തിരുവല്ല: ജനദ്രോഹ ബജറ്റിനെതിരേ കോണ്‍ഗ്രസ് കുറ്റൂര്‍ മണ്ഡലം കമ്മിറ്റിയുടെ നേതൃത്വത്തില്‍ കരിദിനമാചരിച്ചു. ആറാട്ടുകടവ് ജംഗ്ഷനില്‍ നിന്നും ആരംഭിച്ച പന്തം കൊളുത്തി പ്രകടനം കുറ്റൂര്‍ ജംഗ്ഷനില്‍ സമാപിച്ചു.
പി.എ. ഏബ്രഹാം കുഴികണ്ടത്തില്‍ അധ്യക്ഷത വഹിച്ച സമ്മേളനം ജിനു തോമ്പുംകൂഴി ഉദ്ഘാടനം ചെയ്തു. വിശാഖ് വെണ്‍പാല, സാബു കണ്ണാടിപ്പുഴ, വി. എം. സദാശിവന്‍ പിള്ള, ഹരികുമാര്‍ പാട്ടപറമ്പില്‍, അഭിലാഷ് വെട്ടിക്കാട്ടില്‍, ജോസ് വല്യയൂഴത്തില്‍, തമ്പി കന്നാകുഴിയില്‍, ആന്റണി, കുഞ്ഞുമോന്‍ കോടത്ത്, അനൂപ് കോടത്ത്, ശ്രിനിവാസന്‍ എന്നിവര്‍ പ്രസംഗിച്ചു.
വലിച്ചെറിയല്‍ മുക്ത കേരളം പദ്ധതിക്ക്
തുടക്കമായി
അത്തിക്കയം: നാറാണംമൂഴി ഗ്രാമപഞ്ചായത്തില്‍ വലിച്ചെറിയല്‍ മുക്ത കേരളം കാമ്പയിനും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി റോസ്ഗര്‍ ദിനാചരണവും നടന്നു.
നാറാണമൂഴി ഗ്രാമപഞ്ചായത്തിലെ ഹരിതകര്‍മ സേന അംഗങ്ങളും കക്കുടുമണ്‍ വാര്‍ഡിലെ തൊഴിലുറപ്പ് തൊഴിലാളികളും സംയുക്തമായി അത്തിക്കയം ചെത്തോങ്കര റോഡിലെ വനം ഉള്‍പ്പെടുന്ന കക്കൂടുമണ്‍ മുതല്‍ കരികുളം വരെയുള്ള റോഡിന്‍റെ വശങ്ങളിലെ മാലിന്യം നീക്കം ചെയ്തു. നാറാണമൂഴി ഗ്രാമപഞ്ചായത്ത് വൈസ് പ്രസിഡന്‍റ് രാജന്‍ നീറുപ്ലക്കല്‍ ഉദ്ഘാടനം നിര്‍വഹിച്ചു. ആനിയമ്മ അച്ചന്‍കുഞ്ഞ് ഗ്രാമപഞ്ചായത്ത് അംഗങ്ങളായ സാംജി ഇടമുറി, തോമസ് ജോര്‍ജ്, റോസമ്മ വര്‍ഗീസ് സെക്രട്ടറി എ. സുരേഷ്, അസിസ്റ്റന്‍റ് സെക്രട്ടറി രാജീവ് കൃഷ്ണന്‍, കരികുളം ഫോറസ്റ്റ് ഓഫീസര്‍ സനല്‍ കുമാര്‍ എന്നിവര്‍ പ്രസംഗിച്ചു.