തി​രു​വ​ല്ല​യി​ൽ ചെ​യ​ർ​പേ​ഴ്സ​ണും കൗ​ൺ​സി​ല​ർ​മാ​രും ര​ണ്ടു ത​ട്ടി​ൽ
Tuesday, January 24, 2023 10:39 PM IST
തി​രു​വ​ല്ല: തി​രു​വ​ല്ല ന​ഗ​ര​സ​ഭ​യി​ൽ അ​സാ​ധാ​ര​ണ കൗ​ൺ​സി​ൽ യോ​ഗം വി​ളി​ച്ചു​കൂ​ട്ടി​യ സെ​ക്ര​ട്ട​റി​യു​ടെ ന​ട​പ​ടി​ക്കെ​തി​രേ ചെ​യ​ർ​പേ​ഴ്സ​ൺ. സെ​ക്ര​ട്ട​റി​ക്കെ​തി​രേ പ​രാ​തി ന​ൽ​കു​മെ​ന്നു ചെ​യ​ർ​പേ​ഴ്സ​ൺ ശാ​ന്ത​മ്മ വ​ർ​ഗീ​സ്. കൗ​ൺ​സി​ലി​ന്‍റെ അ​സാ​ധാ​ര​ണ യോ​ഗം വി​ളി​ച്ചു​കൂ​ട്ടേ​ണ്ട സാ​ഹ​ച​ര്യം നി​ല​വി​ലു​ണ്ടാ​യി​രു​ന്നി​ല്ലെ​ന്നും ചെ​യ​ർ​പേ​ഴ്സ​ൺ പ​റ​ഞ്ഞു.
ചെ​യ​ർ​പേ​ഴ്സ​ൺ വി​ട്ടു​നി​ന്ന സാ​ഹ​ച​ര്യ​ത്തി​ൽ വൈ​സ് ചെ​യ​ർ​മാ​ൻ ജോ​സ് പ​ഴ​യി​ട​ത്തി​ന്‍റെ അ​ധ്യ​ക്ഷ​ത​യി​ൽ തി​ങ്ക​ളാ​ഴ്ച​യാ​ണ് ന​ഗ​ര​സ​ഭ കൗ​ൺ​സി​ൽ യോ​ഗം ചേ​ർ​ന്ന​ത്. 39 അം​ഗ ഭ​ര​ണ​സ​മി​തി​യി​ലെ 33 പേ​ർ ഹാ​ജ​രാ​യി. പ​ദ്ധ​തി ഭേ​ദ​ഗ​തി​ക​ൾ അം​ഗീ​ക​രി​ക്കേ​ണ്ട അ​ടി​യ​ന്ത​ര സാ​ഹ​ച​ര്യ​ത്തി​ലാ​ണ് യോ​ഗം ചേ​ർ​ന്ന​തെ​ന്നു സെ​ക്ര​ട്ട​റി പ​റ​യു​ന്നു.
ച​ട്ട​പ്ര​കാ​ര​മെ​ന്നു സെ​ക്ര​ട്ട​റി
നി​യ​മ​പ്ര​കാ​രം കൗ​ൺ​സി​ല​ർ​മാ​ർ നോ​ട്ടീ​സ് ന​ൽ​കി​യ​തി​നെ​ത്തു​ട​ർ​ന്നാ​ണ് യോ​ഗം വി​ളി​ച്ച​ത്. ന​ഗ​ര​സ​ഭ ച​ട്ടം ന​ട​പ​ടി ക്ര​മ​ങ്ങ​ളി​ൽ ഇ​തി​ന് അ​നു​മ​തി​യു​ള്ള​താ​ണ്. 32 അം​ഗ​ങ്ങ​ൾ യോ​ഗം വി​ളി​ച്ചു​കൂ​ട്ടാ​ൻ ക​ത്തു ന​ൽ​കി​യി​രു​ന്നു. അം​ഗ​സം​ഖ്യ​യി​ൽ മൂ​ന്നി​ലൊ​ന്നി​ൽ കു​റ​യാ​ത്ത കൗ​ൺ​സി​ല​ർ​മാ​ർ രേ​ഖാ​മൂ​ലം ആ​വ​ശ്യ​പ്പെ​ട്ടാ​ൽ ന​ഗ​ര​സ​ഭ കൗ​ൺ​സി​ൽ യോ​ഗം വി​ളി​ച്ചു​കൂ​ട്ടാ​മെ​ന്നാ​ണ് വ്യ​വ​സ്ഥ. ഇ​തു​പ​യോ​ഗ​പ്പെ​ടു​ത്തി​യാ​ണ് യോ​ഗം വി​ളി​ച്ച​തെ​ന്നും സെ​ക്ര​ട്ട​റി വി​ശ​ദീ​ക​രി​ക്കു​ന്നു.
