വി​ശ​ന്നി​രി​ക്കു​ന്ന​വ​ർ​ക്ക് സാ​ന്ത്വ​ന​മാ​യി ശ്രേ​യ​സ് 1200 ദി​വ​സം പി​ന്നി​ട്ട് സു​കൃ​തം പ​ദ്ധ​തി
Thursday, December 8, 2022 11:09 PM IST
തു​മ്പ​മ​ൺ: വി​ശ​ന്നി​രി​ക്കു​ന്ന​വ​ർ​ക്ക് ആ​ശ്വാ​സ​മാ​യി തു​മ്പ​മ​ൺ ശ്രേ​യ​സി​ന്‍റെ സു​കൃ​തം പ​ദ്ധ​തി 1200 ദി​വ​സ​ങ്ങ​ൾ പി​ന്നി​ടു​ന്നു. മാ​ർ​ത്തോ​മ്മ സ​ഭ ചെ​ങ്ങ​ന്നൂ​ർ-​മാ​വേ​ലി​ക്ക​ര ഭ​ദ്രാ​സ​ന​ത്തി​ന്‍റെ ക​രു​ത​ൽ പ്രോ​ജ​ക്ടാ​യ തു​മ്പ​മ​ൺ ശ്രേ​യ​സി​ലൂ​ടെ ന​ട​ത്തി വ​രു​ന്ന പ്ര​ഭാ​ത, ഉ​ച്ച​ഭ​ക്ഷ​ണ പ​ദ്ധ​തി​യാ​യ സു​കൃ​തം പാ​വ​പ്പെ​ട്ട ഒ​ട്ടേ​റെ ആ​ളു​ക​ൾ​ക്ക് സാ​ന്ത്വ​ന​മാ​വു​ക​യാ​ണ്. ഭ​ക്ഷ​ണ​മി​ല്ലാ​തെ ഒ​രാ​ളും വി​ശ​ന്നി​രി​ക്ക​രു​തെ​ന്ന ഭ​ദ്രാ​സ​നാ​ധ്യ​ക്ഷ​ൻ തോ​മ​സ് മാ​ർ തി​മോ​ത്തി​യോ​സ് എ​പ്പി​സ്കോ​പ്പ​യു​ടെ ക​രു​ത​ൽ ശു​ശ്രൂ​ഷ​യാ​ണ് സു​കൃ​തം പ​ദ്ധ​തി​യാ​യി രൂ​പ​പ്പെ​ട്ട​ത്. 2019 ഓ​ഗ​സ്റ്റ് ഒ​ന്നി​നാ​ണ് പ​ദ്ധ​തി​ക്ക് തു​ട​ക്ക​മാ​യ​ത്.

പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ലും കോ​ഴ​ഞ്ചേ​രി ജി​ല്ലാ ആ​ശു​പ​ത്രി​യി​ലു​മാ​യി രോ​ഗി​ക​ളും കൂ​ട്ടി​രി​പ്പു​കാ​രു​മാ​യ 400 പേ​ർ​ക്കാ​ണ് രാ​വി​ലെ​യും ഉ​ച്ച​യ്ക്കു​മാ​യി ഭ​ക്ഷ​ണം ന​ൽ​കു​ന്ന​ത്. പു​ല​ർ​ച്ചെ അ​ഞ്ചോ​ടെ ഇ​ഡ്ഢ​ലി​യും ക​റി​യും അ​ട​ങ്ങു​ന്ന ഭ​ക്ഷ​ണ പാ​ക്ക​റ്റു​ക​ളു​മാ​യി ശ്രേ​യ​സി​ന്‍റെ വാ​ഹ​നം പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യു​ടെ ക​വാ​ടം ക​ട​ന്നെ​ത്തും. ഉ​ച്ച​യ്ക്ക് ഒ​ന്നി​ന് ചോ​റു​മാ​യി​ട്ടാ​ണ് ര​ണ്ടാം വ​ര​വ്. ഞാ​യ​ർ ഒ​ഴി​കെ രാ​വി​ലെ​യും ഉ​ച്ച​യ്ക്കു​മാ​യി 250 പേ​ർ​ക്കാ​ണ് ജ​ന​റ​ൽ ആ​ശു​പ​ത്രി​യി​ൽ ഭ​ക്ഷ​ണം ന​ൽ​കു​ന്ന​ത്.

കോ​ഴ​ഞ്ചേ​രി ജി​ല്ലാ ആ​ശു​പ​ത്രി​യി​ൽ നൂ​റോ​ളം പേ​ർ​ക്ക് ഉ​ച്ച​ഭ​ക്ഷ​ണം ന​ൽ​കു​ന്നു​ണ്ട്. മെ​ഴു​വേ​ലി, കു​ള​ന​ട, ഇ​ല​ന്തൂ​ർ പ​ഞ്ചാ​യ​ത്തു​ക​ളി​ലാ​യി വീ​ടു​ക​ളി​ൽ ഒ​റ്റ​പ്പെ​ട്ടു ക​ഴി​യു​ന്ന 47 പേ​ർ​ക്ക് കൃ​ത്യ​മാ​യി ശ്രേ​യ​സ് വോ​ള​ണ്ടി​യേ​ഴ്സ് വീ​ടു​ക​ളി​ൽ ഉ​ച്ച​ഭ​ക്ഷ​ണം ന​ൽ​കി വ​രു​ന്നു. കാ​ൻ​സ​ർ, കി​ഡ്നി, ഹൃ​ദ്‌​രോ​ഗം തു​ട​ങ്ങി​യ മാ​ര​ക രോ​ഗി​ക​ളാ​യ 247 പേ​ർ​ക്ക് എ​ല്ലാ മാ​സ​വും ഭ​ക്ഷ്യ സാ​ധ​ന​ങ്ങ​ളു​ടെ കി​റ്റും വീ​ടു​ക​ളി​ലെ​ത്തി​ക്കാ​റു​ണ്ട്.

10 പേ​ർ​ക്ക് ഭ​വ​നം നി​ർ​മി​ച്ചു ന​ൽ​കു​ന്ന പ​ദ്ധ​തി​യും പൂ​ർ​ത്തി​യാ​യി വ​രു​ന്നു. നി​ർ​മാ​ണം പൂ​ർ​ത്തി​യാ​ക്കി​യ പ​ത്താ​മ​ത്തെ വീ​ടി​ന്‍റെ താ​ക്കോ​ൽ​ദാ​നം 13ന് ​ന​ട​ക്കും. ശ്രേ​യ​സി​ന്‍റെ നേ​തൃ​ത്വ​ത്തി​ൽ യു​വ​ജ​ന​ങ്ങ​ൾ അ​ട​ങ്ങു​ന്ന 51 വോ​ള​ണ്ടി​യ​ർ​മാ​ർ ക​രു​ത​ൽ പ​ദ്ധ​തി​യി​ൽ പ​ങ്കാ​ളി​ക​ളാ​ണ്.

തോ​മ​സ് മാ​ർ തി​മോ​ത്തി​യോ​സ് എ​പ്പി​സ്കോ​പ്പ ചെ​യ​ർ​മാ​നും റ​വ. ജോ​സി ഇ. ​ജോ​ർ​ജ് ഡ​യ​റ​ക്ട​റു​മാ​യു​മു​ള​ള 34 അം​ഗ ക​മ്മി​റ്റി പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കു​ന്നു.

Copyright @ 2022 , Rashtra Deepika Ltd.