തിരുവല്ല: 64-ാമത് കെ.സി. മാമ്മന് മാപ്പിള ട്രോഫിക്കു വേണ്ടിയുള്ള ഉത്രാടം തിരുനാള് പമ്പ ജലോത്സവത്തില് അമിച്ചകരി ബോട്ട് ക്ലബ് തുഴഞ്ഞ ഗബ്രിയേല് ചുണ്ടന് ജേതാക്കളായി. കുമരകം എന്സിഡിഎസ് ക്ലബ് തുഴഞ്ഞ നടുവിലെ പറമ്പന് രണ്ടാം സ്ഥാനവും പോലീസ് ബോട്ട് ക്ലബ് തുഴഞ്ഞ ദേവാസ് ചുണ്ടന് മൂന്നാം സ്ഥാനവും നേടി.
വെപ്പ് എ ഗ്രേഡില് ഷോട്ട് പുളിക്കത്തറയും വെപ്പ് ബി ഗ്രേഡില് ഏബ്രഹാം മൂന്നുതൈക്കനും, ഇരുട്ടുകുത്തി എ ഗ്രേഡില് മൂന്നു തെക്കനും ബി ഗ്രേഡില് സെന്റ് ജോസഫ് ജേതാക്കളായി.
ജലോത്സവം ഗോവ ഗവര്ണര് പി.എസ്. ശ്രീധരന് പിള്ള ഉദ്ഘാടനം ചെയ്തു. ജലോത്സവ സമിതി വര്ക്കിംഗ് പ്രസിഡന്റ് വിക്ടര് ടി. തോമസ് അധ്യക്ഷത വഹിച്ചു. ജല ഘോഷയാത്ര ആന്റോ ആന്റണി എംപി ഉദ്ഘാടനം ചെയ്തു. സമ്മാനദാനം ഹൈക്കോടതി ജഡ്ജി ബച്ചു കുര്യന് തോമസ് നിര്വഹിച്ചു. നെടുമ്പാശേരി എയര്പോര്ട്ട് ചീഫ് സെക്യൂരിറ്റി ഓഫീസര് സുനിത് ശര്മ, ഗ്രാമപഞ്ചായത്ത് പ്രസിഡന്റുമാരായ പ്രസന്നകുമാരി, ഗായത്രി ബി. നായര്, തിരുവല്ല സബ് കളക്ടര് ശ്വേതാ നാഗര്കോട്ടി, അജിത് പിഷാരത്ത്, എ.വി. കുര്യന് ആറ്റുമാലില്, ബിന്നി പി. ജോര്ജ്, പൊന്നൂസ് ജോസഫ്, വി.ആര്. രാജേഷ്, ജഗന് തോമസ്, അഞ്ചു കോച്ചേരി, പി.സി. ചെറിയാന്, ആര്. ഗോപകുമാര്, അനില് സി. ഉഷസ്, ജെയിംസ് ചെക്കാട്ട്, ഷിബു വി. വര്ക്കി, സജി കൂടാരത്തില് എന്നിവര് പ്രസംഗിച്ചു.