ഭേ​ദ​ഗ​തി അം​ഗീ​ക​രി​ക്കാ​ൻ
പ​ദ്ധ​തി ഭേ​ദ​ഗ​തി അം​ഗീ​ക​രി​ച്ചു ജി​ല്ലാ ആ​സൂ​ത്ര​ണ​സ​മി​തി​ക്കു കൈ​മാ​റേ​ണ്ട സാ​ഹ​ച​ര്യ​ത്തി​ലാ​ണ് യോ​ഗം വി​ളി​ച്ച​ത്. എ​ന്നാ​ൽ, പ​ദ്ധ​തി ഭേ​ദ​ഗ​തി ക​ഴി​ഞ്ഞ 13നു ​കൂ​ടി​യ യോ​ഗം അം​ഗീ​ക​രി​ച്ച​താ​ണെ​ന്നാ​ണ് ചെ​യ​ർ​പേ​ഴ്സ​ന്‍റെ വാ​ദം. അ​ന്ന് അ​ജ​ൻ​ഡ​യി​ൽ ഇ​തു​ണ്ടാ​യി​രു​ന്നു. ബ​ഹ​ളം കാ​ര​ണം യോ​ഗം അ​വ​സാ​നി​പ്പി​ച്ചെ​ങ്കി​ലും അ​ജ​ൻ​ഡ പാ​സാ​ക്കി​യ​താ​യി അ​ധ്യ​ക്ഷ എ​ന്ന നി​ല​യി​ൽ അ​റി​യി​ച്ചു​വെ​ന്നാ​ണ് ചെ​യ​ർ​പേ​ഴ്സ​ൺ പ​റ​യു​ന്ന​ത്. എ​ന്നാ​ൽ, ചെ​യ​ർ​പേ​ഴ്സ​ന്‍റെ വാ​ദം സെ​ക്ര​ട്ട​റി അം​ഗീ​ക​രി​ച്ചി​രു​ന്നി​ല്ല. തി​ങ്ക​ളാ​ഴ്ച ചേ​ർ​ന്ന യോ​ഗം ഏ​ക​ക​ണ്ഠ​മാ​യി​ട്ടാ​ണ് പ​ദ്ധ​തി ഭേ​ദ​ഗ​തി അം​ഗീ​ക​രി​ച്ച​ത്.
വ​സ്തു വാ​ങ്ങ​ൽ ത​ർ​ക്കം
ന​ഗ​ര​സ​ഭ​യി​ൽ മാ​ലി​ന്യ സം​സ്ക​ര​ണ​ത്തി​നാ​യി വ​സ്തു വാ​ങ്ങു​ന്ന​തു​മാ​യി ബ​ന്ധ​പ്പെ​ട്ട ത​ർ​ക്ക​മാ​ണ് ചെ​യ​ർ​പേ​ഴ്സ​ണും എ​ൽ​ഡി​എ​ഫ് കൗ​ൺ​സി​ല​ർ​മാ​രു​മാ​യു​ള്ള അ​ക​ൽ​ച്ച​യ്ക്കു കാ​ര​ണ​മെ​ന്നു പ​റ​യു​ന്നു. വി​വാ​ദ സ്ഥ​ലം വാ​ങ്ങു​ന്ന​തി​നോ​ടു യോ​ജി​പ്പി​ല്ലെ​ന്നു ചെ​യ​ർ പേ​ഴ്സ​ൺ പ​റ​ഞ്ഞി​രു​ന്നു. ഇ​തു​ൾ​പ്പെ​ടെ​യാ​ണ് പ​ദ്ധ​തി ഭേ​ദ​ഗ​തി​യാ​യി കൊ​ണ്ടു​വ​ന്ന​ത്. ഇ​തി​ന് അ​നു​മ​തി ന​ൽ​കാ​നാ​കി​ല്ലെ​ന്നും ചെ​യ​ർ​പേ​ഴ്സ​ൺ നി​ല​പാ​ടെ​ടു​ത്തു.
