തിരുവല്ല: സാധാരണക്കാരന്റെ ജീവിതം ദുഃസഹമാക്കുന്നതിൽ കേന്ദ്ര, സംസ്ഥാന സർക്കാരുകൾ മത്സരിക്കുകയാണെന്ന് കേരള യൂത്ത് ഫ്രണ്ട്. സംസ്ഥാന ബജറ്റിലെ ജനദ്രോഹനയങ്ങൾക്കെതിരേ യൂത്ത് ഫ്രണ്ട് ജില്ലാ കമ്മിറ്റി തിരുവല്ലയിൽ സായാഹ്ന ധർണ നടത്തി.
കേരള കോൺഗ്രസ് വൈസ് ചെയർമാൻ ജോസഫ് എം. പുതുശേരി ഉദ്ഘാടനം ചെയ്തു. ജില്ലാ പ്രസിഡന്റ് ബിനു കുരുവിള കല്ലേമണ്ണിൽ അധ്യക്ഷത വഹിച്ചു.
സംസ്ഥാന ജനറൽ സെക്രട്ടറിമാരായ വി.ആർ. രാജേഷ്, ജോമോൻ ജേക്കബ്, വൈസ് പ്രസിഡന്റുമാരായ സജി കൂടാരത്തിൽ, അനീഷ് വി. ചെറിയാൻ, തിരുവല്ല നിയോജകമണ്ഡലം പ്രസിഡന്റ് ഡോ. റ്റിജു ചാക്കോ, ജെഫ് ബിജു ഈശോ, ടോണി കുര്യൻ, സിജു നിരണം, ബ്ലസൻ മാലിയിൽ, എബി നിലവറ, വി.ജെ. റെജി, ജേക്കബ് ചെറിയാൻ, പി.എം മാത്യു, ബിജു അലക്സ് മാത്യു സണ്ണി ഡാനിയേൽ എന്നിവർ പ്രസംഗിച്ചു.
ധൂർത്തിന്റെ ഭാരം സാധാരണക്കാരന്: യൂത്ത് കോൺഗ്രസ്
പത്തനംതിട്ട: നികുതി വർധനയിലൂടെ സാധാരണക്കാരന്റെ മേൽ ഭാരം ചുമത്തിയ ബജറ്റാണ് ധനമന്ത്രി അവതരിപ്പിച്ചിരിക്കുന്നതെന്ന് യൂത്ത് കോൺഗ്രസ് ജില്ലാ കമ്മിറ്റി. യുവാക്കൾ കൂട്ടത്തൊടെ പലായനം ചെയ്യുന്നു എന്ന ആത്മഗതം പറഞ്ഞു യാതൊരുവിധ പദ്ധതികളും ആസൂത്രണം ചെയ്യാൻ കഴിയാതെ വീമ്പു പറച്ചിൽ മാത്രമായി ബജറ്റ് മാറി. ഇന്ധന വിലവർധനയിൽ കേന്ദ്ര സർക്കാരിനെ ലജ്ജിപ്പിക്കുന്ന നടപടിയാണ് ബജറ്റിലുള്ളത്. എല്ലാ മേഖലയിലും ജനങ്ങൾക്ക് അധികഭാരം അടിച്ചേല്പിക്കുന്നത് അധികാരത്തിലിരിക്കുന്നവരുടെ ധൂർത്തിന്റെ പ്രതിഫലനമാണെന്ന് യൂത്ത് കോൺഗ്രസ് ജില്ലാ പ്രസിഡന്റ് എം.ജി. കണ്ണൻ കുറ്റപ്പെടുത്തി.