പത്തനംതിട്ട: ജില്ലയിലെ ഗാന്ധിജയന്തി വാരാചരണത്തിന് ലളിതമായ ചടങ്ങുകളോടെ തുടക്കമായി. മഹാത്മാഗാന്ധിയുടെ സ്മരണ പുതുക്കി പ്രതിമകളിലും ചിത്രങ്ങളിലും പുഷ്പാര്ച്ചന, സമ്മേളനങ്ങള് എന്നിവ കൂടാതെ ശുചീകരണ പ്രവര്ത്തനങ്ങളും പലയിടങ്ങളിലായി നടന്നു. തദ്ദേശസ്ഥാപനങ്ങളുടെയും വിവിധ സംഘടനകളുടെയും ആഭിമുഖ്യത്തിലായിരുന്നു പരിപാടി.
പത്തനംതിട്ട സെന്ട്രല് ജംഗ്ഷനിലെ മഹാത്മാഗാന്ധിപ്രതിമയില് ഹാരാര്പ്പണവും പുഷ്പാര്ച്ചനയും നടത്തി. ജില്ലാ പഞ്ചായത്ത് പ്രസിഡന്റ് ഓമല്ലൂര് ശങ്കരന്, ജില്ലാ കളക്ടര് ഡോ. ദിവ്യ എസ്. അയ്യര്, പത്തനംതിട്ട നഗരസഭാ ചെയര്മാന് ടി. സക്കീര് ഹുസൈന്, ജില്ലാ പോലീസ് മേധാവി സ്വപ്നില് മധുകര് മഹാജന്, എഡിഎം ബി. രാധാകൃഷ്ണന്, ഡെപ്യൂട്ടി എക്സൈസ് കമ്മീഷണര് വി.എ. പ്രദീപ്, ജില്ലാ സ്പോര്ട്സ് കൗണ്സില് പ്രസിഡന്റ് കെ. അനില്കുമാര്, വിമുക്തി മിഷന് ജില്ലാ കോ-ഓര്ഡിനേറ്റര് ജോസ് കളീയ്ക്കല് തുടങ്ങിയവര് ഹാരാര്പ്പണവും പുഷ്പാര്ച്ചനയും നടത്തി.
ജില്ലാ ഭരണകേന്ദ്രം, തദ്ദേശസ്വയംഭരണം, ഇന്ഫര്മേഷന്- പബ്ലിക് റിലേഷന്സ്, എക്സൈസ്, പോലീസ്, പൊതുമരാമത്ത് വകുപ്പുകളുടെയും ജില്ലാ സ്പോര്ട്സ് കൗണ്സിലിന്റെയും നേതൃത്വത്തിലാണ് പരിപാടി സംഘടിപ്പിച്ചത്. പൊതുപരിപാടികള് റദ്ദാക്കിയതുമായി ബന്ധപ്പെട്ട് റാലിയും പൊതുസമ്മേളനവും ഒഴിവാക്കിയിരുന്നു. കായികതാരങ്ങള്, സര്വോദയ മണ്ഡലം പ്രസിഡന്റ് ഭേഷജം പ്രസന്നകുമാര്, ജില്ലാ ഇന്ഫര്മേഷന് ഓഫീസര് സി. മണിലാല്, ഹുസൂര് ശിരസ്തദാര് ബീന ഹനീഫ്, കളക്ടറേറ്റിലെ ജൂണിയര് സൂപ്രണ്ട് സുനിത സുരേന്ദ്രന്, ഉഷാകുമാരി മാടമണ് തുടങ്ങിയവര് പങ്കെടുത്തു.
പത്തനംതിട്ട ഡിസിസിയില്
പത്തനംതിട്ട: ജില്ലാ കോണ്ഗ്രസ് കമ്മിറ്റി സംഘടിപ്പിച്ച ഗാന്ധി സ്മൃതി സംഗമവും സെമിനാറും കെപിസിസി രാഷ്ട്രീയകാര്യസമിതിയംഗം പ്രഫ. പി.ജെ. കുര്യന് ഉദ്ഘാടനം ചെയ്തു.
