കി​ട​പ്പു​രോ​ഗി​യാ​യ വ​യോ​ധി​ക​യെ തീ​പ്പൊ​ള്ള​ലേ​റ്റു മ​രി​ച്ച നി​ല​യി​ൽ ക​ണ്ടെ​ത്തി
Thursday, February 2, 2023 10:27 PM IST
തി​രു​വ​ല്ല: കി​ട​പ്പു രോ​ഗി​യാ​യ വ​യോ​ധി​ക​യെ ദു​രൂ​ഹ സാ​ഹ​ച​ര്യ​ത്തി​ൽ വീ​ടി​നു​ള്ളി​ൽ തീ​പ്പൊ​ള്ള​ലേ​റ്റ് മ​രി​ച്ച നി​ല​യി​ൽ ക​ണ്ടെ​ത്തി. നെ​ടു​മ്പ്രം കോ​ച്ചാ​രി​മു​ക്കം തെ​ക്കേ​ട​ത്ത് മ​ത്താ​യി ഏ​ബ്ര​ഹാ​മി​ന്‍റെ ഭാ​ര്യ ഏ​ലി​യാ​മ്മ​യെ(83)​യാ​ണ് മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഫോ​റ​ൻ​സി​ക് വി​ദ​ഗ്ധ​രും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചു.
ഇ​ന്ന​ലെ രാ​വി​ലെ 11 ഓ​ടെ​യാ​ണ് ഏ​ലി​യാ​മ്മ​യു​ടെ മൃ​ത​ദേ​ഹം കി​ട​പ്പു​മു​റി​ക്കു​ള്ളി​ൽ ക​ത്തി​ക്ക​രി​ഞ്ഞ നി​ല​യി​ൽ കാ​ണ​പ്പെ​ട്ട​ത്. ബ​ന്ധു​ക്ക​ളും സ​മീ​പ​വാ​സി​ക​ളും എ​ത്തു​മ്പോ​ഴേ​ക്ക് മൃ​ത​ദേ​ഹം ഏ​താ​ണ്ട് പൂ​ർ​ണ​മാ​യും ക​ത്തി​ക്ക​രി‍​ഞ്ഞ നി​ല​യി​ലാ​യി​രു​ന്നു.
സം​ഭ​വ​ത്തെ​ത്തു​ട​ർ​ന്ന് വീ​ട്ടു​കാ​രാ​ണ് പോ​ലീ​സി​നെ വി​വ​രം അ​റി​യി​ച്ച​ത്. സം​ഭ​വം സം​ബ​ന്ധി​ച്ച് അ​ടു​ത്ത ബ​ന്ധു​ക്ക​ളു​ടെ പ​രാ​തി​യെ​ത്തു​ട​ർ​ന്ന് ഫോ​റ​ൻ​സി​ക് സം​ഘ​വും വി​ര​ല​ട​യാ​ള വി​ദ​ഗ്ധ​രും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. സം​ഭ​വ​ത്തി​ൽ സാ​ഹ​ച​ര്യ തെ​ളി​വു​ക​ൾ ശേ​ഖ​രി​ക്കു​ക​യും അ​ടു​ത്ത ബ​ന്ധു​ക്ക​ളു​ടെ​യും നാ​ട്ടു​കാ​രു​ടെ മൊ​ഴി രേ​ഖ​പ്പെ​ടു​ത്തു​ക​യും ചെ​യ്തു. മേ​ൽ​ന​ട​പ​ടി​ക​ൾ​ക്ക് ശേ​ഷം മൃ​ത​ദേ​ഹം പു​ഷ്പ​ഗി​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി.
പോ​ലീ​സ് സ​ർ​ജ​ന്‍റെ മേ​ൽ​നോ​ട്ട​ത്തി​ൽ മൃ​ത​ദേ​ഹം വെ​ള്ളി​യാ​ഴ്ച കോ​ട്ട​യം മെ​ഡി​ക്ക​ൽ കോ​ള​ജി​ൽ പോ​സ്റ്റു​മോ​ർ​ട്ടം ന​ട​ത്തും. പോ​സ്റ്റു​മോ​ർ​ട്ടം റി​പ്പോ​ർ​ട്ടും ഫോ​റ​ൻ​സി​ക് പ​രി​ശോ​ധ​നാ ഫ​ല​ങ്ങ​ളും ല​ഭി​ച്ച ശേ​ഷം മാ​ത്ര​മേ സം​ഭ​വം സം​ബ​ന്ധി​ച്ച കൂ​ടു​ത​ൽ വി​വ​ര​ങ്ങ​ൾ വ്യ​ക്ത​മാ​കൂ​വെ​ന്ന് പു​ളി​ക്കീ​ഴ് സി​ഐ ഇ.​ഡി. ബി​ജു പ​റ​ഞ്ഞു.
Copyright @ 2022 , Rashtra Deepika Ltd.