ചവറ : കായലിൽ മത്സ്യബന്ധനം നടത്തുന്നതിനിടെ വെള്ളത്തിൽ വീണ മത്സ്യത്തൊഴിലാളി മുങ്ങി മരിച്ചു. ചവറ പുതുക്കാട് തേക്കുംമൂട്ടിൽ ഇറക്കത്ത് വീട്ടിൽ ഗിൽബർട്ട് (67)ആണ് മരിച്ചത്.
ഇന്നലെ പുലർച്ചെ രണ്ടോടെ വീട്ടിൽ നിന്നും ചവറ തലമുകിൽ ചാരുംമൂട് കടവിൽ സ്ഥാപിച്ചിട്ടുള്ള ചീനവലയിൽ മത്സ്യം കയറിയോ എന്ന് നോക്കുവാൻ വേണ്ടി പോയതായിരുന്നു ഗിൽബർട്ട്.
രാവിലെ ആറരയോട് കൂടിയാണ് മൃതദേഹം കണ്ടെത്തിയത്. ഭാര്യ: റോസിലി. മക്കൾ: സിസിലി, റൂബി, ഐവി. മരുമക്കൾ : ഭാരതരാജ്, പ്രിൻസ്.