ഡിസിസി പ്രസിഡന്റ് പ്രഫ. സതീഷ് കൊച്ചുപറമ്പില് അധ്യക്ഷത വഹിച്ചു. ആന്റോ ആന്റണി, മുന് ഡിസിസി പ്രസിസന്റ് ബാബു ജോര്ജ്, മുന് മന്ത്രി പന്തളം സുധാകരന്, യുഡിഎഫ് ജില്ലാ കണ്വീനര് എ. ഷംസുദ്ദീന് കെപിസിസി സെക്രട്ടറ റിങ്കു ചെറിയാന്, കെപിസിസി അംഗം രാഹുല് മാങ്കൂട്ടത്തില്, ഡിസിസി ഭാരവാഹികളായ കെ. ജയവര്മ, സാമുവേല് കിഴക്കുപുറം, വെട്ടൂര് ജ്യോതിപ്രസാദ്, അനില് തോമസ്, ചിറ്റൂര് ശങ്കര്, സുനില്കുമാര് പുല്ലാട്, റോജി പോള് ഡാനിയല്, സജി കൊട്ടക്കാട്, സുനില് എസ്. ലാല്, കെ. ജാസിം കുട്ടി, എലിസബേത്ത് അബു എന്നിവര് പ്രസംഗിച്ചു.
ഗാന്ധിയന് ദര്ശനത്തിന്റെ കാലിക പ്രസക്തി എന്ന വിഷയത്തില് നടത്തിയ സെമിനാറിന് വൈഎംസിഎ ദേശീയ വിദ്യാഭ്യാസ ബോര്ഡ് ചെയര്മാന് ഡോ. റോയ്സ് മല്ലശേരി നേതൃത്വം നല്കി.
മലയാലപ്പുഴയില്
മലയാലപ്പുഴ: ഗാന്ധി ജയന്തി ദിനാചരണ പരിപാടികളോടനുബന്ധിച്ച് മലയാലപ്പുഴ മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തില് ഗാന്ധിസ്മൃതി സംഗമം നടത്തി. ക്ഷേത്രം ജംഗ്ഷനില് പ്രവാസി കോണ്ഗ്രസ് സംസ്ഥാന ജനറല് സെക്രട്ടറി സാമുവേല് കിഴക്കുപുറം സ്മൃതി സംഗമം ഉദ്ഘാടനം ചെയ്തു.
മണ്ഡലം പ്രസിഡന്റ് ദിലീപ് കുമാര് പൊതീപപാട് അധ്യക്ഷത വഹിച്ചു. ഡിസിസി അംഗങ്ങളായ ജയിംസ് കീക്കരിക്കാട്ട്, ഇ.കെ. സത്യവ്രതന് ബ്ലോക്ക് ഭാരവാഹികളായ വി.സി. ഗോപിനാഥപിള്ള, പ്രമോദ് താന്നിമൂട്ടില്, സണ്ണി കണ്ണംമണ്ണില് തുടങ്ങിയവര് പ്രസംഗിച്ചു.
ഗാന്ധിജയന്തിയാചരണം
മല്ലപ്പള്ളി: കോണ്ഗ്രസ് ബ്ലോക്ക് കമ്മിറ്റിയുടെ നേതൃത്വത്തില് നടത്തിയ ഗാന്ധി ജയന്തി ദിനാചാരണവും ഗാന്ധിസ്മൃതി സമ്മേളനവും കെപിസിസി രാഷ്ട്രീയകാര്യ സമിതിയംഗം പ്രഫ. പി.ജെ. കുര്യന് ഉദ്ഘാടനം ചെയ്തു. കോണ്ഗ്രസ് ബ്ലോക്ക് പ്രസിഡന്റ് എബി മേക്കരിങ്ങാട്ട് അധ്യക്ഷത വഹിച്ചു. റെജി തോമസ്, കോശി പി. സക്കറിയ, ലാലു തോമസ്, പി.റ്റി. ഏബ്രഹാം, എം.കെ. സുബാഷ് കുമാര്, വിനീത്കുമാര്, ചെറിയാന് വര്ഗീസ്, കീഴ്വായ്പൂര് ശിവരാജന്, റ്റി.ജി. രഘുനാഥപ്പിള്ള, റ്റി.പി. ഗിരീഷ് കുമാര്, മാന്ദാനം ലാലന്, ചെറിയാന് മണ്ണഞ്ചേരി, ലിന്സണ് പാറോലിക്കല്, ബിജു റ്റി. ജോര്ജ്, പി.എം. റെജിമോന്, സൂസന് തോംസണ്, ലിന്സിമോള് തോമസ്, ജ്ഞാനമണി മോഹനന് തുടങ്ങിയവര് പ്രസംഗിച്ചു.
