട
1281336
Sunday, March 26, 2023 10:56 PM IST
എഴുമറ്റൂര്: ഗ്രാമപഞ്ചായത്ത് തെള്ളിയൂര് വാര്ഡില് കാട്ടുപന്നിയെ വെടിവച്ചു. കഴിഞ്ഞദിവസം പുലര്ച്ചെ ഒട്ടമാങ്കല് സൂസമ്മ കോശിയുടെ കൃഷിയിടത്തില് ഇറങ്ങിയ പന്നിയെയാണ് വെടിവച്ചത്. ഏകദേശം 150 കിലോയോളം തൂക്കം വരുന്ന ഒറ്റയാന് പന്നിയെ പഞ്ചായത്ത് നിയമിച്ച ഷൂട്ടര് ജോസ് പ്രകാശ് വെടിവച്ച് വീഴ്ത്തി.
അതിനു തൊട്ടുമ്പ് പതിനൊന്നാം വാര്ഡില്നിന്ന് മൂന്നു പന്നിയെ ജോസ് പ്രകാശ് വെടിവച്ച് വീഴ്ത്തിയിരുന്നു. വാര്ഡു മെംബര് ശ്രീജ ടി. നായര്, വൈസ് പ്രസിഡന്റ്. ജേക്കബ്. കെ. ഏബ്രാഹാം, എന്നിവരുടെ സാന്നിധ്യത്തില് പന്നിയെ ശാസ്ത്രീയമായ രീതിയില് മറവ് ചെയ്തു.
ടോള്മെന് അസോസിയേഷന് സമ്മേളനം
അടൂര്: ഉയരക്കാരുടെ സംഘടനയായ കേരള ടോള്മെന് അസോസിയേഷന് ഏഴാമത് തെക്കന് മേഖലാ സമ്മേളനം ഏനാത്ത് നടന്നു. റ്റിഎംഎ സംസ്ഥാന പ്രസിഡന്റ് സുബിന് തങ്കച്ചന് അധ്യക്ഷത വഹിച്ചു. ഓള് കേരള കാറ്ററിംഗ് അസോസിയേഷന് സംസ്ഥാന സെക്രട്ടറി പ്രശാന്ത് ആതിര ഉദ്ഘാടനം ചെയ്തു. എകെസിഎ ജില്ലാ പ്രസിഡന്റ് വിജയന് നടമംഗലത്തു മുഖ്യാതിഥിയായിരുന്നു. പത്തനംതിട്ട ജില്ലാ ക്യാപ്റ്റന് ഷിയാദ്, റ്റിഎംഎ സംസ്ഥാന സെക്രട്ടറി രാകേഷ് പനങ്ങാട്, ട്രഷറര് ലൈജു പുത്തന്വേലിക്കര, സംസ്ഥാന കമ്മിറ്റി അംഗങ്ങൾ തുടങ്ങിയവര് പ്രസംഗിച്ചു.