പ​രാ​തി ചോ​ർ​ത്തി ക്വാറി ഉ​ട​മ​യ്ക്കു ന​ൽ​കി​യ എ​സ്ഐ അ​ട​ക്കം മൂ​ന്നു പോ​ലീ​സു​കാ​ർ​ക്കു സ​സ്പെ​ൻ​ഷ​ൻ ‌
Thursday, September 16, 2021 11:17 PM IST
പ​ത്ത​നം​തി​ട്ട: അ​ന​ധി​കൃ​ത പാ​റ​ഖ​ന​നം സം​ബ​ന്ധി​ച്ച് പ​രി​സ്ഥി​തി പ്ര​വ​ർ​ത്ത​ക​ൻ തി​രു​വ​ന​ന്ത​പു​രം പോ​ലീ​സ് ക​ണ്‍​ട്രോ​ൾ റൂ​മി​ൽ വി​ളി​ച്ചു പ​റ​ഞ്ഞ പ​രാ​തി​യു​ടെ വി​ശ​ദാം​ശ​ങ്ങ​ൾ പാ​റ​മ​ട ഉ​ട​മ​യ്ക്ക് ചോ​ർ​ത്തി ന​ൽ​കി​യെ​ന്ന പ​രാ​തി​യി​ൽ ചി​റ്റാ​ർ പോ​ലീ​സ് സ്റ്റേ​ഷ​നി​ലെ എ​സ്ഐ അ​ട​ക്കം മൂ​ന്നു പോ​ലീ​സു​കാ​ർ​ക്ക് സ​സ്പെ​ൻ​ഷ​ൻ.
എ​സ്ഐ സാ​ജു പി. ​ജോ​ർ​ജ്, സി​പി​ഓ​മാ​രാ​യ സ​ച്ചി​ൻ, ര​തീ​ഷ്(​മ​ത്താ​യി) എ​ന്നി​വ​രെ​യാ​ണ് സ​സ്പെ​ൻ​ഡ് ചെ​യ്ത​ത്. ന​ട​പ​ടി ഉ​ണ്ടാ​കു​മെ​ന്നു മ​ന​സി​ലാ​ക്കി സ്ഥ​ലം​മാ​റ്റ​ത്തി​നു ശ്ര​മി​ക്കു​ന്ന​തി​നി​ടെ​യാ​ണ് എ​സ്ഐ​ക്ക് സ​സ്പെ​ൻ​ഷ​ൻ ഉ​ത്ത​ര​വ് ല​ഭി​ച്ച​ത്. പ​രി​സ്ഥി​തി പ്ര​വ​ർ​ത്ത​ക​നും പ​ശ്ചി​മ​ഘ​ട്ട സം​ര​ക്ഷ​ണ സ​മി​തി ജി​ല്ലാ ക​മ്മി​റ്റി അം​ഗ​വു​മാ​യ ബി​ജു മോ​ടി​യി​ലി​ന് വധഭീഷണിയും നേരിടേണ്ടിവന്നു. ‌
ചി​റ്റാ​ർ മീ​ൻ​കു​ഴി ത​ട​ത്തി​ൽ കു​ടി​വെ​ള്ള പ​ദ്ധ​തി​യു​ടെ ജ​ല​സം​ഭ​ര​ണി​ക്ക് സ​മീ​പ​മാ​ണ് അ​ച്ചാ​യ​ൻ എ​ന്ന വി​ളി​പ്പേ​രി​ൽ അ​റി​യു​ന്ന ക്വാ​റി ഉ​ട​മ പാ​റ പൊ​ട്ടി​ച്ച​ത്. മൈ​നിം​ഗ് ആ​ൻ​ഡ് ജി​യോ​ള​ജി​യു​ടെ​യും മ​റ്റ് വ​കു​പ്പു​ക​ളു​ടെ​യും അ​നു​മ​തി​യി​ല്ലാ​തെ ഉ​ന്ന​ത ഉ​ദ്യോ​ഗ​സ്ഥ​രു​ടെ ഒ​ത്താ​ശ​യി​ൽ മാ​സ​ങ്ങ​ളാ​യി തു​ട​രു​ന്ന ഖ​ന​ന​ത്തി​നെ​തി​രേ ജി​ല്ലാ ക​ല​ക്ട​ർ ഉ​ൾ​പ്പെ​ടെ​യു​ള്ള​വ​ർ​ക്ക് ബി​ജു പ​രാ​തി ന​ൽ​കി​യി​രു​ന്നു. എന്നിട്ടും നടപടി ഉണ്ടാകാതിരുന്നതോടെ യാണ് 112 എ​ന്ന ഹെ​ൽ​പ്‌ലൈൻ ന​ന്പ​രി​ൽ തി​രു​വ​ന​ന്ത​പു​രം പോ​ലീ​സ് ക​ണ്‍​ട്രോ​ൾ റൂ​മി​ൽ വി​വ​രം അ​റി​യി​ച്ച​ത്.