കോന്നി: കോന്നി സീനിയര് ചേംബര് ലീജിയന്റെ നേതൃത്വത്തില് ഗാന്ധിപ്രതിമയില് പുഷ്പാര്ച്ചനയും അങ്കണവാടിയില് പൂന്തോട്ടം ഒരുക്കലും നടത്തി. പ്രസിഡന്റ് രാജീസ് കൊട്ടാരം, വി.ബി. ശ്രീനിവാസന്, ഏബ്രഹാം സാമുവല്, മാത്യു കെ. ചെറിയാന്, പ്രദീപ് പി. നായര് തുടങ്ങിയവര് നേതൃത്വം നല്കി.
കോന്നി: നവജീവന് സോഷ്യല് വെല്ഫെയര് സൊസൈറ്റിയുടെ ആഭിമുഖ്യത്തില് കോന്നിയില് ഗാന്ധിജയന്തി ദിനാചരണവും സേവന വാരാചരണവും സംഘടിപ്പിച്ചു. കോന്നി കെഎസ്ആര്ടിസി ബസ് സ്റ്റേഷനും പരിസരവും ശുചീകരിച്ചുകൊണ്ട് സേവന വാരാചരണ പ്രവര്ത്തനങ്ങള്ക്ക് തുടക്കം കുറിച്ചു.
നവജീവന് സോഷ്യല് വെല്ഫെയര് സൊസൈറ്റി പ്രസിഡന്റ് നവീന് വി. കോശിയുടെ അധ്യക്ഷതയില് കോന്നി ഗ്രാമപഞ്ചായത്ത് പ്രസിഡന്റ് സുലേഖ വി. നായര് ഗാന്ധിജയന്തി ദിനാചരണ പരിപാടികള് ഉദ്ഘാടനം ചെയ്തു.
ഗ്രാമപഞ്ചായത്തംഗം സിന്ധു സന്തോഷ്, രാജീവ് മള്ളൂര്, അരുണ്കുമാര്, ടജഗന് ആര്. നായര്, മെല്വിന് തോമസ് മാത്യു, പി.വൈ. അനൂപ്, പ്രവീണ് കുളനടക്കുഴി, അതുല് സുധാകര്, അഭിന് എം. നായര് തുടങ്ങിയവര് പ്രസംഗിച്ചു. പരിപാടികളോടനുബന്ധിച്ച് പുഷ്പാര്ച്ചനയും സംഘടിപ്പിച്ചിരുന്നു.
തിരുവല്ല: മാര്ത്തോമ്മ കോളജ് എന്സിസി യൂണിറ്റ് ശുചീകരണയജ്ഞത്തോടെ ഗാന്ധിജയന്തിയുടെ 151-ാം വാര്ഷികം സമുചിതമായി ആഘോഷിച്ചു. കോളജിലെ എന്സിസിയുടെ നേതൃത്വത്തില് കാവുംഭാഗത്തെ കുട്ടികളുടെ പാര്ക്ക് ശുചീകരിച്ചു. നഗരസഭ ചെയര്മാന് ആര്. ജയകുമാര് ഉദ്ഘാടനം നിര്വഹിച്ചു. എന്സിസി ഓഫീസര് ലഫ്റ്റനന്റ് റെയ്സണ് സാം രാജു അധ്യക്ഷത വഹിച്ചു. അണ്ടര് ഓഫീസര് ജ്യോതിലക്ഷ്മി, സി.എ. ട്രീസ, എസ്. ഋഷി ഗോവിന്ദ്, വെസ്ലി വര്ഗീസ്, കെ.എ. അശ്വിന് എന്നിവര് പ്രസംഗിച്ചു.
