പത്തനംതിട്ട: അടൂർ ഈവി കലാമണ്ഡലം വിദ്യാരംഭ മഹോത്സവം അഞ്ചിനു നടക്കും. രാവിലെ ഏഴിന് പൂജയെടുപ്പും അക്ഷര പൂജയും. 10ന് നടക്കുന്ന നവരാത്രി ഉത്സവം സമാപന സമ്മേളനത്തിൽ ഡയറക്ടർ മാന്നാനം ബി. വാസുദേവൻ അധ്യക്ഷത വഹിക്കും. ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്യും.
ഡോ. എം.എസ്. സുനിൽ, യുവകവി സനിൽകുമാർ, ശാന്തമ്മ സി. നായർ എന്നിവരെ ചടങ്ങിൽ ആദരിക്കും. പ്രഫ. ടി.കെ.ജി. നായർ, മുനിസിപ്പൽ ചെയർമാൻ ഡി. സജി, കെ.പി. ഉദയഭാനു, എ.പി. ജയൻ, പഴകുളം ശിവദാസൻ, വി.എ. സൂരജ്, റോണി പാണംതുണ്ടിൽ, ജി. ഹരിദാസ്, ബിനു വാര്യത്ത്, കോടിയാട്ട് രാമചന്ദ്രൻ, പി. രവീന്ദ്രൻ തുട ങ്ങിയവർ പ്രസംഗിക്കും. ഡയറക്ടർ സൂര്യൻ, രാജി മനോജ്, അർച്ചന രമേശ്, ദേവി പ്രദീപ് എന്നിവർ പത്രസമ്മേളനത്തിൽ പങ്കെടുത്തു.
കെ.എം. റോയ് അനുസ്മരണം
പത്തനംതിട്ട∙ ഇരുൾ നിറഞ്ഞ സമൂഹത്തിലെ പ്രകാശധാരയായിരുന്നു അന്തരിച്ച മാധ്യമപ്രവർത്തകൻ കെ.എം.റോയ് എന്ന് ആന്‍റോ ആന്‍റണി എംപി. സീനിയർ ജേണലിസ്റ്റ് ഫോറത്തിന്‍റെ നേതൃത്വത്തിൽ നടത്തിയ കെ.എം. റോയ് അനുസ്മരണ സമ്മേളനം പ്രസ് ക്ലബ് ഹാളിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
റവ. ഡോ. മോത്തി വർക്കി അനുസ്മരണ പ്രഭാഷണം നടത്തി. സീനിയർ ജേണലിസ്റ്റ് ഫോറം ജില്ലാ പ്രസിഡന്‍റ് ക്രിസ് തോമസ് അധ്യക്ഷത വഹിച്ചു. പ്രസ്ക്ലബ് പ്രസിഡന്‍റ് സജിത് പരമേശ്വരൻ, ബോബി ഏബ്രഹാം എന്നിവർ പ്രസംഗിച്ചു.