തു​ട​ർ​ന്നാ​ണ് തീ​രു​മാ​നം ന​ട​പ്പി​ലാ​ക്കാ​ൻ എ​ൽ​ഡി​എ​ഫ് കൗ​ൺ​സി​ല​ർ​മാ​ർ മു​ൻ​കൈ​യെ​ടു​ത്ത​തെ​ന്നു പ​റ​യു​ന്നു. യു​ഡി​എ​ഫ്, ബി​ജെ​പി അം​ഗ​ങ്ങ​ൾ ഇ​തി​ൽ വി​യോ​ജി​പ്പ് അ​റി​യി​ക്കു​ക​യും ചെ​യ്തി​രു​ന്നു. 32 -ാം വാ​ർി​ലാ​ണ് വ​ൻ​തു​ക ചെ​ല​വ​ഴി​ച്ചു വ​സ്തു വാ​ങ്ങു​ന്ന​ത്. ഇ​തു മാ​ലി​ന്യ സം​സ്ക​ര​ണ​ത്തി​ന് അ​നു​യോ​ജ്യ​മാ​യ സ്ഥ​ല​മാ​ണോ​യെ​ന്ന പ​രി​ശോ​ധ​ന പോ​ലും ന​ട​ന്നി​ട്ടി​ല്ലെ​ന്നും പ​റ​യു​ന്നു.
ഭ​ര​ണ​സ്തം​ഭ​ന​മെ​ന്ന് യു​ഡി​എ​ഫ്
തി​രു​വ​ല്ല ന​ഗ​ര​സ​ഭ​യി​ൽ ഭ​ര​ണ​സ്തം​ഭ​നം നി​ല​നി​ൽ​ക്കു​ക​യാ​ണെ​ന്നു യു​ഡി​എ​ഫ് പാ​ർ​ല​മെ​ന്‍റ​റി പാ​ർ​ട്ടി കു​റ്റ​പ്പെ​ടു​ത്തി. സ്വ​ന്തം അം​ഗ​ങ്ങ​ൾ വോ​ട്ടു ചെ​യ്ത് അ​ധി​കാ​ര​ത്തി​ലെ​ത്തി​ച്ച ചെ​യ​ർ​പേ​ഴ്സ​ണെ നി​യ​ന്ത്രി​ക്കാ​ൻ എ​ൽ​ഡി​എ​ഫി​നാ​കു​ന്നി​ല്ല. ന​ഗ​ര​സ​ഭ​യി​ലെ ഭ​ര​ണ​സ്തം​ഭ​നം കാ​ര​ണം വി​ക​സ​ന പ്ര​വ​ർ​ത്ത​ന​ങ്ങ​ളാ​ണ് താ​റു​മാ​റാ​കു​ന്ന​ത് - യു​ഡി​എ​ഫ് കൗ​ൺ​സി​ല​ർ സു​നി​ൽ ജേ​ക്ക​ബ് ചൂ​ണ്ടി​ക്കാ​ട്ടി. സാ​ന്പ​ത്തി​ക വ​ർ​ഷം അ​വ​സാ​നി​ക്കാ​ൻ ര​ണ്ടു മാ​സം മാ​ത്രം ബാ​ക്കി​നി​ൽ​ക്കേ നി​ല​വി​ലെ പ്ര​തി​സ​ന്ധി പ​രി​ഹ​രി​ക്ക​പ്പെ​ടേ​ണ്ട​തു​ണ്ട്.
ഭ​ര​ണ​സ്തം​ഭ​ന​ത്തി​നെ​തി​രേ യു​ഡി​എ​ഫ് പ്ര​ത്യ​ക്ഷ സ​മ​ര​പ​രി​പാ​ടി​ക​ളും ആ​രം​ഭി​ച്ചി​ട്ടു​ണ്ട്.
മു​ൻ ചെ​യ​ർ​മാ​ൻ ആ​ർ.​ജ​യ​കു​മാ​റു​മാ​യി ന​ഗ​ര​സ​ഭ ക​വാ​ട​ത്തി​ൽ ഉ​ണ്ടാ​യ ത​ർ​ക്ക​ങ്ങ​ളു​മാ​യി ബ​ന്ധ​പ്പെ​ട്ടു സെ​ക്ര​ട്ട​റി​യു​മാ​യും യു​ഡി​എ​ഫ് സ്വ​ര​ചേ​ർ​ച്ച​യി​ൽ അ​ല്ല.

