കാ​ലി​ക​ള്‍​ക്ക് ബ്രൂ​സ​ല്ലോ​സി​സ് രോ​ഗം: പ്ര​തി​രോ​ധ കു​ത്തി​വ​യ്പ് തു​ട​ങ്ങി
Thursday, September 26, 2024 6:00 AM IST
കൊ​ല്ലം: മൃ​ഗ​ങ്ങ​ളി​ല്‍ നി​ന്ന് മ​നു​ഷ്യ​രി​ലേ​ക്ക് പ​ക​രു​ന്ന ബ്രൂ​സ​ല്ലോ​സി​സ് രോ​ഗ​പ്ര​തി​രോ​ധ​ത്തി​നാ​യി ജി​ല്ല​യി​ല്‍ ക​ന്നു​കാ​ലി​ക​ള്‍​ക്കു​ള്ള കു​ത്തി​വ​യ്പ് ക്യാ​മ്പു​ക​ള്‍ ആ​രം​ഭി​ച്ചു. അ​ഞ്ചു​ദി​വ​സം നീ​ളു​ന്ന കു​ത്തി​വ​യ്പി​ലൂ​ടെ പൂ​ര്‍​ണ രോ​ഗ​നി​യ​ന്ത്ര​ണ​മാ​ണ് ല​ക്ഷ്യ​മാ​ക്കു​ന്ന​തെ​ന്ന് മൃ​ഗ​സം​ര​ക്ഷ​ണ വ​കു​പ്പ് അ​ധി​കൃ​ത​ര്‍ പ​റ​ഞ്ഞു.

നാ​ലു മു​ത​ല്‍ എ​ട്ടു മാ​സം വ​രെ പ്രാ​യ​മു​ള്ള പ​ശു, എ​രു​മ​ക്കി​ടാ​ങ്ങ​ള്‍​ക്കാ​ണ് പ്ര​തി​രോ​ധ മ​രു​ന്ന് ന​ല്‍​കു​ക. ഒ​രി​ക്ക​ല്‍ കു​ത്തി​വ​യ്പി​നു വി​ധേ​യ​മാ​യാ​ല്‍ ജീ​വി​ത​കാ​ലം മു​ഴു​വ​ന്‍ ബ്രൂ​സ​ല്ല രോ​ഗ​ത്തി​ല്‍ നി​ന്ന് പ​രി​ര​ക്ഷ കി​ട്ടും. ദേ​ശീ​യ ജ​ന്തു​രോ​ഗ നി​യ​ന്ത്ര​ണ പ​ദ്ധ​തി​യു​ടെ ഭാ​ഗ​മാ​യി ന​ട​പ്പി​ലാ​ക്കു​ന്ന ബ്രൂ​സ​ല്ല രോ​ഗ​നി​യ​ന്ത്ര​ണ പ​ദ്ധ​തി​യു​ടെ മൂ​ന്നാം ഘ​ട്ട​ത്തി​നാ​ണ് ഇ​തോ​ടെ തു​ട​ക്ക​മാ​യ​ത്.

ജി​ല്ല​യി​ലെ മൃ​ഗ​സം​ര​ക്ഷ​ണ ഉ​ദ്യോ​ഗ​സ്ഥ​രു​ടെ 165 സ്‌​ക്വാ​ഡു​ക​ള്‍ കു​ത്തി​വ​യ്പ് ക്യാ​ന്പി​നാ​യി രൂ​പീ​ക​രി​ച്ചി​ട്ടു​ണ്ട്. പി​പി​ഇ കി​റ്റു​ക​ള്‍ ധ​രി​ച്ചാ​ണ് സ്‌​ക്വാ​ഡു​ക​ള്‍ കു​ത്തി​വ​യ്പി​നാ​യി ഇ​റ​ങ്ങു​ക. ക്ഷീ​ര സം​ഘ​ങ്ങ​ള്‍, സ​ന്ന​ദ്ധ സം​ഘ​ട​ന​ക​ളു​ടെ ഓ​ഫീ​സു​ക​ള്‍ , ക​ര്‍​ഷ​ക സം​ഘ​ട​ന ഓ​ഫീ​സു​ക​ള്‍ എ​ന്നി​വ കേ​ന്ദ്രീ​ക​രി​ച്ചാ​ണ് കു​ത്തി​വ​യ്പ് ക്യാ​മ്പു​ക​ള്‍ സ​ജ്ജീ​ക​രി​ക്കു​ന്ന​ത്.


കൊ​ട്ടി​യം മൃ​ഗ​സം​ര​ക്ഷ​ണ പ​രി​ശീ​ല​ന കേ​ന്ദ്ര​ത്തി​ല്‍ ന​ട​ന്ന ച​ട​ങ്ങി​ല്‍ വാ​ക്‌​സി​ന്‍ ബോ​ക്‌​സു​ക​ള്‍ കൈ​മാ​റി ജി​ല്ലാ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ശ്രീ​ജ ഹ​രീ​ഷ് ഉ​ദ്ഘാ​ട​നം ചെ​യ്തു. മൃ​ഗ​സം​ര​ക്ഷ​ണ വ​കു​പ്പ് ഡെ​പ്യൂ​ട്ടി ഡ​യ​റ​ക്ട​ര്‍ ഡോ. ​എ. എ​ല്‍. അ​ജി​ത് അ​ധ്യ​ക്ഷ​നാ​യി. ജി​ല്ലാ മൃ​ഗ​സം​ര​ക്ഷ​ണ ഓ​ഫീ​സ​ര്‍ ഡോ. ​ഡി. ഷൈ​ന്‍ കു​മാ​ര്‍, വ​കു​പ്പി​ലെ അ​സി. പ്രോ​ജ​ക്ട് ഓ​ഫീ​സ​ര്‍​മാ​ര്‍ തു​ട​ങ്ങി​യ​വ​ര്‍ സം​ബ​ന്ധി​ച്ചു.