പത്തനംതിട്ട: അടൂർ ആനന്ദപ്പള്ളിയിൽ ഉണ്ടായ അപകടത്തെത്തുടർന്ന് അന്തരിച്ച ഡിസിസി ജനറൽ സെക്രട്ടറി ആനന്ദപ്പള്ളി സുരേന്ദ്രന് പാർട്ടിയുടെ ജില്ലാ ആസ്ഥാനത്ത് അന്ത്യോപചാരം അർപ്പിച്ചു. ഇന്നലെ രാവിലെ ആനന്ദപ്പള്ളി ജംഗ്ഷനു സമീപം കെഎസ്ആർടിസി ഫാസ്റ്റ് പാസഞ്ചർ ബസിടിച്ചാണ് സുരേന്ദ്രൻ മരിച്ചത്.
ആനന്ദപ്പള്ളി സുരേന്ദ്രന്‍റെ ഭൗതിക ശരീരത്തിൽ ആന്‍റോ ആന്‍റണി എംപി, ഡിസിസി പ്രസിഡന്‍റ് പ്രഫ. സതീഷ് കൊച്ചുപറമ്പിൽ, മറ്റ് നേതാക്കൾ എന്നിവർ ചേർന്ന് കോൺഗ്രസ് പതാക പുതപ്പിച്ച് ആദരാഞ്ജലി അർപ്പിച്ചു. ഡിസിസി മുൻ പ്രസിഡന്‍റുമാരായ കെ. ശിവദാസൻ നായർ, പി. മോഹൻരാജ്, ബാബു ജോർജ്, നേതാക്കളായ മാലേത്ത് സരളാദേവി, എ. ഷംസുദീൻ, റിങ്കു ചെറിയാൻ, അനീഷ് വരിക്കണ്ണാമല, സാമുവൽ കിഴക്കുപുറം, വെട്ടൂർ ജ്യോതി പ്രസാദ്, റോബിൻ പീറ്റർ, എം.ജി. കണ്ണൻ, തോപ്പിൽ ഗോപകുമാർ, മാത്യു കുളത്തുങ്കൽ, കെ. ജാസിംകുട്ടി, സജി കൊട്ടക്കാട്, ജി. രഘുനാഥ്, കാട്ടൂർ അബ്ദുൾസലാം, അബ്ദുൾകലാം ആസാദ്, റോഷൻ നായർ, സുനിൽ എസ്. ലാൽ, എലിസബേത്ത് അബു, എബ്രഹാം മാത്യു പനച്ചിമൂട്ടിൽ, സിന്ധു അനിൽ, എസ്.വി. പ്രസന്നകുമാർ, ലിജു ജോർജ് തുടങ്ങിയവർ അന്തിമോപചാരം അർപ്പിച്ചു.