ചെ​യ​ർ​പേ​ഴ്സ​നെ ത​ള്ളി എ​ൽ​ഡി​എ​ഫും

തി​രു​വ​ല്ല ന​ഗ​ര​സ​ഭ​യി​ൽ ക​ഴി​ഞ്ഞ ജൂ​ൺ 16നു ​ന​ട​ന്ന ഭ​ര​ണ​മാ​റ്റ​ത്തി​നി​ടെ​യി​ലാ​ണ് യു​ഡി​എ​ഫി​ലെ കേ​ര​ള കോ​ൺ​ഗ്ര​സ് അം​ഗ​മാ​യി​രു​ന്ന ശാ​ന്ത​മ്മ വ​ർ​ഗീ​സി​നെ മ​റു​ക​ണ്ടം ചാ​ടി​ച്ച് എ​ൽ​ഡി​എ​ഫ് പാ​ള​യ​ത്തി​ലാ​ക്കി​യ​ത്. ഇ​രു​മു​ന്ന​ണി​ക​ൾ​ക്കും വ്യ​ക്ത​മാ​യ ഭൂ​രി​പ​ക്ഷ​മി​ല്ലാ​തി​രു​ന്ന സാ​ഹ​ച​ര്യ​ത്തി​ൽ ന​റു​ക്കെ​ടു​പ്പി​ലൂ​ടെ ഭാ​ഗ്യം തു​ണ​ച്ചാ​ണ് ശാ​ന്ത​മ്മ അ​ധ്യ​ക്ഷ​യാ​യ​ത്. ചെ​യ​ർ​പേ​ഴ്സ​ണാ​യി​രു​ന്ന കോ​ൺ​ഗ്ര​സി​ലെ ബി​ന്ദു ജ​യ​കു​മാ​ർ യു​ഡി​എ​ഫ് ധാ​ര​ണ​പ്ര​കാ​രം രാ​ജി​വ​ച്ച ഒ​ഴി​വി​ലാ​യി​രു​ന്നു തെ​ര​ഞ്ഞെ​ടു​പ്പ്. ശാ​ന്ത​മ്മ വ​ർ​ഗീ​സ് മ​റു​ക​ണ്ടം ചാ​ടി​യ​തോ​ടെ ഇ​രു​മു​ന്ന​ണി​ക​ളും 16 വീ​തം വോ​ട്ട് നേ​ടി. ഭാ​ഗ്യം തു​ണ​ച്ച് അ​ധ്യ​ക്ഷ സ്ഥാ​ന​ത്തെ​ത്തി​യ ശാ​ന്ത​മ്മ വ​ർ​ഗീ​സ​ിന് ഭ​ര​ണ​ത്തി​ൽ തു​ട​രാ​ൻ എ​ൽ​ഡി​എ​ഫ് പാ​ർ​ല​മെ​ന്‍റ​റി പാ​ർ​ട്ടി​യു​ടെ പി​ന്തു​ണ ഉ​ണ്ടാ​യി​രു​ന്നു.
യു​ഡി​എ​ഫി​ലെ കേ​ര​ള കോ​ൺ​ഗ്ര​സ് പ്ര​തി​നി​ധി ജോ​സ് പ​ഴ​യി​ട​മാ​ണ് വൈ​സ് ചെ​യ​ർ​മാ​ൻ. എ​ന്നാ​ൽ, സ്വ​ന്തം നി​ല​യി​ൽ ഭ​ര​ണം മു​ന്നോ​ട്ടു കൊ​ണ്ടു​പോ​കു​ന്നു​വെ​ന്ന പ​രാ​തി ഉ​ണ്ടാ​യ​തോ​ടെ​യാ​ണ് എ​ൽ​ഡി​എ​ഫ് അം​ഗ​ങ്ങ​ൾ ചെ​യ​ർ​പേ​ഴ്സ​ണു​മാ​യി അ​ക​ന്ന​ത്. ക​ഴി​ഞ്ഞ കൗ​ൺ​സി​ൽ യോ​ഗ​ങ്ങ​ളി​ൽ ഇ​തു പ്ര​ക​ട​മാ​കു​ക​യും ചെ​യ്തു. ചെ​യ​ർ​പേ​ഴ്സ​ൺ യോ​ഗം വി​ളി​ക്കാ​ത്ത സാ​ഹ​ച​ര്യ​ത്തി​ൽ ച​ട്ട​പ്ര​കാ​രം യോ​ഗം വി​ളി​ക്കാ​ൻ സെ​ക്ര​ട്ട​റി​ക്കു നോ​ട്ടീ​സ് ന​ൽ​കാ​ൻ മു​ന്നി​ട്ടി​റ​ങ്ങി​യ​തും എ​ൽ​ഡി​എ​ഫ് കൗ​ൺ​സി​ല​ർ​മാ​രാ​ണ്.

Copyright @ 2022 , Rashtra Deepika Ltd.