ഉതിമൂട്: പുനലൂര്‍ - മൂവാറ്റുപുഴ സംസ്ഥാനപാതയുടെ റോഡ് നിര്‍മാണത്തിലെ അപാകതകള്‍ പരിഹരിക്കണമെന്നാവശ്യപ്പെട്ടു കേരള കോണ്‍ഗ്രസ് - എം റാന്നി മണ്ഡലം കമ്മിറ്റിയുടെ ആഭിമുഖ്യത്തില്‍ ജംഗ്ഷനില്‍ നീക്കം ചെയ്യാതെ കൂട്ടിയിട്ടിരിക്കുന്ന മരത്തടിയുടെ മുകളില്‍ കയറി പ്രതിഷേധ ധര്‍ണ നടത്തി.
റോഡ് പണിയുടെ നിര്‍മാണവുമായി ബന്ധപ്പെട്ട പ്രദേശവാസികളും ഓട്ടോ തൊഴിലാളികളും വ്യാപാരികളും നേരിടുന്ന ബുദ്ധിമുട്ട് അതിരുകടന്ന് സാഹചര്യത്തിലാണ് പ്രതിഷേധവുമായി കേരള കോണ്‍ഗ്രസ് -എം രംഗത്തെത്തിയത്. അടിയന്തരമായി പരിഹരിക്കേണ്ട വിഷയങ്ങള്‍ കെഎസ്ടിപി ഉദ്യോഗസ്ഥരുടെയും കരാര്‍ കമ്പനിയുടെയും ശ്രദ്ധയില്‍പ്പെടുത്തിയതായി ഭാരവാഹികള്‍ പറഞ്ഞു.
കേരള കോണ്‍ഗ്രസ് ഉന്നതാധികാര സമിതി അംഗം ടി. ഒ. ഏബ്രഹാം തോട്ടത്തില്‍ ധര്‍ണ ഉദ്ഘാടനം ചെയ്തു. മണ്ഡലം പ്രസിഡന്‍റ് ദിലീപ് ഫിലിപ്പ് അധ്യക്ഷത വഹിച്ചു.
ആലിച്ചന്‍ ആറൊന്നില്‍ മുഖ്യപ്രഭാഷണം നടത്തി. ജോര്‍ജ് ഏബ്രഹാം, ഷെറി തോമസ്, വര്‍ഗീസ് പേരയില്‍, സജു മിഖായേല്‍, റിന്‍റോ തോപ്പില്‍, ബോബി കാക്കനാപള്ളില്‍, ജോണ്‍ വി. തോമസ്, ബഹനാന്‍ ജോസഫ്,സണ്ണി ഇടയാടി, ടിബു പുരക്കല്‍, ശോഭ ചാര്‍ളി, ജിജി തോമസ്, സണ്ണി വളഞ്ഞന്‍തുരുത്തില്‍, സരണ്‍ നമ്പൂതിരി, സൂസമ്മ ബേബി, വി.പി. ഗോപി എന്നിവര്‍ പ്രസംഗിച്ചു.