തിരുവല്ല: രാഷ്ട്രപിതാവ് മഹാത്മഗാന്ധിയുടെ 153-ാം ജന്മവാര്ഷിക ദിനാചരണം ഇരവിപേരൂര് മണ്ഡലം കോണ്ഗ്രസ് കമ്മിറ്റിയുടെ ആഭിമുഖ്യത്തില് നടത്തി. പുഷ്പാര്ച്ചനയ്ക്കുശേഷം മണ്ഡലം പ്രസിഡന്റ് സുനില് മറ്റത്തിലിന്റെ അധ്യക്ഷതയില് കൂടിയ യോഗം ഡിസിസി അംഗം എം.പി. ഗോപിമോഹനന് നായര് ഉദ്ഘാടനം ചെയ്തു. കെ.ആര്. പ്രസാദ്, മാത്യു ഏബ്രഹാം, വര്ക്കി ഉമ്മന്, കെ.എന്. രവീന്ദ്രന്, അജിത് കുമാര്, കോശി മാമ്മന്, ബിജു തെക്കാനശേരില് തുടങ്ങിയവര് പ്രസംഗിച്ചു.
കുന്നന്താനം: കേരള കോണ്ഗ്രസ്- എം കുന്നന്താനം മണ്ഡലം കമ്മിറ്റിയുടെ ആഭിമുഖ്യത്തില് മുക്കൂര് പുന്നമണ്ണില് ഗാന്ധിജയന്തി ദിനാചാരണം നടന്നു.
മണ്ഡലം പ്രസിഡന്റ് സന്തോഷ് തോമസ് ഉദ്ഘാടനം ചെയ്തു. തിരുവല്ല നിയോജകമണ്ഡലം സ്റ്റിയറിംഗ് കമ്മിറ്റി അംഗം പി.ആര്. ചന്ദ്രബാബു അധ്യക്ഷത വഹിച്ചു. മറിയാമ്മ തോമസ്, സി. സുകുമാരന്, സജി മേപ്രത്ത്, കെ.ബി. തങ്കച്ചന്, രജനി ചന്ദ്രബാബു, അനിലി വര്ഗീസ്, അച്ചന്കുഞ്ഞ് തറയില്, ബാബു കുര്യന് തുടങ്ങിയവര് പ്രസംഗിച്ചു.
പത്തനംതിട്ട: കോണ്ഗ്രസ് ടൗണ് മണ്ഡലം കമ്മിറ്റിയുടെ നേതൃത്വത്തില് പത്തനംതിട്ട ഗാന്ധി സ്ക്വയറില് നടന്ന ഗാന്ധിജയന്തി ആഘോഷം കെപിസിസി മെംബർ പി. മോഹൻരാജ് ഉദ്ഘാടനം ചെയ്തു.
മണ്ഡലം പ്രസിഡന്റ് റെനീസ് മുഹമ്മദ് അധ്യക്ഷത വഹിച്ചു. യുഡിഎഫ് കണ്വീനര് എ. ഷംസുദീന്, കെപിസിസി മെംബര് മാത്യു കുളത്തിങ്കൽ, ഡിസിസി ഭാരവാഹികളായ അനില് തോമസ്. റോഷന് നായര്, അബ്ദുല് കലാം ആസാദ, സജി കെ. സൈമണ്, പി.കെ. ഇക്ബാല്, എ. അഷ്റഫ്, റെജി പാറപ്പാട്, ജോസ് കൊടുന്തറ, അഫ്സല് വി. ഷേയ്ക്ക്, അനില് ആജ, ഷാജി മോന്, ബിബിന് ബേബി എന്നിവര് പ്രസംഗിച്ചു.
വടശേരിക്കര: മണ്ഡലം കോണ്ഗ്രസ് കമ്മിറ്റിയുടെ ആഭിമുഖ്യത്തില് നടന്ന ഗാന്ധിജയന്തി ആഘോഷ ഡിസിസി ജനറല് സെക്രട്ടറി ലിജു ജോര്ജ് ഉദ്ഘാടനം ചെയ്തു.
ബി. സജികുമാര് അധ്യക്ഷത വഹിച്ചു. മണ്ഡലം സെക്രട്ടറി കൊച്ചുമോന് മുള്ളന്പാറ, വാര്ഡ് മെംബര് ഷീലു മാനാപ്പള്ളില് എന്നിവര് പ്രസംഗിച്ചു.