ക​ണ്‍​ട്രോ​ൾ റൂ​മി​ൽ നി​ന്ന് വി​വ​രം കി​ട്ടി​യ​ത് അ​നു​സ​രി​ച്ച് ചി​റ്റാ​ർ പോ​ലീ​സ് ഖ​ന​നം ന​ട​ന്നി​ട്ടി​ല്ലെ​ന്ന റി​പ്പോ​ർ​ട്ടാ​ണ് ന​ൽ​കി​യ​ത്. ഇ​തി​നു പി​ന്നാ​ലെ​യാ​ണ് പ​രാ​തി​ക്കാ​ര​നാ​യ ബി​ജു​വി​നു നേ​രേ ക്വാ​റി ഉ​ട​മ​യു​ടെ ഭീ​ഷ​ണി ഉ​ണ്ടാ​യ​ത്. ആ​ദ്യം കെ​പി​എം​എ​സ് സം​സ്ഥാ​ന നേ​താ​വ് എ​ന്ന് പ​രി​ച​യ​പ്പെ​ടു​ത്തി​യ ആ​ൾ വി​ളി​ച്ച് ഒ​രു വി​ഷ​യം സം​സാ​രി​ച്ച് തീ​ർ​ക്ക​ണം എ​ന്നാ​വ​ശ്യ​പ്പെ​ട്ടു. പി​ന്നാ​ലെ ക്വാ​റി മാ​ഫി​യാ സം​ഘ​ങ്ങ​ൾ ഫോ​ണി​ൽ വി​ളി​ച്ച് അ​സ​ഭ്യം പ​റ​യു​ക​യും വെ​ട്ടി​ക്കൊ​ല്ലു​മെ​ന്ന് ഭീ​ഷി​ണി മു​ഴ​ക്കു​ക​യും ചെ​യ്തു. ‌
ചി​റ്റാ​ർ പോ​ലീ​സി​ൽ നി​ന്നും പാ​റ, മ​ണ്ണ് മാ​ഫി​യ​ക​ൾ​ക്ക് വി​വ​ര​ങ്ങ​ൾ ചോ​ർ​ത്തി ന​ൽ​കു​ന്ന ഉ​ദ്യോ​ഗ​സ്ഥ​രു​ടെ ഫോ​ണ്‍ രേ​ഖ​ക​ൾ പ​രി​ശോ​ധി​ച്ച് ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് പ​രി​സ്ഥി​തി, മ​നു​ഷ്യാ​വ​കാ​ശ പ്ര​വ​ർ​ത്ത​ക​ർ സം​സ്ഥാ​ന പോ​ലീ​സ് മേ​ധാ​വി​ക്ക് പ​രാ​തി ന​ൽ​കി​യി​രു​ന്നു.
ഇ​തേത്തുട​ർ​ന്ന് ദ​ക്ഷി​ണ മേ​ഖ​ലാ ഐ​ജി​യു​ടെ നി​ർ​ദേ​ശ പ്ര​കാ​രം ന​ട​ന്ന അ​ന്വേ​ഷ​ണ​ത്തി​ലാ​ണ് സ​സ്പെ​ൻ​ഷ​ൻ. ‌