ശ്രീനാരായണഗുരു വേൾഡ് കോൺഫെഡറേഷൻ സമ്മേളനം ഇന്ന്
1430968
Sunday, June 23, 2024 5:18 AM IST
കൊല്ലം: ശ്രീനാരായണഗുരു വേൾഡ് കോൺഫെഡറേഷൻ സൗത്ത് സോൺ വാർഷിക പൊതുസമ്മേളനം കൊല്ലം കടപ്പാക്കട ഹോട്ടൽസീപേൾ ഓഡിറ്റോറിയത്തിൽ ഇന്ന് രാവിലെ പത്തിന് എം.മുകേഷ് എംഎൽഎ ഉദ്ഘാടനം ചെയ്യും.
കർണാടക, തമിഴ്നാട്, കേരളം എന്നീ മൂന്ന് സംസ്ഥാനങ്ങളടങ്ങുന്ന സൗത്ത് സോണിന്റെ സമ്മേളനത്തിൽ സോണൽ പ്രസിഡന്റ് കോയമ്പത്തൂർ മണികണ്ഠൻ അധ്യക്ഷത വഹിക്കും. കേന്ദ്ര സമിതി പ്രസിഡന്റ് കെ.കെ.ശശിധരൻ ഭോപ്പാൽ മുഖ്യപ്രഭാഷണം നടത്തും.
കോഴിക്കോട് സർവകലാശാല മുൻ വൈസ് ചാൻസലർ പ്രഫ. ഡോ.ജി.കെ. ശശിധരൻ “ ശ്രീനാരായണ ദർശനം സയൻസിലൂടെ" എന്ന വിഷയത്തിൽ പ്രഭാഷണം നടത്തും.
കൊല്ലം എസ്എൻഡിപി യൂണിയൻ സെക്രട്ടറി എൻ.രാജേന്ദ്രൻ വിജ്ഞപ്തി പ്രസംഗം നടത്തും. കേന്ദ്ര സമിതി ജനറൽ സെക്രട്ടറി റ്റി.എസ് ഹരീഷ് കുമാർ കോയമ്പത്തൂർ, ട്രഷറർ കെ.പി.കമലാകരൻ ഡൽഹി, കേന്ദ്ര വൈസ് പ്രസിഡന്റുമാരായ എസ്.സുവർണകുമാർ, ചാലക്കുടി കെ.എൻ .ബാബു,ശശികുമാർ, പി.എൻ .മുരളിധരൻ, പി.ജി മോഹൻകുമാർ, നരോദ സുരേഷ്, ഡെപ്യൂട്ടി ജനറൽ സെക്രട്ടറി സുദർശനൻ,ഡെപ്യൂട്ടി ട്രഷറർ എസ്.സതീശൻ എന്നിവർ പ്രസംഗിക്കും.