പത്തനംതിട്ട: കെ.എം. മാണി കേരള രാഷ്‌ട്രീയത്തിൽ കാരുണ്യത്തിന്‍റെ അടയാളം ചൊരിഞ്ഞ ജനകീയ നേതാവായിരുന്നെന്ന് ഗ്രീഗോറിയോസ് മാർ സ്തേഫാനോസ് എപ്പിസ്കോപ്പ. ഡോ. ജോർജ് മാത്യു എക്സ് എംഎൽഎ മെമ്മോറിയൽ ട്രസ്റ്റിന്‍റെ നേതൃത്വത്തിൽ നടത്തിയ കെ.എം. മാണിയുടെ 90-ാമത് ജന്മദിന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ട്രസ്റ്റ് ചെയർമാൻ വിക്ടർ ടി. തോമസ് അധ്യക്ഷത വഹിച്ച യോഗത്തിൽ സെക്രട്ടറി എൻ. ബാബു വർഗീസ്, ട്രഷറർ തമ്പി കുന്നുകണ്ടത്തിൽ, ബിനു കുരുവിള കല്ലേമണ്ണിൽ, കുഞ്ഞുമോൻ കെങ്കിരേത്ത്, മാത്യു മുളമൂട്ടിൽ, കോഴഞ്ചേരി പഞ്ചായത്ത് മെംബർ റോയി പുത്തൻപറമ്പിൽ, സാലി ഫിലിപ്പ്, പി.ജെ. ഏബ്രഹാം, ഉണ്ണികൃഷ്ണൻ എന്നിവർ പ്രസംഗിച്ചു.
കാരുണ്യദിനം ആചരിച്ചു
പത്തനംതിട്ട: മുൻമന്ത്രിയും കേരള കോൺഗ്രസ് നേതാവുമായിരുന്ന കെ.എം. മാണിയുടെ 90-ാം ജന്മദിനം കാരുണ്യദിനമായി ജില്ലയിൽ ആചരിച്ചു.
നിയോജക മണ്ഡലം കമ്മിറ്റികളുടെ നേതൃത്വത്തിൽ അഗതി മന്ദിരങ്ങളിൽ ഭക്ഷണവിതരണം, രക്തദാനം തുടങ്ങിയ പരിപാടികൾ നടത്തി.
റാന്നിയിൽ പ്രമോദ് നാരായൺ എംഎൽഎ, അടൂരിൽ ജോബ് മൈക്കിൾ എംഎൽഎ, തിരുവല്ലയിൽ ജില്ലാ പ്രസിഡന്‍റ് ചെറിയാൻ പോളച്ചിറക്കൽ, കോന്നിയിൽ ജില്ലാ ജനറൽ സെക്രട്ടറി ഏബ്രഹാം വാഴയിൽ, ആറന്മുളയിൽ നിയോജക മണ്ഡലം പ്രസിഡന്‍റ് കുര്യൻ മടക്കൽ എന്നിവർ പരിപാടികൾ ഉദ്ഘാടനം ചെയ്തു.
കോന്നി: കേരള സാംസ്‌കാരിക വേദിയുടെ നേതൃത്വത്തിൽ കോന്നിയിൽ നടന്ന രക്തസാക്ഷിത്വ ദിനാചരണ പരിപാടികൾ കേരള കോൺഗ്രസ്-എം ജില്ലാ ജനറൽ സെക്രട്ടറി ഏബ്രഹാം വാഴയിൽ ഉദ്ഘാടനം ചെയ്തു.
റഷീദ് മുളന്തറ അധ്യക്ഷത വഹിച്ചു. സാഹിത്യകാരൻ ഗിരീശൻ നായർ മുഖ്യസന്ദേശം നൽകി. ക്യാപ്റ്റൻ സി.വി. വർഗീസ്, സന്തോഷ്‌ കുമാർ, ജോർജ് മോഡി, രാജീസ് കൊട്ടാരം, അനീഷ്‌കുമാർ എന്നിവർ പ്രസംഗിച്ചു.