കോഴഞ്ചേരി: ശാരീരിക, മാനസിക വെല്ലുവിളികൾ നേരിടുന്ന കുഞ്ഞുങ്ങളുടെ വിദ്യാഭ്യാസത്തിനും പുനരധിവാസത്തിനും വിവിധ മേഖലകളിൽ നടക്കുന്ന എല്ലാ പ്രവർത്തനങ്ങൾ ക്കും സംസ്ഥാന സർക്കാർ എല്ലാ പ്രോത്സാഹനങ്ങളും നൽകുമെന്ന് മന്ത്രി കെ.എൻ. ബാലഗോപാൽ. തെള്ളിയൂർ മാർത്തോമ്മ സെന്‍റർ ഫോർ റിഹാബിലിറ്റേഷൻ ആൻഡ് ഡവലപ്മെന്‍റ് റൂബി ജൂബിലി ആഘോഷങ്ങളുടെ സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
റൂബി ആഘോഷങ്ങളുടെ ഭാഗമായി നിർമിക്കുന്ന പ്രബോധന റിഹാബിലിറ്റേഷൻ ആൻഡ് വൊക്കേഷണൽ ട്രെയിനിംഗ് സെന്‍റർ ശിലാസ്ഥാപനം ഡോ. തിയഡോഷ്യസ് മാർത്തോമ്മ മെത്രാപ്പോലീത്ത നിർവഹിച്ചു.
റൂബി ആഘോഷങ്ങളുടെ ഭാഗമായി ആരംഭിച്ച ഏർലി ഇന്‍റർ സെന്‍റർ ഡോ. ജോസഫ് മാർ ബർണബാസ് സഫ്രഗൻ മെത്രാപ്പോലീത്ത സമർപ്പിച്ചു.
എംസിആർഡി പ്രസിഡന്‍റ് തോമസ് മാർ തീത്തോസ് എപ്പിസ്കോപ്പ അധ്യക്ഷത വഹിച്ചു. മാനസിക വെല്ലുവിളി നേരിടുന്ന കുഞ്ഞുങ്ങൾക്കായി ജീവിതം സമർപ്പിച്ചവരെ മാർത്തോമ്മ സഭാ സെക്രട്ടറി റവ. സി.വി. സൈമൺ മൊമെന്‍റോ നൽകി ആദരിച്ചു. വികാരി ജനറാൾമാരായ റവ. കെ.എം. മാമ്മൻ, റവ. ജോർജ് മാത്യു, മുൻ ക്ലർജി ട്രസ്റ്റി റവ. തോമസ് സി. അലക്സാണ്ടർ, ഗ്രാമപഞ്ചായത്ത്‌ പ്രസിഡന്‍റ് ജിജി പി. ഏബ്രഹാം, ഗ്രാമപഞ്ചായത്തംഗം ഉഷാ ജേക്കബ്, കാർഡ് ഡയറക്ടർ റവ. മോൻസി വർഗീസ്, മുൻ ട്രസ്റ്റി സുരേഷ് കോശി, ഗവേണിംഗ് ബോർഡ്‌ അംഗങ്ങളായ ശോശാമ്മ വർഗീസ്, എം.എ. മത്തായി, സ്കൂൾ പ്രിൻസിപ്പൽ തോമസ് ടി. ജോർജ്, മുൻ ഡയറക്ടർ റവ. തോമസ് ജോൺ, സഭാ ട്രസ്റ്റി രാജൻ ജേക്കബ്, മുൻ സഭാ ട്രസ്റ്റി ഡോ. ജേക്കബ് ജോർജ് മല്ലപ്പള്ളി, കേരള ഇൻഡസ്ട്രിയൽ എന്‍റർപ്രൈസസ് ചെയർമാൻ പീലിപ്പോസ് തോമസ്, എംസിആർഡി സെക്രട്ടറി കെ.കെ. ജോൺസൺ, ട്രഷറർ ഏബ്രഹാം മാത്യു പനച്ചമൂട്ടിൽ, പ്രോഗ്രാം കമ്മിറ്റി കൺവീനർ സാം ചെമ്പകത്തിൽ, ഡയറക്ടർ റവ. വിനോദ് ഈശോ എന്നിവർ പ്രസംഗിച്ചു.