പത്തനംതിട്ട: രാജ്യത്ത് ജുഡീഷറിയെപ്പോലും വിശ്വസിക്കാൻ പറ്റാത്ത സ്ഥിതിയായിരിക്കുകയാണെന്ന് കെപിസിസി ജനറൽ സെക്രട്ടറി പഴകുളം മധു. കോൺഗ്രസ് നേതാവ് രാഹുൽ ഗാന്ധിക്കെതിരായ കോടതി വിധിയിലെ രാജ്യവ്യാപക പ്രതിഷേധത്തിന്റെ ഭാഗമായി ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ പത്തനംതിട്ടയിൽ സംഘടിപ്പിച്ച വായ് മൂടിക്കെട്ടി പ്രകടനവും ടെലിഫോൺ ഭവൻ ധർണയും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പിൽ അധ്യക്ഷത വഹിച്ചു. മുൻ ഡിസിസി പ്രസിഡന്റ് പി. മോഹൻരാജ്, ഡിസിസി ജനറൽ സെക്രട്ടറിമാരായ സാമുവൽ കിഴക്കുപുറം, എം.എസ്. പ്രകാശ്, മണ്ഡലം പ്രസിഡന്റുമാരായ റെനീസ് മുഹമ്മദ്, എം.ആർ. രമേശ്, ബ്ലോക്ക് വൈസ് പ്രസിഡന്റുമാരായ സജി കെ. സൈമൺ, പി.കെ. ഇക്ബാൽ, യൂത്ത് കോൺഗ്രസ് സംസ്ഥാന നിർവാഹക സമിതി അംഗം നഹാസ് പത്തനംതിട്ട, ഷാനവാസ് പെരിങ്ങമല തുടങ്ങിയവർ പ്രസംഗിച്ചു.
പത്തനംതിട്ട: കെഎസ്യു നേതൃത്വത്തിൽ പത്തനംതിട്ട പോസ്റ്റ് ഓഫീസിലേക്കു നടത്തിയ മാർച്ച് സംസ്ഥാന പ്രസിഡന്റ് അലോഷ്യസ് സേവ്യർ ഉദ്ഘാടനം ചെയ്തു. പോസ്റ്റ് ഓഫീസിലേക്ക് തള്ളി കയറാൻ ശ്രമിച്ച പ്രവർത്തകരെ പോലീസ് ബലം പ്രയോഗിച്ചു നീക്കി.
കെഎസ്യു ജില്ലാ പ്രസിഡന്റ് അൻസാർ മുഹമ്മദ് അധ്യക്ഷത വഹിച്ചു. ജില്ലാ സെക്രട്ടറിമാരായ നിതിൻ മണക്കാട്ട്മണ്ണിൽ, അലൻ ജിയോ മൈക്കിൾ, നിയോജകമണ്ഡലം പ്രസിഡന്റ് നേജോ മെഴുവേലി, ജില്ലാ കമ്മിറ്റി അംഗങ്ങളായ ബി.കെ. തദാഗത്, സ്റ്റൈൻസ്, ഭാരവാഹികളായ ഗണേഷ്, ജോൺ കിഴക്കേതിൽ, ടെറിൻ, മെബിൻ നിരവേൽ, സെബി, ആൽവിൻ, ജോബി, അഖിൽ തുടങ്ങിയവർ പരിപാടിക്ക് നേതൃത്വം നൽകി.