അടൂർ: ദുര്‍ബല വിഭാഗങ്ങളുടെ പുരോഗതിക്കു വേണ്ടി മുന്നിട്ടിറങ്ങുന്ന സേവന തത്പരരാകണം എസ്‌സി പ്രമോട്ടര്‍മാരെന്ന് ഡെപ്യൂട്ടി സ്പീക്കർ ചിറ്റയം ഗോപകുമാര്‍. പട്ടികജാതി വകുപ്പും കിലയും സംയുക്തമായി സംഘടിപ്പിച്ച ആലപ്പുഴ, പത്തനംതിട്ട ജില്ലകളിലെ എസ്‌സി പ്രൊമോട്ടര്മാര്ക്കും കമ്യൂണിറ്റി സോഷ്യല്‍ വര്‍ക്കര്‍മാര്‍ക്കുമുള്ള ത്രിദിന റസിഡന്‍ഷ്യല്‍ പരിശീലന പരിപാടി പഴകുളം പാസില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
പട്ടികജാതി വികസന വകുപ്പ് ഡെപ്യൂട്ടി ഡയറക്ടര്‍ കെ.കെ. ഷാജു അധ്യക്ഷത വഹിച്ചു.
പത്തനംതിട്ട ജില്ലാ പട്ടികജാതി വികസന ഓഫീസര്‍ ആര്‍. രഘു, ആലപ്പുഴ പട്ടികജാതി വികസന ഓഫീസര്‍ ബഞ്ചമിന്‍, ജനകീയാസൂത്രണം പത്തനംതിട്ട ജില്ലാ ഫെസിലിറ്റേറ്റര്‍ എ.ആര്‍. അജീഷ് കുമാര്‍, ജില്ലാ പഞ്ചായത്ത് ആസൂത്രണ സമിതി ഉപാധ്യക്ഷന്‍ അജിത് കുമാര്‍ എന്നിവര്‍ പ്രസംഗിച്ചു.
അധ്യാപക ജാഥ നടത്തി
പത്തനംതിട്ട: ദേശീയ വിദ്യാഭ്യാസം തിരുത്തുക, ദേശീയ പെൻഷൻ പദ്ധതി ഉപേക്ഷിക്കുക, പിഎഫ്ആർഡിഎ പിൻവലിക്കുക തുടങ്ങിയ ആവശ്യങ്ങളുന്നയിച്ച് സ്കൂൾ ടീച്ചേഴ്സ് ഫെഡറേഷൻ ഓഫ് ഇന്ത്യ നടത്തുന്ന ദേശീയ പ്രക്ഷോഭത്തിന്‍റെ ഭാഗമായി കെഎസ്ടിഎ ജില്ലാകമ്മിറ്റി നേതൃത്വത്തിൽ അധ്യാപക ജാഥ നടത്തി.
കെഎസ്ടിഎജില്ലാ സെക്രട്ടറി ബിനു ജേക്കബ് നൈനാനു പതാക കൈമാറി കെ.യു. ജനീഷ് കുമാർ എംഎൽഎ ഉദ്ഘാടനം ചെയ്തു.
ജില്ലാ പ്രസിഡന്‍റ് പി.ജി. ആനന്ദൻ അധ്യക്ഷത വഹിച്ചു. സംസ്ഥാന എക്സിക്യൂട്ടീവംഗം സി. ബിന്ദു, സംസ്ഥാന കമ്മിറ്റിയംഗങ്ങളായ എൻ.ഡി. വത്സല, പി.കെ. പ്രസന്നൻ, ജില്ലാ വൈസ് പ്രസിഡന്‍റുമാരായ എസ്. രാജേഷ്, ബിജി കെ. നായർ, എസ്. ജ്യോതിഷ്, ട്രഷറർ എസ്. ശൈലജ, ജോയിന്‍റ് സെക്രട്ടറിമാരായ ഗണേശ് റാം, എം. സാബിറാ ബീവി, എം. ദീപ്തി എന്നിവർ പ്രസംഗിച്ചു.